១. វិភង្គវារោ

នហេតុបច្ចយោ

៣២៣. អជ្ឈត្តិកំ ធម្មំ បដិច្ច អជ្ឈត្តិកោ ធម្មោ ឧប្បជ្ជតិ នហេតុបច្ចយា – អហេតុកបដិសន្ធិក្ខណេ ចិត្តំ បដិច្ច អជ្ឈត្តិកំ កដត្តារូបំ. (១)

អជ្ឈត្តិកំ ធម្មំ បដិច្ច ពាហិរោ ធម្មោ ឧប្បជ្ជតិ នហេតុបច្ចយា – អហេតុកំ ចិត្តំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ; អហេតុកបដិសន្ធិក្ខណេ ចិត្តំ បដិច្ច សម្បយុត្តកា ខន្ធា ពាហិរំ កដត្តា ច រូបំ, វិចិកិច្ឆាសហគតំ ឧទ្ធច្ចសហគតំ ចិត្តំ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (២)

អជ្ឈត្តិកំ ធម្មំ បដិច្ច អជ្ឈត្តិកោ ច ពាហិរោ ច ធម្មា ឧប្បជ្ជន្តិ នហេតុបច្ចយា – អហេតុកបដិសន្ធិក្ខណេ ចិត្តំ បដិច្ច សម្បយុត្តកា ខន្ធា អជ្ឈត្តិកញ្ច ពាហិរញ្ច កដត្តារូបំ. (៣)

៣២៤. ពាហិរំ ធម្មំ បដិច្ច ពាហិរោ ធម្មោ ឧប្បជ្ជតិ នហេតុបច្ចយា – អហេតុកំ ពាហិរំ ឯកំ ខន្ធំ បដិច្ច ទ្វេ ខន្ធា ចិត្តសមុដ្ឋានញ្ច រូបំ, ទ្វេ ខន្ធេ…បេ… អហេតុកបដិសន្ធិក្ខណេ …បេ… (យាវ អសញ្ញសត្តា) វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

ពាហិរំ ធម្មំ បដិច្ច អជ្ឈត្តិកោ ធម្មោ ឧប្បជ្ជតិ នហេតុបច្ចយា – អហេតុកេ ពាហិរេ ខន្ធេ បដិច្ច ចិត្តំ; អហេតុកបដិសន្ធិក្ខណេ ពាហិរេ ខន្ធេ បដិច្ច ចិត្តំ អជ្ឈត្តិកំ កដត្តា ច រូបំ, អហេតុកបដិសន្ធិក្ខណេ វត្ថុំ បដិច្ច ចិត្តំ. (២)

ពាហិរំ ធម្មំ បដិច្ច អជ្ឈត្តិកោ ច ពាហិរោ ច ធម្មា ឧប្បជ្ជន្តិ នហេតុបច្ចយា – អហេតុកំ ពាហិរំ ឯកំ ខន្ធំ បដិច្ច ទ្វេ ខន្ធា ចិត្តញ្ច ចិត្តសមុដ្ឋានញ្ច រូបំ, ទ្វេ ខន្ធេ …បេ… អហេតុកបដិសន្ធិក្ខណេ ពាហិរំ ឯកំ ខន្ធំ បដិច្ច ទ្វេ ខន្ធា ចិត្តញ្ច អជ្ឈត្តិកញ្ច ពាហិរញ្ច កដត្តារូបំ, អហេតុកបដិសន្ធិក្ខណេ វត្ថុំ បដិច្ច ចិត្តំ សម្បយុត្តកា ច ខន្ធា. (៣)

៣២៥. អជ្ឈត្តិកញ្ច ពាហិរញ្ច ធម្មំ បដិច្ច អជ្ឈត្តិកោ ធម្មោ ឧប្បជ្ជតិ នហេតុបច្ចយា – អហេតុកបដិសន្ធិក្ខណេ ចិត្តញ្ច សម្បយុត្តកេ ច ខន្ធេ បដិច្ច អជ្ឈត្តិកំ កដត្តារូបំ. (១)

