១. វិភង្គវារោ

ហេតុបច្ចយោ

២៥៧. ចិត្តសហភូ ធម្មោ ចិត្តសហភុស្ស ធម្មស្ស ហេតុបច្ចយេន បច្ចយោ – ចិត្តសហភូ ហេតូ សម្បយុត្តកានំ ខន្ធានំ ចិត្តសហភូនំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

ចិត្តសហភូ ធម្មោ នោចិត្តសហភុស្ស ធម្មស្ស ហេតុបច្ចយេន បច្ចយោ – ចិត្តសហភូ ហេតូ ចិត្តស្ស នោចិត្តសហភូនំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ ចិត្តសហភូ ហេតូ ចិត្តស្ស កដត្តា ច រូបានំ ហេតុបច្ចយេន បច្ចយោ. (២)

ចិត្តសហភូ ធម្មោ ចិត្តសហភុស្ស ច នោចិត្តសហភុស្ស ច ធម្មស្ស ហេតុបច្ចយេន បច្ចយោ; ចិត្តសហភូ ហេតូ សម្បយុត្តកានំ ខន្ធានំ ចិត្តស្ស ច ចិត្តសហភូនញ្ច នោចិត្តសហភូនញ្ច ចិត្តសមុដ្ឋានានំ រូបានំ ហេតុបច្ចយេន បច្ចយោ. (៣)

អារម្មណបច្ចយោ

២៥៨. ចិត្តសហភូ ធម្មោ ចិត្តសហភុស្ស ធម្មស្ស អារម្មណបច្ចយេន បច្ចយោ… នវ (ចិត្តសមុដ្ឋានទុកសទិសំ, និន្នានាករណំ).

អធិបតិបច្ចយោ

២៥៩. ចិត្តសហភូ ធម្មោ ចិត្តសហភុស្ស ធម្មស្ស អធិបតិបច្ចយេន បច្ចយោ… តីណិ (អារម្មណាធិបតិបិ សហជាតាធិបតិបិ កាតព្ពា).

នោចិត្តសហភូ ធម្មោ នោចិត្តសហភុស្ស ធម្មស្ស អធិបតិបច្ចយេន បច្ចយោ… តីណិ (អារម្មណាធិបតិបិ សហជាតាធិបតិបិ ឥមេសម្បិ តិណ្ណំ កាតព្ពា. នវបិ បញ្ហា ចិត្តសមុដ្ឋានទុកសទិសា. អន្តេ តីណិ អារម្មណាធិបតិយេវ).

អនន្តរបច្ចយាទិ

២៦០. ចិត្តសហភូ ធម្មោ ចិត្តសហភុស្ស ធម្មស្ស អនន្តរបច្ចយេន បច្ចយោ… នវ (ចិត្តសមុដ្ឋានទុកសទិសំ, និន្នានាករណំ)… សមនន្តរបច្ចយេន បច្ចយោ… នវ (បដិច្ចសទិសា) … សហជាតបច្ចយេន បច្ចយោ… នវ (បដិច្ចសទិសា)… អញ្ញមញ្ញបច្ចយេន បច្ចយោ… នវ (បដិច្ចសទិសា)… និស្សយបច្ចយេន បច្ចយោ… នវ (បច្ចយវារសទិសា)… ឧបនិស្សយបច្ចយេន បច្ចយោ… នវ (ចិត្តសមុដ្ឋានទុកសទិសា).

បុរេជាតបច្ចយោ

២៦១. នោចិត្តសហភូ ធម្មោ នោចិត្តសហភុស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ… តីណិ (នោចិត្តសហភូ មូលំយេវ លព្ភតិ, ចិត្តសមុដ្ឋានទុកសទិសា. តីណិបិ និន្នានាករណំ).

បច្ឆាជាតាសេវនបច្ចយា

២៦២. ចិត្តសហភូ ធម្មោ នោចិត្តសហភុស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ចិត្តសហភូ ខន្ធា បុរេជាតស្ស ឥមស្ស នោចិត្តសហភុស្ស កាយស្ស បច្ឆាជាតបច្ចយេន បច្ចយោ. (១)

នោចិត្តសហភូ ធម្មោ នោចិត្តសហភុស្ស ធម្មស្ស បច្ឆាជាតបច្ចយេន បច្ចយោ…បេ…. (១)

ចិត្តសហភូ ច នោចិត្តសហភូ ច ធម្មា នោចិត្តសហភុស្ស ធម្មស្ស បច្ឆាជាតបច្ចយេន បច្ចយោ (សំខិត្តំ)… អាសេវនបច្ចយេន បច្ចយោ… នវ.

