១. វិភង្គវារោ

ហេតុបច្ចយោ

៤៤៥. ឧបាទិន្នោ ធម្មោ ឧបាទិន្នស្ស ធម្មស្ស ហេតុបច្ចយេន បច្ចយោ – ឧបាទិន្នា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ; បដិសន្ធិក្ខណេ ឧបាទិន្នា ហេតូ សម្បយុត្តកានំ ខន្ធានំ កដត្តា ច រូបានំ ហេតុបច្ចយេន បច្ចយោ. (១)

ឧបាទិន្នោ ធម្មោ អនុបាទិន្នស្ស ធម្មស្ស ហេតុបច្ចយេន បច្ចយោ – ឧបាទិន្នា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ. (២)

ឧបាទិន្នោ ធម្មោ ឧបាទិន្នស្ស ច អនុបាទិន្នស្ស ច ធម្មស្ស ហេតុបច្ចយេន បច្ចយោ – ឧបាទិន្នា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

អនុបាទិន្នោ ធម្មោ អនុបាទិន្នស្ស ធម្មស្ស ហេតុបច្ចយេន បច្ចយោ – អនុបាទិន្នា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (១)

អារម្មណបច្ចយោ

៤៤៦. ឧបាទិន្នោ ធម្មោ ឧបាទិន្នស្ស ធម្មស្ស អារម្មណបច្ចយេន បច្ចយោ – ចក្ខុំ…បេ… កាយំ ឧបាទិន្នេ រូបេ… គន្ធេ… រសេ… ផោដ្ឋព្ពេ… វត្ថុំ ឧបាទិន្នេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ វិបាកោ តទារម្មណតា ឧប្បជ្ជតិ, ឧបាទិន្នំ រូបាយតនំ ចក្ខុវិញ្ញាណស្ស…បេ… ឧបាទិន្នំ គន្ធាយតនំ ឃានវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស អារម្មណបច្ចយេន បច្ចយោ. (១)

ឧបាទិន្នោ ធម្មោ អនុបាទិន្នស្ស ធម្មស្ស អារម្មណបច្ចយេន បច្ចយោ – ចក្ខុំ…បេ… កាយំ ឧបាទិន្នេ រូបេ… គន្ធេ… រសេ… ផោដ្ឋព្ពេ… វត្ថុំ ឧបាទិន្នេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា ឧបាទិន្នំ រូបំ បស្សតិ. ចេតោបរិយញាណេន ឧបាទិន្នចិត្តសមង្គិស្ស ចិត្តំ ជានាតិ, ឧបាទិន្នា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (២)

៤៤៧. អនុបាទិន្នោ ធម្មោ អនុបាទិន្នស្ស ធម្មស្ស អារម្មណបច្ចយេន បច្ចយោ – ទានំ …បេ… សីលំ…បេ… ឧបោសថកម្មំ កត្វា តំ បច្ចវេក្ខតិ អស្សាទេតិ អភិនន្ទតិ, តំ អារព្ភ រាគោ…បេ… ទោមនស្សំ ឧប្បជ្ជតិ; បុព្ពេ សុចិណ្ណានិ…បេ… ឈានា…បេ… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ…បេ… និព្ពានំ…បេ… និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ. អរិយា បហីនេ កិលេសេ…បេ… វិក្ខម្ភិតេ កិលេសេ…បេ… បុព្ពេ…បេ… អនុបាទិន្នេ រូបេ… សទ្ទេ… គន្ធេ… រសេ… ផោដ្ឋព្ពេ អនុបាទិន្នេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា អនុបាទិន្នំ រូបំ បស្សតិ, ទិព្ពាយ សោតធាតុយា សទ្ទំ សុណាតិ. ចេតោបរិយញាណេន អនុបាទិន្នចិត្តសមង្គិស្ស ចិត្តំ ជានាតិ, អាកាសានញ្ចាយតនំ…បេ… អាកិញ្ចញ្ញាយតនំ…បេ… អនុបាទិន្នា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

