២. សង្ខ្យាវារោ

សុទ្ធំ

៤១០. ហេតុយា តីណិ, អារម្មណេ ទ្វេ, អធិបតិយា ចត្តារិ, អនន្តរេ ឯកំ, សមនន្តរេ ឯកំ, សហជាតេ បញ្ច, អញ្ញមញ្ញេ បញ្ច, និស្សយេ បញ្ច, ឧបនិស្សយេ ទ្វេ, បុរេជាតេ តីណិ, បច្ឆាជាតេ តីណិ, អាសេវនេ ឯកំ, កម្មេ តីណិ, វិបាកេ តីណិ, អាហារេ ឆ, ឥន្ទ្រិយេ សត្ត, ឈានេ តីណិ, មគ្គេ តីណិ, សម្បយុត្តេ ឯកំ, វិប្បយុត្តេ ចត្តារិ, អត្ថិយា នវ, នត្ថិយា ឯកំ, វិគតេ ឯកំ, អវិគតេ នវ.

អនុលោមំ.

បច្ចនីយុទ្ធារោ

៤១១. ឧបាទា ធម្មោ ឧបាទា ធម្មស្ស អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

ឧបាទា ធម្មោ នោឧបាទា ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (២)

ឧបាទា ធម្មោ ឧបាទា ធម្មស្ស ច នោឧបាទា ធម្មស្ស ច អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (៣)

៤១២. នោឧបាទា ធម្មោ នោឧបាទា ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ. (១)

នោឧបាទា ធម្មោ ឧបាទា ធម្មស្ស សហជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ. (២)

នោឧបាទា ធម្មោ ឧបាទា ធម្មស្ស ច នោឧបាទា ធម្មស្ស ច សហជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ. (៣)

ឧបាទា ច នោឧបាទា ច ធម្មា ឧបាទា ធម្មស្ស បច្ឆាជាតំ, អាហារំ, ឥន្ទ្រិយំ. (១)

ឧបាទា ច នោឧបាទា ច ធម្មា នោឧបាទា ធម្មស្ស សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. (២)

ឧបាទា ច នោឧបាទា ច ធម្មា ឧបាទា ធម្មស្ស ច នោឧបាទា ធម្មស្ស ច បច្ឆាជាតំ, អាហារំ, ឥន្ទ្រិយំ. (៣)