១. វិភង្គវារោ

នហេតុបច្ចយោ

២៨២. ចិត្តសំសដ្ឋសមុដ្ឋានំ ធម្មំ បដិច្ច ចិត្តសំសដ្ឋសមុដ្ឋានោ ធម្មោ ឧប្បជ្ជតិ នហេតុបច្ចយា – អហេតុកំ ចិត្តសំសដ្ឋសមុដ្ឋានំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ…បេ… អហេតុកបដិសន្ធិក្ខណេ…បេ… វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

ចិត្តសំសដ្ឋសមុដ្ឋានំ ធម្មំ បដិច្ច នោចិត្តសំសដ្ឋសមុដ្ឋានោ ធម្មោ ឧប្បជ្ជតិ នហេតុបច្ចយា – អហេតុកេ ចិត្តសំសដ្ឋសមុដ្ឋានេ ខន្ធេ បដិច្ច ចិត្តំ ចិត្តសមុដ្ឋានញ្ច រូបំ; អហេតុកបដិសន្ធិក្ខណេ…បេ…. (២)

ចិត្តសំសដ្ឋសមុដ្ឋានំ ធម្មំ បដិច្ច ចិត្តសំសដ្ឋសមុដ្ឋានោ ច នោចិត្តសំសដ្ឋសមុដ្ឋានោ ច ធម្មា ឧប្បជ្ជន្តិ នហេតុបច្ចយា – អហេតុកំ ចិត្តសំសដ្ឋសមុដ្ឋានំ ឯកំ ខន្ធំ បដិច្ច ទ្វេ ខន្ធា ចិត្តញ្ច ចិត្តសមុដ្ឋានញ្ច រូបំ, ទ្វេ ខន្ធេ…បេ… អហេតុកបដិសន្ធិក្ខណេ…បេ…. (៣)

២៨៣. នោចិត្តសំសដ្ឋសមុដ្ឋានំ ធម្មំ បដិច្ច នោចិត្តសំសដ្ឋសមុដ្ឋានោ ធម្មោ ឧប្បជ្ជតិ នហេតុបច្ចយា – អហេតុកំ ចិត្តំ បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ ចិត្តំ បដិច្ច កដត្តារូបំ, ចិត្តំ បដិច្ច វត្ថុ, វត្ថុំ បដិច្ច ចិត្តំ, ឯកំ មហាភូតំ…បេ… (យាវ អសញ្ញសត្តា). (១)

នោចិត្តសំសដ្ឋសមុដ្ឋានំ ធម្មំ បដិច្ច ចិត្តសំសដ្ឋសមុដ្ឋានោ ធម្មោ ឧប្បជ្ជតិ នហេតុបច្ចយា – អហេតុកំ ចិត្តំ បដិច្ច សម្បយុត្តកា ខន្ធា; អហេតុកបដិសន្ធិក្ខណេ ចិត្តំ បដិច្ច សម្បយុត្តកា ខន្ធា, អហេតុកបដិសន្ធិក្ខណេ វត្ថុំ បដិច្ច ចិត្តសំសដ្ឋសមុដ្ឋានា ខន្ធា, វិចិកិច្ឆាសហគតំ ឧទ្ធច្ចសហគតំ ចិត្តំ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (២)

នោចិត្តសំសដ្ឋសមុដ្ឋានំ ធម្មំ បដិច្ច ចិត្តសំសដ្ឋសមុដ្ឋានោ ច នោចិត្តសំសដ្ឋសមុដ្ឋានោ ច ធម្មា ឧប្បជ្ជន្តិ នហេតុបច្ចយា – អហេតុកំ ចិត្តំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ; អហេតុកបដិសន្ធិក្ខណេ ចិត្តំ បដិច្ច សម្បយុត្តកា ខន្ធា កដត្តា ច រូបំ, អហេតុកបដិសន្ធិក្ខណេ វត្ថុំ បដិច្ច ចិត្តំ សម្បយុត្តកា ច ខន្ធា. (៣)

