៥. សំសដ្ឋវារោ

១-៤. បច្ចយានុលោមាទិ

៣៣៩. អជ្ឈត្តិកំ ធម្មំ សំសដ្ឋោ ពាហិរោ ធម្មោ ឧប្បជ្ជតិ ហេតុបច្ចយា – ចិត្តំ សំសដ្ឋា សម្បយុត្តកា ខន្ធា; បដិសន្ធិក្ខណេ ចិត្តំ សំសដ្ឋា សម្បយុត្តកា ខន្ធា. (១)

ពាហិរំ ធម្មំ សំសដ្ឋោ ពាហិរោ ធម្មោ ឧប្បជ្ជតិ ហេតុបច្ចយា – ពាហិរំ ឯកំ ខន្ធំ សំសដ្ឋា ទ្វេ ខន្ធា, ទ្វេ ខន្ធេ…បេ… បដិសន្ធិក្ខណេ…បេ…. ពាហិរំ ធម្មំ សំសដ្ឋោ អជ្ឈត្តិកោ ធម្មោ ឧប្បជ្ជតិ ហេតុបច្ចយា – ពាហិរេ ខន្ធេ សំសដ្ឋំ ចិត្តំ; បដិសន្ធិក្ខណេ…បេ…. ពាហិរំ ធម្មំ សំសដ្ឋោ អជ្ឈត្តិកោ ច ពាហិរោ ច ធម្មា ឧប្បជ្ជន្តិ ហេតុបច្ចយា – ពាហិរំ ឯកំ ខន្ធំ សំសដ្ឋា ទ្វេ ខន្ធា ចិត្តញ្ច, ទ្វេ ខន្ធេ…បេ… បដិសន្ធិក្ខណេ…បេ…. (៣)

អជ្ឈត្តិកញ្ច ពាហិរញ្ច ធម្មំ សំសដ្ឋោ ពាហិរោ ធម្មោ ឧប្បជ្ជតិ ហេតុបច្ចយា – ពាហិរំ ឯកំ ខន្ធញ្ច ចិត្តញ្ច សំសដ្ឋា ទ្វេ ខន្ធា, ទ្វេ ខន្ធេ…បេ… បដិសន្ធិក្ខណេ…បេ… (សំខិត្តំ). ហេតុយា បញ្ច, អារម្មណេ បញ្ច, អធិបតិយា បញ្ច (សព្ពត្ថ បញ្ច), អវិគតេ បញ្ច (អនុលោមំ).

អជ្ឈត្តិកំ ធម្មំ សំសដ្ឋោ ពាហិរោ ធម្មោ ឧប្បជ្ជតិ នហេតុបច្ចយា (ឯវំ បញ្ច កាតព្ពា, តីណិយេវ មោហោ).

នហេតុយា បញ្ច, នអធិបតិយា បញ្ច, នបុរេជាតេ បញ្ច, នបច្ឆាជាតេ បញ្ច, នអាសេវនេ បញ្ច, នកម្មេ តីណិ, នវិបាកេ បញ្ច, នឈានេ បញ្ច, នមគ្គេ បញ្ច, នវិប្បយុត្តេ បញ្ច (បច្ចនីយំ).