អនុបាទិន្នោ ធម្មោ ឧបាទិន្នស្ស ធម្មស្ស អារម្មណបច្ចយេន បច្ចយោ – អនុបាទិន្នេ រូបេ… សទ្ទេ… គន្ធេ… រសេ… ផោដ្ឋព្ពេ អនុបាទិន្នេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ វិបាកោ តទារម្មណតា ឧប្បជ្ជតិ, អាកាសានញ្ចាយតនកុសលំ វិញ្ញាណញ្ចាយតនវិបាកស្ស…បេ… អាកិញ្ចញ្ញាយតនកុសលំ…បេ… អនុបាទិន្នំ រូបាយតនំ ចក្ខុវិញ្ញាណស្ស…បេ… សទ្ទាយតនំ…បេ… ផោដ្ឋព្ពាយតនំ កាយវិញ្ញាណស្ស អារម្មណបច្ចយេន បច្ចយោ. (២)

អធិបតិបច្ចយោ

៤៤៨. ឧបាទិន្នោ ធម្មោ អនុបាទិន្នស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – ចក្ខុំ…បេ… កាយំ ឧបាទិន្នេ រូបេ… គន្ធេ… រសេ… ផោដ្ឋព្ពេ… វត្ថុំ ឧបាទិន្នេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. (១)

អនុបាទិន្នោ ធម្មោ អនុបាទិន្នស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ…បេ… សីលំ…បេ… ឧបោសថកម្មំ កត្វា តំ គរុំ កត្វា បច្ចវេក្ខតិ អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ, បុព្ពេ…បេ… ឈានា…បេ… អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ…បេ… និព្ពានំ គរុំ កត្វា បច្ចវេក្ខន្តិ. និព្ពានំ គោត្រភុស្ស, វោទានស្ស, មគ្គស្ស, ផលស្ស, អធិបតិបច្ចយេន បច្ចយោ; អនុបាទិន្នេ រូបេ… សទ្ទេ… គន្ធេ… រសេ… ផោដ្ឋព្ពេ អនុបាទិន្នេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – អនុបាទិន្នាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

អនន្តរបច្ចយោ

៤៤៩. ឧបាទិន្នោ ធម្មោ ឧបាទិន្នស្ស ធម្មស្ស អនន្តរបច្ចយេន បច្ចយោ – បុរិមា បុរិមា ឧបាទិន្នា ខន្ធា បច្ឆិមានំ បច្ឆិមានំ ឧបាទិន្នានំ ខន្ធានំ អនន្តរបច្ចយេន បច្ចយោ. បញ្ចវិញ្ញាណំ វិបាកមនោធាតុយា អនន្តរបច្ចយេន បច្ចយោ. វិបាកមនោធាតុ វិបាកមនោវិញ្ញាណធាតុយា អនន្តរបច្ចយេន បច្ចយោ. (១)

ឧបាទិន្នោ ធម្មោ អនុបាទិន្នស្ស ធម្មស្ស អនន្តរបច្ចយេន បច្ចយោ – ភវង្គំ អាវជ្ជនាយ, វិបាកមនោវិញ្ញាណធាតុ កិរិយមនោវិញ្ញាណធាតុយា អនន្តរបច្ចយេន បច្ចយោ. (២)

៤៥០. អនុបាទិន្នោ ធម្មោ អនុបាទិន្នស្ស ធម្មស្ស អនន្តរបច្ចយេន បច្ចយោ – បុរិមា បុរិមា អនុបាទិន្នា ខន្ធា បច្ឆិមានំ បច្ឆិមានំ អនុបាទិន្នានំ ខន្ធានំ អនន្តរបច្ចយេន បច្ចយោ, អនុលោមំ គោត្រភុស្ស…បេ… ផលសមាបត្តិយា អនន្តរបច្ចយេន បច្ចយោ. (១)

អនុបាទិន្នោ ធម្មោ ឧបាទិន្នស្ស ធម្មស្ស អនន្តរបច្ចយេន បច្ចយោ – អាវជ្ជនា បញ្ចន្នំ វិញ្ញាណានំ…បេ… អនុបាទិន្នា ខន្ធា វុដ្ឋានស្ស អនន្តរបច្ចយេន បច្ចយោ… សមនន្តរបច្ចយេន បច្ចយោ… សហជាតបច្ចយេន បច្ចយោ… បញ្ច (បដិច្ចសទិសា)… អញ្ញមញ្ញបច្ចយេន បច្ចយោ… ទ្វេ (បដិច្ចសទិសា)… និស្សយបច្ចយេន បច្ចយោ (បច្ចយវារេ និស្សយសទិសា) បញ្ច.