២៨៤. ចិត្តសំសដ្ឋសមុដ្ឋានញ្ច នោចិត្តសំសដ្ឋសមុដ្ឋានញ្ច ធម្មំ បដិច្ច ចិត្តសំសដ្ឋសមុដ្ឋានោ ធម្មោ ឧប្បជ្ជតិ នហេតុបច្ចយា – អហេតុកំ ចិត្តសំសដ្ឋសមុដ្ឋានំ ឯកំ ខន្ធញ្ច ចិត្តញ្ច បដិច្ច ទ្វេ ខន្ធា, ទ្វេ ខន្ធេ…បេ… អហេតុកបដិសន្ធិក្ខណេ ចិត្តសំសដ្ឋសមុដ្ឋានំ ឯកំ ខន្ធញ្ច ចិតញ្ច…បេ… អហេតុកបដិសន្ធិក្ខណេ ចិត្តសំសដ្ឋសមុដ្ឋានំ ឯកំ ខន្ធញ្ច វត្ថុញ្ច បដិច្ច ទ្វេ ខន្ធា, ទ្វេ ខន្ធេ…បេ… វិចិកិច្ឆាសហគតេ ឧទ្ធច្ចសហគតេ ខន្ធេ ច ចិត្តញ្ច បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

ចិត្តសំសដ្ឋសមុដ្ឋានញ្ច នោចិត្តសំសដ្ឋសមុដ្ឋានញ្ច ធម្មំ បដិច្ច នោចិត្តសំសដ្ឋសមុដ្ឋានោ ធម្មោ ឧប្បជ្ជតិ នហេតុបច្ចយា – អហេតុកេ ចិត្តសំសដ្ឋសមុដ្ឋានេ ខន្ធេ ច ចិត្តញ្ច បដិច្ច ចិត្តសមុដ្ឋានំ រូបំ, អហេតុកេ ចិត្តសំសដ្ឋសមុដ្ឋានេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ; អហេតុកបដិសន្ធិក្ខណេ ចិត្តសំសដ្ឋសមុដ្ឋានេ ខន្ធេ ច ចិត្តញ្ច បដិច្ច កដត្តារូបំ, អហេតុកបដិសន្ធិក្ខណេ ចិត្តសំសដ្ឋសមុដ្ឋានេ ខន្ធេ ច មហាភូតេ ច បដិច្ច កដត្តារូបំ, អហេតុកបដិសន្ធិក្ខណេ ចិត្តសំសដ្ឋសមុដ្ឋានេ ខន្ធេ ច វត្ថុញ្ច បដិច្ច ចិត្តំ. (២)

ចិត្តសំសដ្ឋសមុដ្ឋានញ្ច នោចិត្តសំសដ្ឋសមុដ្ឋានញ្ច ធម្មំ បដិច្ច ចិត្តសំសដ្ឋសមុដ្ឋានោ ច នោចិត្តសំសដ្ឋសមុដ្ឋានោ ច ធម្មា ឧប្បជ្ជន្តិ នហេតុបច្ចយា – អហេតុកំ ចិត្តសំសដ្ឋសមុដ្ឋានំ ឯកំ ខន្ធញ្ច ចិត្តញ្ច បដិច្ច ទ្វេ ខន្ធា ចិត្តសមុដ្ឋានញ្ច រូបំ, ទ្វេ ខន្ធេ…បេ… (អហេតុកបដិសន្ធិក្ខណេ ទ្វេបិ កាតព្ពា). (៣)

នអារម្មណបច្ចយោ

២៨៥. ចិត្តសំសដ្ឋសមុដ្ឋានំ ធម្មំ បដិច្ច នោចិត្តសំសដ្ឋសមុដ្ឋានោ ធម្មោ ឧប្បជ្ជតិ នអារម្មណបច្ចយា – ចិត្តសំសដ្ឋសមុដ្ឋានេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ…. (១)

នោចិត្តសំសដ្ឋសមុដ្ឋានំ ធម្មំ បដិច្ច នោចិត្តសំសដ្ឋសមុដ្ឋានោ ធម្មោ ឧប្បជ្ជតិ នអារម្មណបច្ចយា – ចិត្តំ បដិច្ច ចិត្តសមុដ្ឋានំ រូបំ; បដិសន្ធិក្ខណេ ចិត្តំ បដិច្ច កដត្តារូបំ, ចិត្តំ បដិច្ច វត្ថុ, ឯកំ មហាភូតំ…បេ… (យាវ អសញ្ញសត្តា). (១)

ចិត្តសំសដ្ឋសមុដ្ឋានញ្ច នោចិត្តសំសដ្ឋសមុដ្ឋានញ្ច ធម្មំ បដិច្ច នោចិត្តសំសដ្ឋសមុដ្ឋានោ ធម្មោ ឧប្បជ្ជតិ នអារម្មណបច្ចយា – ចិត្តសំសដ្ឋសមុដ្ឋានេ ខន្ធេ ច ចិត្តញ្ច បដិច្ច ចិត្តសមុដ្ឋានំ រូបំ, ចិត្តសំសដ្ឋសមុដ្ឋានេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ (បដិសន្ធិក្ខណេ ទ្វេ, សំខិត្តំ). (១)