១. វិភង្គវារោ

ហេតុបច្ចយោ

១១៥. ចេតសិកំ ធម្មំ សំសដ្ឋោ ចេតសិកោ ធម្មោ ឧប្បជ្ជតិ ហេតុបច្ចយា – ចេតសិកំ ឯកំ ខន្ធំ សំសដ្ឋា ទ្វេ ខន្ធា, ទ្វេ ខន្ធេ…បេ… បដិសន្ធិក្ខណេ…បេ…. (១)

ចេតសិកំ ធម្មំ សំសដ្ឋោ អចេតសិកោ ធម្មោ ឧប្បជ្ជតិ ហេតុបច្ចយា – ចេតសិកោ ខន្ធេ សំសដ្ឋំ ចិត្តំ; បដិសន្ធិក្ខណេ…បេ…. (២)

ចេតសិកំ ធម្មំ សំសដ្ឋោ ចេតសិកោ ច អចេតសិកោ ច ធម្មា ឧប្បជ្ជន្តិ ហេតុបច្ចយា – ចេតសិកំ ឯកំ ខន្ធំ សំសដ្ឋា ទ្វេ ខន្ធា ចិត្តញ្ច, ទ្វេ ខន្ធេ…បេ… បដិសន្ធិក្ខណេ…បេ…. (៣)

អចេតសិកំ ធម្មំ សំសដ្ឋោ ចេតសិកោ ធម្មោ ឧប្បជ្ជតិ ហេតុបច្ចយា – ចិត្តំ សំសដ្ឋា សម្បយុត្តកា ខន្ធា; បដិសន្ធិក្ខណេ…បេ…. (១)

ចេតសិកញ្ច អចេតសិកញ្ច ធម្មំ សំសដ្ឋោ ចេតសិកោ ធម្មោ ឧប្បជ្ជតិ ហេតុបច្ចយា – ចេតសិកំ ឯកំ ខន្ធញ្ច ចិត្តញ្ច សំសដ្ឋា ទ្វេ ខន្ធា, ទ្វេ ខន្ធេ ច…បេ… បដិសន្ធិក្ខណេ…បេ…. (១) (សំខិត្តំ).