ឧបនិស្សយបច្ចយោ

៤៥១. ឧបាទិន្នោ ធម្មោ ឧបាទិន្នស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – កាយិកំ សុខំ កាយិកស្ស សុខស្ស… កាយិកស្ស ទុក្ខស្ស ឧបនិស្សយបច្ចយេន បច្ចយោ; កាយិកំ ទុក្ខំ… ឧបាទិន្នំ ឧតុ… ភោជនំ កាយិកស្ស សុខស្ស… កាយិកស្ស ទុក្ខស្ស ឧបនិស្សយបច្ចយេន បច្ចយោ; កាយិកំ សុខំ… កាយិកំ ទុក្ខំ… ឧតុ… ភោជនំ… កាយិកស្ស សុខស្ស… កាយិកស្ស ទុក្ខស្ស ឧបនិស្សយបច្ចយេន បច្ចយោ. (១)

ឧបាទិន្នោ ធម្មោ អនុបាទិន្នស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – កាយិកំ សុខំ ឧបនិស្សាយ ទានំ ទេតិ…បេ… សង្ឃំ ភិន្ទតិ; កាយិកំ ទុក្ខំ… ឧបាទិន្នំ ឧតុំ… ភោជនំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ; បាណំ ហនតិ…បេ… សង្ឃំ ភិន្ទតិ; កាយិកំ សុខំ… កាយិកំ ទុក្ខំ… ឧតុ… ភោជនំ សទ្ធាយ…បេ… បត្ថនាយ មគ្គស្ស, ផលសមាបត្តិយា ឧបនិស្សយបច្ចយេន បច្ចយោ. (២)

៤៥២. អនុបាទិន្នោ ធម្មោ អនុបាទិន្នស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ, មានំ ជប្បេតិ, ទិដ្ឋិំ គណ្ហាតិ; សីលំ…បេ… បត្ថនំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ… សង្ឃំ ភិន្ទតិ; សទ្ធា…បេ… បត្ថនា… ឧតុ… ភោជនំ… សេនាសនំ សទ្ធាយ…បេ… បត្ថនាយ មគ្គស្ស, ផលសមាបត្តិយា ឧបនិស្សយបច្ចយេន បច្ចយោ. (១)

អនុបាទិន្នោ ធម្មោ ឧបាទិន្នស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ អត្តានំ អាតាបេតិ បរិតាបេតិ, បរិយិដ្ឋិមូលកំ ទុក្ខំ បច្ចនុភោតិ; សីលំ…បេ… បត្ថនំ… ឧតុំ… ភោជនំ… សេនាសនំ ឧបនិស្សាយ អត្តានំ អាតាបេតិ បរិតាបេតិ, បរិយិដ្ឋិមូលកំ ទុក្ខំ បច្ចនុភោតិ; សទ្ធា…បេ… សេនាសនំ កាយិកស្ស សុខស្ស… កាយិកស្ស ទុក្ខស្ស ឧបនិស្សយបច្ចយេន បច្ចយោ. កុសលាកុសលំ កម្មំ វិបាកស្ស ឧបនិស្សយបច្ចយេន បច្ចយោ. (២)

បុរេជាតបច្ចយោ

៤៥៣. ឧបាទិន្នោ ធម្មោ ឧបាទិន្នស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… កាយំ ឧបាទិន្នេ រូបេ… គន្ធេ… រសេ… ផោដ្ឋព្ពេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ វិបាកោ តទារម្មណតា ឧប្បជ្ជតិ, ឧបាទិន្នំ រូបាយតនំ ចក្ខុវិញ្ញាណស្ស…បេ… គន្ធាយតនំ…បេ… ផោដ្ឋព្ពាយតនំ កាយវិញ្ញាណស្ស…បេ…. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ ឧបាទិន្នានំ ខន្ធានំ បុរេជាតបច្ចយេន បច្ចយោ. (១)

ឧបាទិន្នោ ធម្មោ អនុបាទិន្នស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… កាយំ, ឧបាទិន្នេ រូបេ… គន្ធេ… រសេ… ផោដ្ឋព្ពេ វត្ថុំ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា ឧបាទិន្នំ រូបំ បស្សតិ. វត្ថុបុរេជាតំ – វត្ថុ អនុបាទិន្នានំ ខន្ធានំ បុរេជាតបច្ចយេន បច្ចយោ. (២)

