១. វិភង្គវារោ

ហេតុបច្ចយោ

៣៧០. ឧបាទា ធម្មំ បដិច្ច នោឧបាទា ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ វត្ថុំ បដិច្ច នោឧបាទា ខន្ធា. (១)

នោឧបាទា ធម្មំ បដិច្ច នោឧបាទា ធម្មោ ឧប្បជ្ជតិ ហេតុបច្ចយា – នោឧបាទា ឯកំ ខន្ធំ បដិច្ច តយោ ខន្ធា នោឧបាទា ច ចិត្តសមុដ្ឋានំ រូបំ…បេ… ទ្វេ ខន្ធេ…បេ… បដិសន្ធិក្ខណេ នោឧបាទា ឯកំ ខន្ធំ បដិច្ច តយោ ខន្ធា នោឧបាទា ច កដត្តារូបំ…បេ… ទ្វេ ខន្ធេ…បេ… ឯកំ មហាភូតំ…បេ… ទ្វេ មហាភូតេ បដិច្ច ទ្វេ មហាភូតា. (១)

នោឧបាទា ធម្មំ បដិច្ច ឧបាទា ធម្មោ ឧប្បជ្ជតិ ហេតុបច្ចយា – នោឧបាទា ខន្ធេ បដិច្ច ឧបាទា ចិត្តសមុដ្ឋានំ រូបំ; បដិសន្ធិក្ខណេ…បេ… មហាភូតេ បដិច្ច ឧបាទា ចិត្តសមុដ្ឋានំ រូបំ កដត្តារូបំ ឧបាទារូបំ. (២)

នោឧបាទា ធម្មំ បដិច្ច ឧបាទា ច នោឧបាទា ច ធម្មា ឧប្បជ្ជន្តិ ហេតុបច្ចយា – នោឧបាទា ឯកំ ខន្ធំ បដិច្ច តយោ ខន្ធា ឧបាទា ច នោឧបាទា ច ចិត្តសមុដ្ឋានំ រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ…. (៣)

ឧបាទា ច នោឧបាទា ច ធម្មំ បដិច្ច នោឧបាទា ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ នោឧបាទា ឯកំ ខន្ធញ្ច វត្ថុញ្ច បដិច្ច តយោ ខន្ធា, ទ្វេ ខន្ធេ ច…បេ…. (១)

អារម្មណបច្ចយោ

៣៧១. ឧបាទា ធម្មំ បដិច្ច នោឧបាទា ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ វត្ថុំ បដិច្ច នោឧបាទា ខន្ធា. (១)

នោឧបាទា ធម្មំ បដិច្ច នោឧបាទា ធម្មោ ឧប្បជ្ជតិ អារម្មណបច្ចយា – នោឧបាទា ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

ឧបាទា ច នោឧបាទា ច ធម្មំ បដិច្ច នោឧបាទា ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ នោឧបាទា ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច…បេ…. (១)

អធិបតិបច្ចយាទិ

៣៧២. នោឧបាទា ធម្មំ បដិច្ច នោឧបាទា ធម្មោ ឧប្បជ្ជតិ អធិបតិបច្ចយា – នោឧបាទា ឯកំ ខន្ធំ បដិច្ច តយោ ខន្ធា នោឧបាទា ច ចិត្តសមុដ្ឋានំ រូបំ…បេ… ទ្វេ ខន្ធេ…បេ…. (១)

នោឧបាទា ធម្មំ បដិច្ច ឧបាទា ធម្មោ ឧប្បជ្ជតិ អធិបតិបច្ចយា – នោឧបាទា ខន្ធេ បដិច្ច ឧបាទា ចិត្តសមុដ្ឋានំ រូបំ, មហាភូតេ បដិច្ច ឧបាទា ចិត្តសមុដ្ឋានំ រូបំ. (២)

នោឧបាទា ធម្មំ បដិច្ច ឧបាទា ច នោឧបាទា ច ធម្មា ឧប្បជ្ជន្តិ អធិបតិបច្ចយា – នោឧបាទា ឯកំ ខន្ធំ បដិច្ច តយោ ខន្ធា ឧបាទា ច នោឧបាទា ច ចិត្តសមុដ្ឋានំ រូបំ…បេ… ទ្វេ ខន្ធេ…បេ…. (៣)

អនន្តរបច្ចយា តីណិ, សមនន្តរបច្ចយា តីណិ, សហជាតបច្ចយា បញ្ច.

អញ្ញមញ្ញបច្ចយោ

៣៧៣. ឧបាទា ធម្មំ បដិច្ច នោឧបាទា ធម្មោ ឧប្បជ្ជតិ អញ្ញមញ្ញបច្ចយា – បដិសន្ធិក្ខណេ វត្ថុំ បដិច្ច នោឧបាទា ខន្ធា. (១)

នោឧបាទា ធម្មំ បដិច្ច នោឧបាទា ធម្មោ ឧប្បជ្ជតិ អញ្ញមញ្ញបច្ចយា – នោឧបាទា ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ… ឯកំ មហាភូតំ…បេ… អសញ្ញសត្តានំ ឯកំ មហាភូតំ បដិច្ច…បេ… ទ្វេ មហាភូតេ បដិច្ច ទ្វេ មហាភូតា. (១)

នោឧបាទា ធម្មំ បដិច្ច ឧបាទា ធម្មោ ឧប្បជ្ជតិ អញ្ញមញ្ញបច្ចយា – បដិសន្ធិក្ខណេ នោឧបាទា ខន្ធេ បដិច្ច វត្ថុ. (២)

នោឧបាទា ធម្មំ បដិច្ច ឧបាទា ច នោឧបាទា ច ធម្មា ឧប្បជ្ជន្តិ អញ្ញមញ្ញបច្ចយា – បដិសន្ធិក្ខណេ នោឧបាទា ឯកំ ខន្ធំ បដិច្ច តយោ ខន្ធា វត្ថុ ច…បេ… ទ្វេ ខន្ធេ…បេ…. (៣)

ឧបាទា ច នោឧបាទា ច ធម្មំ បដិច្ច នោឧបាទា ធម្មោ ឧប្បជ្ជតិ អញ្ញមញ្ញបច្ចយា – បដិសន្ធិក្ខណេ នោឧបាទា ឯកំ ខន្ធញ្ច វត្ថុញ្ច បដិច្ច តយោ ខន្ធា…បេ… ទ្វេ ខន្ធេ ច…បេ… (សំខិត្តំ). (១)