១. វិភង្គវារោ

ហេតុបច្ចយោ

១៥៤. ចិត្តសម្បយុត្តំ ធម្មំ បច្ចយា ចិត្តសម្បយុត្តោ ធម្មោ ឧប្បជ្ជតិ ហេតុបច្ចយា… តីណិ (បដិច្ចសទិសា).

ចិត្តវិប្បយុត្តំ ធម្មំ បច្ចយា ចិត្តវិប្បយុត្តោ ធម្មោ ឧប្បជ្ជតិ ហេតុបច្ចយា… ឯកំ (បដិច្ចសទិសំ). (១)

ចិត្តវិប្បយុត្តំ ធម្មំ បច្ចយា ចិត្តសម្បយុត្តោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា ចិត្តសម្បយុត្តកា ខន្ធា; បដិសន្ធិក្ខណេ…បេ…. (២)

ចិត្តវិប្បយុត្តំ ធម្មំ បច្ចយា ចិត្តសម្បយុត្តោ ច ចិត្តវិប្បយុត្តោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា ចិត្តសម្បយុត្តកា ខន្ធា, មហាភូតេ បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ…. (៣)

១៥៥. ចិត្តសម្បយុត្តញ្ច ចិត្តវិប្បយុត្តញ្ច ធម្មំ បច្ចយា ចិត្តសម្បយុត្តោ ធម្មោ ឧប្បជ្ជតិ ហេតុបច្ចយា – ចិត្តសម្បយុត្តំ ឯកំ ខន្ធញ្ច វត្ថុញ្ច បច្ចយា ទ្វេ ខន្ធា, ទ្វេ ខន្ធេ ច…បេ… បដិសន្ធិក្ខណេ…បេ…. (១)

ចិត្តសម្បយុត្តញ្ច ចិត្តវិប្បយុត្តញ្ច ធម្មំ បច្ចយា ចិត្តវិប្បយុត្តោ ធម្មោ ឧប្បជ្ជតិ ហេតុបច្ចយា – ចិត្តសម្បយុត្តេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ…. (២)

ចិត្តសម្បយុត្តញ្ច ចិត្តវិប្បយុត្តញ្ច ធម្មំ បច្ចយា ចិត្តសម្បយុត្តោ ច ចិត្តវិប្បយុត្តោ ច ធម្មា ឧប្បជ្ជន្តិ ហេតុបច្ចយា – ចិត្តសម្បយុត្តំ ឯកំ ខន្ធញ្ច វត្ថុញ្ច បច្ចយា ទ្វេ ខន្ធា, ទ្វេ ខន្ធេ ច…បេ… ចិត្តសម្បយុត្តេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ…. (៣)

អារម្មណបច្ចយោ

១៥៦. ចិត្តសម្បយុត្តំ ធម្មំ បច្ចយា ចិត្តសម្បយុត្តោ ធម្មោ ឧប្បជ្ជតិ អារម្មណបច្ចយា… ឯកំ (បដិច្ចសទិសំ). (១)

ចិត្តវិប្បយុត្តំ ធម្មំ បច្ចយា ចិត្តសម្បយុត្តោ ធម្មោ ឧប្បជ្ជតិ អារម្មណបច្ចយា – ចក្ខាយតនំ បច្ចយា ចក្ខុវិញ្ញាណសហគតា ខន្ធា…បេ… កាយាយតនំ បច្ចយា កាយវិញ្ញាណសហគតា ខន្ធា…បេ… វត្ថុំ បច្ចយា ចិត្តសម្បយុត្តកា ខន្ធា; បដិសន្ធិក្ខណេ…បេ…. (១)

ចិត្តសម្បយុត្តញ្ច ចិត្តវិប្បយុត្តញ្ច ធម្មំ បច្ចយា ចិត្តសម្បយុត្តោ ធម្មោ ឧប្បជ្ជតិ អារម្មណបច្ចយា – ចក្ខុវិញ្ញាណសហគតំ ឯកំ ខន្ធញ្ច ចក្ខាយតនញ្ច បច្ចយា ទ្វេ ខន្ធា, ទ្វេ ខន្ធេ ច…បេ… កាយវិញ្ញាណសហគតំ ឯកំ ខន្ធញ្ច កាយាយតនញ្ច បច្ចយា ទ្វេ ខន្ធា, ទ្វេ ខន្ធេ ច…បេ… ចិត្តសម្បយុត្តំ ឯកំ ខន្ធញ្ច វត្ថុញ្ច បច្ចយា ទ្វេ ខន្ធា, ទ្វេ ខន្ធេ ច…បេ… បដិសន្ធិក្ខណេ…បេ… (សំខិត្តំ). (១)