៤៥៤. អនុបាទិន្នោ ធម្មោ អនុបាទិន្នស្ស ធម្មស្ស បុរេជាតបច្ចយេន បច្ចយោ. អារម្មណបុរេជាតំ – អនុបាទិន្នេ រូបេ… សទ្ទេ… គន្ធេ… រសេ… ផោដ្ឋព្ពេ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា អនុបាទិន្នំ រូបំ បស្សតិ, ទិព្ពាយ សោតធាតុយា សទ្ទំ សុណាតិ. (១)

អនុបាទិន្នោ ធម្មោ ឧបាទិន្នស្ស ធម្មស្ស បុរេជាតបច្ចយេន បច្ចយោ. អារម្មណបុរេជាតំ – អនុបាទិន្នេ រូបេ… សទ្ទេ… គន្ធេ… រសេ… ផោដ្ឋព្ពេ អនិច្ចតោ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ វិបាកោ តទារម្មណតា ឧប្បជ្ជតិ, អនុបាទិន្នំ រូបាយតនំ ចក្ខុវិញ្ញាណស្ស…បេ… សទ្ទាយតនំ…បេ… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ. (២)

ឧបាទិន្នោ ច អនុបាទិន្នោ ច ធម្មា ឧបាទិន្នស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អនុបាទិន្នំ រូបាយតនញ្ច ចក្ខាយតនញ្ច ចក្ខុវិញ្ញាណស្ស…បេ… សទ្ទាយតនញ្ច សោតាយតនញ្ច…បេ… ផោដ្ឋព្ពាយតនញ្ច កាយាយតនញ្ច កាយវិញ្ញាណស្ស បុរេជាតបច្ចយេន បច្ចយោ; អនុបាទិន្នំ រូបាយតនញ្ច វត្ថុ ច…បេ… ផោដ្ឋព្ពាយតនញ្ច វត្ថុ ច ឧបាទិន្នានំ ខន្ធានំ បុរេជាតបច្ចយេន បច្ចយោ. (១)

ឧបាទិន្នោ ច អនុបាទិន្នោ ច ធម្មា អនុបាទិន្នស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អនុបាទិន្នំ រូបាយតនញ្ច វត្ថុ ច…បេ… ផោដ្ឋព្ពាយតនញ្ច វត្ថុ ច អនុបាទិន្នានំ ខន្ធានំ បុរេជាតបច្ចយេន បច្ចយោ. (២)

បច្ឆាជាតាសេវនបច្ចយា

៤៥៥. ឧបាទិន្នោ ធម្មោ ឧបាទិន្នស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ឧបាទិន្នា ខន្ធា បុរេជាតស្ស ឥមស្ស ឧបាទិន្នស្ស កាយស្ស បច្ឆាជាតបច្ចយេន បច្ចយោ. (១)

ឧបាទិន្នោ ធម្មោ អនុបាទិន្នស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ឧបាទិន្នា ខន្ធា បុរេជាតស្ស ឥមស្ស អនុបាទិន្នស្ស កាយស្ស បច្ឆាជាតបច្ចយេន បច្ចយោ. (២)

ឧបាទិន្នោ ធម្មោ ឧបាទិន្នស្ស ច អនុបាទិន្នស្ស ច ធម្មស្ស បច្ឆាជាតបច្ចយេន បច្ចយោ (សំខិត្តំ). (៣)

អនុបាទិន្នោ ធម្មោ អនុបាទិន្នស្ស ធម្មស្ស បច្ឆាជាតបច្ចយេន បច្ចយោ (សំខិត្តំ). (១)

អនុបាទិន្នោ ធម្មោ ឧបាទិន្នស្ស ធម្មស្ស បច្ឆាជាតបច្ចយេន បច្ចយោ (សំខិត្តំ). (២)

អនុបាទិន្នោ ធម្មោ ឧបាទិន្នស្ស ច អនុបាទិន្នស្ស ច ធម្មស្ស បច្ឆាជាតបច្ចយេន បច្ចយោ (សំខិត្តំ). (៣)

៤៥៦. អនុបាទិន្នោ ធម្មោ អនុបាទិន្នស្ស ធម្មស្ស អាសេវនបច្ចយេន បច្ចយោ… ឯកំ (សំខិត្តំ).

