១-៧. បដិច្ចវារាទិ

បច្ចយចតុក្កំ

ហេតុបច្ចយោ

៨៤. អជ្ឈត្តិកំ កុសលំ ធម្មំ បដិច្ច ពាហិរោ កុសលោ ធម្មោ ឧប្បជ្ជតិ ហេតុបច្ចយា. (១)

ពាហិរំ កុសលំ ធម្មំ បដិច្ច ពាហិរោ កុសលោ ធម្មោ ឧប្បជ្ជតិ ហេតុបច្ចយា. ពាហិរំ កុសលំ ធម្មំ បដិច្ច អជ្ឈត្តិកោ កុសលោ ធម្មោ ឧប្បជ្ជតិ ហេតុបច្ចយា. ពាហិរំ កុសលំ ធម្មំ បដិច្ច អជ្ឈត្តិកោ កុសលោ ច ពាហិរោ កុសលោ ច ធម្មា ឧប្បជ្ជន្តិ ហេតុបច្ចយា. (៣)

អជ្ឈត្តិកំ កុសលញ្ច ពាហិរំ កុសលញ្ច ធម្មំ បដិច្ច ពាហិរោ កុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៨៥. ហេតុយា បញ្ច, អារម្មណេ បញ្ច…បេ… អវិគតេ បញ្ច. (សំខិត្តំ. ចិត្តទុកសទិសំ. សហជាតវារម្បិ…បេ… បញ្ហាវារម្បិ វិត្ថារេតព្ពំ).

៨៦. អជ្ឈត្តិកំ អកុសលំ ធម្មំ បដិច្ច ពាហិរោ អកុសលោ ធម្មោ ឧប្បជ្ជតិ ហេតុបច្ចយា. (១)

ពាហិរំ អកុសលំ ធម្មំ បដិច្ច ពាហិរោ អកុសលោ ធម្មោ ឧប្បជ្ជតិ ហេតុបច្ចយា. ពាហិរំ អកុសលំ ធម្មំ បដិច្ច អជ្ឈត្តិកោ អកុសលោ ធម្មោ ឧប្បជ្ជតិ ហេតុបច្ចយា. ពាហិរំ អកុសលំ ធម្មំ បដិច្ច អជ្ឈត្តិកោ អកុសលោ ច ពាហិរោ អកុសលោ ច ធម្មា ឧប្បជ្ជន្តិ ហេតុបច្ចយា. (៣)

អជ្ឈត្តិកំ អកុសលញ្ច ពាហិរំ អកុសលញ្ច ធម្មំ បដិច្ច ពាហិរោ អកុសលោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

៨៧. ហេតុយា បញ្ច, អារម្មណេ បញ្ច…បេ… អវិគតេ បញ្ច. (សំខិត្តំ. ចិត្តទុកសទិសំ. សហជាតវារម្បិ…បេ… បញ្ហាវារម្បិ វិត្ថារេតព្ពំ.)

៨៨. អជ្ឈត្តិកំ អព្យាកតំ ធម្មំ បដិច្ច អជ្ឈត្តិកោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

ពាហិរំ អព្យាកតំ ធម្មំ បដិច្ច ពាហិរោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ.

អជ្ឈត្តិកំ អព្យាកតញ្ច ពាហិរំ អព្យាកតញ្ច ធម្មំ បដិច្ច អជ្ឈត្តិកោ អព្យាកតោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

៨៩. ហេតុយា នវ, អារម្មណេ បញ្ច, អធិបតិយា បញ្ច…បេ… អញ្ញមញ្ញេ បញ្ច, និស្សយេ នវ, ឧបនិស្សយេ បញ្ច, បុរេជាតេ បញ្ច, អាសេវនេ បញ្ច, កម្មេ…បេ… មគ្គេ នវ, សម្បយុត្តេ បញ្ច, វិប្បយុត្តេ នវ…បេ… អវិគតេ នវ (សំខិត្តំ).

នហេតុយា នវ, នអារម្មណេ នវ, នអធិបតិយា នវ…បេ… នកម្មេ តីណិ, នវិបាកេ បញ្ច, នអាហារេ ឯកំ, នឥន្ទ្រិយេ ឯកំ, នឈានេ បញ្ច, នមគ្គេ នវ, នសម្បយុត្តេ នវ, នវិប្បយុត្តេ បញ្ច, នោនត្ថិយា នវ, នោវិគតេ នវ (សំខិត្តំ. សហជាតវារម្បិ…បេ… សម្បយុត្តវារម្បិ វិត្ថារេតព្ពំ.)

៩០. ពាហិរោ អព្យាកតោ ធម្មោ ពាហិរស្ស អព្យាកតស្ស ធម្មស្ស ហេតុបច្ចយេន បច្ចយោ (សំខិត្តំ).

ពាហិរោ អព្យាកតោ ធម្មោ ពាហិរស្ស អព្យាកតស្ស ធម្មស្ស កម្មបច្ចយេន បច្ចយោ… តីណិ.

៩១. ហេតុយា តីណិ, អារម្មណេ នវ, អធិបតិយា នវ (អជ្ឈត្តិកោ ពាហិរស្ស គមនកាលេ សហជាតាធិបតិ, មជ្ឈេ តីសុបិ សហជាតាធិបតិ), អនន្តរេ នវ, សហជាតេ នវ, អញ្ញមញ្ញេ បញ្ច, និស្សយេ នវ, ឧបនិស្សយេ នវ, បុរេជាតេ នវ (អារម្មណបុរេជាតម្បិ វត្ថុបុរេជាតម្បិ), បច្ឆាជាតេ នវ, អាសេវនេ នវ, កម្មេ តីណិ, វិបាកេ នវ, អាហារេ នវ (តិណ្ណន្នំ កពឡីការោ អាហារោ), ឥន្ទ្រិយេ នវ (តិណ្ណន្នំ រូបជីវិតិន្ទ្រិយំ), ឈានេ មគ្គេ តីណិ, សម្បយុត្តេ បញ្ច, វិប្បយុត្តេ នវ, អត្ថិយា នវ…បេ… អវិគតេ នវ (សំខិត្តំ).