២. សង្ខ្យាវារោ

សុទ្ធំ

៤៦៦. ហេតុយា ចត្តារិ, អារម្មណេ ចត្តារិ, អធិបតិយា ទ្វេ, អនន្តរេ ចត្តារិ, សមនន្តរេ ចត្តារិ, សហជាតេ បញ្ច, អញ្ញមញ្ញេ ទ្វេ, និស្សយេ បញ្ច, ឧបនិស្សយេ ចត្តារិ, បុរេជាតេ ឆ, បច្ឆាជាតេ ឆ, អាសេវនេ ឯកំ, កម្មេ បញ្ច, វិបាកេ ចត្តារិ, អាហារេ នវ, ឥន្ទ្រិយេ ចត្តារិ, ឈានេ ចត្តារិ, មគ្គេ ចត្តារិ, សម្បយុត្តេ ទ្វេ, វិប្បយុត្តេ ឆ, អត្ថិយា នវ, នត្ថិយា ចត្តារិ, វិគតេ ចត្តារិ, អវិគតេ នវ.

បច្ចនីយុទ្ធារោ

៤៦៧. ឧបាទិន្នោ ធម្មោ ឧបាទិន្នស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

ឧបាទិន្នោ ធម្មោ អនុបាទិន្នស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… អាហារបច្ចយេន បច្ចយោ. (២)

ឧបាទិន្នោ ធម្មោ ឧបាទិន្នស្ស ច អនុបាទិន្នស្ស ច ធម្មស្ស សហជាតបច្ចយេន បច្ចយោ… បច្ឆាជាតបច្ចយេន បច្ចយោ… អាហារបច្ចយេន បច្ចយោ. (៣)

៤៦៨. អនុបាទិន្នោ ធម្មោ អនុបាទិន្នស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… អាហារបច្ចយេន បច្ចយោ. (១)

អនុបាទិន្នោ ធម្មោ ឧបាទិន្នស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ. (២)

អនុបាទិន្នោ ធម្មោ ឧបាទិន្នស្ស ច អនុបាទិន្នស្ស ច ធម្មស្ស បច្ឆាជាតបច្ចយេន បច្ចយោ… អាហារបច្ចយេន បច្ចយោ. (៣)

ឧបាទិន្នោ ច អនុបាទិន្នោ ច ធម្មា ឧបាទិន្នស្ស ធម្មស្ស បុរេជាតំ, បច្ឆាជាតំ, អាហារំ, ឥន្ទ្រិយំ. (១)

ឧបាទិន្នោ ច អនុបាទិន្នោ ច ធម្មា អនុបាទិន្នស្ស ធម្មស្ស សហជាតំ, បុរេជាតំ, បច្ឆាជាតំ, អាហារំ. (២)

ឧបាទិន្នោ ច អនុបាទិន្នោ ច ធម្មា ឧបាទិន្នស្ស ច អនុបាទិន្នស្ស ច ធម្មស្ស អាហារបច្ចយេន បច្ចយោ. (៣)