១. វិភង្គវារោ

ហេតុបច្ចយោ

១. សារម្មណំ ធម្មំ បដិច្ច សារម្មណោ ធម្មោ ឧប្បជ្ជតិ ហេតុបច្ចយា – សារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

សារម្មណំ ធម្មំ បដិច្ច អនារម្មណោ ធម្មោ ឧប្បជ្ជតិ ហេតុបច្ចយា – សារម្មណេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ…. (២)

សារម្មណំ ធម្មំ បដិច្ច សារម្មណោ ច អនារម្មណោ ច ធម្មា ឧប្បជ្ជន្តិ ហេតុបច្ចយា – សារម្មណំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ…. (៣)

២. អនារម្មណំ ធម្មំ បដិច្ច អនារម្មណោ ធម្មោ ឧប្បជ្ជតិ ហេតុបច្ចយា – ឯកំ មហាភូតំ…បេ… មហាភូតេ បដិច្ច ចិត្តសមុដ្ឋានំ រូបំ កដត្តារូបំ ឧបាទារូបំ. (១)

អនារម្មណំ ធម្មំ បដិច្ច សារម្មណោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ វត្ថុំ បដិច្ច សារម្មណា ខន្ធា. (២)

អនារម្មណំ ធម្មំ បដិច្ច សារម្មណោ ច អនារម្មណោ ច ធម្មោ ឧប្បជ្ជន្តិ ហេតុបច្ចយា – បដិសន្ធិក្ខណេ វត្ថុំ បដិច្ច សារម្មណា ខន្ធា, មហាភូតេ បដិច្ច កដត្តារូបំ. (៣)

៣. សារម្មណញ្ច អនារម្មណញ្ច ធម្មំ បដិច្ច សារម្មណោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ សារម្មណំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច…បេ…. (១)

សារម្មណញ្ច អនារម្មណញ្ច ធម្មំ បដិច្ច អនារម្មណោ ធម្មោ ឧប្បជ្ជតិ ហេតុបច្ចយា – សារម្មណេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ…. (២)

សារម្មណញ្ច អនារម្មណញ្ច ធម្មំ បដិច្ច សារម្មណោ ច អនារម្មណោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ សារម្មណំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច…បេ… សារម្មណេ ខន្ធេ ច មហាភូតេ ច បដិច្ច កដត្តារូបំ. (៣)

អារម្មណបច្ចយោ

៤. សារម្មណំ ធម្មំ បដិច្ច សារម្មណោ ធម្មោ ឧប្បជ្ជតិ អារម្មណបច្ចយា – សារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ….

អនារម្មណំ ធម្មំ បដិច្ច សារម្មណោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ វត្ថុំ បដិច្ច សារម្មណា ខន្ធា.

សារម្មណញ្ច អនារម្មណញ្ច ធម្មំ បដិច្ច សារម្មណោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ សារម្មណំ ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច…បេ… (សំខិត្តំ).