២. សង្ខ្យាវារោ

សុទ្ធំ

១៧៩. ហេតុយា តីណិ, អារម្មណេ ទ្វេ, អធិបតិយា ចត្តារិ, អនន្តរេ ឯកំ, សមនន្តរេ ឯកំ, សហជាតេ សត្ត, អញ្ញមញ្ញេ ឆ, និស្សយេ សត្ត, ឧបនិស្សយេ ទ្វេ, បុរេជាតេ ឯកំ, បច្ឆាជាតេ ឯកំ, អាសេវនេ ឯកំ, កម្មេ តីណិ, វិបាកេ តីណិ, អាហារេ ចត្តារិ, ឥន្ទ្រិយេ ឆ, ឈានេ តីណិ, មគ្គេ តីណិ, សម្បយុត្តេ ឯកំ, វិប្បយុត្តេ ទ្វេ, អត្ថិយា សត្ត, នត្ថិយា ឯកំ, វិគតេ ឯកំ, អវិគតេ សត្ត.

អនុលោមំ.

បច្ចនីយុទ្ធារោ

១៨០. ចិត្តសម្បយុត្តោ ធម្មោ ចិត្តសម្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (១)

ចិត្តសម្បយុត្តោ ធម្មោ ចិត្តវិប្បយុត្តស្ស ធម្មស្ស សហជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ. (២)

ចិត្តសម្បយុត្តោ ធម្មោ ចិត្តសម្បយុត្តស្ស ច ចិត្តវិប្បយុត្តស្ស ច ធម្មស្ស សហជាតបច្ចយេន បច្ចយោ… កម្មបច្ចយេន បច្ចយោ. (៣)

១៨១. ចិត្តវិប្បយុត្តោ ធម្មោ ចិត្តវិប្បយុត្តស្ស ធម្មស្ស សហជាតបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

ចិត្តវិប្បយុត្តោ ធម្មោ ចិត្តសម្បយុត្តស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (២)

ចិត្តសម្បយុត្តោ ច ចិត្តវិប្បយុត្តោ ច ធម្មា ចិត្តសម្បយុត្តស្ស ធម្មស្ស សហជាតំ, បុរេជាតំ. (១)

ចិត្តសម្បយុត្តោ ច ចិត្តវិប្បយុត្តោ ច ធម្មា ចិត្តវិប្បយុត្តស្ស សហជាតំ, បច្ឆាជាតំ, អាហារំ, ឥន្ទ្រិយំ. (២)