១. វិភង្គវារោ

ហេតុបច្ចយោ

១៨៦. ចិត្តសមុដ្ឋានំ ធម្មំ បដិច្ច ចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា – ចិត្តសមុដ្ឋានំ ឯកំ ខន្ធំ បដិច្ច ទ្វេ ខន្ធា ចិត្តសមុដ្ឋានញ្ច រូបំ, ទ្វេ ខន្ធេ…បេ… បដិសន្ធិក្ខណេ ចិត្តសមុដ្ឋានំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ…បេ… ឯកំ មហាភូតំ…បេ… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ. (១)

ចិត្តសមុដ្ឋានំ ធម្មំ បដិច្ច នោចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា – ចិត្តសមុដ្ឋានេ ខន្ធេ បដិច្ច ចិត្តំ; បដិសន្ធិក្ខណេ ចិត្តសមុដ្ឋានេ ខន្ធេ បដិច្ច ចិត្តំ កដត្តា ច រូបំ. (២)

ចិត្តសមុដ្ឋានំ ធម្មំ បដិច្ច ចិត្តសមុដ្ឋានោ ច នោចិត្តសមុដ្ឋានោ ច ធម្មា ឧប្បជ្ជន្តិ ហេតុបច្ចយា – ចិត្តសមុដ្ឋានំ ឯកំ ខន្ធំ បដិច្ច ទ្វេ ខន្ធា ចិត្តញ្ច ចិត្តសមុដ្ឋានញ្ច រូបំ, ទ្វេ ខន្ធេ…បេ… បដិសន្ធិក្ខណេ ចិត្តសមុដ្ឋានំ ឯកំ ខន្ធំ បដិច្ច ទ្វេ ខន្ធា ចិត្តញ្ច កដត្តា ច រូបំ, ទ្វេ ខន្ធេ…បេ…. (៣)

១៨៧. នោចិត្តសមុដ្ឋានំ ធម្មំ បដិច្ច នោចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ ចិត្តំ បដិច្ច កដត្តារូបំ; ចិត្តំ បដិច្ច វត្ថុ, វត្ថុំ បដិច្ច ចិត្តំ, ឯកំ មហាភូតំ…បេ… មហាភូតេ បដិច្ច កដត្តារូបំ ឧបាទារូបំ. (១)

នោចិត្តសមុដ្ឋានំ ធម្មំ បដិច្ច ចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា – ចិត្តំ បដិច្ច សម្បយុត្តកា ខន្ធា ចិត្តសមុដ្ឋានញ្ច រូបំ; បដិសន្ធិក្ខណេ ចិត្តំ បដិច្ច សម្បយុត្តកា ខន្ធា, បដិសន្ធិក្ខណេ វត្ថុំ បដិច្ច ចិត្តសមុដ្ឋានា ខន្ធា. (២)

នោចិត្តសមុដ្ឋានំ ធម្មំ បដិច្ច ចិត្តសមុដ្ឋានោ ច នោចិត្តសមុដ្ឋានោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ ចិត្តំ បដិច្ច សម្បយុត្តកា ខន្ធា កដត្តា ច រូបំ; បដិសន្ធិក្ខណេ វត្ថុំ បដិច្ច ចិត្តំ សម្បយុត្តកា ច ខន្ធា. (៣)

១៨៨. ចិត្តសមុដ្ឋានញ្ច នោចិត្តសមុដ្ឋានញ្ច ធម្មំ បដិច្ច ចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា – ចិត្តសមុដ្ឋានំ ឯកំ ខន្ធញ្ច ចិត្តញ្ច បដិច្ច ទ្វេ ខន្ធា ចិត្តសមុដ្ឋានញ្ច រូបំ, ទ្វេ ខន្ធេ ច…បេ… បដិសន្ធិក្ខណេ ចិត្តសមុដ្ឋានំ ឯកំ ខន្ធញ្ច ចិត្តញ្ច បដិច្ច ទ្វេ ខន្ធា, ទ្វេ ខន្ធេ ច…បេ… បដិសន្ធិក្ខណេ ចិត្តសមុដ្ឋានំ ឯកំ ខន្ធញ្ច វត្ថុញ្ច បដិច្ច ទ្វេ ខន្ធា, ទ្វេ ខន្ធេ ច…បេ…. (១)

ចិត្តសមុដ្ឋានញ្ច នោចិត្តសមុដ្ឋានញ្ច ធម្មំ បដិច្ច នោចិត្តសមុដ្ឋានោ ធម្មោ ឧប្បជ្ជតិ ហេតុបច្ចយា – បដិសន្ធិក្ខណេ ចិត្តសមុដ្ឋានេ ខន្ធេ ច ចិត្តញ្ច បដិច្ច កដត្តារូបំ; បដិសន្ធិក្ខណេ ចិត្តសមុដ្ឋានេ ខន្ធេ ច មហាភូតេ ច បដិច្ច កដត្តារូបំ, បដិសន្ធិក្ខណេ ចិត្តសមុដ្ឋានេ ខន្ធេ ច វត្ថុញ្ច បដិច្ច ចិត្តំ. (២)

