១. វិភង្គវារោ

ហេតុបច្ចយោ

៣៤០. ពាហិរោ ធម្មោ ពាហិរស្ស ធម្មស្ស ហេតុបច្ចយេន បច្ចយោ – ពាហិរា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ – បដិសន្ធិក្ខណេ ពាហិរា ហេតូ សម្បយុត្តកានំ ខន្ធានំ ពាហិរានញ្ច កដត្តារូបានំ ហេតុបច្ចយេន បច្ចយោ. (១)

ពាហិរោ ធម្មោ អជ្ឈត្តិកស្ស ធម្មស្ស ហេតុបច្ចយេន បច្ចយោ – ពាហិរា ហេតូ ចិត្តស្ស ហេតុបច្ចយេន បច្ចយោ; បដិសន្ធិក្ខណេ ពាហិរា ហេតូ ចិត្តស្ស អជ្ឈត្តិកានញ្ច កដត្តារូបានំ ហេតុបច្ចយេន បច្ចយោ. (២)

ពាហិរោ ធម្មោ អជ្ឈត្តិកស្ស ច ពាហិរស្ស ច ធម្មស្ស ហេតុបច្ចយេន បច្ចយោ – ពាហិរា ហេតូ សម្បយុត្តកានំ ខន្ធានំ ចិត្តស្ស ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ ពាហិរា ហេតូ សម្បយុត្តកានំ ខន្ធានំ ចិត្តស្ស ច អជ្ឈត្តិកានញ្ច ពាហិរានញ្ច កដត្តារូបានំ ហេតុបច្ចយេន បច្ចយោ. (៣)

អារម្មណបច្ចយោ

៣៤១. អជ្ឈត្តិកោ ធម្មោ អជ្ឈត្តិកស្ស ធម្មស្ស អារម្មណបច្ចយេន បច្ចយោ – ចិត្តំ អារព្ភ ចិត្តំ ឧប្បជ្ជតិ. (មូលំ បុច្ឆិតព្ពំ) ចិត្តំ អារព្ភ ពាហិរា ខន្ធា ឧប្បជ្ជន្តិ. (មូលំ បុច្ឆិតព្ពំ) ចិត្តំ អារព្ភ ចិត្តញ្ច សម្បយុត្តកា ច ខន្ធា ឧប្បជ្ជន្តិ. (៣)

ពាហិរោ ធម្មោ ពាហិរស្ស ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ កត្វា តំ បច្ចវេក្ខតិ អស្សាទេតិ អភិនន្ទតិ, តំ អារព្ភ រាគោ…បេ… ទោមនស្សំ ឧប្បជ្ជតិ; បុព្ពេ សុចិណ្ណានិ បច្ចវេក្ខតិ, ឈានា វុដ្ឋហិត្វា ឈានំ…បេ… អរិយា មគ្គា វុដ្ឋហិត្វា មគ្គំ…បេ… ផលំ…បេ… និព្ពានំ បច្ចវេក្ខន្តិ… និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ. អរិយា ពាហិរេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ…បេ… បុព្ពេ សមុទាចិណ្ណេ កិលេសេ ជានន្តិ, រូបេ…បេ… វត្ថុំ ពាហិរេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ចេតោបរិយញាណេន ពាហិរចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… រូបាយតនំ ចក្ខុវិញ្ញាណសហគតានំ ខន្ធានំ អារម្មណបច្ចយេន បច្ចយោ…បេ… ផោដ្ឋព្ពាយតនំ…បេ… ពាហិរា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

ពាហិរោ ធម្មោ អជ្ឈត្តិកស្ស ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ កត្វា តំ បច្ចវេក្ខតិ អស្សាទេតិ អភិនន្ទតិ, តំ អារព្ភ ចិត្តំ ឧប្បជ្ជតិ. បុព្ពេ សុចិណ្ណានិ…បេ… ឈានំ…បេ… (សំខិត្តំ, សព្ពំ កាតព្ពំ) បុព្ពេ សមុទាចិណ្ណេ…បេ… រូបេ…បេ… វត្ថុំ ពាហិរេ ខន្ធេ អនិច្ចតោ…បេ… វិបស្សតិ, អស្សាទេតិ អភិនន្ទតិ, តំ អារព្ភ ចិត្តំ ឧប្បជ្ជតិ. ទិព្ពេន ចក្ខុនា រូបំ បស្សតិ…បេ… រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ…បេ… ពាហិរា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (៣)

ពាហិរោ ធម្មោ អជ្ឈត្តិកស្ស ច ពាហិរស្ស ច ធម្មស្ស អារម្មណបច្ចយេន បច្ចយោ – ទានំ…បេ… សីលំ…បេ… ឧបោសថកម្មំ កត្វា តំ បច្ចវេក្ខតិ អស្សាទេតិ អភិនន្ទតិ, តំ អារព្ភ ចិត្តញ្ច សម្បយុត្តកា ច ខន្ធា ឧប្បជ្ជន្តិ (សំខិត្តំ, សព្ពំ កាតព្ពំ). ពាហិរេ ខន្ធេ អនិច្ចតោ…បេ… វិបស្សតិ, អស្សាទេតិ អភិនន្ទតិ, តំ អារព្ភ ចិត្តញ្ច សម្បយុត្តកា ច ខន្ធា ឧប្បជ្ជន្តិ. ទិព្ពេន ចក្ខុនា រូបំ បស្សតិ…បេ… រូបាយតនំ ចក្ខុវិញ្ញាណស្ស ច សម្បយុត្តកានញ្ច ខន្ធានំ…បេ… ផោដ្ឋព្ពាយតនំ…បេ… ពាហិរា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (៣)

