៧. បញ្ហាវារោ

ហេតុ-អារម្មណបច្ចយា

២៥. សវិតក្កោ កុសលោ ធម្មោ សវិតក្កស្ស កុសលស្ស ធម្មស្ស ហេតុបច្ចយេន បច្ចយោ. សវិតក្កោ កុសលោ ធម្មោ អវិតក្កស្ស កុសលស្ស ធម្មស្ស ហេតុបច្ចយេន បច្ចយោ. សវិតក្កោ កុសលោ ធម្មោ សវិតក្កស្ស កុសលស្ស ច អវិតក្កស្ស កុសលស្ស ច ធម្មស្ស ហេតុបច្ចយេន បច្ចយោ. (៣)

អវិតក្កោ កុសលោ ធម្មោ អវិតក្កស្ស កុសលស្ស ធម្មស្ស ហេតុបច្ចយេន បច្ចយោ. (១)

សវិតក្កោ កុសលោ ធម្មោ សវិតក្កស្ស កុសលស្ស ធម្មស្ស អារម្មណបច្ចយេន បច្ចយោ… តីណិ.

អវិតក្កោ កុសលោ ធម្មោ អវិតក្កស្ស កុសលស្ស ធម្មស្ស អារម្មណបច្ចយេន បច្ចយោ… តីណិ.

សវិតក្កោ កុសលោ ច អវិតក្កោ កុសលោ ច ធម្មា សវិតក្កស្ស កុសលស្ស ធម្មស្ស អារម្មណបច្ចយេន បច្ចយោ… តីណិ (សំខិត្តំ).

២៦. ហេតុយា ចត្តារិ, អារម្មណេ នវ, អធិបតិយា នវ (ហេដ្ឋា តីសុ សហជាតាធិបតិ, អវិតក្កេ ឯកំ, សហជាតាធិបតិ), អនន្តរេ នវ, សមនន្តរេ នវ, សហជាតេ ឆ…បេ… ឧបនិស្សយេ នវ, អាសេវនេ នវ, កម្មេ ចត្តារិ, អាហារេ ចត្តារិ, ឥន្ទ្រិយេ ចត្តារិ, ឈានេ ឆ, មគ្គេ ឆ, សម្បយុត្តេ ឆ, អត្ថិយា ឆ, នត្ថិយា នវ, វិគតេ នវ, អវិគតេ ឆ (សំខិត្តំ).

នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ ចត្តារិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

អកុសលបទំ

២៧. សវិតក្កំ អកុសលំ ធម្មំ បដិច្ច សវិតក្កោ អកុសលោ ធម្មោ ឧប្បជ្ជតិ ហេតុបច្ចយា. សវិតក្កំ អកុសលំ ធម្មំ បដិច្ច អវិតក្កោ អកុសលោ ធម្មោ ឧប្បជ្ជតិ ហេតុបច្ចយា. សវិតក្កំ អកុសលំ ធម្មំ បដិច្ច សវិតក្កោ អកុសលោ ច អវិតក្កោ អកុសលោ ច ធម្មា ឧប្បជ្ជន្តិ ហេតុបច្ចយា. (៣)

អវិតក្កំ អកុសលំ ធម្មំ បដិច្ច សវិតក្កោ អកុសលោ ធម្មោ ឧប្បជ្ជតិ ហេតុបច្ចយា. (១)

សវិតក្កំ អកុសលញ្ច អវិតក្កំ អកុសលញ្ច ធម្មំ បដិច្ច សវិតក្កោ អកុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

២៨. ហេតុយា បញ្ច, អារម្មណេ បញ្ច (សព្ពត្ថ បញ្ច)…បេ… អវិគតេ បញ្ច (សំខិត្តំ).

