១-៧. បដិច្ចវារាទិ

បច្ចយចតុក្កំ

៦៩. អរណំ អនិទស្សនសប្បដិឃំ ធម្មំ បដិច្ច អរណោ អនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អធិបតិយា ឯកំ…បេ… អវិគតេ ឯកំ. (សំខិត្តំ.) (សហជាតវារេបិ…បេ… បញ្ហាវារេបិ សព្ពត្ថ ឯកំ.)

៧០. សរណំ អនិទស្សនអប្បដិឃំ ធម្មំ បដិច្ច សរណោ អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា… តីណិ.

អរណំ អនិទស្សនអប្បដិឃំ ធម្មំ បដិច្ច អរណោ អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. (១)

សរណំ អនិទស្សនអប្បដិឃញ្ច អរណំ អនិទស្សនអប្បដិឃញ្ច ធម្មំ បដិច្ច អរណោ អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា បញ្ច, អារម្មណេ ទ្វេ…បេ… អវិគតេ បញ្ច. (សំខិត្តំ.) (សហជាតវារោបិ…បេ… សម្បយុត្តវារោបិ វិត្ថារេតព្ពា.)

៧១. អរណោ អនិទស្សនសប្បដិឃោ ធម្មោ អរណស្ស អនិទស្សនសប្បដិឃស្ស ធម្មស្ស សហជាតបច្ចយេន បច្ចយោ… ឯកំ (អញ្ញមញ្ញេ ឯកំ, និស្សយេ ឯកំ, អត្ថិយា ឯកំ, អវិគតេ ឯកំ. សំខិត្តំ).

៧២. សរណោ អនិទស្សនអប្បដិឃោ ធម្មោ សរណស្ស អនិទស្សនអប្បដិឃស្ស ធម្មស្ស ហេតុបច្ចយេន បច្ចយោ… តីណិ. អរណោ អនិទស្សនអប្បដិឃោ ធម្មោ អរណស្ស អនិទស្សនអប្បដិឃស្ស ធម្មស្ស ហេតុបច្ចយេន បច្ចយោ. (១) (សំខិត្តំ.)

៧៣. ហេតុយា ចត្តារិ, អារម្មណេ ចត្តារិ…បេ… អវិគតេ សត្ត (សំខិត្តំ).

នហេតុយា សត្ត, នអារម្មណេ សត្ត (សំខិត្តំ).

ហេតុបច្ចយា នអារម្មណេ ចត្តារិ (សំខិត្តំ).

នហេតុបច្ចយា អារម្មណេ ចត្តារិ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ.)

ធម្មានុលោមេ ទុកតិកបដ្ឋានំ និដ្ឋិតំ.

ធម្មានុលោមេ តិកទុកបដ្ឋានំ