៧. បញ្ហាវារោ

បច្ចយចតុក្កំ

៥៣. ឧបាទិន្នុបាទានិយោ ហេតុ ធម្មោ ឧបាទិន្នុបាទានិយស្ស ហេតុស្ស ធម្មស្ស ហេតុបច្ចយេន បច្ចយោ. (១)

អនុបាទិន្នុបាទានិយោ ហេតុ ធម្មោ អនុបាទិន្នុបាទានិយស្ស ហេតុស្ស ធម្មស្ស ហេតុបច្ចយេន បច្ចយោ. (១)

អនុបាទិន្នអនុបាទានិយោ ហេតុ ធម្មោ អនុបាទិន្នអនុបាទានិយស្ស ហេតុស្ស ធម្មស្ស ហេតុបច្ចយេន បច្ចយោ. (១)

៥៤. ឧបាទិន្នុបាទានិយោ ហេតុ ធម្មោ ឧបាទិន្នុបាទានិយស្ស ហេតុស្ស ធម្មស្ស អារម្មណបច្ចយេន បច្ចយោ. ឧបាទិន្នុបាទានិយោ ហេតុ ធម្មោ អនុបាទិន្នុបាទានិយស្ស ហេតុស្ស ធម្មស្ស អារម្មណបច្ចយេន បច្ចយោ. (២)

អនុបាទិន្នុបាទានិយោ ហេតុ ធម្មោ អនុបាទិន្នុបាទានិយស្ស ហេតុស្ស ធម្មស្ស អារម្មណបច្ចយេន បច្ចយោ. អនុបាទិន្នុបាទានិយោ ហេតុ ធម្មោ ឧបាទិន្នុបាទានិយស្ស ហេតុស្ស ធម្មស្ស អារម្មណបច្ចយេន បច្ចយោ. (២)

អនុបាទិន្នអនុបាទានិយោ ហេតុ ធម្មោ អនុបាទិន្នុបាទានិយស្ស ហេតុស្ស ធម្មស្ស អារម្មណបច្ចយេន បច្ចយោ. (១)

៥៥. ឧបាទិន្នុបាទានិយោ ហេតុ ធម្មោ អនុបាទិន្នុបាទានិយស្ស ហេតុស្ស ធម្មស្ស អធិបតិបច្ចយេន បច្ចយោ. (១)

អនុបាទិន្នុបាទានិយោ ហេតុ ធម្មោ អនុបាទិន្នុបាទានិយស្ស ហេតុស្ស ធម្មស្ស អធិបតិបច្ចយេន បច្ចយោ. (១)

អនុបាទិន្នអនុបាទានិយោ ហេតុ ធម្មោ អនុបាទិន្នអនុបាទានិយស្ស ហេតុស្ស ធម្មស្ស អធិបតិបច្ចយេន បច្ចយោ. អនុបាទិន្នអនុបាទានិយោ ហេតុ ធម្មោ អនុបាទិន្នុបាទានិយស្ស ហេតុស្ស ធម្មស្ស អធិបតិបច្ចយេន បច្ចយោ. (១)

អនន្តរ-ឧបនិស្សយបច្ចយា

៥៦. ឧបាទិន្នុបាទានិយោ ហេតុ ធម្មោ ឧបាទិន្នុបាទានិយស្ស ហេតុស្ស ធម្មស្ស អនន្តរបច្ចយេន បច្ចយោ. (១)

អនុបាទិន្នុបាទានិយោ ហេតុ ធម្មោ អនុបាទិន្នុបាទានិយស្ស ហេតុស្ស ធម្មស្ស អនន្តរបច្ចយេន បច្ចយោ… តីណិ.

អនុបាទិន្នអនុបាទានិយោ ហេតុ ធម្មោ អនុបាទិន្នអនុបាទានិយស្ស ហេតុស្ស ធម្មស្ស អនន្តរបច្ចយេន បច្ចយោ. អនុបាទិន្នអនុបាទានិយោ ហេតុ ធម្មោ ឧបាទិន្នុបាទានិយស្ស ហេតុស្ស ធម្មស្ស អនន្តរបច្ចយេន បច្ចយោ…បេ…. (២)

៥៧. ឧបាទិន្នុបាទានិយោ ហេតុ ធម្មោ ឧបាទិន្នុបាទានិយស្ស ហេតុស្ស ធម្មស្ស ឧបនិស្សយបច្ចយេន បច្ចយោ. ឧបាទិន្នុបាទានិយោ ហេតុ ធម្មោ អនុបាទិន្នុបាទានិយស្ស ហេតុស្ស ធម្មស្ស ឧបនិស្សយបច្ចយេន បច្ចយោ. ឧបាទិន្នុបាទានិយោ ហេតុ ធម្មោ អនុបាទិន្នអនុបាទានិយស្ស ហេតុស្ស ធម្មស្ស ឧបនិស្សយបច្ចយេន បច្ចយោ. (៣)

អនុបាទិន្នុបាទានិយោ ហេតុ ធម្មោ អនុបាទិន្នុបាទានិយស្ស ហេតុស្ស ធម្មស្ស ឧបនិស្សយបច្ចយេន បច្ចយោ… តីណិ.

អនុបាទិន្នអនុបាទានិយោ ហេតុ ធម្មោ អនុបាទិន្នអនុបាទានិយស្ស ហេតុស្ស ធម្មស្ស ឧបនិស្សយបច្ចយេន បច្ចយោ… តីណិ (សំខិត្តំ).

