១. វិភង្គវារោ

ហេតុបច្ចយោ

៤១៦. ឧបាទិន្នំ ធម្មំ បដិច្ច ឧបាទិន្នោ ធម្មោ ឧប្បជ្ជតិ ហេតុបច្ចយា – ឧបាទិន្នំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ ឧបាទិន្នំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា, ឯកំ មហាភូតំ…បេ… មហាភូតេ បដិច្ច កដត្តារូបំ ឧបាទារូបំ. (១)

ឧបាទិន្នំ ធម្មំ បដិច្ច អនុបាទិន្នោ ធម្មោ ឧប្បជ្ជតិ ហេតុបច្ចយា – ឧបាទិន្នេ ខន្ធេ បដិច្ច ចិត្តសមុដ្ឋានំ រូបំ. (២)

ឧបាទិន្នំ ធម្មំ បដិច្ច ឧបាទិន្នោ ច អនុបាទិន្នោ ច ធម្មា ឧប្បជ្ជន្តិ ហេតុបច្ចយា – ឧបាទិន្នំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ…. (៣)

អនុបាទិន្នំ ធម្មំ បដិច្ច អនុបាទិន្នោ ធម្មោ ឧប្បជ្ជតិ ហេតុបច្ចយា – អនុបាទិន្នំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… ឯកំ មហាភូតំ បដិច្ច…បេ… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ. (១)

ឧបាទិន្នញ្ច អនុបាទិន្នញ្ច ធម្មំ បដិច្ច អនុបាទិន្នោ ធម្មោ ឧប្បជ្ជតិ ហេតុបច្ចយា – ឧបាទិន្នេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អារម្មណបច្ចយោ

៤១៧. ឧបាទិន្នំ ធម្មំ បដិច្ច ឧបាទិន្នោ ធម្មោ ឧប្បជ្ជតិ អារម្មណបច្ចយា – ឧបាទិន្នំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ… វត្ថុំ បដិច្ច ខន្ធា. (១)

អនុបាទិន្នំ ធម្មំ បដិច្ច អនុបាទិន្នោ ធម្មោ ឧប្បជ្ជតិ អារម្មណបច្ចយា – អនុបាទិន្នំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ…. (១)

អធិបតិបច្ចយោ

៤១៨. អនុបាទិន្នំ ធម្មំ បដិច្ច អនុបាទិន្នោ ធម្មោ ឧប្បជ្ជតិ អធិបតិបច្ចយា – អនុបាទិន្នំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… ឯកំ មហាភូតំ បដិច្ច…បេ… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ (សំខិត្តំ).