២៩. សវិតក្កំ អកុសលំ ធម្មំ បដិច្ច សវិតក្កោ អកុសលោ ធម្មោ ឧប្បជ្ជតិ នហេតុបច្ចយា. (១)

អវិតក្កំ អកុសលំ ធម្មំ បដិច្ច សវិតក្កោ អកុសលោ ធម្មោ ឧប្បជ្ជតិ នហេតុបច្ចយា. (១)

សវិតក្កំ អកុសលញ្ច អវិតក្កំ អកុសលញ្ច ធម្មំ បដិច្ច សវិតក្កោ អកុសលោ ធម្មោ ឧប្បជ្ជតិ នហេតុបច្ចយា. (១) (សំខិត្តំ.)

៣០. នហេតុយា តីណិ, នអធិបតិយា បញ្ច, នកម្មេ តីណិ…បេ… នវិប្បយុត្តេ បញ្ច. (សំខិត្តំ. សហជាតវារាទិ វិត្ថារេតព្ពោ.)

៣១. សវិតក្កោ អកុសលោ ធម្មោ សវិតក្កស្ស អកុសលស្ស ធម្មស្ស ហេតុបច្ចយេន បច្ចយោ (សំខិត្តំ).

៣២. ហេតុយា តីណិ, អារម្មណេ នវ, អធិបតិយា នវ, អនន្តរេ នវ…បេ… សហជាតេ បញ្ច…បេ… ឧបនិស្សយេ នវ, អាសេវនេ នវ, កម្មេ តីណិ, អាហារេ តីណិ…បេ… ឈានេ បញ្ច, មគ្គេ បញ្ច, សម្បយុត្តេ បញ្ច, អត្ថិយា បញ្ច, នត្ថិយា នវ…បេ… អវិគតេ បញ្ច (សំខិត្តំ).

អព្យាកតបទំ

៣៣. សវិតក្កំ អព្យាកតំ ធម្មំ បដិច្ច សវិតក្កោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

អវិតក្កំ អព្យាកតំ ធម្មំ បដិច្ច អវិតក្កោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

សវិតក្កំ អព្យាកតញ្ច អវិតក្កំ អព្យាកតញ្ច ធម្មំ បដិច្ច សវិតក្កោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៣៤. ហេតុយា នវ, អារម្មណេ នវ…បេ… បុរេជាតេ អាសេវនេ ឆ…បេ… អវិគតេ នវ (សំខិត្តំ).

នហេតុយា នវ, នអារម្មណេ តីណិ, នអធិបតិយា នវ…បេ… នបុរេជាតេ នវ…បេ… នកម្មេ ចត្តារិ, នវិបាកេ នវ, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ នវ, នសម្បយុត្តេ តីណិ, នវិប្បយុត្តេ ឆ…បេ… នោវិគតេ តីណិ (សំខិត្តំ. សហជាតវារម្បិ…បេ… សម្បយុត្តវារម្បិ វិត្ថារេតព្ពំ).

៣៥. សវិតក្កោ អព្យាកតោ ធម្មោ សវិតក្កស្ស អព្យាកតស្ស ធម្មស្ស ហេតុបច្ចយេន បច្ចយោ… តីណិ.

អវិតក្កោ អព្យាកតោ ធម្មោ អវិតក្កស្ស អព្យាកតស្ស ធម្មស្ស ហេតុបច្ចយេន បច្ចយោ. (១)

សវិតក្កោ អព្យាកតោ ធម្មោ សវិតក្កស្ស អព្យាកតស្ស ធម្មស្ស អារម្មណបច្ចយេន បច្ចយោ (សំខិត្តំ).

៣៦. ហេតុយា ចត្តារិ, អារម្មណេ នវ, អធិបតិយា នវ (សព្ពត្ថ នវ), ឧបនិស្សយេ នវ, បុរេជាតេ តីណិ, បច្ឆាជាតេ តីណិ, អាសេវនេ នវ, កម្មេ ចត្តារិ, វិបាកេ នវ, អាហារេ ចត្តារិ…បេ… ឈានេ នវ, មគ្គេ នវ, សម្បយុត្តេ ឆ, វិប្បយុត្តេ បញ្ច, អត្ថិយា នវ, នត្ថិយា នវ, វិគតេ នវ, អវិគតេ នវ (សំខិត្តំ).

នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ ចត្តារិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារំ ឯវំ វិត្ថារេតព្ពំ.)