ចិត្តសមុដ្ឋានញ្ច នោចិត្តសមុដ្ឋានញ្ច ធម្មំ បដិច្ច ចិត្តសមុដ្ឋានោ ច នោចិត្តសមុដ្ឋានោ ច ធម្មា ឧប្បជ្ជន្តិ ហេតុបច្ចយា – បដិសន្ធិក្ខណេ ចិត្តសមុដ្ឋានំ ឯកំ ខន្ធញ្ច ចិត្តញ្ច បដិច្ច ទ្វេ ខន្ធា កដត្តា ច រូបំ, ទ្វេ ខន្ធេ ច…បេ… បដិសន្ធិក្ខណេ ចិត្តសមុដ្ឋានំ ឯកំ ខន្ធញ្ច វត្ថុញ្ច បដិច្ច ទ្វេ ខន្ធា ចិត្តញ្ច, ទ្វេ ខន្ធេ ច…បេ…. (៣)

អារម្មណបច្ចយោ

១៨៩. ចិត្តសមុដ្ឋានំ ធម្មំ បដិច្ច ចិត្តសមុដ្ឋានោ ធម្មោ ឧប្បជ្ជតិ អារម្មណបច្ចយា – ចិត្តសមុដ្ឋានំ ឯកំ ខន្ធំ បដិច្ច ទ្វេ ខន្ធា, ទ្វេ ខន្ធេ…បេ… បដិសន្ធិក្ខណេ…បេ…. (១)

ចិត្តសមុដ្ឋានំ ធម្មំ បដិច្ច នោចិត្តសមុដ្ឋានោ ធម្មោ ឧប្បជ្ជតិ អារម្មណបច្ចយា – ចិត្តសមុដ្ឋានេ ខន្ធេ បដិច្ច ចិត្តំ; បដិសន្ធិក្ខណេ…បេ…. (២)

ចិត្តសមុដ្ឋានំ ធម្មំ បដិច្ច ចិត្តសមុដ្ឋានោ ច នោចិត្តសមុដ្ឋានោ ច ធម្មា ឧប្បជ្ជន្តិ អារម្មណបច្ចយា – ចិត្តសមុដ្ឋានំ ឯកំ ខន្ធំ បដិច្ច ទ្វេ ខន្ធា ចិត្តញ្ច, ទ្វេ ខន្ធេ…បេ… បដិសន្ធិក្ខណេ…បេ…. (៣)

១៩០. នោចិត្តសមុដ្ឋានំ ធម្មំ បដិច្ច នោចិត្តសមុដ្ឋានោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ វត្ថុំ បដិច្ច ចិត្តំ. (១)

នោចិត្តសមុដ្ឋានំ ធម្មំ បដិច្ច ចិត្តសមុដ្ឋានោ ធម្មោ ឧប្បជ្ជតិ អារម្មណបច្ចយា – ចិត្តំ បដិច្ច សម្បយុត្តកា ខន្ធា; បដិសន្ធិក្ខណេ ចិត្តំ បដិច្ច សម្បយុត្តកា ខន្ធា; បដិសន្ធិក្ខណេ វត្ថុំ បដិច្ច ចិត្តសមុដ្ឋានា ខន្ធា. (២)

នោចិត្តសមុដ្ឋានំ ធម្មំ បដិច្ច ចិត្តសមុដ្ឋានោ ច នោចិត្តសមុដ្ឋានោ ច ធម្មា ឧប្បជ្ជន្តិ អារម្មណបច្ចយា – បដិសន្ធិក្ខណេ វត្ថុំ បដិច្ច ចិត្តំ សម្បយុត្តកា ច ខន្ធា. (៣)

១៩១. ចិត្តសមុដ្ឋានញ្ច នោចិត្តសមុដ្ឋានញ្ច ធម្មំ បដិច្ច ចិត្តសមុដ្ឋានោ ធម្មោ ឧប្បជ្ជតិ អារម្មណបច្ចយា – ចិត្តសមុដ្ឋានំ ឯកំ ខន្ធញ្ច ចិត្តញ្ច បដិច្ច ទ្វេ ខន្ធា, ទ្វេ ខន្ធេ…បេ… បដិសន្ធិក្ខណេ ចិត្តសមុដ្ឋានំ ឯកំ ខន្ធញ្ច ចិត្តញ្ច បដិច្ច ទ្វេ ខន្ធា, ទ្វេ ខន្ធេ…បេ… បដិសន្ធិក្ខណេ ចិត្តសមុដ្ឋានំ ឯកំ ខន្ធញ្ច វត្ថុញ្ច បដិច្ច ទ្វេ ខន្ធា, ទ្វេ ខន្ធេ…បេ…. (១)

ចិត្តសមុដ្ឋានញ្ច នោចិត្តសមុដ្ឋានញ្ច ធម្មំ បដិច្ច នោចិត្តសមុដ្ឋានោ ធម្មោ ឧប្បជ្ជតិ អារម្មណបច្ចយា – បដិសន្ធិក្ខណេ ចិត្តសមុដ្ឋានេ ខន្ធេ ច វត្ថុញ្ច បដិច្ច ចិត្តំ. (២)

ចិត្តសមុដ្ឋានញ្ច នោចិត្តសមុដ្ឋានញ្ច ធម្មំ បដិច្ច ចិត្តសមុដ្ឋានោ ច នោចិត្តសមុដ្ឋានោ ច ធម្មា ឧប្បជ្ជន្តិ អារម្មណបច្ចយា – បដិសន្ធិក្ខណេ ចិត្តសមុដ្ឋានំ ឯកំ ខន្ធញ្ច វត្ថុញ្ច បដិច្ច ទ្វេ ខន្ធា ចិត្តញ្ច, ទ្វេ ខន្ធេ…បេ…. (៣)