៥៨. ហេតុយា តីណិ, អារម្មណេ បញ្ច, អធិបតិយា ចត្តារិ, អនន្តរេ ឆ, សមនន្តរេ ឆ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ នវ, អាសេវនេ ទ្វេ, វិបាកេ ទ្វេ…បេ… អវិគតេ តីណិ (សំខិត្តំ).

នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ បញ្ច (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

នហេតុបទបច្ចយចតុក្កំ

៥៩. ឧបាទិន្នុបាទានិយំ នហេតុំ ធម្មំ បដិច្ច ឧបាទិន្នុបាទានិយោ នហេតុ ធម្មោ ឧប្បជ្ជតិ ហេតុបច្ចយា. ឧបាទិន្នុបាទានិយំ នហេតុំ ធម្មំ បដិច្ច អនុបាទិន្នុបាទានិយោ នហេតុ ធម្មោ ឧប្បជ្ជតិ ហេតុបច្ចយា. ឧបាទិន្នុបាទានិយំ នហេតុំ ធម្មំ បដិច្ច ឧបាទិន្នុបាទានិយោ នហេតុ ច អនុបាទិន្នុបាទានិយោ នហេតុ ច ធម្មា ឧប្បជ្ជន្តិ ហេតុបច្ចយា. (៣)

អនុបាទិន្នុបាទានិយំ នហេតុំ ធម្មំ បដិច្ច អនុបាទិន្នុបាទានិយោ នហេតុ ធម្មោ ឧប្បជ្ជតិ ហេតុបច្ចយា. (១)

អនុបាទិន្នអនុបាទានិយំ នហេតុំ ធម្មំ បដិច្ច អនុបាទិន្នអនុបាទានិយោ នហេតុ ធម្មោ ឧប្បជ្ជតិ ហេតុបច្ចយា. អនុបាទិន្នអនុបាទានិយំ នហេតុំ ធម្មំ បដិច្ច អនុបាទិន្នុបាទានិយោ នហេតុ ធម្មោ ឧប្បជ្ជតិ ហេតុបច្ចយា. អនុបាទិន្នអនុបាទានិយំ នហេតុំ ធម្មំ បដិច្ច អនុបាទិន្នុបាទានិយោ នហេតុ ច អនុបាទិន្នអនុបាទានិយោ នហេតុ ច ធម្មា ឧប្បជ្ជន្តិ ហេតុបច្ចយា. (៣)

ឧបាទិន្នុបាទានិយំ នហេតុញ្ច អនុបាទិន្នុបាទានិយំ នហេតុញ្ច ធម្មំ បដិច្ច អនុបាទិន្នុបាទានិយោ នហេតុ ធម្មោ ឧប្បជ្ជតិ ហេតុបច្ចយា. (១)

អនុបាទិន្នុបាទានិយំ នហេតុញ្ច អនុបាទិន្នអនុបាទានិយំ នហេតុញ្ច ធម្មំ បដិច្ច អនុបាទិន្នុបាទានិយោ នហេតុ ធម្មោ ឧប្បជ្ជតិ ហេតុបច្ចយា. (១)

៦០. ឧបាទិន្នុបាទានិយំ នហេតុំ ធម្មំ បដិច្ច ឧបាទិន្នុបាទានិយោ នហេតុ ធម្មោ ឧប្បជ្ជតិ អារម្មណបច្ចយា. (១)

អនុបាទិន្នុបាទានិយំ នហេតុំ ធម្មំ បដិច្ច អនុបាទិន្នុបាទានិយោ នហេតុ ធម្មោ ឧប្បជ្ជតិ អារម្មណបច្ចយា. (១)

អនុបាទិន្នអនុបាទានិយំ នហេតុំ ធម្មំ បដិច្ច អនុបាទិន្នអនុបាទានិយោ នហេតុ ធម្មោ ឧប្បជ្ជតិ អារម្មណបច្ចយា. (១) (សំខិត្តំ.)

៦១. ហេតុយា នវ, អារម្មណេ តីណិ, អធិបតិយា បញ្ច, អនន្តរេ តីណិ, សមនន្តរេ តីណិ, សហជាតេ នវ, អញ្ញមញ្ញេ តីណិ, និស្សយេ នវ, ឧបនិស្សយេ តីណិ, បុរេជាតេ តីណិ, អាសេវនេ ទ្វេ, កម្មេ នវ, វិបាកេ នវ…បេ… អវិគតេ នវ (សំខិត្តំ).

បច្ចនីយំ – នហេតុបច្ចយោ

៦២. ឧបាទិន្នុបាទានិយំ នហេតុំ ធម្មំ បដិច្ច ឧបាទិន្នុបាទានិយោ នហេតុ ធម្មោ ឧប្បជ្ជតិ នហេតុបច្ចយា… តីណិ.

អនុបាទិន្នុបាទានិយំ នហេតុំ ធម្មំ បដិច្ច អនុបាទិន្នុបាទានិយោ នហេតុ ធម្មោ ឧប្បជ្ជតិ នហេតុបច្ចយា. (១)

ឧបាទិន្នុបាទានិយំ នហេតុញ្ច អនុបាទិន្នុបាទានិយំ នហេតុញ្ច ធម្មំ បដិច្ច អនុបាទិន្នុបាទានិយោ នហេតុ ធម្មោ ឧប្បជ្ជតិ នហេតុបច្ចយា. (១) (សំខិត្តំ.)

៦៣. នហេតុយា បញ្ច, នអារម្មណេ ឆ (សំខិត្តំ).

ហេតុបច្ចយា នអារម្មណេ ឆ (សំខិត្តំ).

នហេតុបច្ចយា អារម្មណេ ទ្វេ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)