អជ្ឈត្តិកោ ច ពាហិរោ ច ធម្មា អជ្ឈត្តិកស្ស ធម្មស្ស អារម្មណបច្ចយេន បច្ចយោ… តីណិ.

អធិបតិបច្ចយោ

៣៤២. អជ្ឈត្តិកោ ធម្មោ អជ្ឈត្តិកស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – ចិត្តំ គរុំ កត្វា ចិត្តំ ឧប្បជ្ជតិ. (១)

អជ្ឈត្តិកោ ធម្មោ ពាហិរស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ចិត្តំ គរុំ កត្វា ពាហិរា ខន្ធា ឧប្បជ្ជន្តិ. សហជាតាធិបតិ – ចិត្តាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (មូលំ) អារម្មណាធិបតិ – អជ្ឈត្តិកំ ចិត្តំ គរុំ កត្វា ចិត្តញ្ច សម្បយុត្តកា ច ខន្ធា ឧប្បជ្ជន្តិ. (៣)

ពាហិរោ ធម្មោ ពាហិរស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា…បេ… តីណិ (ទ្វេ អធិបតី តិណ្ណម្បិ កាតព្ពា). (៣)

អជ្ឈត្តិកោ ច ពាហិរោ ច ធម្មា អជ្ឈត្តិកស្ស ធម្មស្ស អធិបតិបច្ចយេន បច្ចយោ… តីណិ (តិណ្ណម្បិ ឯកាយេវ អធិបតិ).

អនន្តរបច្ចយាទិ

៣៤៣. អជ្ឈត្តិកោ ធម្មោ អជ្ឈត្តិកស្ស ធម្មស្ស អនន្តរបច្ចយេន បច្ចយោ – បុរិមំ បុរិមំ ចិត្តំ បច្ឆិមស្ស បច្ឆិមស្ស ចិត្តស្ស អនន្តរបច្ចយេន បច្ចយោ… តីណិ.

ពាហិរោ ធម្មោ ពាហិរស្ស ធម្មស្ស អនន្តរបច្ចយេន បច្ចយោ – បុរិមា បុរិមា ពាហិរា ខន្ធា បច្ឆិមានំ បច្ឆិមានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស…បេ… តីណិ (តិណ្ណម្បិ ឯកសទិសា).

អជ្ឈត្តិកោ ច ពាហិរោ ច ធម្មា អជ្ឈត្តិកស្ស ធម្មស្ស អនន្តរបច្ចយេន បច្ចយោ… តីណិ, សមនន្តរបច្ចយេន បច្ចយោ… នវ, សហជាតបច្ចយេន បច្ចយោ… នវ (បដិច្ចសទិសា), អញ្ញមញ្ញបច្ចយេន បច្ចយោ… បញ្ច (បដិច្ចសទិសា), និស្សយបច្ចយេន បច្ចយោ… នវ, (បច្ចយវារសទិសា).

ឧបនិស្សយបច្ចយោ

៣៤៤. អជ្ឈត្តិកោ ធម្មោ អជ្ឈត្តិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ចិត្តំ ចិត្តស្ស ឧបនិស្សយបច្ចយេន បច្ចយោ… តីណិ.

ពាហិរោ ធម្មោ ពាហិរស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… មានំ ជប្បេតិ, ទិដ្ឋិំ គណ្ហាតិ; សីលំ…បេ… សេនាសនំ ឧបនិស្សាយ ទានំ ទេតិ…បេ… សង្ឃំ ភិន្ទតិ; សទ្ធា…បេ… សេនាសនំ សទ្ធាយ…បេ… ផលសមាបត្តិយា ឧបនិស្សយបច្ចយេន បច្ចយោ, (តីណិបិ បូរេត្វា កាតព្ពា, ចិត្តស្សាតិ កាតព្ពា, សម្បយុត្តកានញ្ចាតិ កាតព្ពា).

អជ្ឈត្តិកោ ច ពាហិរោ ច ធម្មា អជ្ឈត្តិកស្ស ធម្មស្ស ឧបនិស្សយបច្ចយេន បច្ចយោ… តីណិ.

