១. វិភង្គវារោ

ហេតុបច្ចយោ

២១០. ចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស ហេតុបច្ចយេន បច្ចយោ – ចិត្តសមុដ្ឋានា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

ចិត្តសមុដ្ឋានោ ធម្មោ នោចិត្តសមុដ្ឋានស្ស ធម្មស្ស ហេតុបច្ចយេន បច្ចយោ – ចិត្តសមុដ្ឋានា ហេតូ ចិត្តស្ស ហេតុបច្ចយេន បច្ចយោ; បដិសន្ធិក្ខណេ ចិត្តសមុដ្ឋានា ហេតូ ចិត្តស្ស កដត្តា ច រូបានំ ហេតុបច្ចយេន បច្ចយោ. (២)

ចិត្តសមុដ្ឋានោ ធម្មោ ចិត្តសមុដ្ឋានស្ស ច នោចិត្តសមុដ្ឋានស្ស ច ធម្មស្ស ហេតុបច្ចយេន បច្ចយោ – ចិត្តសមុដ្ឋានា ហេតូ សម្បយុត្តកានំ ខន្ធានំ ចិត្តស្ស ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (៣)

អារម្មណបច្ចយោ

២១១. ចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស អារម្មណបច្ចយេន បច្ចយោ – ចិត្តសមុដ្ឋានេ ខន្ធេ អារព្ភ ចិត្តសមុដ្ឋានា ខន្ធា ឧប្បជ្ជន្តិ. (មូលំ កាតព្ពំ) ចិត្តសមុដ្ឋានេ ខន្ធេ អារព្ភ ចិត្តំ ឧប្បជ្ជតិ. (មូលំ កាតព្ពំ) ចិត្តសមុដ្ឋានេ ខន្ធេ អារព្ភ ចិត្តសមុដ្ឋានា ខន្ធា ច ចិត្តញ្ច ឧប្បជ្ជន្តិ. (៣)

២១២. នោចិត្តសមុដ្ឋានោ ធម្មោ នោចិត្តសមុដ្ឋានស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ…បេ… និព្ពានំ បច្ចវេក្ខន្តិ. និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ; ចក្ខុំ…បេ… វត្ថុំ នោចិត្តសមុដ្ឋានេ ខន្ធេ អនិច្ចតោ…បេ… វិបស្សតិ, អស្សាទេតិ អភិនន្ទតិ, តំ អារព្ភ ចិត្តំ ឧប្បជ្ជតិ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ចេតោបរិយញាណេន នោចិត្តសមុដ្ឋានចិត្តសមង្គិស្ស ចិត្តំ ជានាតិ, អាកាសានញ្ចាយតនំ…បេ… អាកិញ្ចញ្ញាយតនំ…បេ… រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ…បេ… នោចិត្តសមុដ្ឋានា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

នោចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស អារម្មណបច្ចយេន បច្ចយោ – អរិយា មគ្គា…បេ… និព្ពានំ បច្ចវេក្ខន្តិ (បឋមគមនសទិសំ); ចក្ខុំ…បេ… វត្ថុំ នោចិត្តសមុដ្ឋានេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ…បេ… រូបាយតនំ ចក្ខុវិញ្ញាណសហគតានំ ខន្ធានំ…បេ… ផោដ្ឋព្ពាយតនំ…បេ… នោចិត្តសមុដ្ឋានា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (២)

នោចិត្តសមុដ្ឋានោ ធម្មោ ចិត្តសមុដ្ឋានស្ស ច នោចិត្តសមុដ្ឋានស្ស ច ធម្មស្ស អារម្មណបច្ចយេន បច្ចយោ – អរិយា មគ្គា…បេ… និព្ពានំ បច្ចវេក្ខន្តិ (បឋមគមនសទិសំ), នោចិត្តសមុដ្ឋានេ ខន្ធេ អនិច្ចតោ…បេ… វិបស្សតិ អស្សាទេតិ អភិនន្ទតិ, តំ អារព្ភ ចិត្តញ្ច សម្បយុត្តកា ច ខន្ធា ឧប្បជ្ជន្តិ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណស្ស សម្បយុត្តកានញ្ច ខន្ធានំ…បេ… ផោដ្ឋព្ពាយតនំ…បេ… នោចិត្តសមុដ្ឋានា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (៣)

ចិត្តសមុដ្ឋានោ ច នោចិត្តសមុដ្ឋានោ ច ធម្មា ចិត្តសមុដ្ឋានស្ស ធម្មស្ស អារម្មណបច្ចយេន បច្ចយោ… តីណិ (អារព្ភ កាតព្ពា).