កម្មបច្ចយោ

៤៥៧. ឧបាទិន្នោ ធម្មោ ឧបាទិន្នស្ស ធម្មស្ស កម្មបច្ចយេន បច្ចយោ – ឧបាទិន្នា ចេតនា សម្បយុត្តកានំ ខន្ធានំ កម្មបច្ចយេន បច្ចយោ; បដិសន្ធិក្ខណេ ឧបាទិន្នា ចេតនា សម្បយុត្តកានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

ឧបាទិន្នោ ធម្មោ អនុបាទិន្នស្ស ធម្មស្ស កម្មបច្ចយេន បច្ចយោ – ឧបាទិន្នា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ. (២)

ឧបាទិន្នោ ធម្មោ ឧបាទិន្នស្ស ច អនុបាទិន្នស្ស ច ធម្មស្ស កម្មបច្ចយេន បច្ចយោ – ឧបាទិន្នា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

អនុបាទិន្នោ ធម្មោ អនុបាទិន្នស្ស ធម្មស្ស កម្មបច្ចយេន បច្ចយោ – អនុបាទិន្នា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (១)

អនុបាទិន្នោ ធម្មោ ឧបាទិន្នស្ស ធម្មស្ស កម្មបច្ចយេន បច្ចយោ. នានាក្ខណិកា – អនុបាទិន្នា ចេតនា វិបាកានំ ខន្ធានំ កដត្តា ច រូបានំ កម្មបច្ចយេន បច្ចយោ. (២)

វិបាកបច្ចយោ

៤៥៨. ឧបាទិន្នោ ធម្មោ ឧបាទិន្នស្ស ធម្មស្ស វិបាកបច្ចយេន បច្ចយោ – ឧបាទិន្នោ ឯកោ ខន្ធោ (សំខិត្តំ. ឧបាទិន្នមូលកេ តីណិ. ).

អនុបាទិន្នោ ធម្មោ អនុបាទិន្នស្ស ធម្មស្ស វិបាកបច្ចយេន បច្ចយោ – វិបាកោ អនុបាទិន្នោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ…បេ… ទ្វេ ខន្ធា…បេ…. (១)

អាហារបច្ចយោ

៤៥៩. ឧបាទិន្នោ ធម្មោ ឧបាទិន្នស្ស ធម្មស្ស អាហារបច្ចយេន បច្ចយោ – ឧបាទិន្នា អាហារា សម្បយុត្តកានំ ខន្ធានំ អាហារបច្ចយេន បច្ចយោ; បដិសន្ធិក្ខណេ…បេ… ឧបាទិន្នោ កពឡីការោ អាហារោ ឥមស្ស ឧបាទិន្នស្ស កាយស្ស អាហារបច្ចយេន បច្ចយោ. (១)

ឧបាទិន្នោ ធម្មោ អនុបាទិន្នស្ស ធម្មស្ស អាហារបច្ចយេន បច្ចយោ – ឧបាទិន្នា អាហារា ចិត្តសមុដ្ឋានានំ រូបានំ អាហារបច្ចយេន បច្ចយោ; ឧបាទិន្នោ កពឡីការោ អាហារោ ឥមស្ស អនុបាទិន្នស្ស កាយស្ស អាហារបច្ចយេន បច្ចយោ. (២)

ឧបាទិន្នោ ធម្មោ ឧបាទិន្នស្ស ច អនុបាទិន្នស្ស ច ធម្មស្ស អាហារបច្ចយេន បច្ចយោ – ឧបាទិន្នា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ; ឧបាទិន្នោ កពឡីការោ អាហារោ ឥមស្ស ឧបាទិន្នស្ស ច អនុបាទិន្នស្ស ច កាយស្ស អាហារបច្ចយេន បច្ចយោ. (៣)

៤៦០. អនុបាទិន្នោ ធម្មោ អនុបាទិន្នស្ស ធម្មស្ស អាហារបច្ចយេន បច្ចយោ – អនុបាទិន្នា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ; អនុបាទិន្នោ កពឡីការោ អាហារោ ឥមស្ស អនុបាទិន្នស្ស កាយស្ស អាហារបច្ចយេន បច្ចយោ. (១)