បុរេជាតបច្ចយោ

៣៤៥. អជ្ឈត្តិកោ ធម្មោ អជ្ឈត្តិកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ …បេ… កាយំ អនិច្ចតោ…បេ… វិបស្សតិ, អស្សាទេតិ អភិនន្ទតិ, តំ អារព្ភ ចិត្តំ ឧប្បជ្ជតិ. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស បុរេជាតបច្ចយេន បច្ចយោ. (១)

អជ្ឈត្តិកោ ធម្មោ ពាហិរស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… កាយំ អនិច្ចតោ…បេ… វិបស្សតិ, អស្សាទេតិ…បេ… ទោមនស្សំ ឧប្បជ្ជតិ. វត្ថុបុរេជាតំ – ចក្ខាយតនំ ចក្ខុវិញ្ញាណសហគតានំ ខន្ធានំ…បេ… កាយាយតនំ កាយវិញ្ញាណសហគតានំ ខន្ធានំ បុរេជាតបច្ចយេន បច្ចយោ. (២)

អជ្ឈត្តិកោ ធម្មោ អជ្ឈត្តិកស្ស ច ពាហិរស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… កាយំ អនិច្ចតោ…បេ… វិបស្សតិ, តំ អារព្ភ ចិត្តញ្ច សម្បយុត្តកា ខន្ធា ច ឧប្បជ្ជន្តិ. វត្ថុបុរេជាតំ – ចក្ខាយតនំ ចក្ខុវិញ្ញាណស្ស សម្បយុត្តកានញ្ច ខន្ធានំ…បេ… កាយាយតនំ កាយវិញ្ញាណស្ស សម្បយុត្តកានញ្ច ខន្ធានំ បុរេជាតបច្ចយេន បច្ចយោ. (៣)

៣៤៦. ពាហិរោ ធម្មោ ពាហិរស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – រូបេ…បេ… ផោដ្ឋព្ពេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. វត្ថុបុរេជាតំ – វត្ថុ ពាហិរានំ ខន្ធានំ បុរេជាតបច្ចយេន បច្ចយោ. (១)

ពាហិរោ ធម្មោ អជ្ឈត្តិកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – រូបេ…បេ… ផោដ្ឋព្ពេ… វត្ថុំ អនិច្ចតោ…បេ… តំ អារព្ភ ចិត្តំ ឧប្បជ្ជតិ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. វត្ថុបុរេជាតំ – វត្ថុ ចិត្តស្ស បុរេជាតបច្ចយេន បច្ចយោ. (២)

ពាហិរោ ធម្មោ អជ្ឈត្តិកស្ស ច ពាហិរស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – រូបេ…បេ… ផោដ្ឋព្ពេ… វត្ថុំ អនិច្ចតោ…បេ… តំ អារព្ភ ចិត្តញ្ច សម្បយុត្តកា ខន្ធា ច ឧប្បជ្ជន្តិ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. វត្ថុបុរេជាតំ – វត្ថុ ចិត្តស្ស សម្បយុត្តកានញ្ច ខន្ធានំ បុរេជាតបច្ចយេន បច្ចយោ. (៣)

៣៤៧. អជ្ឈត្តិកោ ច ពាហិរោ ច ធម្មា អជ្ឈត្តិកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. ចក្ខាយតនញ្ច វត្ថុ ច ចិត្តស្ស…បេ… កាយាយតនញ្ច វត្ថុ ច ចិត្តស្ស បុរេជាតបច្ចយេន បច្ចយោ; រូបាយតនញ្ច ចក្ខាយតនញ្ច ចក្ខុវិញ្ញាណស្ស…បេ… ផោដ្ឋព្ពាយតនញ្ច កាយាយតនញ្ច កាយវិញ្ញាណស្ស បុរេជាតបច្ចយេន បច្ចយោ. (១)

អជ្ឈត្តិកោ ច ពាហិរោ ច ធម្មា ពាហិរស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. ចក្ខាយតនញ្ច វត្ថុ ច ពាហិរានំ ខន្ធានំ បុរេជាតបច្ចយេន បច្ចយោ…បេ… កាយាយតនញ្ច វត្ថុ ច ពាហិរានំ ខន្ធានំ បុរេជាតបច្ចយេន បច្ចយោ; រូបាយតនញ្ច ចក្ខាយតនញ្ច ចក្ខុវិញ្ញាណសហគតានំ ខន្ធានំ បុរេជាតបច្ចយេន បច្ចយោ…បេ… ផោដ្ឋព្ពាយតនញ្ច កាយាយតនញ្ច កាយវិញ្ញាណសហគតានំ ខន្ធានំ បុរេជាតបច្ចយេន បច្ចយោ. (២)

អជ្ឈត្តិកោ ច ពាហិរោ ច ធម្មា អជ្ឈត្តិកស្ស ច ពាហិរស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. ចក្ខាយតនញ្ច វត្ថុ ច ចិត្តស្ស សម្បយុត្តកានញ្ច ខន្ធានំ បុរេជាតបច្ចយេន បច្ចយោ…បេ… កាយាយតនញ្ច វត្ថុ ច…បេ… រូបាយតនញ្ច ចក្ខាយតនញ្ច ចក្ខុវិញ្ញាណស្ស សម្បយុត្តកានញ្ច ខន្ធានំ បុរេជាតបច្ចយេន បច្ចយោ…បេ… ផោដ្ឋព្ពាយតនញ្ច…បេ…. (៣)

