១-៧. បដិច្ចវារាទិ

បច្ចយចតុក្កំ

ហេតុបច្ចយោ

៩២. នោឧបាទា កុសលំ ធម្មំ បដិច្ច នោឧបាទា កុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

៩៣. នោឧបាទា អកុសលំ ធម្មំ បដិច្ច នោឧបាទា អកុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ …បេ… បញ្ហាវារេបិ សព្ពត្ថ ឯកំ.)

៩៤. ឧបាទា អព្យាកតំ ធម្មំ បដិច្ច នោឧបាទា អព្យាកតោ ធម្មោ ឧប្បជ្ជតិ ហេតុបច្ចយា. (១)

នោឧបាទា អព្យាកតំ ធម្មំ បដិច្ច នោឧបាទា អព្យាកតោ ធម្មោ ឧប្បជ្ជតិ ហេតុបច្ចយា. នោឧបាទា អព្យាកតំ ធម្មំ បដិច្ច ឧបាទា អព្យាកតោ ធម្មោ ឧប្បជ្ជតិ ហេតុបច្ចយា. នោឧបាទា អព្យាកតំ ធម្មំ បដិច្ច ឧបាទា អព្យាកតោ ច នោឧបាទា អព្យាកតោ ច ធម្មា ឧប្បជ្ជន្តិ ហេតុបច្ចយា. (៣)

ឧបាទា អព្យាកតញ្ច នោឧបាទា អព្យាកតញ្ច ធម្មំ បដិច្ច នោឧបាទា អព្យាកតោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៩៥. ហេតុយា បញ្ច, អារម្មណេ តីណិ…បេ… អញ្ញមញ្ញេ បញ្ច…បេ… បុរេជាតេ ឯកំ, អាសេវនេ ឯកំ, កម្មេ បញ្ច, វិបាកេ បញ្ច…បេ… អវិគតេ បញ្ច (សំខិត្តំ).

នហេតុយា បញ្ច, នអារម្មណេ តីណិ, នអធិបតិយា បញ្ច…បេ… នបុរេជាតេ បញ្ច…បេ… នកម្មេ តីណិ, នវិបាកេ តីណិ, នអាហារេ តីណិ, នឥន្ទ្រិយេ តីណិ, នឈានេ តីណិ, នមគ្គេ បញ្ច, នសម្បយុត្តេ តីណិ, នវិប្បយុត្តេ តីណិ, នោនត្ថិយា តីណិ, នោវិគតេ តីណិ (សំខិត្តំ. សហជាតវារម្បិ…បេ… សម្បយុត្តវារម្បិ វិត្ថារេតព្ពំ.)

ហេតុអារម្មណបច្ចយាទិ

៩៦. នោឧបាទា អព្យាកតោ ធម្មោ នោឧបាទា អព្យាកតស្ស ធម្មស្ស ហេតុបច្ចយេន បច្ចយោ… តីណិ.

ឧបាទា អព្យាកតោ ធម្មោ នោឧបាទា អព្យាកតស្ស ធម្មស្ស អារម្មណបច្ចយេន បច្ចយោ. (១)

នោឧបាទា អព្យាកតោ ធម្មោ នោឧបាទា អព្យាកតស្ស ធម្មស្ស អារម្មណបច្ចយេន បច្ចយោ. (១)

នោឧបាទា អព្យាកតោ ធម្មោ នោឧបាទា អព្យាកតស្ស ធម្មស្ស អធិបតិបច្ចយេន បច្ចយោ… តីណិ (បឋមេ ទ្វេបិ អធិបតី, ទ្វីសុ សហជាតាធិបតិ).

ឧបាទា អព្យាកតោ ធម្មោ នោឧបាទា អព្យាកតស្ស ធម្មស្ស ឧបនិស្សយបច្ចយេន បច្ចយោ. (១)

នោឧបាទា អព្យាកតោ ធម្មោ នោឧបាទា អព្យាកតស្ស ធម្មស្ស ឧបនិស្សយបច្ចយេន បច្ចយោ. (១) (សំខិត្តំ.)

៩៧. ឧបនិស្សយេ ទ្វេ, បុរេជាតេ តីណិ, បច្ឆាជាតេ តីណិ, អាសេវនេ ឯកំ, កម្មេ តីណិ, វិបាកេ តីណិ, អាហារេ ឆ, ឥន្ទ្រិយេ សត្ត, ឈានេ តីណិ, មគ្គេ តីណិ, សម្បយុត្តេ ឯកំ, វិប្បយុត្តេ ចត្តារិ, អត្ថិយា នវ…បេ… អវិគតេ នវ (សំខិត្តំ).