អនុបាទិន្នោ ធម្មោ ឧបាទិន្នស្ស ធម្មស្ស អាហារបច្ចយេន បច្ចយោ – អនុបាទិន្នោ កពឡីការោ អាហារោ ឥមស្ស ឧបាទិន្នស្ស កាយស្ស អាហារបច្ចយេន បច្ចយោ. (២)

អនុបាទិន្នោ ធម្មោ ឧបាទិន្នស្ស ច អនុបាទិន្នស្ស ច ធម្មស្ស អាហារបច្ចយេន បច្ចយោ – អនុបាទិន្នោ កពឡីការោ អាហារោ ឥមស្ស ឧបាទិន្នស្ស ច អនុបាទិន្នស្ស ច កាយស្ស អាហារបច្ចយេន បច្ចយោ. (៣)

ឧបាទិន្នោ ច អនុបាទិន្នោ ច ធម្មា ឧបាទិន្នស្ស ធម្មស្ស អាហារបច្ចយេន បច្ចយោ – ឧបាទិន្នោ ច អនុបាទិន្នោ ច កពឡីការោ អាហារោ ឥមស្ស ឧបាទិន្នស្ស កាយស្ស អាហារបច្ចយេន បច្ចយោ. (១)

ឧបាទិន្នោ ច អនុបាទិន្នោ ច ធម្មា អនុបាទិន្នស្ស ធម្មស្ស អាហារបច្ចយេន បច្ចយោ – ឧបាទិន្នោ ច អនុបាទិន្នោ ច កពឡីការោ អាហារោ ឥមស្ស អនុបាទិន្នស្ស កាយស្ស អាហារបច្ចយេន បច្ចយោ. (២)

ឧបាទិន្នោ ច អនុបាទិន្នោ ច ធម្មា ឧបាទិន្នស្ស ច អនុបាទិន្នស្ស ច ធម្មស្ស អាហារបច្ចយេន បច្ចយោ – ឧបាទិន្នោ ច អនុបាទិន្នោ ច កពឡីការោ អាហារោ ឥមស្ស ឧបាទិន្នស្ស ច អនុបាទិន្នស្ស ច កាយស្ស អាហារបច្ចយេន បច្ចយោ. (៣)

ឥន្ទ្រិយបច្ចយាទិ

៤៦១. ឧបាទិន្នោ ធម្មោ ឧបាទិន្នស្ស ធម្មស្ស ឥន្ទ្រិយបច្ចយេន បច្ចយោ – ឧបាទិន្នា ឥន្ទ្រិយា សម្បយុត្តកានំ ខន្ធានំ ឥន្ទ្រិយបច្ចយេន បច្ចយោ. (១)

បដិសន្ធិក្ខណេ ឧបាទិន្នា ឥន្ទ្រិយា សម្បយុត្តកានំ ខន្ធានំ កដត្តា ច រូបានំ ឥន្ទ្រិយបច្ចយេន បច្ចយោ; ចក្ខុន្ទ្រិយំ ចក្ខុវិញ្ញាណស្ស…បេ… កាយិន្ទ្រិយំ កាយវិញ្ញាណស្ស…បេ… រូបជីវិតិន្ទ្រិយំ កដត្តារូបានំ ឥន្ទ្រិយបច្ចយេន បច្ចយោ. (២)

ឧបាទិន្នោ ធម្មោ អនុបាទិន្នស្ស ធម្មស្ស…បេ… (ឧបាទិន្នមូលកេ តីណិ, បឋមស្សេវ រូបជីវិតិន្ទ្រិយំ, ឥតរេសុ នត្ថិ). (៣)

អនុបាទិន្នោ ធម្មោ អនុបាទិន្នស្ស ធម្មស្ស ឥន្ទ្រិយបច្ចយេន បច្ចយោ – អនុបាទិន្នា ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ. (១)

ឧបាទិន្នោ ធម្មោ ឧបាទិន្នស្ស ធម្មស្ស ឈានបច្ចយេន បច្ចយោ… ចត្តារិ, មគ្គបច្ចយេន បច្ចយោ… ចត្តារិ, សម្បយុត្តបច្ចយេន បច្ចយោ… ទ្វេ.

