១. វិភង្គវារោ

នហេតុបច្ចយោ

២៤៣. ចិត្តសហភុំ ធម្មំ បដិច្ច ចិត្តសហភូ ធម្មោ ឧប្បជ្ជតិ នហេតុបច្ចយា – អហេតុកំ ចិត្តសហភុំ ឯកំ ខន្ធំ បដិច្ច ទ្វេ ខន្ធា ចិត្តសហភុ ចិត្តសមុដ្ឋានញ្ច រូបំ, ទ្វេ ខន្ធេ…បេ… អហេតុកបដិសន្ធិក្ខណេ…បេ… វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (ឯវំ នវបិ បញ្ហា កាតព្ពា. ‘‘អហេតុក’’ន្តិ និយាមេតព្ពំ. យថា អនុលោមេ លព្ភតិ ឯវំ កាតព្ពំ. តីណិ មោហោ យថា ចិត្តសមុដ្ឋានទុកេ ឯវមេវ កាតព្ពា.)

នកម្មបច្ចយោ

២៤៤. ចិត្តសហភុំ ធម្មំ បដិច្ច ចិត្តសហភូ ធម្មោ ឧប្បជ្ជតិ នកម្មបច្ចយា – ចិត្តសហភូ ខន្ធេ បដិច្ច ចិត្តសហភូ ចេតនា.

នោចិត្តសហភុំ ធម្មំ បដិច្ច នោចិត្តសហភូ ធម្មោ ឧប្បជ្ជតិ នកម្មបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ…បេ….

នោចិត្តសហភុំ ធម្មំ បដិច្ច ចិត្តសហភូ ធម្មោ ឧប្បជ្ជតិ នកម្មបច្ចយា – ចិត្តំ បដិច្ច សម្បយុត្តកា ចេតនា.

ចិត្តសហភុញ្ច នោចិត្តសហភុញ្ច ធម្មំ បដិច្ច ចិត្តសហភូ ធម្មោ ឧប្បជ្ជតិ នកម្មបច្ចយា – ចិត្តសហភូ ខន្ធេ ច ចិត្តញ្ច បដិច្ច សម្បយុត្តកា ចេតនា.

នឈានបច្ចយោ

២៤៥. ចិត្តសហភុំ ធម្មំ បដិច្ច ចិត្តសហភូ ធម្មោ ឧប្បជ្ជតិ នឈានបច្ចយា – បញ្ចវិញ្ញាណសហគតំ…បេ….