១. វិភង្គវារោ

ហេតុបច្ចយោ

២៣៩. ចិត្តសហភុំ ធម្មំ បដិច្ច ចិត្តសហភូ ធម្មោ ឧប្បជ្ជតិ ហេតុបច្ចយា – ចិត្តសហភុំ ឯកំ ខន្ធំ បដិច្ច ទ្វេ ខន្ធា ចិត្តសហភុ ចិត្តសមុដ្ឋានញ្ច រូបំ, ទ្វេ ខន្ធេ…បេ… បដិសន្ធិក្ខណេ ចិត្តសហភុំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ…បេ…. (១)

ចិត្តសហភុំ ធម្មំ បដិច្ច នោចិត្តសហភូ ធម្មោ ឧប្បជ្ជតិ ហេតុបច្ចយា – ចិត្តសហភូ ខន្ធេ បដិច្ច ចិត្តំ នោចិត្តសហភុ ចិត្តសមុដ្ឋានញ្ច រូបំ; បដិសន្ធិក្ខណេ ចិត្តសហភូ ខន្ធេ បដិច្ច ចិត្តំ កដត្តា ច រូបំ. (២)

ចិត្តសហភុំ ធម្មំ បដិច្ច ចិត្តសហភូ ច នោចិត្តសហភូ ច ធម្មា ឧប្បជ្ជន្តិ ហេតុបច្ចយា – ចិត្តសហភុំ ឯកំ ខន្ធំ បដិច្ច ទ្វេ ខន្ធា ចិត្តញ្ច ចិត្តសហភុ ច នោចិត្តសហភុ ច ចិត្តសមុដ្ឋានំ រូបំ, ទ្វេ ខន្ធេ…បេ… បដិសន្ធិក្ខណេ ចិត្តសហភុំ ឯកំ ខន្ធំ បដិច្ច ទ្វេ ខន្ធា ចិត្តញ្ច កដត្តា ច រូបំ, ទ្វេ ខន្ធេ…បេ…. (៣)

២៤០. នោចិត្តសហភុំ ធម្មំ បដិច្ច នោចិត្តសហភូ ធម្មោ ឧប្បជ្ជតិ ហេតុបច្ចយា – ចិត្តំ បដិច្ច នោចិត្តសហភុ ចិត្តសមុដ្ឋានំ រូបំ; បដិសន្ធិក្ខណេ ចិត្តំ បដិច្ច កដត្តារូបំ, ចិត្តំ បដិច្ច វត្ថុ, វត្ថុំ បដិច្ច ចិត្តំ, ឯកំ មហាភូតំ…បេ… មហាភូតេ បដិច្ច នោចិត្តសហភុ ចិត្តសមុដ្ឋានំ រូបំ កដត្តារូបំ ឧបាទារូបំ. (១)

នោចិត្តសហភុំ ធម្មំ បដិច្ច ចិត្តសហភូ ធម្មោ ឧប្បជ្ជតិ ហេតុបច្ចយា – ចិត្តំ បដិច្ច សម្បយុត្តកា ខន្ធា ចិត្តសហភុ ចិត្តសមុដ្ឋានញ្ច រូបំ; បដិសន្ធិក្ខណេ ចិត្តំ បដិច្ច សម្បយុត្តកា ខន្ធា, បដិសន្ធិក្ខណេ វត្ថុំ បដិច្ច ចិត្តសហភូ ខន្ធា, មហាភូតេ បដិច្ច ចិត្តសហភុ ចិត្តសមុដ្ឋានំ រូបំ ឧបាទារូបំ. (២)

នោចិត្តសហភុំ ធម្មំ បដិច្ច ចិត្តសហភូ ច នោចិត្តសហភូ ច ធម្មា ឧប្បជ្ជន្តិ ហេតុបច្ចយា – ចិត្តំ បដិច្ច សម្បយុត្តកា ខន្ធា ចិត្តសហភុ ច នោចិត្តសហភុ ច ចិត្តសមុដ្ឋានំ រូបំ; បដិសន្ធិក្ខណេ ចិត្តំ បដិច្ច សម្បយុត្តកា ខន្ធា កដត្តា ច រូបំ, បដិសន្ធិក្ខណេ វត្ថុំ បដិច្ច ចិត្តញ្ច សម្បយុត្តកា ច ខន្ធា, មហាភូតេ បដិច្ច ចិត្តសហភុ ច នោចិត្តសហភុ ច ចិត្តសមុដ្ឋានំ រូបំ ឧបាទារូបំ. (៣)

២៤១. ចិត្តសហភុញ្ច នោចិត្តសហភុញ្ច ធម្មំ បដិច្ច ចិត្តសហភូ ធម្មោ ឧប្បជ្ជតិ ហេតុបច្ចយា – ចិត្តសហភុំ ឯកំ ខន្ធញ្ច ចិត្តញ្ច បដិច្ច ទ្វេ ខន្ធា ចិត្តសហភុ ចិត្តសមុដ្ឋានញ្ច រូបំ, ទ្វេ ខន្ធេ ច…បេ… បដិសន្ធិក្ខណេ ចិត្តសហភុំ ឯកំ ខន្ធញ្ច ចិត្តញ្ច បដិច្ច ទ្វេ ខន្ធា, ទ្វេ ខន្ធេ ច…បេ… បដិសន្ធិក្ខណេ ចិត្តសហភុំ ឯកំ ខន្ធញ្ច វត្ថុញ្ច បដិច្ច ទ្វេ ខន្ធា, ទ្វេ ខន្ធេ ច…បេ… ចិត្តសហភូ ខន្ធេ ច មហាភូតេ ច បដិច្ច ចិត្តសហភុ ចិត្តសមុដ្ឋានំ រូបំ ឧបាទារូបំ. (១)

ចិត្តសហភុញ្ច នោចិត្តសហភុញ្ច ធម្មំ បដិច្ច នោចិត្តសហភូ ធម្មោ ឧប្បជ្ជតិ ហេតុបច្ចយា – ចិត្តសហភូ ខន្ធេ ច ចិត្តញ្ច បដិច្ច នោចិត្តសហភុ ចិត្តសមុដ្ឋានំ រូបំ; បដិសន្ធិក្ខណេ ចិត្តសហភូ ខន្ធេ ច ចិត្តញ្ច បដិច្ច កដត្តារូបំ, បដិសន្ធិក្ខណេ ចិត្តសហភូ ខន្ធេ ច វត្ថុញ្ច បដិច្ច ចិត្តំ, ចិត្តសហភូ ខន្ធេ ច មហាភូតេ ច បដិច្ច នោចិត្តសហភុ ចិត្តសមុដ្ឋានំ រូបំ កដត្តារូបំ ឧបាទារូបំ. (២)

ចិត្តសហភុញ្ច នោចិត្តសហភុញ្ច ធម្មំ បដិច្ច ចិត្តសហភូ ច នោចិត្តសហភូ ច ធម្មា ឧប្បជ្ជន្តិ ហេតុបច្ចយា – ចិត្តសហភុំ ឯកំ ខន្ធញ្ច ចិត្តញ្ច បដិច្ច ទ្វេ ខន្ធា ចិត្តសហភុ ច នោចិត្តសហភុ ច ចិត្តសមុដ្ឋានំ រូបំ, ទ្វេ ខន្ធេ ច…បេ… បដិសន្ធិក្ខណេ ចិត្តសហភុំ ឯកំ ខន្ធញ្ច ចិត្តញ្ច បដិច្ច ទ្វេ ខន្ធា កដត្តា ច រូបំ, ទ្វេ ខន្ធេ ច…បេ… បដិសន្ធិក្ខណេ ចិត្តសហភុំ ឯក ខន្ធញ្ច វត្ថុញ្ច បដិច្ច ទ្វេ ខន្ធា ចិត្តញ្ច, ទ្វេ ខន្ធេ ច…បេ… ចិត្តសហភូ ខន្ធេ ច មហាភូតេ ច បដិច្ច កដត្តារូបំ ឧបាទារូបំ (សំខិត្តំ). (៣)