វិប្បយុត្តបច្ចយោ

៤៦២. ឧបាទិន្នោ ធម្មោ ឧបាទិន្នស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតំ – បដិសន្ធិក្ខណេ ឧបាទិន្នា ខន្ធា កដត្តារូបានំ វិប្បយុត្តបច្ចយេន បច្ចយោ, ខន្ធា វត្ថុស្ស វិប្បយុត្តបច្ចយេន បច្ចយោ, វត្ថុ ខន្ធានំ វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ ឧបាទិន្នានំ ខន្ធានំ វិប្បយុត្តបច្ចយេន បច្ចយោ. បច្ឆាជាតា – ឧបាទិន្នា ខន្ធា បុរេជាតស្ស ឥមស្ស ឧបាទិន្នស្ស កាយស្ស វិប្បយុត្តបច្ចយេន បច្ចយោ. (១)

ឧបាទិន្នោ ធម្មោ អនុបាទិន្នស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតា – ឧបាទិន្នា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បុរេជាតំ – វត្ថុ អនុបាទិន្នានំ ខន្ធានំ វិប្បយុត្តបច្ចយេន បច្ចយោ. បច្ឆាជាតា – ឧបាទិន្នា ខន្ធា បុរេជាតស្ស ឥមស្ស អនុបាទិន្នស្ស កាយស្ស វិប្បយុត្តបច្ចយេន បច្ចយោ. (២)

ឧបាទិន្នោ ធម្មោ ឧបាទិន្នស្ស ច អនុបាទិន្នស្ស ច ធម្មស្ស វិប្បយុត្តបច្ចយេន បច្ចយោ. បច្ឆាជាតា – ឧបាទិន្នា ខន្ធា បុរេជាតស្ស ឥមស្ស ឧបាទិន្នស្ស ច អនុបាទិន្នស្ស ច កាយស្ស វិប្បយុត្តបច្ចយេន បច្ចយោ. (៣)

៤៦៣. អនុបាទិន្នោ ធម្មោ អនុបាទិន្នស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – អនុបាទិន្នា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បច្ឆាជាតា – អនុបាទិន្នា ខន្ធា បុរេជាតស្ស ឥមស្ស អនុបាទិន្នស្ស កាយស្ស វិប្បយុត្តបច្ចយេន បច្ចយោ. (១)

អនុបាទិន្នោ ធម្មោ ឧបាទិន្នស្ស ធម្មស្ស វិប្បយុត្តបច្ចយេន បច្ចយោ. បច្ឆាជាតា – អនុបាទិន្នា ខន្ធា បុរេជាតស្ស ឥមស្ស ឧបាទិន្នស្ស កាយស្ស វិប្បយុត្តបច្ចយេន បច្ចយោ. (២)

អនុបាទិន្នោ ធម្មោ ឧបាទិន្នស្ស ច អនុបាទិន្នស្ស ច ធម្មស្ស វិប្បយុត្តបច្ចយេន បច្ចយោ. បច្ឆាជាតា – អនុបាទិន្នា ខន្ធា បុរេជាតស្ស ឥមស្ស ឧបាទិន្នស្ស ច អនុបាទិន្នស្ស ច កាយស្ស វិប្បយុត្តបច្ចយេន បច្ចយោ. (៣)

អត្ថិបច្ចយាទិ

៤៦៤. ឧបាទិន្នោ ធម្មោ ឧបាទិន្នស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ. យថា និក្ខិត្តបទានិ វិភជិតព្ពានិ បរិបុណ្ណានិ). (១)

ឧបាទិន្នោ ធម្មោ អនុបាទិន្នស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ (សំខិត្តំ, យថា និក្ខិត្តបទានិ វិត្ថារេតព្ពានិ. (២)

ឧបាទិន្នោ ធម្មោ ឧបាទិន្នស្ស ច អនុបាទិន្នស្ស ច ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ (សំខិត្តំ, យថា និក្ខិត្តបទានិ វិត្ថារេតព្ពានិ). (៣)

អនុបាទិន្នោ ធម្មោ អនុបាទិន្នស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ (សំខិត្តំ, យថា និក្ខិត្តបទានិ វិភជិតព្ពានិ). (១)

អនុបាទិន្នោ ធម្មោ ឧបាទិន្នស្ស ធម្មស្ស អត្ថិបច្ចយេន បច្ចយោ – បុរេជាតំ, បច្ឆាជាតំ, អាហារំ. បុរេជាតំ – អនុបាទិន្នេ រូបេ… សទ្ទេ… គន្ធេ… រសេ… ផោដ្ឋព្ពេ អនិច្ចតោ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ វិបាកោ តទារម្មណតា ឧប្បជ្ជតិ, អនុបាទិន្នំ រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ…. បច្ឆាជាតា – អនុបាទិន្នា ខន្ធា បុរេជាតស្ស ឥមស្ស ឧបាទិន្នស្ស កាយស្ស អត្ថិបច្ចយេន បច្ចយោ; អនុបាទិន្នោ កពឡីការោ អាហារោ ឥមស្ស ឧបាទិន្នស្ស កាយស្ស អត្ថិបច្ចយេន បច្ចយោ. (២)

អនុបាទិន្នោ ធម្មោ ឧបាទិន្នស្ស ច អនុបាទិន្នស្ស ច ធម្មស្ស អត្ថិបច្ចយេន បច្ចយោ – បច្ឆាជាតំ, អាហារំ. បច្ឆាជាតា – អនុបាទិន្នា ខន្ធា បុរេជាតស្ស ឥមស្ស ឧបាទិន្នស្ស ច អនុបាទិន្នស្ស ច កាយស្ស អត្ថិបច្ចយេន បច្ចយោ; អនុបាទិន្នោ កពឡីការោ អាហារោ ឥមស្ស ឧបាទិន្នស្ស ច អនុបាទិន្នស្ស ច កាយស្ស អត្ថិបច្ចយេន បច្ចយោ. (៣)

៤៦៥. ឧបាទិន្នោ ច អនុបាទិន្នោ ច ធម្មា ឧបាទិន្នស្ស ធម្មស្ស អត្ថិបច្ចយេន បច្ចយោ – បុរេជាតំ, បច្ឆាជាតំ, អាហារំ, ឥន្ទ្រិយំ. បុរេជាតំ – អនុបាទិន្នំ រូបាយតនញ្ច ចក្ខាយតនញ្ច ចក្ខុវិញ្ញាណស្ស…បេ… អនុបាទិន្នំ ផោដ្ឋព្ពាយតនញ្ច កាយាយតនញ្ច កាយវិញ្ញាណស្ស អត្ថិបច្ចយេន បច្ចយោ; អនុបាទិន្នំ រូបាយតនញ្ច វត្ថុ ច…បេ… ផោដ្ឋព្ពាយតនញ្ច វត្ថុ ច ឧបាទិន្នានំ ខន្ធានំ អត្ថិបច្ចយេន បច្ចយោ. បច្ឆាជាតា – ឧបាទិន្នា ខន្ធា ច អនុបាទិន្នោ កពឡីការោ អាហារោ ច ឥមស្ស ឧបាទិន្នស្ស កាយស្ស អត្ថិបច្ចយេន បច្ចយោ. បច្ឆាជាតា – អនុបាទិន្នា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (១)

ឧបាទិន្នោ ច អនុបាទិន្នោ ច ធម្មា អនុបាទិន្នស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ. សហជាតា – ឧបាទិន្នា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. សហជាតោ – អនុបាទិន្នោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ…. បុរេជាតំ – អនុបាទិន្នំ រូបាយតនញ្ច វត្ថុ ច អនុបាទិន្នានំ ខន្ធានំ អត្ថិបច្ចយេន បច្ចយោ…បេ… ផោដ្ឋព្ពាយតនញ្ច វត្ថុ ច អនុបាទិន្នានំ ខន្ធានំ អត្ថិបច្ចយេន បច្ចយោ. បច្ឆាជាតា – ឧបាទិន្នា ខន្ធា ច អនុបាទិន្នោ កពឡីការោ អាហារោ ច ឥមស្ស អនុបាទិន្នស្ស កាយស្ស អត្ថិបច្ចយេន បច្ចយោ. (២)

ឧបាទិន្នោ ច អនុបាទិន្នោ ច ធម្មា ឧបាទិន្នស្ស ច អនុបាទិន្នស្ស ច ធម្មស្ស អត្ថិបច្ចយេន បច្ចយោ. អាហារំ – ឧបាទិន្នោ ច អនុបាទិន្នោ ច កពឡីការោ អាហារោ ឥមស្ស ឧបាទិន្នស្ស ច អនុបាទិន្នស្ស ច កាយស្ស អត្ថិបច្ចយេន បច្ចយោ. (៣)

នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ.