១. វិភង្គវារោ

នហេតុបច្ចយាទិ

៣៨៩. ឧបាទា ធម្មំ បច្ចយា នោឧបាទា ធម្មោ ឧប្បជ្ជតិ នហេតុបច្ចយា – ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា នោឧបាទា ខន្ធា; អហេតុកបដិសន្ធិក្ខណេ…បេ… វត្ថុំ បច្ចយា វិចិកិច្ឆាសហគតោ ឧទ្ធច្ចសហគតោ មោហោ. (១)

នោឧបាទា ធម្មំ បច្ចយា នោឧបាទា ធម្មោ ឧប្បជ្ជតិ នហេតុបច្ចយា – អហេតុកំ នោឧបាទា ឯកំ ខន្ធំ បច្ចយា តយោ ខន្ធា នោឧបាទា ច ចិត្តសមុដ្ឋានំ រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ…បេ… ឯកំ មហាភូតំ…បេ… (យាវ អសញ្ញសត្តា) វិចិកិច្ឆាសហគតេ ឧទ្ធច្ចសហគតេ ខន្ធេ បច្ចយា វិចិកិច្ឆាសហគតោ ឧទ្ធច្ចសហគតោ មោហោ (តីណិបិ បដិច្ចសទិសា, និន្នានាករណា). (៣)

ឧបាទា ច នោឧបាទា ច ធម្មំ បច្ចយា នោឧបាទា ធម្មោ ឧប្បជ្ជតិ នហេតុបច្ចយា – ចក្ខុវិញ្ញាណសហគតំ ឯកំ ខន្ធញ្ច ចក្ខាយតនញ្ច បច្ចយា តយោ ខន្ធា…បេ… ទ្វេ ខន្ធេ ច…បេ… កាយវិញ្ញាណសហគតំ…បេ… អហេតុកំ នោឧបាទា ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច…បេ… បដិសន្ធិក្ខណេ…បេ… វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ. (១)

នអារម្មណបច្ចយា តីណិ, នអាសេវនបច្ចយា បញ្ច.

នកម្មបច្ចយាទិ

៣៩០. ឧបាទា ធម្មំ បច្ចយា នោឧបាទា ធម្មោ ឧប្បជ្ជតិ នកម្មបច្ចយា – វត្ថុំ បច្ចយា នោឧបាទា ចេតនា. (១)

នោឧបាទា ធម្មំ បច្ចយា នោឧបាទា ធម្មោ ឧប្បជ្ជតិ នកម្មបច្ចយា – នោឧបាទា ខន្ធេ បច្ចយា សម្បយុត្តកា ចេតនា; ពាហិរំ អាហារសមុដ្ឋានំ ឧតុសមុដ្ឋានំ…បេ… ទ្វេ មហាភូតេ បច្ចយា ទ្វេ មហាភូតា. (១)

នោឧបាទា ធម្មំ បច្ចយា ឧបាទា ធម្មោ ឧប្បជ្ជតិ នកម្មបច្ចយា – ពាហិរេ អាហារសមុដ្ឋានេ ឧតុសមុដ្ឋានេ មហាភូតេ បច្ចយា ឧបាទារូបំ. (២)

នោឧបាទា ធម្មំ បច្ចយា ឧបាទា ច នោឧបាទា ច ធម្មា ឧប្បជ្ជន្តិ នកម្មបច្ចយា – ពាហិរំ អាហារសមុដ្ឋានំ ឧតុសមុដ្ឋានំ ឯកំ មហាភូតំ បច្ចយា តយោ មហាភូតា ឧបាទា ច រូបំ…បេ… ទ្វេ មហាភូតេ…បេ…. (៣)

ឧបាទា ច នោឧបាទា ច ធម្មំ បច្ចយា នោឧបាទា ធម្មោ ឧប្បជ្ជតិ នកម្មបច្ចយា – នោឧបាទា ខន្ធេ ច វត្ថុញ្ច បច្ចយា នោឧបាទា ចេតនា. (១)

នវិបាកបច្ចយា បញ្ច, នអាហារបច្ចយា តីណិ, នឥន្ទ្រិយបច្ចយា តីណិ.

នឈានបច្ចយាទិ

៣៩១. ឧបាទា ធម្មំ បច្ចយា នោឧបាទា ធម្មោ ឧប្បជ្ជតិ នឈានបច្ចយា – ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ. (១)

នោឧបាទា ធម្មំ បច្ចយា នោឧបាទា ធម្មោ ឧប្បជ្ជតិ នឈានបច្ចយា – បញ្ចវិញ្ញាណសហគតំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ…បេ… ពាហិរំ អាហារសមុដ្ឋានំ ឧតុសមុដ្ឋានំ អសញ្ញសត្តានំ…បេ… ទ្វេ មហាភូតេ បច្ចយា ទ្វេ មហាភូតា. (១)

នោឧបាទា ធម្មំ បច្ចយា ឧបាទា ធម្មោ ឧប្បជ្ជតិ នឈានបច្ចយា – ពាហិរេ អាហារសមុដ្ឋានេ ឧតុសមុដ្ឋានេ អសញ្ញសត្តានំ មហាភូតេ បច្ចយា ឧបាទា កដត្តារូបំ. (២)

នោឧបាទា ធម្មំ បច្ចយា ឧបាទា ច នោឧបាទា ច ធម្មា ឧប្បជ្ជន្តិ នឈានបច្ចយា – ពាហិរំ អាហារសមុដ្ឋានំ ឧតុសមុដ្ឋានំ អសញ្ញសត្តានំ ឯកំ មហាភូតំ បច្ចយា តយោ មហាភូតា ឧបាទា ច កដត្តារូបំ…បេ… ទ្វេ…បេ…. (៣)

ឧបាទា ច នោឧបាទា ច ធម្មំ បច្ចយា នោឧបាទា ធម្មោ ឧប្បជ្ជតិ នឈានបច្ចយា – ចក្ខុវិញ្ញាណសហគតំ ឯកំ ខន្ធញ្ច ចក្ខាយតនញ្ច បច្ចយា តយោ ខន្ធា…បេ… ទ្វេ ខន្ធេ ច…បេ…. (១)

នមគ្គបច្ចយា បញ្ច, នសម្បយុត្តបច្ចយា តីណិ, នវិប្បយុត្តបច្ចយា តីណិ, នោនត្ថិបច្ចយា តីណិ, នោវិគតបច្ចយា តីណិ.