១. វិភង្គវារោ

ហេតុបច្ចយោ

១៣. សារម្មណំ ធម្មំ បច្ចយា សារម្មណោ ធម្មោ ឧប្បជ្ជតិ ហេតុបច្ចយា… តីណិ (បដិច្ចសទិសា).

១៤. អនារម្មណំ ធម្មំ បច្ចយា អនារម្មណោ ធម្មោ ឧប្បជ្ជតិ ហេតុបច្ចយា – ឯកំ មហាភូតំ…បេ… មហាភូតេ បច្ចយា ចិត្តសមុដ្ឋានំ រូបំ កដត្តារូបំ ឧបាទារូបំ. (១)

អនារម្មណំ ធម្មំ បច្ចយា សារម្មណោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា សារម្មណា ខន្ធា; បដិសន្ធិក្ខណេ វត្ថុំ បច្ចយា សារម្មណា ខន្ធា. (២)

អនារម្មណំ ធម្មំ បច្ចយា សារម្មណោ ច អនារម្មណោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា សារម្មណា ខន្ធា, មហាភូតេ បច្ចយា ចិត្តសមុដ្ឋានំ រូបំ; បដិសន្ធិក្ខណេ …បេ…. (៣)

១៥. សារម្មណញ្ច អនារម្មណញ្ច ធម្មំ បច្ចយា សារម្មណោ ធម្មោ ឧប្បជ្ជតិ ហេតុបច្ចយា – សារម្មណំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច…បេ… បដិសន្ធិក្ខណេ…បេ…. (១)

សារម្មណញ្ច អនារម្មណញ្ច ធម្មំ បច្ចយា អនារម្មណោ ធម្មោ ឧប្បជ្ជតិ ហេតុបច្ចយា – សារម្មណេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ…. (២)

សារម្មណញ្ច អនារម្មណញ្ច ធម្មំ បច្ចយា សារម្មណោ ច អនារម្មណោ ច ធម្មា ឧប្បជ្ជន្តិ ហេតុបច្ចយា – សារម្មណំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច…បេ… សារម្មណេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ…. (៣)

អារម្មណបច្ចយោ

១៦. សារម្មណំ ធម្មំ បច្ចយា សារម្មណោ ធម្មោ ឧប្បជ្ជតិ អារម្មណបច្ចយា – សារម្មណំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

អនារម្មណំ ធម្មំ បច្ចយា សារម្មណោ ធម្មោ ឧប្បជ្ជតិ អារម្មណបច្ចយា – ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា សារម្មណា ខន្ធា; បដិសន្ធិក្ខណេ…បេ…. (១)

សារម្មណញ្ច អនារម្មណញ្ច ធម្មំ បច្ចយា សារម្មណោ ធម្មោ ឧប្បជ្ជតិ អារម្មណបច្ចយា – ចក្ខុវិញ្ញាណសហគតំ ឯកំ ខន្ធញ្ច ចក្ខាយតនញ្ច បច្ចយា តយោ ខន្ធា…បេ… ទ្វេ ខន្ធេ ច…បេ… កាយវិញ្ញាណសហគតំ…បេ… សារម្មណំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច…បេ… បដិសន្ធិក្ខណេ…បេ… (សំខិត្តំ). (១)