អធិបតិបច្ចយោ

២១៣. ចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ចិត្តសមុដ្ឋានេ ខន្ធេ គរុំ កត្វា ចិត្តសមុដ្ឋានា ខន្ធា ឧប្បជ្ជន្តិ. សហជាតាធិបតិ – ចិត្តសមុដ្ឋានាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ (តីណិបិ អារម្មណាធិបតិ, សហជាតាធិបតិបិ កាតព្ពា). (៣)

នោចិត្តសមុដ្ឋានោ ធម្មោ នោចិត្តសមុដ្ឋានស្ស ធម្មស្ស អធិបតិបច្ចយេន បច្ចយោ – អារម្មណាធិបតិ – អរិយា មគ្គា…បេ… និព្ពានំ គរុំ កត្វា…បេ… នោចិត្តសមុដ្ឋានេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា ចិត្តំ ឧប្បជ្ជតិ. (១)

នោចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – អរិយា មគ្គា…បេ… និព្ពានំ គរុំ កត្វា បច្ចវេក្ខន្តិ…បេ… នោចិត្តសមុដ្ឋានេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – នោចិត្តសមុដ្ឋានាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (២)

នោចិត្តសមុដ្ឋានោ ធម្មោ ចិត្តសមុដ្ឋានស្ស ច នោចិត្តសមុដ្ឋានស្ស ច ធម្មស្ស អធិបតិបច្ចយេន បច្ចយោ. អារម្មណាធិបតិ – អរិយា មគ្គា…បេ… និព្ពានំ គរុំ កត្វា បច្ចវេក្ខន្តិ…បេ… នោចិត្តសមុដ្ឋានេ ខន្ធេ គរុំ កត្វា…បេ… ចិត្តញ្ច សម្បយុត្តកា ច ខន្ធា ឧប្បជ្ជន្តិ. (៣)

ចិត្តសមុដ្ឋានោ ច នោចិត្តសមុដ្ឋានោ ច ធម្មា ចិត្តសមុដ្ឋានស្ស ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ (អារម្មណាធិបតិយេវ).

អនន្តរ-សមនន្តរបច្ចយា

២១៤. ចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស អនន្តរបច្ចយេន បច្ចយោ… តីណិ (វុដ្ឋានំ នត្ថិ).

នោចិត្តសមុដ្ឋានោ ធម្មោ នោចិត្តសមុដ្ឋានស្ស ធម្មស្ស អនន្តរបច្ចយេន បច្ចយោ – បុរិមំ បុរិមំ ចិត្តំ បច្ឆិមស្ស បច្ឆិមស្ស…បេ… និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ (ឥតរេ ទ្វេ គណនា, ឥមស្ស សទិសាយេវ កាតព្ពា).

ចិត្តសមុដ្ឋានោ ច នោចិត្តសមុដ្ឋានោ ច ធម្មា ចិត្តសមុដ្ឋានស្ស ធម្មស្ស អនន្តរបច្ចយេន បច្ចយោ (តីណិ កាតព្ពា, វុដ្ឋានំ នត្ថិ)… សមនន្តរបច្ចយេន បច្ចយោ.

សហជាតបច្ចយាទិ

២១៥. ចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស សហជាតបច្ចយេន បច្ចយោ (បដិច្ចវារសទិសំ)… អញ្ញមញ្ញបច្ចយេន បច្ចយោ (បដិច្ចវារសទិសំ)… និស្សយបច្ចយេន បច្ចយោ (បច្ចយវារសទិសំ).

