៥. សំសដ្ឋវារោ

១-៤. បច្ចយានុលោមាទិ

១៦២. ចិត្តសម្បយុត្តំ ធម្មំ សំសដ្ឋោ ចិត្តសម្បយុត្តោ ធម្មោ ឧប្បជ្ជតិ ហេតុបច្ចយា – ចិត្តសម្បយុត្តំ ឯកំ ខន្ធំ សំសដ្ឋា ទ្វេ ខន្ធា, ទ្វេ ខន្ធេ…បេ… បដិសន្ធិក្ខណេ…បេ….

ហេតុយា ឯកំ, អារម្មណេ ឯកំ, អធិបតិយា ឯកំ (សព្ពត្ថ ឯកំ), អវិគតេ ឯកំ.

នហេតុយា ឯកំ, នអធិបតិយា ឯកំ, នបុរេជាតេ ឯកំ, នបច្ឆាជាតេ ឯកំ, នអាសេវនេ ឯកំ, នកម្មេ ឯកំ, នវិបាកេ ឯកំ, នឈានេ ឯកំ, នមគ្គេ ឯកំ, នវិប្បយុត្តេ ឯកំ.