បច្ឆាជាតាសេវនបច្ចយា

៣៤៨. អជ្ឈត្តិកោ ធម្មោ អជ្ឈត្តិកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អជ្ឈត្តិកា ខន្ធា បុរេជាតស្ស ឥមស្ស អជ្ឈត្តិកស្ស កាយស្ស បច្ឆាជាតបច្ចយេន បច្ចយោ. (មូលំ កាតព្ពំ) បច្ឆាជាតា អជ្ឈត្តិកា ខន្ធា បុរេជាតស្ស ឥមស្ស ពាហិរស្ស កាយស្ស បច្ឆាជាតបច្ចយេន បច្ចយោ. (មូលំ កាតព្ពំ) បច្ឆាជាតា អជ្ឈត្តិកា ខន្ធា បុរេជាតស្ស ឥមស្ស អជ្ឈត្តិកស្ស ច ពាហិរស្ស ច កាយស្ស បច្ឆាជាតបច្ចយេន បច្ចយោ (ឯវំ នវបិ បញ្ហា កាតព្ពា), អាសេវនបច្ចយេន បច្ចយោ (នវ បញ្ហា កាតព្ពា).

កម្ម-វិបាកបច្ចយា

៣៤៩. ពាហិរោ ធម្មោ ពាហិរស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ពាហិរា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – ពាហិរា ចេតនា វិបាកានំ ពាហិរានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

ពាហិរោ ធម្មោ អជ្ឈត្តិកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ពាហិរា ចេតនា ចិត្តស្ស កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – ពាហិរា ចេតនា វិបាកស្ស ចិត្តស្ស អជ្ឈត្តិកានញ្ច កដត្តារូបានំ កម្មបច្ចយេន បច្ចយោ. (២)

ពាហិរោ ធម្មោ អជ្ឈត្តិកស្ស ច ពាហិរស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ពាហិរា ចេតនា សម្បយុត្តកានំ ខន្ធានំ ចិត្តស្ស ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – ពាហិរា ចេតនា វិបាកានំ ខន្ធានំ ចិត្តស្ស ច អជ្ឈត្តិកានញ្ច ពាហិរានញ្ច កដត្តារូបានំ កម្មបច្ចយេន បច្ចយោ. (៣) វិបាកបច្ចយេន បច្ចយោ… នវ.

អាហារបច្ចយោ

៣៥០. អជ្ឈត្តិកោ ធម្មោ អជ្ឈត្តិកស្ស ធម្មស្ស អាហារបច្ចយេន បច្ចយោ – បដិសន្ធិក្ខណេ អជ្ឈត្តិកា អាហារា អជ្ឈត្តិកានំ កដត្តារូបានំ អាហារបច្ចយេន បច្ចយោ. (១)

អជ្ឈត្តិកោ ធម្មោ ពាហិរស្ស ធម្មស្ស អាហារបច្ចយេន បច្ចយោ – អជ្ឈត្តិកា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ; បដិសន្ធិក្ខណេ អជ្ឈត្តិកា អាហារា សម្បយុត្តកានំ ខន្ធានំ ពាហិរានញ្ច កដត្តារូបានំ អាហារបច្ចយេន បច្ចយោ. (មូលំ កាតព្ពំ) បដិសន្ធិក្ខណេ អជ្ឈត្តិកា អាហារា សម្បយុត្តកានំ ខន្ធានំ អជ្ឈត្តិកានញ្ច ពាហិរានញ្ច កដត្តារូបានំ អាហារបច្ចយេន បច្ចយោ. (៣)

៣៥១. ពាហិរោ ធម្មោ ពាហិរស្ស ធម្មស្ស អាហារបច្ចយេន បច្ចយោ – ពាហិរា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ; បដិសន្ធិក្ខណេ…បេ… ពាហិរោ កពឡីការោ អាហារោ ពាហិរស្ស កាយស្ស អាហារបច្ចយេន បច្ចយោ. (១)

ពាហិរោ ធម្មោ អជ្ឈត្តិកស្ស ធម្មស្ស អាហារបច្ចយេន បច្ចយោ – ពាហិរា អាហារា ចិត្តស្ស អាហារបច្ចយេន បច្ចយោ; បដិសន្ធិក្ខណេ ពាហិរា អាហារា ចិត្តស្ស អជ្ឈត្តិកានញ្ច កដត្តារូបានំ អាហារបច្ចយេន បច្ចយោ; ពាហិរោ កពឡីការោ អាហារោ អជ្ឈត្តិកស្ស កាយស្ស អាហារបច្ចយេន បច្ចយោ. (២)

ពាហិរោ ធម្មោ អជ្ឈត្តិកស្ស ច ពាហិរស្ស ច ធម្មស្ស អាហារបច្ចយេន បច្ចយោ – ពាហិរា អាហារា សម្បយុត្តកានំ ខន្ធានំ ចិត្តស្ស ច ចិត្តសមុដ្ឋានានញ្ច រូបានំ អាហារបច្ចយេន បច្ចយោ; បដិសន្ធិក្ខណេ ពាហិរា អាហារា សម្បយុត្តកានំ ខន្ធានំ ចិត្តស្ស ច អជ្ឈត្តិកានញ្ច ពាហិរានញ្ច កដត្តារូបានំ អាហារបច្ចយេន បច្ចយោ; ពាហិរោ កពឡីការោ អាហារោ អជ្ឈត្តិកស្ស ច ពាហិរស្ស ច កាយស្ស អាហារបច្ចយេន បច្ចយោ. (៣)