អជ្ឈត្តិកញ្ច ពាហិរញ្ច ធម្មំ បដិច្ច ពាហិរោ ធម្មោ ឧប្បជ្ជតិ នហេតុបច្ចយា – អហេតុកំ ពាហិរំ ឯកំ ខន្ធញ្ច ចិត្តញ្ច បដិច្ច ទ្វេ ខន្ធា ចិត្តសមុដ្ឋានញ្ច រូបំ, ទ្វេ ខន្ធេ…បេ… អហេតុកំ ចិត្តញ្ច មហាភូតេ ច បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ ពាហិរំ ឯកំ ខន្ធញ្ច ចិត្តញ្ច បដិច្ច ទ្វេ ខន្ធា ពាហិរំ កដត្តា ច រូបំ; អហេតុកបដិសន្ធិក្ខណេ ចិត្តញ្ច មហាភូតេ ច បដិច្ច ពាហិរំ កដត្តារូបំ, អហេតុកបដិសន្ធិក្ខណេ ចិត្តញ្ច វត្ថុញ្ច បដិច្ច ពាហិរា ខន្ធា, វិចិកិច្ឆាសហគតេ ឧទ្ធច្ចសហគតេ ខន្ធេ ច ចិត្តញ្ច បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (២)

អជ្ឈត្តិកញ្ច ពាហិរញ្ច ធម្មំ បដិច្ច អជ្ឈត្តិកោ ច ពាហិរោ ច ធម្មា ឧប្បជ្ជន្តិ នហេតុបច្ចយា – អហេតុកបដិសន្ធិក្ខណេ ពាហិរំ ឯកំ ខន្ធញ្ច ចិត្តញ្ច បដិច្ច ទ្វេ ខន្ធា អជ្ឈត្តិកញ្ច ពាហិរញ្ច កដត្តារូបំ, ទ្វេ ខន្ធេ ច…បេ…. (៣)

នអារម្មណបច្ចយោ

៣២៦. អជ្ឈត្តិកំ ធម្មំ បដិច្ច អជ្ឈត្តិកោ ធម្មោ ឧប្បជ្ជតិ នអារម្មណបច្ចយា – បដិសន្ធិក្ខណេ ចិត្តំ បដិច្ច អជ្ឈត្តិកំ កដត្តារូបំ. (១)

អជ្ឈត្តិកំ ធម្មំ បដិច្ច ពាហិរោ ធម្មោ ឧប្បជ្ជតិ នអារម្មណបច្ចយា – ចិត្តំ បដិច្ច ចិត្តសមុដ្ឋានំ រូបំ; បដិសន្ធិក្ខណេ ចិត្តំ បដិច្ច ពាហិរំ កដត្តារូបំ. (២)

អជ្ឈត្តិកំ ធម្មំ បដិច្ច អជ្ឈត្តិកោ ច ពាហិរោ ច ធម្មា ឧប្បជ្ជន្តិ នអារម្មណបច្ចយា; បដិសន្ធិក្ខណេ ចិត្តំ បដិច្ច អជ្ឈត្តិកញ្ច ពាហិរញ្ច កដត្តារូបំ. (៣)

ពាហិរំ ធម្មំ បដិច្ច ពាហិរោ ធម្មោ ឧប្បជ្ជតិ នអារម្មណបច្ចយា – ពាហិរេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ ពាហិរេ ខន្ធេ បដិច្ច ពាហិរំ កដត្តារូបំ, ពាហិរេ ខន្ធេ បដិច្ច វត្ថុ, ឯកំ មហាភូតំ…បេ… (យាវ អសញ្ញសត្តា). (១)

ពាហិរំ ធម្មំ បដិច្ច អជ្ឈត្តិកោ ធម្មោ ឧប្បជ្ជតិ នអារម្មណបច្ចយា – បដិសន្ធិក្ខណេ ពាហិរេ ខន្ធេ បដិច្ច អជ្ឈត្តិកំ កដត្តារូបំ. (២)

ពាហិរំ ធម្មំ បដិច្ច អជ្ឈត្តិកោ ច ពាហិរោ ច ធម្មា ឧប្បជ្ជន្តិ នអារម្មណបច្ចយា – បដិសន្ធិក្ខណេ ពាហិរេ ខន្ធេ បដិច្ច អជ្ឈត្តិកញ្ច ពាហិរញ្ច កដត្តារូបំ. (៣)

៣២៧. អជ្ឈត្តិកញ្ច ពាហិរញ្ច ធម្មំ បដិច្ច អជ្ឈត្តិកោ ធម្មោ ឧប្បជ្ជតិ នអារម្មណបច្ចយា – បដិសន្ធិក្ខណេ ចិត្តញ្ច សម្បយុត្តកេ ច ខន្ធេ បដិច្ច អជ្ឈត្តិកំ កដត្តារូបំ. (១)

អជ្ឈត្តិកញ្ច ពាហិរញ្ច ធម្មំ បដិច្ច ពាហិរោ ធម្មោ ឧប្បជ្ជតិ នអារម្មណបច្ចយា – ពាហិរេ ខន្ធេ ច ចិត្តញ្ច បដិច្ច ចិត្តសមុដ្ឋានំ រូបំ, ចិត្តញ្ច មហាភូតេ ច បដិច្ច ចិត្តសមុដ្ឋានំ រូបំ (បដិសន្ធិក្ខណេ ទ្វេ កាតព្ពា).

អជ្ឈត្តិកញ្ច ពាហិរញ្ច ធម្មំ បដិច្ច អជ្ឈត្តិកោ ច ពាហិរោ ច ធម្មា ឧប្បជ្ជន្តិ នអារម្មណបច្ចយា – បដិសន្ធិក្ខណេ ចិត្តញ្ច សម្បយុត្តកេ ច ខន្ធេ បដិច្ច អជ្ឈត្តិកញ្ច ពាហិរញ្ច កដត្តារូបំ (សំខិត្តំ). (៣)

នឈានបច្ចយោ

៣២៨. អជ្ឈត្តិកំ ធម្មំ បដិច្ច ពាហិរោ ធម្មោ ឧប្បជ្ជតិ នឈានបច្ចយា – ចក្ខុវិញ្ញាណំ បដិច្ច សម្បយុត្តកា ខន្ធា…បេ… កាយវិញ្ញាណំ…បេ….

ពាហិរំ ធម្មំ បដិច្ច ពាហិរោ ធម្មោ ឧប្បជ្ជតិ នឈានបច្ចយា – ចក្ខុវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ…បេ… កាយវិញ្ញាណសហគតំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ…បេ…. ពាហិរំ ធម្មំ បដិច្ច អជ្ឈត្តិកោ ធម្មោ ឧប្បជ្ជតិ នឈានបច្ចយា – ចក្ខុវិញ្ញាណសហគតេ ខន្ធេ បដិច្ច ចក្ខុវិញ្ញាណំ…បេ… កាយវិញ្ញាណសហគតេ ខន្ធេ បដិច្ច កាយវិញ្ញាណំ. ពាហិរំ ធម្មំ បដិច្ច អជ្ឈត្តិកោ ច ពាហិរោ ច ធម្មា ឧប្បជ្ជន្តិ នឈានបច្ចយា – ចក្ខុវិញ្ញាណសហគតំ ឯកំ ខន្ធំ បដិច្ច ទ្វេ ខន្ធា ចក្ខុវិញ្ញាណញ្ច, ទ្វេ ខន្ធេ…បេ… កាយវិញ្ញាណសហគតំ ឯកំ ខន្ធំ…បេ…. (៣)

អជ្ឈត្តិកញ្ច ពាហិរញ្ច ធម្មំ បដិច្ច ពាហិរោ ធម្មោ ឧប្បជ្ជតិ នឈានបច្ចយា – ចក្ខុវិញ្ញាណសហគតំ ឯកំ ខន្ធញ្ច ចក្ខុវិញ្ញាណញ្ច បដិច្ច ទ្វេ ខន្ធា, ទ្វេ ខន្ធេ…បេ… កាយវិញ្ញាណំ (ចក្កំ).