ឧបនិស្សយបច្ចយោ

២១៦. ចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – (តីណិ បញ្ហា កាតព្ពា). (៣)

នោចិត្តសមុដ្ឋានោ ធម្មោ នោចិត្តសមុដ្ឋានស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ឧតុំ… ភោជនំ… សេនាសនំ ចិត្តំ ឧបនិស្សាយ ទានំ ទេតិ…បេ… សង្ឃំ ភិន្ទតិ; ឧតុ… ភោជនំ… សេនាសនំ ចិត្តំ ចិត្តស្ស ឧបនិស្សយបច្ចយេន បច្ចយោ. (១)

នោចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ឧតុំ… ភោជនំ… សេនាសនំ ចិត្តំ ឧបនិស្សាយ ទានំ ទេតិ…បេ… សង្ឃំ ភិន្ទតិ; ឧតុ… ភោជនំ… សេនាសនំ ចិត្តំ សទ្ធាយ…បេ… មគ្គស្ស ផលសមាបត្តិយា ឧបនិស្សយបច្ចយេន បច្ចយោ. (២)

នោចិត្តសមុដ្ឋានោ ធម្មោ ចិត្តសមុដ្ឋានស្ស ច នោចិត្តសមុដ្ឋានស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ឧតុំ… ភោជនំ… សេនាសនំ ចិត្តំ ឧបនិស្សាយ ទានំ ទេតិ…បេ… សង្ឃំ ភិន្ទតិ; ឧតុ… ភោជនំ… សេនាសនំ ចិត្តំ ចិត្តសមុដ្ឋានានំ ខន្ធានំ ចិត្តស្ស ច ឧបនិស្សយបច្ចយេន បច្ចយោ. (៣)

ចិត្តសមុដ្ឋានោ ច នោចិត្តសមុដ្ឋានោ ច ធម្មា ចិត្តសមុដ្ឋានស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ… តីណិ.

បុរេជាតបច្ចយោ

២១៧. ចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស បុរេជាតបច្ចយេន បច្ចយោ. អារម្មណបុរេជាតំ – ចិត្តសមុដ្ឋានេ រូបេ…បេ… ផោដ្ឋព្ពេ អនិច្ចតោ…បេ… វិបស្សតិ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណសហគតានំ ខន្ធានំ បុរេជាតបច្ចយេន បច្ចយោ…បេ… ផោដ្ឋព្ពាយតនំ កាយវិញ្ញាណសហគតានំ ខន្ធានំ បុរេជាតបច្ចយេន បច្ចយោ. (១)

ចិត្តសមុដ្ឋានោ ធម្មោ នោចិត្តសមុដ្ឋានស្ស ធម្មស្ស បុរេជាតបច្ចយេន បច្ចយោ. អារម្មណបុរេជាតំ – ចិត្តសមុដ្ឋានេ រូបេ…បេ… ផោដ្ឋព្ពេ អនិច្ចតោ…បេ… វិបស្សតិ អស្សាទេតិ អភិនន្ទតិ, តំ អារព្ភ ចិត្តំ ឧប្បជ្ជតិ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ. (២)

ចិត្តសមុដ្ឋានោ ធម្មោ ចិត្តសមុដ្ឋានស្ស ច នោចិត្តសមុដ្ឋានស្ស ច ធម្មស្ស បុរេជាតបច្ចយេន បច្ចយោ. អារម្មណបុរេជាតំ – ចិត្តសមុដ្ឋានេ រូបេ…បេ… ផោដ្ឋព្ពេ អនិច្ចតោ…បេ… វិបស្សតិ អស្សាទេតិ អភិនន្ទតិ, តំ អារព្ភ ចិត្តញ្ច សម្បយុត្តកា ច ខន្ធា ឧប្បជ្ជន្តិ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណស្ស សម្បយុត្តកានញ្ច ខន្ធានំ បុរេជាតបច្ចយេន បច្ចយោ…បេ… ផោដ្ឋព្ពាយតនំ…បេ…. (៣)