៣៥២. អជ្ឈត្តិកោ ច ពាហិរោ ច ធម្មា អជ្ឈត្តិកស្ស ធម្មស្ស អាហារបច្ចយេន បច្ចយោ – បដិសន្ធិក្ខណេ អជ្ឈត្តិកា ច ពាហិរា ច អាហារា អជ្ឈត្តិកានំ កដត្តារូបានំ អាហារបច្ចយេន បច្ចយោ. (១)

អជ្ឈត្តិកោ ច ពាហិរោ ច ធម្មា ពាហិរស្ស ធម្មស្ស អាហារបច្ចយេន បច្ចយោ – អជ្ឈត្តិកា ច ពាហិរា ច អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ; បដិសន្ធិក្ខណេ អជ្ឈត្តិកា ច ពាហិរា ច អាហារា សម្បយុត្តកានំ ខន្ធានំ ពាហិរានញ្ច កដត្តារូបានំ អាហារបច្ចយេន បច្ចយោ. (២)

អជ្ឈត្តិកោ ច ពាហិរោ ច ធម្មា អជ្ឈត្តិកស្ស ច ពាហិរស្ស ច ធម្មស្ស អាហារបច្ចយេន បច្ចយោ – បដិសន្ធិក្ខណេ អជ្ឈត្តិកា ច ពាហិរា ច អាហារា សម្បយុត្តកានំ ខន្ធានំ អជ្ឈត្តិកានញ្ច ពាហិរានញ្ច កដត្តារូបានំ អាហារបច្ចយេន បច្ចយោ. (៣)

ឥន្ទ្រិយបច្ចយោ

៣៥៣. អជ្ឈត្តិកោ ធម្មោ អជ្ឈត្តិកស្ស ធម្មស្ស ឥន្ទ្រិយបច្ចយេន បច្ចយោ – បដិសន្ធិក្ខណេ អជ្ឈត្តិកា ឥន្ទ្រិយា អជ្ឈត្តិកានំ កដត្តារូបានំ ឥន្ទ្រិយបច្ចយេន បច្ចយោ, ចក្ខុន្ទ្រិយំ ចក្ខុវិញ្ញាណស្ស…បេ… កាយិន្ទ្រិយំ កាយវិញ្ញាណស្ស ឥន្ទ្រិយបច្ចយេន បច្ចយោ. (១)

អជ្ឈត្តិកោ ធម្មោ ពាហិរស្ស ធម្មស្ស ឥន្ទ្រិយបច្ចយេន បច្ចយោ – អជ្ឈត្តិកា ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ; បដិសន្ធិក្ខណេ អជ្ឈត្តិកា ឥន្ទ្រិយា សម្បយុត្តកានំ ខន្ធានំ ពាហិរានញ្ច កដត្តារូបានំ ឥន្ទ្រិយបច្ចយេន បច្ចយោ, ចក្ខុន្ទ្រិយំ ចក្ខុវិញ្ញាណសហគតានំ ខន្ធានំ…បេ… កាយិន្ទ្រិយំ កាយវិញ្ញាណសហគតានំ ខន្ធានំ ឥន្ទ្រិយបច្ចយេន បច្ចយោ. (២)

អជ្ឈត្តិកោ ធម្មោ អជ្ឈត្តិកស្ស ច ពាហិរស្ស ច ធម្មស្ស ឥន្ទ្រិយបច្ចយេន បច្ចយោ – បដិសន្ធិក្ខណេ អជ្ឈត្តិកា ឥន្ទ្រិយា សម្បយុត្តកានំ ខន្ធានំ អជ្ឈត្តិកានញ្ច ពាហិរានញ្ច កដត្តារូបានំ ឥន្ទ្រិយបច្ចយេន បច្ចយោ, ចក្ខុន្ទ្រិយំ ចក្ខុវិញ្ញាណស្ស សម្បយុត្តកានញ្ច ខន្ធានំ…បេ… កាយិន្ទ្រិយំ កាយវិញ្ញាណស្ស សម្បយុត្តកានញ្ច ខន្ធានំ ឥន្ទ្រិយបច្ចយេន បច្ចយោ. (៣)

៣៥៤. ពាហិរោ ធម្មោ ពាហិរស្ស ធម្មស្ស ឥន្ទ្រិយបច្ចយេន បច្ចយោ – ពាហិរា ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ; បដិសន្ធិក្ខណេ ពាហិរា ឥន្ទ្រិយា សម្បយុត្តកានំ ខន្ធានំ ពាហិរានញ្ច កដត្តារូបានំ ឥន្ទ្រិយបច្ចយេន បច្ចយោ, រូបជីវិតិន្ទ្រិយំ ពាហិរានំ កដត្តារូបានំ ឥន្ទ្រិយបច្ចយេន បច្ចយោ. (១)