កម្មបច្ចយោ

២៦៣. ចិត្តសហភូ ធម្មោ ចិត្តសហភុស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ចិត្តសហភូ ចេតនា សម្បយុត្តកានំ ខន្ធានំ ចិត្តសហភូនំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – ចិត្តសហភូ ចេតនា វិបាកានំ ចិត្តសហភូនំ ខន្ធានំ កម្មបច្ចយេន បច្ចយោ. (១)

ចិត្តសហភូ ធម្មោ នោចិត្តសហភុស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ចិត្តសហភូ ចេតនា ចិត្តស្ស នោចិត្តសហភូនំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – ចិត្តសហភូ ចេតនា វិបាកស្ស ចិត្តស្ស កដត្តា ច រូបានំ កម្មបច្ចយេន បច្ចយោ. (២)

ចិត្តសហភូ ធម្មោ ចិត្តសហភុស្ស ច នោចិត្តសហភុស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ចិត្តសហភូ ចេតនា សម្បយុត្តកានំ ខន្ធានំ ចិត្តស្ស ច ចិត្តសហភូនញ្ច នោចិត្តសហភូនញ្ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – ចិត្តសហភូ ចេតនា វិបាកានំ ខន្ធានំ ចិត្តស្ស កដត្តា ច រូបានំ កម្មបច្ចយេន បច្ចយោ. (៣)

វិបាកបច្ចយាទិ

២៦៤. ចិត្តសហភូ ធម្មោ ចិត្តសហភុស្ស ធម្មស្ស វិបាកបច្ចយេន បច្ចយោ (ចិត្តសមុដ្ឋានទុកសទិសំ)… អាហារបច្ចយេន បច្ចយោ… នវ (ចិត្តសមុដ្ឋានទុកសទិសា. ឥមម្បិ ឯកំ កពឡីការអាហារសទិសំ). ចិត្តសហភូ ធម្មោ ចិត្តសហភុស្ស ធម្មស្ស ឥន្ទ្រិយបច្ចយេន បច្ចយោ… នវ (ចិត្តសមុដ្ឋានទុកសទិសំ, និន្នានាករណំ)… ឈានបច្ចយេន បច្ចយោ… តីណិ… មគ្គបច្ចយេន បច្ចយោ… តីណិ… សម្បយុត្តបច្ចយេន បច្ចយោ… បញ្ច.

វិប្បយុត្តបច្ចយោ

២៦៥. ចិត្តសហភូ ធម្មោ ចិត្តសហភុស្ស ធម្មស្ស វិប្បយុត្តបច្ចយេន បច្ចយោ. សហជាតា – ចិត្តសហភូ ខន្ធា ចិត្តសហភូនំ ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. (១)

ចិត្តសហភូ ធម្មោ នោចិត្តសហភុស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – ចិត្តសហភូ ខន្ធា នោចិត្តសហភូនំ ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ…បេ…. បច្ឆាជាតា – ចិត្តសហភូ ខន្ធា បុរេជាតស្ស ឥមស្ស នោចិត្តសហភុស្ស កាយស្ស វិប្បយុត្តបច្ចយេន បច្ចយោ. (២)

ចិត្តសហភូ ធម្មោ ចិត្តសហភុស្ស ច នោចិត្តសហភុស្ស ច ធម្មស្ស វិប្បយុត្តបច្ចយេន បច្ចយោ. សហជាតា – ចិត្តសហភូ ខន្ធា ចិត្តសហភូនញ្ច នោចិត្តសហភូនញ្ច ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. (៣)

២៦៦. នោចិត្តសហភូ ធម្មោ នោចិត្តសហភុស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតំ – ចិត្តំ នោចិត្តសហភូនំ ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ ចិត្តំ កដត្តារូបានំ វិប្បយុត្តបច្ចយេន បច្ចយោ; ចិត្តំ វត្ថុស្ស វិប្បយុត្តបច្ចយេន បច្ចយោ; វត្ថុ ចិត្តស្ស វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណស្ស វិប្បយុត្តបច្ចយេន បច្ចយោ…បេ… កាយាយតនំ…បេ… វត្ថុ ចិត្តស្ស វិប្បយុត្តបច្ចយេន បច្ចយោ. បច្ឆាជាតំ – ចិត្តំ បុរេជាតស្ស ឥមស្ស នោចិត្តសហភុស្ស កាយស្ស វិប្បយុត្តបច្ចយេន បច្ចយោ. (១)

នោចិត្តសហភូ ធម្មោ ចិត្តសហភុស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ. សហជាតំ – ចិត្តំ ចិត្តសហភូនំ ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណសហគតានំ ខន្ធានំ វិប្បយុត្តបច្ចយេន បច្ចយោ…បេ… កាយាយតនំ…បេ… វត្ថុ ចិត្តសហភូនំ ខន្ធានំ វិប្បយុត្តបច្ចយេន បច្ចយោ. (២)

នោចិត្តសហភូ ធម្មោ ចិត្តសហភុស្ស ច នោចិត្តសហភុស្ស ច ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ. សហជាតំ – ចិត្តំ ចិត្តសហភូនញ្ច នោចិត្តសហភូនញ្ច ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ…បេ…. វត្ថុបុរេជាតំ – ចក្ខាយតនំ ចក្ខុវិញ្ញាណស្ស សម្បយុត្តកានញ្ច រូបានំ វិប្បយុត្តបច្ចយេន បច្ចយោ…បេ… កាយាយតនំ…បេ… វត្ថុ ចិត្តស្ស សម្បយុត្តកានញ្ច ខន្ធានំ វិប្បយុត្តបច្ចយេន បច្ចយោ. (៣)

២៦៧. ចិត្តសហភូ ច នោចិត្តសហភូ ច ធម្មា ចិត្តសហភុស្ស ធម្មស្ស វិប្បយុត្តបច្ចយេន បច្ចយោ. សហជាតា – ចិត្តសហភូ ខន្ធា ច ចិត្តញ្ច ចិត្តសហភូនំ ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. (១)

ចិត្តសហភូ ច នោចិត្តសហភូ ច ធម្មា នោចិត្តសហភុស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – ចិត្តសហភូ ខន្ធា ច ចិត្តញ្ច នោចិត្តសហភូនំ ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ …បេ…. បច្ឆាជាតា – ចិត្តសហភូ ខន្ធា ច ចិត្តញ្ច បុរេជាតស្ស ឥមស្ស នោចិត្តសហភុស្ស កាយស្ស វិប្បយុត្តបច្ចយេន បច្ចយោ. (២)

ចិត្តសហភូ ច នោចិត្តសហភូ ច ធម្មា ចិត្តសហភុស្ស ច នោចិត្តសហភុស្ស ច ធម្មស្ស វិប្បយុត្តបច្ចយេន បច្ចយោ – ចិត្តសហភូ ខន្ធា ច ចិត្តញ្ច ចិត្តសហភូនញ្ច នោចិត្តសហភូនញ្ច ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. (៣)

អត្ថិបច្ចយោ

២៦៨. ចិត្តសហភូ ធម្មោ ចិត្តសហភុស្ស ធម្មស្ស អត្ថិបច្ចយេន បច្ចយោ – ចិត្តសហភូ ឯកោ ខន្ធោ…បេ… (បដិច្ចសទិសំ). (១)

ចិត្តសហភូ ធម្មោ នោចិត្តសហភុស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ (សំខិត្តំ). (២)

ចិត្តសហភូ ធម្មោ ចិត្តសហភុស្ស ច នោចិត្តសហភុស្ស ច ធម្មស្ស អត្ថិបច្ចយេន បច្ចយោ – ចិត្តសហភូ ឯកោ ខន្ធោ…បេ… (បដិច្ចសទិសំ). (៣)

នោចិត្តសហភូ ធម្មោ នោចិត្តសហភុស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ). (១)

នោចិត្តសហភូ ធម្មោ ចិត្តសហភុស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ. (២)

នោចិត្តសហភូ ធម្មោ ចិត្តសហភុស្ស ច នោចិត្តសហភុស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ (សំខិត្តំ). (៣)

២៦៩. ចិត្តសហភូ ច នោចិត្តសហភូ ច ធម្មា ចិត្តសហភុស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – ចក្ខុវិញ្ញាណសហគតោ ឯកោ ខន្ធោ ច ចក្ខាយតនញ្ច ចក្ខុវិញ្ញាណញ្ច ទ្វិន្នំ ខន្ធានំ…បេ… ទ្វេ ខន្ធា ច…បេ… (សព្ពំ បដិសន្ធិយំ កាតព្ពំ, សហជាតំ បុរេជាតម្បិ). (១)

ចិត្តសហភូ ច នោចិត្តសហភូ ច ធម្មា នោចិត្តសហភុស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតា – ចក្ខុវិញ្ញាណសហគតា ខន្ធា ចក្ខាយតនញ្ច ចក្ខុវិញ្ញាណស្ស អត្ថិបច្ចយេន បច្ចយោ…បេ… កាយវិញ្ញាណសហគតា…បេ… ចិត្តសហភូ ខន្ធា ច ចិត្តញ្ច នោចិត្តសហភូនំ ចិត្តសមុដ្ឋានានំ រូបានំ អត្ថិបច្ចយេន បច្ចយោ. សហជាតា – ចិត្តសហភូ ខន្ធា ច វត្ថុ ច ចិត្តស្ស អត្ថិបច្ចយេន បច្ចយោ. សហជាតា – ចិត្តសហភូ ខន្ធា ច មហាភូតា ច នោចិត្តសហភូនំ ចិត្តសមុដ្ឋានានំ រូបានំ អត្ថិបច្ចយេន បច្ចយោ (បដិសន្ធិក្ខណេ តីណិបិ កាតព្ពា). បច្ឆាជាតា – ចិត្តសហភូ ខន្ធា ច ចិត្តញ្ច បុរេជាតស្ស ឥមស្ស នោចិត្តសហភុស្ស កាយស្ស អត្ថិបច្ចយេន បច្ចយោ. បច្ឆាជាតា – ចិត្តសហភូ ខន្ធា ច កពឡីការោ អាហារោ ច ឥមស្ស នោចិត្តសហភុស្ស កាយស្ស អត្ថិបច្ចយេន បច្ចយោ. បច្ឆាជាតា – ចិត្តសហភូ ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (២)

ចិត្តសហភូ ច នោចិត្តសហភូ ច ធម្មា ចិត្តសហភុស្ស ច នោចិត្តសហភុស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – ចក្ខុវិញ្ញាណសហគតោ ឯកោ ខន្ធោ ច ចក្ខាយតនំ ច…បេ… (បច្ចយវារសទិសំ). (៣)