១. វិភង្គវារោ

ហេតុបច្ចយោ

៤៣៤. ឧបាទិន្នំ ធម្មំ បច្ចយា ឧបាទិន្នោ ធម្មោ ឧប្បជ្ជតិ ហេតុបច្ចយា – ឧបាទិន្នំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ ឧបាទិន្នំ ឯកំ ខន្ធំ បច្ចយា តយោ ខន្ធា កដត្តា ច រូបំ…បេ… ទ្វេ ខន្ធេ…បេ… ខន្ធេ បច្ចយា វត្ថុ, វត្ថុំ បច្ចយា ខន្ធា, ឯកំ មហាភូតំ…បេ… មហាភូតេ បច្ចយា កដត្តារូបំ ឧបាទារូបំ, វត្ថុំ បច្ចយា ឧបាទិន្នា ខន្ធា. (១)

ឧបាទិន្នំ ធម្មំ បច្ចយា អនុបាទិន្នោ ធម្មោ ឧប្បជ្ជតិ ហេតុបច្ចយា – ឧបាទិន្នេ ខន្ធេ បច្ចយា ចិត្តសមុដ្ឋានំ រូបំ, វត្ថុំ បច្ចយា អនុបាទិន្នា ខន្ធា. (២)

ឧបាទិន្នំ ធម្មំ បច្ចយា ឧបាទិន្នោ ច អនុបាទិន្នោ ច ធម្មា ឧប្បជ្ជន្តិ ហេតុបច្ចយា – ឧបាទិន្នំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

អនុបាទិន្នំ ធម្មំ បច្ចយា អនុបាទិន្នោ ធម្មោ ឧប្បជ្ជតិ ហេតុបច្ចយា – អនុបាទិន្នំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… ឯកំ មហាភូតំ…បេ… មហាភូតេ បច្ចយា ចិត្តសមុដ្ឋានំ រូបំ ឧបាទារូបំ. (១)

ឧបាទិន្នញ្ច អនុបាទិន្នញ្ច ធម្មំ បច្ចយា អនុបាទិន្នោ ធម្មោ ឧប្បជ្ជតិ ហេតុបច្ចយា – ឧបាទិន្នេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, អនុបាទិន្នំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច…បេ…. (១)

អារម្មណបច្ចយោ

៤៣៥. ឧបាទិន្នំ ធម្មំ បច្ចយា ឧបាទិន្នោ ធម្មោ ឧប្បជ្ជតិ អារម្មណបច្ចយា – ឧបាទិន្នំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ… វត្ថុំ បច្ចយា ខន្ធា, ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ…បេ… វត្ថុំ បច្ចយា ឧបាទិន្នា ខន្ធា. (១)

ឧបាទិន្នំ ធម្មំ បច្ចយា អនុបាទិន្នោ ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា អនុបាទិន្នា ខន្ធា. (២)

អនុបាទិន្នំ ធម្មំ បច្ចយា អនុបាទិន្នោ ធម្មោ ឧប្បជ្ជតិ អារម្មណបច្ចយា – អនុបាទិន្នំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ…បេ…. (១)

ឧបាទិន្នញ្ច អនុបាទិន្នញ្ច ធម្មំ បច្ចយា អនុបាទិន្នោ ធម្មោ ឧប្បជ្ជតិ អារម្មណបច្ចយា – អនុបាទិន្នំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច…បេ…. (១)

អធិបតិបច្ចយោ

៤៣៦. ឧបាទិន្នំ ធម្មំ បច្ចយា អនុបាទិន្នោ ធម្មោ ឧប្បជ្ជតិ អធិបតិបច្ចយា – វត្ថុំ បច្ចយា អនុបាទិន្នា ខន្ធា. (១)

អនុបាទិន្នំ ធម្មំ បច្ចយា អនុបាទិន្នោ ធម្មោ ឧប្បជ្ជតិ អធិបតិបច្ចយា – អនុបាទិន្នំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… ឯកំ មហាភូតំ…បេ… មហាភូតេ បច្ចយា ចិត្តសមុដ្ឋានំ រូបំ ឧបាទារូបំ. (១)

ឧបាទិន្នញ្ច អនុបាទិន្នញ្ច ធម្មំ បច្ចយា អនុបាទិន្នោ ធម្មោ ឧប្បជ្ជតិ អធិបតិបច្ចយា – អនុបាទិន្នំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច…បេ…. (១) (សំខិត្តំ.)