ពាហិរោ ធម្មោ អជ្ឈត្តិកស្ស ធម្មស្ស ឥន្ទ្រិយបច្ចយេន បច្ចយោ – ពាហិរា ឥន្ទ្រិយា ចិត្តស្ស ឥន្ទ្រិយបច្ចយេន បច្ចយោ; បដិសន្ធិក្ខណេ ពាហិរា ឥន្ទ្រិយា ចិត្តស្ស អជ្ឈត្តិកានញ្ច កដត្តារូបានំ ឥន្ទ្រិយបច្ចយេន បច្ចយោ, រូបជីវិតិន្ទ្រិយំ អជ្ឈត្តិកានំ កដត្តារូបានំ ឥន្ទ្រិយបច្ចយេន បច្ចយោ. (២)

ពាហិរោ ធម្មោ អជ្ឈត្តិកស្ស ច ពាហិរស្ស ច ធម្មស្ស ឥន្ទ្រិយបច្ចយេន បច្ចយោ – ពាហិរា ឥន្ទ្រិយា សម្បយុត្តកានំ ខន្ធានំ ចិត្តស្ស ច ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ; បដិសន្ធិក្ខណេ ពាហិរា ឥន្ទ្រិយា សម្បយុត្តកានំ ខន្ធានំ ចិត្តស្ស ច អជ្ឈត្តិកានញ្ច ពាហិរានញ្ច កដត្តារូបានំ ឥន្ទ្រិយបច្ចយេន បច្ចយោ, រូបជីវិតិន្ទ្រិយំ អជ្ឈត្តិកានញ្ច ពាហិរានញ្ច កដត្តារូបានំ ឥន្ទ្រិយបច្ចយេន បច្ចយោ. (៣)

៣៥៥. អជ្ឈត្តិកោ ច ពាហិរោ ច ធម្មា អជ្ឈត្តិកស្ស ធម្មស្ស ឥន្ទ្រិយបច្ចយេន បច្ចយោ – បដិសន្ធិក្ខណេ អជ្ឈត្តិកា ច ពាហិរា ច ឥន្ទ្រិយា អជ្ឈត្តិកានំ កដត្តារូបានំ ឥន្ទ្រិយបច្ចយេន បច្ចយោ, ចក្ខុន្ទ្រិយញ្ច ឧបេក្ខិន្ទ្រិយញ្ច ចក្ខុវិញ្ញាណស្ស ឥន្ទ្រិយបច្ចយេន បច្ចយោ…បេ… កាយិន្ទ្រិយញ្ច សុខិន្ទ្រិយំ ច…បេ… កាយិន្ទ្រិយញ្ច ទុក្ខិន្ទ្រិយញ្ច កាយវិញ្ញាណស្ស ឥន្ទ្រិយបច្ចយេន បច្ចយោ. (១)

អជ្ឈត្តិកោ ច ពាហិរោ ច ធម្មា ពាហិរស្ស ធម្មស្ស ឥន្ទ្រិយបច្ចយេន បច្ចយោ – អជ្ឈត្តិកា ច ពាហិរា ច ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ; បដិសន្ធិក្ខណេ អជ្ឈត្តិកា ច ពាហិរា ច ឥន្ទ្រិយា សម្បយុត្តកានំ ខន្ធានំ ពាហិរានញ្ច កដត្តារូបានំ ឥន្ទ្រិយបច្ចយេន បច្ចយោ, ចក្ខុន្ទ្រិយញ្ច ឧបេក្ខិន្ទ្រិយញ្ច ចក្ខុវិញ្ញាណសហគតានំ ខន្ធានំ ឥន្ទ្រិយបច្ចយេន បច្ចយោ…បេ… កាយិន្ទ្រិយញ្ច សុខិន្ទ្រិយញ្ច…បេ… កាយិន្ទ្រិយញ្ច ទុក្ខិន្ទ្រិយញ្ច កាយវិញ្ញាណសហគតានំ ខន្ធានំ ឥន្ទ្រិយបច្ចយេន បច្ចយោ. (២)

អជ្ឈត្តិកោ ច ពាហិរោ ច ធម្មា អជ្ឈត្តិកស្ស ច ពាហិរស្ស ច ធម្មស្ស ឥន្ទ្រិយបច្ចយេន បច្ចយោ – បដិសន្ធិក្ខណេ អជ្ឈត្តិកា ច ពាហិរា ច ឥន្ទ្រិយា សម្បយុត្តកានំ ខន្ធានំ អជ្ឈត្តិកានញ្ច ពាហិរានញ្ច កដត្តារូបានំ ឥន្ទ្រិយបច្ចយេន បច្ចយោ, ចក្ខុន្ទ្រិយញ្ច ឧបេក្ខិន្ទ្រិយញ្ច ចក្ខុវិញ្ញាណស្ស សម្បយុត្តកានញ្ច ខន្ធានំ ឥន្ទ្រិយបច្ចយេន បច្ចយោ… កាយិន្ទ្រិយញ្ច…បេ…. (៣)

ឈានបច្ចយាទិ

៣៥៦. ពាហិរោ ធម្មោ ពាហិរស្ស ធម្មស្ស ឈានបច្ចយេន បច្ចយោ… តីណិ… មគ្គបច្ចយេន បច្ចយោ… តីណិ… សម្បយុត្តបច្ចយេន បច្ចយោ… បញ្ច.

វិប្បយុត្តបច្ចយោ

៣៥៧. អជ្ឈត្តិកោ ធម្មោ អជ្ឈត្តិកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតំ – បដិសន្ធិក្ខណេ ចិត្តំ អជ្ឈត្តិកានំ កដត្តារូបានំ វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស វិប្បយុត្តបច្ចយេន បច្ចយោ. បច្ឆាជាតា – អជ្ឈត្តិកា ខន្ធា បុរេជាតស្ស ឥមស្ស អជ្ឈត្តិកស្ស កាយស្ស វិប្បយុត្តបច្ចយេន បច្ចយោ. (១)

អជ្ឈត្តិកោ ធម្មោ ពាហិរស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតា – អជ្ឈត្តិកា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ…បេ…. បុរេជាតំ – ចក្ខាយតនំ ចក្ខុវិញ្ញាណសហគតានំ ខន្ធានំ…បេ… កាយាយតនំ កាយវិញ្ញាណសហគតានំ ខន្ធានំ វិប្បយុត្តបច្ចយេន បច្ចយោ. បច្ឆាជាតា – អជ្ឈត្តិកា ខន្ធា បុរេជាតស្ស ឥមស្ស ពាហិរស្ស កាយស្ស វិប្បយុត្តបច្ចយេន បច្ចយោ. (២)

អជ្ឈត្តិកោ ធម្មោ អជ្ឈត្តិកស្ស ច ពាហិរស្ស ច ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតា – បដិសន្ធិក្ខណេ អជ្ឈត្តិកា ខន្ធា អជ្ឈត្តិកានញ្ច ពាហិរានញ្ច កដត្តារូបានំ វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណស្ស សម្បយុត្តកានញ្ច ខន្ធានំ…បេ… កាយាយតនំ កាយវិញ្ញាណស្ស សម្បយុត្តកានំ ខន្ធានំ វិប្បយុត្តបច្ចយេន បច្ចយោ. បច្ឆាជាតា – អជ្ឈត្តិកា ខន្ធា បុរេជាតស្ស ឥមស្ស អជ្ឈត្តិកស្ស ច ពាហិរស្ស ច កាយស្ស វិប្បយុត្តបច្ចយេន បច្ចយោ. (៣)

៣៥៨. ពាហិរោ ធម្មោ ពាហិរស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតា – ពាហិរា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ…បេ… ខន្ធា វត្ថុស្ស វិប្បយុត្តបច្ចយេន បច្ចយោ; វត្ថុ ខន្ធានំ វិប្បយុត្តបច្ចយេន បច្ចយោ. បុរេជាតំ – វត្ថុ ពាហិរានំ ខន្ធានំ វិប្បយុត្តបច្ចយេន បច្ចយោ. បច្ឆាជាតា – ពាហិរា ខន្ធា បុរេជាតស្ស ឥមស្ស ពាហិរស្ស កាយស្ស វិប្បយុត្តបច្ចយេន បច្ចយោ. (១)

ពាហិរោ ធម្មោ អជ្ឈត្តិកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតា – បដិសន្ធិក្ខណេ ពាហិរា ខន្ធា អជ្ឈត្តិកានំ កដត្តារូបានំ វិប្បយុត្តបច្ចយេន បច្ចយោ; បដិសន្ធិក្ខណេ វត្ថុ ចិត្តស្ស វិប្បយុត្តបច្ចយេន បច្ចយោ. បុរេជាតំ – វត្ថុ ចិត្តស្ស វិប្បយុត្តបច្ចយេន បច្ចយោ. បច្ឆាជាតា – ពាហិរា ខន្ធា បុរេជាតស្ស ឥមស្ស អជ្ឈត្តិកស្ស កាយស្ស វិប្បយុត្តបច្ចយេន បច្ចយោ. (២)

ពាហិរោ ធម្មោ អជ្ឈត្តិកស្ស ច ពាហិរស្ស ច ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ). (៣)

៣៥៩. អជ្ឈត្តិកោ ច ពាហិរោ ច ធម្មា អជ្ឈត្តិកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – បដិសន្ធិក្ខណេ អជ្ឈត្តិកា ច ពាហិរា ច ខន្ធា អជ្ឈត្តិកានំ កដត្តារូបានំ វិប្បយុត្តបច្ចយេន បច្ចយោ. បច្ឆាជាតំ – បច្ឆាជាតា…បេ… (សំខិត្តំ). (១)

អជ្ឈត្តិកោ ច ពាហិរោ ច ធម្មា ពាហិរស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ). (២)

អជ្ឈត្តិកោ ច ពាហិរោ ច ធម្មា អជ្ឈត្តិកស្ស ច ពាហិរស្ស ច ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – បដិសន្ធិក្ខណេ អជ្ឈត្តិកា ច ពាហិរា ច ខន្ធា…បេ… (សំខិត្តំ). (៣)

អត្ថិបច្ចយាទិ

៣៦០. អជ្ឈត្តិកោ ធម្មោ អជ្ឈត្តិកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតា – បដិសន្ធិក្ខណេ ចិត្តំ អជ្ឈត្តិកានំ កដត្តារូបានំ អត្ថិបច្ចយេន បច្ចយោ. បុរេជាតំ – ចក្ខុំ…បេ… កាយំ អនិច្ចតោ…បេ… (បុរេជាតសទិសំ, និន្នានាករណំ). បច្ឆាជាតំ (បច្ឆាជាតសទិសំ កាតព្ពំ). (១)

អជ្ឈត្តិកោ ធម្មោ ពាហិរស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតំ – សហជាតា អជ្ឈត្តិកា ខន្ធា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ (សំខិត្តំ). (២)

(ឥធ អត្ថិ សព្ពដ្ឋានេ សហជាតំ បច្ចយវារសទិសំ. បុរេជាតំ បុរេជាតសទិសំ. បច្ឆាជាតំ បច្ឆាជាតសទិសំ កាតព្ពំ, និន្នានាករណំ).

អជ្ឈត្តិកោ ធម្មោ អជ្ឈត្តិកស្ស ច ពាហិរស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ). (៣)

៣៦១. ពាហិរោ ធម្មោ ពាហិរស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សព្ពំ វិត្ថារេតព្ពំ). (១)

ពាហិរោ ធម្មោ អជ្ឈត្តិកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ). (២)

ពាហិរោ ធម្មោ អជ្ឈត្តិកស្ស ច ពាហិរស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ). (៣)

៣៦២. អជ្ឈត្តិកោ ច ពាហិរោ ច ធម្មា អជ្ឈត្តិកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតា – ចក្ខុវិញ្ញាណសហគតា ខន្ធា ច ចក្ខាយតនញ្ច ចក្ខុវិញ្ញាណសហគតា ខន្ធា ច ចក្ខាយតនញ្ច ចក្ខុវិញ្ញាណស្ស អត្ថិបច្ចយេន បច្ចយោ…បេ… កាយវិញ្ញាណសហគតា ខន្ធា ច…បេ… បដិសន្ធិក្ខណេ អជ្ឈត្តិកា ច ពាហិរា ច ខន្ធា អជ្ឈត្តិកានំ កដត្តារូបានំ អត្ថិបច្ចយេន បច្ចយោ. បុរេជាតំ – ចក្ខាយតនញ្ច វត្ថុ ច ចិត្តស្ស អត្ថិបច្ចយេន បច្ចយោ…បេ… កាយាយតនញ្ច វត្ថុ ច ចិត្តស្ស អត្ថិបច្ចយេន បច្ចយោ; រូបាយតនញ្ច ចក្ខាយតនញ្ច ចក្ខុវិញ្ញាណស្ស…បេ… ផោដ្ឋព្ពាយតនញ្ច កាយាយតនញ្ច កាយវិញ្ញាណស្ស អត្ថិបច្ចយេន បច្ចយោ. បច្ឆាជាតា – អជ្ឈត្តិកា ច ពាហិរា ច ខន្ធា បុរេជាតស្ស ឥមស្ស អជ្ឈត្តិកស្ស កាយស្ស អត្ថិបច្ចយេន បច្ចយោ. បច្ឆាជាតា – អជ្ឈត្តិកា ច ពាហិរា ច ខន្ធា កពឡីការោ អាហារោ ច ឥមស្ស អជ្ឈត្តិកស្ស កាយស្ស អត្ថិបច្ចយេន បច្ចយោ. បច្ឆាជាតា – អជ្ឈត្តិកា ច ពាហិរា ច ខន្ធា រូបជីវិតិន្ទ្រិយញ្ច អជ្ឈត្តិកានំ កដត្តារូបានំ អត្ថិបច្ចយេន បច្ចយោ. (១)

អជ្ឈត្តិកោ ច ពាហិរោ ច ធម្មា ពាហិរស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតោ – ចក្ខុវិញ្ញាណសហគតោ ឯកោ ខន្ធោ ច ចក្ខាយតនញ្ច ចក្ខុវិញ្ញាណញ្ច ទ្វិន្នំ ខន្ធានំ អត្ថិបច្ចយេន បច្ចយោ…បេ… (សហជាតបច្ចយវារសទិសំ និន្នានាករណំ, បឋមគមនសទិសំយេវ. សព្ពេ បទា បឋមឃដនានយេន វិភជិតព្ពា). (២)

អជ្ឈត្តិកោ ច ពាហិរោ ច ធម្មា អជ្ឈត្តិកស្ស ច ពាហិរស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតោ – ចក្ខុវិញ្ញាណសហគតោ ឯកោ ខន្ធោ ច ចក្ខាយតនញ្ច ទ្វិន្នំ ខន្ធានំ ចក្ខុវិញ្ញាណស្ស ច អត្ថិបច្ចយេន បច្ចយោ (សំខិត្តំ. សព្ពេ បទា វិភជិតព្ពា បឋមឃដនានយេន). (៣)

នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ.