១-៤. បច្ចយានុលោមាទិ

៤៤៣. ឧបាទិន្នំ ធម្មំ សំសដ្ឋោ ឧបាទិន្នោ ធម្មោ ឧប្បជ្ជតិ ហេតុបច្ចយា – ឧបាទិន្នំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ….

អនុបាទិន្នំ ធម្មំ សំសដ្ឋោ អនុបាទិន្នោ ធម្មោ ឧប្បជ្ជតិ ហេតុបច្ចយា – អនុបាទិន្នំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ…. (១)

ហេតុយា ទ្វេ, អារម្មណេ ទ្វេ, អធិបតិយា ឯកំ, អនន្តរេ ទ្វេ, សមនន្តរេ ទ្វេ, សហជាតេ ទ្វេ, អញ្ញមញ្ញេ ទ្វេ, និស្សយេ ទ្វេ, ឧបនិស្សយេ ទ្វេ, បុរេជាតេ ទ្វេ, អាសេវនេ ឯកំ, កម្មេ ទ្វេ, វិបាកេ ទ្វេ…បេ… អវិគតេ ទ្វេ.

អនុលោមំ.

៤៤៤. ឧបាទិន្នំ ធម្មំ សំសដ្ឋោ ឧបាទិន្នោ ធម្មោ ឧប្បជ្ជតិ នហេតុបច្ចយា – អហេតុកំ ឧបាទិន្នំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ…. (១)

អនុបាទិន្នំ ធម្មំ សំសដ្ឋោ អនុបាទិន្នោ ធម្មោ ឧប្បជ្ជតិ នហេតុបច្ចយា – អហេតុកំ អនុបាទិន្នំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… វិចិកិច្ឆាសហគតេ ឧទ្ធច្ចសហគតេ ខន្ធេ សំសដ្ឋោ វិចិកិច្ឆាសហគតោ ឧទ្ធច្ចសហគតោ មោហោ. (១)

នហេតុយា ទ្វេ, នអធិបតិយា ទ្វេ, នបុរេជាតេ ទ្វេ, នបច្ឆាជាតេ ទ្វេ, នអាសេវនេ ទ្វេ, នកម្មេ ឯកំ, នវិបាកេ ឯកំ, នឈានេ ឯកំ, នមគ្គេ ទ្វេ, នវិប្បយុត្តេ ទ្វេ.

បច្ចនីយំ.