២១៨. នោចិត្តសមុដ្ឋានោ ធម្មោ នោចិត្តសមុដ្ឋានស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… កាយំ, រូបេ…បេ… ផោដ្ឋព្ពេ វត្ថុំ អនិច្ចតោ…បេ… តំ អារព្ភ ចិត្តំ ឧប្បជ្ជតិ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ …បេ…. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ…បេ… វត្ថុ ចិត្តស្ស បុរេជាតបច្ចយេន បច្ចយោ. (១)

នោចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណសហគតានំ ខន្ធានំ…បេ… ផោដ្ឋព្ពាយតនំ…បេ…. វត្ថុបុរេជាតំ – ចក្ខាយតនំ ចក្ខុវិញ្ញាណសហគតានំ ខន្ធានំ…បេ… កាយាយតនំ…បេ… វត្ថុ ចិត្តសមុដ្ឋានានំ ខន្ធានំ បុរេជាតបច្ចយេន បច្ចយោ. (២)

នោចិត្តសមុដ្ឋានោ ធម្មោ ចិត្តសមុដ្ឋានស្ស ច នោចិត្តសមុដ្ឋានស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… តំ អារព្ភ ចិត្តញ្ច សម្បយុត្តកា ច ខន្ធា ឧប្បជ្ជន្តិ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណស្ស សម្បយុត្តកានញ្ច ខន្ធានំ…បេ… ផោដ្ឋព្ពាយតនំ…បេ…. វត្ថុបុរេជាតំ – ចក្ខាយតនំ ចក្ខុវិញ្ញាណស្ស សម្បយុត្តកានញ្ច ខន្ធានំ…បេ… កាយាយតនំ…បេ… វត្ថុ ចិត្តស្ស សម្បយុត្តកានញ្ច ខន្ធានំ បុរេជាតបច្ចយេន បច្ចយោ. (៣)

២១៩. ចិត្តសមុដ្ឋានោ ច នោចិត្តសមុដ្ឋានោ ច ធម្មា ចិត្តសមុដ្ឋានស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. ចិត្តសមុដ្ឋានំ រូបាយតនញ្ច ចក្ខាយតនញ្ច ចក្ខុវិញ្ញាណសហគតានំ ខន្ធានំ …បេ… ចិត្តសមុដ្ឋានំ ផោដ្ឋព្ពាយតនញ្ច កាយាយតនញ្ច កាយវិញ្ញាណសហគតានំ ខន្ធានំ បុរេជាតបច្ចយេន បច្ចយោ; ចិត្តសមុដ្ឋានំ រូបាយតនញ្ច វត្ថុ ច ចិត្តសមុដ្ឋានានំ ខន្ធានំ បុរេជាតបច្ចយេន បច្ចយោ…បេ… ចិត្តសមុដ្ឋានំ ផោដ្ឋព្ពាយតនញ្ច វត្ថុ ច…បេ…. (១)

ចិត្តសមុដ្ឋានោ ច នោចិត្តសមុដ្ឋានោ ច ធម្មា នោចិត្តសមុដ្ឋានស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. ចិត្តសមុដ្ឋានំ រូបាយតនញ្ច ចក្ខាយតនញ្ច ចក្ខុវិញ្ញាណស្ស…បេ… ចិត្តសមុដ្ឋានំ ផោដ្ឋព្ពាយតនញ្ច កាយាយតនញ្ច កាយវិញ្ញាណស្ស បុរេជាតបច្ចយេន បច្ចយោ; ចិត្តសមុដ្ឋានំ រូបាយតនញ្ច វត្ថុ ច ចិត្តស្ស បុរេជាតបច្ចយេន បច្ចយោ…បេ… ចិត្តសមុដ្ឋានំ ផោដ្ឋព្ពាយតនញ្ច វត្ថុ ច…បេ…. (២)

ចិត្តសមុដ្ឋានោ ច នោចិត្តសមុដ្ឋានោ ច ធម្មា ចិត្តសមុដ្ឋានស្ស ច នោចិត្តសមុដ្ឋានស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. ចិត្តសមុដ្ឋានំ រូបាយតនញ្ច ចក្ខាយតនញ្ច ចក្ខុវិញ្ញាណស្ស សម្បយុត្តកានញ្ច ខន្ធានំ បុរេជាតបច្ចយេន បច្ចយោ…បេ… ចិត្តសមុដ្ឋានំ ផោដ្ឋព្ពាយតនំ ច…បេ… ចិត្តសមុដ្ឋានំ រូបាយតនញ្ច វត្ថុ ច ចិត្តស្ស សម្បយុត្តកានញ្ច ខន្ធានំ បុរេជាតបច្ចយេន បច្ចយោ…បេ… ចិត្តសមុដ្ឋានំ ផោដ្ឋព្ពាយតនញ្ច វត្ថុ ច…បេ…. (៣)

បច្ឆាជាតាសេវនបច្ចយា

២២០. ចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ចិត្តសមុដ្ឋានា ខន្ធា បុរេជាតស្ស ឥមស្ស ចិត្តសមុដ្ឋានស្ស កាយស្ស បច្ឆាជាតបច្ចយេន បច្ចយោ (ឥមិនាការេនេវ បច្ឆាជាតោ វិត្ថារេតព្ពោ)… អាសេវនបច្ចយេន បច្ចយោ… នវ.

កម្ម-វិបាកបច្ចយា

២២១. ចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ចិត្តសមុដ្ឋានា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – ចិត្តសមុដ្ឋានា ចេតនា វិបាកានំ ខន្ធានំ កម្មបច្ចយេន បច្ចយោ. (១)

ចិត្តសមុដ្ឋានោ ធម្មោ នោចិត្តសមុដ្ឋានស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ចិត្តសមុដ្ឋានា ចេតនា ចិត្តស្ស កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – ចិត្តសមុដ្ឋានា ចេតនា វិបាកស្ស ចិត្តស្ស កដត្តា ច រូបានំ កម្មបច្ចយេន បច្ចយោ. (២)

ចិត្តសមុដ្ឋានោ ធម្មោ ចិត្តសមុដ្ឋានស្ស ច នោចិត្តសមុដ្ឋានស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ចិត្តសមុដ្ឋានា ចេតនា សម្បយុត្តកានំ ខន្ធានំ ចិត្តស្ស ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – ចិត្តសមុដ្ឋានា ចេតនា វិបាកានំ ខន្ធានំ ចិត្តស្ស ច កដត្តា ច រូបានំ កម្មបច្ចយេន បច្ចយោ. (៣)

ចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស វិបាកបច្ចយេន បច្ចយោ… នវ.

អាហារបច្ចយោ

២២២. ចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស អាហារបច្ចយេន បច្ចយោ – ចិត្តសមុដ្ឋានា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ; បដិសន្ធិក្ខណេ…បេ…. (មូលំ កាតព្ពំ) ចិត្តសមុដ្ឋានា អាហារា ចិត្តស្ស អាហារបច្ចយេន បច្ចយោ; បដិសន្ធិក្ខណេ…បេ… ចិត្តសមុដ្ឋានោ កពឡីការោ អាហារោ ឥមស្ស នោចិត្តសមុដ្ឋានស្ស កាយស្ស អាហារបច្ចយេន បច្ចយោ. (មូលំ កាតព្ពំ) ចិត្តសមុដ្ឋានា អាហារា សម្បយុត្តកានំ ខន្ធានំ ចិត្តស្ស ច ចិត្តសមុដ្ឋានានញ្ច រូបានំ អាហារបច្ចយេន បច្ចយោ; បដិសន្ធិក្ខណេ…បេ…. (៣)

