១. វិភង្គវារោ

ហេតុបច្ចយោ

២៤៧. ចិត្តសហភុំ ធម្មំ បច្ចយា ចិត្តសហភូ ធម្មោ ឧប្បជ្ជតិ ហេតុបច្ចយា… តីណិ (បដិច្ចសទិសា).

នោចិត្តសហភុំ ធម្មំ បច្ចយា នោចិត្តសហភូ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា ចិត្តំ, ចិត្តំ បច្ចយា នោចិត្តសហភុ ចិត្តសមុដ្ឋានំ រូបំ; បដិសន្ធិក្ខណេ…បេ… (បដិច្ចវារសទិសំ, សព្ពេ មហាភូតា). (១)

នោចិត្តសហភុំ ធម្មំ បច្ចយា ចិត្តសហភូ ធម្មោ ឧប្បជ្ជតិ ហេតុបច្ចយា – ចិត្តំ បច្ចយា សម្បយុត្តកា ខន្ធា ចិត្តសហភុ ចិត្តសមុដ្ឋានញ្ច រូបំ, វត្ថុំ បច្ចយា ចិត្តសហភូ ខន្ធា; បដិសន្ធិក្ខណេ…បេ… (សព្ពេ មហាភូតា បដិច្ចសទិសំ). (២)

នោចិត្តសហភុំ ធម្មំ បច្ចយា ចិត្តសហភូ ច នោចិត្តសហភូ ច ធម្មា ឧប្បជ្ជន្តិ ហេតុបច្ចយា – ចិត្តំ បច្ចយា សម្បយុត្តកា ខន្ធា ចិត្តសហភុ ច នោចិត្តសហភុ ច ចិត្តសមុដ្ឋានំ រូបំ, វត្ថុំ បច្ចយា ចិត្តញ្ច សម្បយុត្តកា ច ខន្ធា; បដិសន្ធិក្ខណេ…បេ… (បដិច្ចសទិសំ, សព្ពេ មហាភូតា). (៣)

២៤៨. ចិត្តសហភុញ្ច នោចិត្តសហភុញ្ច ធម្មំ បច្ចយា ចិត្តសហភូ ធម្មោ ឧប្បជ្ជតិ ហេតុបច្ចយា – ចិត្តសហភុំ ឯកំ ខន្ធញ្ច ចិត្តញ្ច បច្ចយា ទ្វេ ខន្ធា ចិត្តសហភុ ចិត្តសមុដ្ឋានញ្ច រូបំ, ទ្វេ ខន្ធេ ច…បេ… ចិត្តសហភុំ ឯកំ ខន្ធញ្ច វត្ថុញ្ច បច្ចយា ទ្វេ ខន្ធា, ទ្វេ ខន្ធេ ច…បេ… បដិសន្ធិក្ខណេ…បេ… (បដិច្ចសទិសំ, សព្ពេ មហាភូតា). (១)

ចិត្តសហភុញ្ច នោចិត្តសហភុញ្ច ធម្មំ បច្ចយា នោចិត្តសហភូ ធម្មោ ឧប្បជ្ជតិ ហេតុបច្ចយា – ចិត្តសហភូ ខន្ធេ ច ចិត្តញ្ច បច្ចយា នោចិត្តសហភុ ចិត្តសមុដ្ឋានំ រូបំ, ចិត្តសហភូ ខន្ធេ ច វត្ថុញ្ច បច្ចយា ចិត្តំ. ចិត្តសហភូ ខន្ធេ ច មហាភូតេ ច បច្ចយា នោចិត្តសហភុ ចិត្តសមុដ្ឋានំ រូបំ; បដិសន្ធិក្ខណេ…បេ… (បដិច្ចសទិសំ, សព្ពេ មហាភូតា). (២)

ចិត្តសហភុញ្ច នោចិត្តសហភុញ្ច ធម្មំ បច្ចយា ចិត្តសហភូ ច នោចិត្តសហភូ ច ធម្មា ឧប្បជ្ជន្តិ ហេតុបច្ចយា – ចិត្តសហភុំ ឯកំ ខន្ធញ្ច ចិត្តញ្ច បច្ចយា ទ្វេ ខន្ធា ចិត្តសហភុ ច នោចិត្តសហភុ ច ចិត្តសមុដ្ឋានំ រូបំ, ចិត្តសហភុំ ឯកំ ខន្ធញ្ច វត្ថុញ្ច បច្ចយា ទ្វេ ខន្ធា ចិត្តញ្ច, ទ្វេ ខន្ធេ ច…បេ… បដិសន្ធិក្ខណេ…បេ… (បដិច្ចសទិសំ, សព្ពេ មហាភូតា). (៣)

អារម្មណបច្ចយោ

២៤៩. ចិត្តសហភុំ ធម្មំ បច្ចយា ចិត្តសហភូ ធម្មោ ឧប្បជ្ជតិ អារម្មណបច្ចយា… តីណិ (បដិច្ចសទិសំ).

នោចិត្តសហភុំ ធម្មំ បច្ចយា នោចិត្តសហភូ ធម្មោ ឧប្បជ្ជតិ អារម្មណបច្ចយា…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ…បេ…. (ឥមំ ចិត្តសមុដ្ឋានទុកំ បច្ចយវារេ អារម្មណសទិសំ. ឆន្នម្បិ ឥមេសំ បញ្ចវិញ្ញាណមូលា កាតព្ពា. សំខិត្តំ.)