១-៦. បដិច្ចវារាទិ

បច្ចយចតុក្កំ

២៣. សវិតក្កំ កុសលំ ធម្មំ បដិច្ច សវិតក្កោ កុសលោ ធម្មោ ឧប្បជ្ជតិ ហេតុបច្ចយា. សវិតក្កំ កុសលំ ធម្មំ បដិច្ច អវិតក្កោ កុសលោ ធម្មោ ឧប្បជ្ជតិ ហេតុបច្ចយា. សវិតក្កំ កុសលំ ធម្មំ បដិច្ច សវិតក្កោ កុសលោ ច អវិតក្កោ កុសលោ ច ធម្មា ឧប្បជ្ជន្តិ ហេតុបច្ចយា. (៣)

អវិតក្កំ កុសលំ ធម្មំ បដិច្ច អវិតក្កោ កុសលោ ធម្មោ ឧប្បជ្ជតិ ហេតុបច្ចយា. អវិតក្កំ កុសលំ ធម្មំ បដិច្ច សវិតក្កោ កុសលោ ធម្មោ ឧប្បជ្ជតិ ហេតុបច្ចយា. (២)

សវិតក្កំ កុសលញ្ច អវិតក្កំ កុសលញ្ច ធម្មំ បដិច្ច សវិតក្កោ កុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២៤. ហេតុយា ឆ, អារម្មណេ ឆ (សព្ពត្ថ ឆ), អវិគតេ ឆ (សំខិត្តំ).

នអធិបតិយា ឆ, នបុរេជាតេ ឆ…បេ… នកម្មេ ចត្តារិ…បេ… នវិប្បយុត្តេ ឆ (សំខិត្តំ. សហជាតវារម្បិ…បេ… សម្បយុត្តវារម្បិ វិត្ថារេតព្ពំ).