២២៣. នោចិត្តសមុដ្ឋានោ ធម្មោ នោចិត្តសមុដ្ឋានស្ស ធម្មស្ស អាហារបច្ចយេន បច្ចយោ – បដិសន្ធិក្ខណេ នោចិត្តសមុដ្ឋានា អាហារា កដត្តារូបានំ អាហារបច្ចយេន បច្ចយោ; នោចិត្តសមុដ្ឋានោ កពឡីការោ អាហារោ ឥមស្ស នោចិត្តសមុដ្ឋានស្ស កាយស្ស អាហារបច្ចយេន បច្ចយោ. (មូលំ កាតព្ពំ) នោចិត្តសមុដ្ឋានា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ; បដិសន្ធិក្ខណេ…បេ…. (មូលំ កាតព្ពំ) បដិសន្ធិក្ខណេ នោចិត្តសមុដ្ឋានា អាហារា សម្បយុត្តកានំ ខន្ធានំ កដត្តា ច រូបានំ អាហារបច្ចយេន បច្ចយោ. (៣)

២២៤. ចិត្តសមុដ្ឋានោ ច នោចិត្តសមុដ្ឋានោ ច ធម្មា ចិត្តសមុដ្ឋានស្ស ធម្មស្ស អាហារបច្ចយេន បច្ចយោ – ចិត្តសមុដ្ឋានា ច នោចិត្តសមុដ្ឋានា ច អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ; បដិសន្ធិក្ខណេ…បេ…. (មូលំ កាតព្ពំ) បដិសន្ធិក្ខណេ ចិត្តសមុដ្ឋានា ច នោចិត្តសមុដ្ឋានា ច អាហារា កដត្តារូបានំ អាហារបច្ចយេន បច្ចយោ; ចិត្តសមុដ្ឋានោ ច នោចិត្តសមុដ្ឋានោ ច កពឡីការោ អាហារោ ឥមស្ស នោចិត្តសមុដ្ឋានស្ស កាយស្ស អាហារបច្ចយេន បច្ចយោ. (មូលំ កាតព្ពំ) បដិសន្ធិក្ខណេ ចិត្តសមុដ្ឋានា ច នោចិត្តសមុដ្ឋានា ច អាហារា សម្បយុត្តកានំ ខន្ធានំ កដត្តា ច រូបានំ អាហារបច្ចយេន បច្ចយោ. (៣)

ឥន្ទ្រិយបច្ចយាទិ

២២៥. ចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស ឥន្ទ្រិយបច្ចយេន បច្ចយោ… តីណិ.

នោចិត្តសមុដ្ឋានោ ធម្មោ នោចិត្តសមុដ្ឋានស្ស ធម្មស្ស ឥន្ទ្រិយបច្ចយេន បច្ចយោ – បដិសន្ធិក្ខណេ នោចិត្តសមុដ្ឋានា ឥន្ទ្រិយា កដត្តារូបានំ ឥន្ទ្រិយបច្ចយេន បច្ចយោ; បដិសន្ធិក្ខណេ…បេ… ចក្ខុន្ទ្រិយំ ចក្ខុវិញ្ញាណស្ស…បេ… កាយិន្ទ្រិយំ កាយវិញ្ញាណស្ស…បេ… រូបជីវិតិន្ទ្រិយំ កដត្តារូបានំ ឥន្ទ្រិយបច្ចយេន បច្ចយោ. (មូលំ កាតព្ពំ) នោចិត្តសមុដ្ឋានា ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ; បដិសន្ធិក្ខណេ…បេ… ចក្ខុន្ទ្រិយំ ចក្ខុវិញ្ញាណសហគតានំ ខន្ធានំ…បេ… កាយិន្ទ្រិយំ…បេ…. (មូលំ កាតព្ពំ) បដិសន្ធិក្ខណេ នោចិត្តសមុដ្ឋានា ឥន្ទ្រិយា សម្បយុត្តកានំ ខន្ធានំ កដត្តា ច រូបានំ ឥន្ទ្រិយបច្ចយេន បច្ចយោ; ចក្ខុន្ទ្រិយំ ចក្ខុវិញ្ញាណស្ស ចក្ខុវិញ្ញាណសហគតានញ្ច ខន្ធានំ…បេ… កាយិន្ទ្រិយំ…បេ…. (៣)

២២៦. ចិត្តសមុដ្ឋានោ ច នោចិត្តសមុដ្ឋានោ ច ធម្មា ចិត្តសមុដ្ឋានស្ស ធម្មស្ស ឥន្ទ្រិយបច្ចយេន បច្ចយោ – ចិត្តសមុដ្ឋានា ច នោចិត្តសមុដ្ឋានា ច ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ; បដិសន្ធិក្ខណេ…បេ… ចក្ខុន្ទ្រិយញ្ច ឧបេក្ខិន្ទ្រិយញ្ច ចក្ខុវិញ្ញាណសហគតានំ ខន្ធានំ…បេ… កាយិន្ទ្រិយញ្ច សុខិន្ទ្រិយញ្ច…បេ… កាយិន្ទ្រិយញ្ច ទុក្ខិន្ទ្រិយញ្ច កាយវិញ្ញាណសហគតានំ ខន្ធានំ ឥន្ទ្រិយបច្ចយេន បច្ចយោ. (មូលំ កាតព្ពំ) បដិសន្ធិក្ខណេ ចិត្តសមុដ្ឋានា ច នោចិត្តសមុដ្ឋានា ច ឥន្ទ្រិយា កដត្តារូបានំ ឥន្ទ្រិយបច្ចយេន បច្ចយោ; ចក្ខុន្ទ្រិយញ្ច ឧបេក្ខិន្ទ្រិយញ្ច ចក្ខុវិញ្ញាណស្ស …បេ… កាយិន្ទ្រិយញ្ច…បេ…. (មូលំ កាតព្ពំ) បដិសន្ធិក្ខណេ ចិត្តសមុដ្ឋានា ច នោចិត្តសមុដ្ឋានា ច ឥន្ទ្រិយា សម្បយុត្តកានំ ខន្ធានំ កដត្តា ច រូបានំ ឥន្ទ្រិយបច្ចយេន បច្ចយោ; ចក្ខុន្ទ្រិយញ្ច ឧបេក្ខិន្ទ្រិយញ្ច ចក្ខុវិញ្ញាណស្ស សម្បយុត្តកានញ្ច ខន្ធានំ ឥន្ទ្រិយបច្ចយេន បច្ចយោ; កាយិន្ទ្រិយំ ច…បេ…. (៣)

ឈានបច្ចយេន បច្ចយោ… តីណិ… មគ្គបច្ចយេន បច្ចយោ… តីណិ… សម្បយុត្តបច្ចយេន បច្ចយោ… បញ្ច…បេ….

វិប្បយុត្តបច្ចយោ

២២៧. ចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ). (១)

ចិត្តសមុដ្ឋានោ ធម្មោ នោចិត្តសមុដ្ឋានស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតំ – បដិសន្ធិក្ខណេ (សំខិត្តំ). (២)

ចិត្តសមុដ្ឋានោ ធម្មោ ចិត្តសមុដ្ឋានស្ស ច នោចិត្តសមុដ្ឋានស្ស ច ធម្មស្ស វិប្បយុត្តបច្ចយេន បច្ចយោ… បច្ឆាជាតំ (សំខិត្តំ). (៣)

២២៨. នោចិត្តសមុដ្ឋានោ ធម្មោ នោចិត្តសមុដ្ឋានស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតំ – បដិសន្ធិក្ខណេ ចិត្តំ កដត្តា រូបានំ វិប្បយុត្តបច្ចយេន បច្ចយោ, ចិត្តំ វត្ថុស្ស វិប្បយុត្តបច្ចយេន បច្ចយោ, វត្ថុ ចិត្តស្ស វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ ចិត្តស្ស វិប្បយុត្តបច្ចយេន បច្ចយោ. បច្ឆាជាតា – នោចិត្តសមុដ្ឋានា ខន្ធា បុរេជាតស្ស ឥមស្ស នោចិត្តសមុដ្ឋានស្ស កាយស្ស វិប្បយុត្តបច្ចយេន បច្ចយោ. (១)

នោចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ). (២)

នោចិត្តសមុដ្ឋានោ ធម្មោ ចិត្តសមុដ្ឋានស្ស ច នោចិត្តសមុដ្ឋានស្ស ច ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ). (៣)

២២៩. ចិត្តសមុដ្ឋានោ ច នោចិត្តសមុដ្ឋានោ ច ធម្មា ចិត្តសមុដ្ឋានស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ). (១)

ចិត្តសមុដ្ឋានោ ច នោចិត្តសមុដ្ឋានោ ច ធម្មា នោចិត្តសមុដ្ឋានស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ). (២)

ចិត្តសមុដ្ឋានោ ច នោចិត្តសមុដ្ឋានោ ច ធម្មា ចិត្តសមុដ្ឋានស្ស ច នោចិត្តសមុដ្ឋានស្ស ច ធម្មស្ស វិប្បយុត្តបច្ចយេន បច្ចយោ… បច្ឆាជាតំ (សំខិត្តំ). (៣)

អត្ថិបច្ចយាទិ

២៣០. ចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ). (១)

ចិត្តសមុដ្ឋានោ ធម្មោ នោចិត្តសមុដ្ឋានស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ (សំខិត្តំ). (២)

ចិត្តសមុដ្ឋានោ ធម្មោ ចិត្តសមុដ្ឋានស្ស ច នោចិត្តសមុដ្ឋានស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ). (៣)

នោចិត្តសមុដ្ឋានោ ធម្មោ នោចិត្តសមុដ្ឋានស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ). (១)

នោចិត្តសមុដ្ឋានោ ធម្មោ ចិត្តសមុដ្ឋានស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ (សំខិត្តំ). (២)

នោចិត្តសមុដ្ឋានោ ធម្មោ ចិត្តសមុដ្ឋានស្ស ច នោចិត្តសមុដ្ឋានស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ (សំខិត្តំ). (៣)

២៣១. ចិត្តសមុដ្ឋានោ ច នោចិត្តសមុដ្ឋានោ ច ធម្មា ចិត្តសមុដ្ឋានស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតោ – ចក្ខុវិញ្ញាណសហគតោ ឯកោ ខន្ធោ…បេ… (សំខិត្តំ). (១)

ចិត្តសមុដ្ឋានោ ច នោចិត្តសមុដ្ឋានោ ច ធម្មា នោចិត្តសមុដ្ឋានស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតា – ចក្ខុវិញ្ញាណសហគតា ខន្ធា ច ចក្ខាយតនញ្ច ចក្ខុវិញ្ញាណស្ស អត្ថិបច្ចយេន បច្ចយោ…បេ… កាយវិញ្ញាណសហគតា…បេ…. សហជាតា – ចិត្តសមុដ្ឋានា…បេ… (បច្ចយវារសទិសំ បដិសន្ធិបិ បវត្តិបិ កាតព្ពា សព្ពេសម្បិ បញ្ហានំ.) បច្ឆាជាតា – ចិត្តសមុដ្ឋានា ខន្ធា ច ចិត្តញ្ច បុរេជាតស្ស ឥមស្ស នោចិត្តសមុដ្ឋានស្ស កាយស្ស អត្ថិបច្ចយេន បច្ចយោ. បច្ឆាជាតា – ចិត្តសមុដ្ឋានា ខន្ធា ច ចិត្តញ្ច កពឡីការោ អាហារោ ច ឥមស្ស នោចិត្តសមុដ្ឋានស្ស កាយស្ស អត្ថិបច្ចយេន បច្ចយោ. បច្ឆាជាតា – ចិត្តសមុដ្ឋានា ខន្ធា ច ចិត្តញ្ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (២)

ចិត្តសមុដ្ឋានោ ច នោចិត្តសមុដ្ឋានោ ច ធម្មា ចិត្តសមុដ្ឋានស្ស ច នោចិត្តសមុដ្ឋានស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតោ – ចក្ខុវិញ្ញាណសហគតោ…បេ… (សំខិត្តំ). (៣)

នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ.