១-៤. បច្ចយានុលោមាទិ

២៣. សារម្មណំ ធម្មំ សំសដ្ឋោ សារម្មណោ ធម្មោ ឧប្បជ្ជតិ ហេតុបច្ចយា – សារម្មណំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ សំសដ្ឋា ទ្វេ ខន្ធា; បដិសន្ធិក្ខណេ…បេ….

២៤. ហេតុយា ឯកំ, អារម្មណេ ឯកំ, អធិបតិយា ឯកំ (សព្ពត្ថ ឯកំ), អវិគតេ ឯកំ.

អនុលោមំ.

២៥. សារម្មណំ ធម្មំ សំសដ្ឋោ សារម្មណោ ធម្មោ ឧប្បជ្ជតិ នហេតុបច្ចយា – អហេតុកំ សារម្មណំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… វិចិកិច្ឆាសហគតេ ឧទ្ធច្ចសហគតេ ខន្ធេ សំសដ្ឋោ វិចិកិច្ឆាសហគតោ ឧទ្ធច្ចសហគតោ មោហោ (សំខិត្តំ).

២៦. នហេតុយា ឯកំ, នអធិបតិយា ឯកំ, នបុរេជាតេ ឯកំ, នបច្ឆាជាតេ ឯកំ, នអាសេវនេ ឯកំ, នកម្មេ ឯកំ, នវិបាកេ ឯកំ, នឈានេ ឯកំ, នមគ្គេ ឯកំ, នវិប្បយុត្តេ ឯកំ.

បច្ចនីយំ.