១. វិភង្គវារោ

ហេតុបច្ចយោ

១១៩. ចេតសិកោ ធម្មោ ចេតសិកស្ស ធម្មស្ស ហេតុបច្ចយេន បច្ចយោ – ចេតសិកា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

ចេតសិកោ ធម្មោ អចេតសិកស្ស ធម្មស្ស ហេតុបច្ចយេន បច្ចយោ – ចេតសិកា ហេតូ ចិត្តស្ស ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (២)

ចេតសិកោ ធម្មោ ចេតសិកស្ស ច អចេតសិកស្ស ច ធម្មស្ស ហេតុបច្ចយេន បច្ចយោ – ចេតសិកា ហេតូ សម្បយុត្តកានំ ខន្ធានំ ចិត្តស្ស ច ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (៣)

អារម្មណបច្ចយោ

១២០. ចេតសិកោ ធម្មោ ចេតសិកស្ស ធម្មស្ស អារម្មណបច្ចយេន បច្ចយោ – ចេតសិកេ ខន្ធេ អារព្ភ ចេតសិកា ខន្ធា ឧប្បជន្តិ. (មូលំ បុច្ឆិតព្ពំ) ចេតសិកេ ខន្ធេ អារព្ភ ចិត្តំ ឧប្បជ្ជតិ. (មូលំ បុច្ឆិតព្ពំ) ចេតសិកេ ខន្ធេ អារព្ភ ចេតសិកា ខន្ធា ច ចិត្តញ្ច ឧប្បជ្ជន្តិ. (៣)

១២១. អចេតសិកោ ធម្មោ អចេតសិកស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា…បេ… ផលំ បច្ចវេក្ខន្តិ, និព្ពានំ បច្ចវេក្ខន្តិ. និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ; ចក្ខុំ…បេ… វត្ថុំ អចេតសិកេ ខន្ធេ អនិច្ចតោ…បេ… វិបស្សតិ អស្សាទេតិ អភិនន្ទតិ, តំ អារព្ភ ចិត្តំ ឧប្បជ្ជតិ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ចេតោបរិយញាណេន អចេតសិកចិត្តសមង្គិស្ស ចិត្តំ ជានាតិ, អាកាសានញ្ចាយតនំ…បេ… អាកិញ្ចញ្ញាយតនំ…បេ… រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… អចេតសិកា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

អចេតសិកោ ធម្មោ ចេតសិកស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា…បេ… និព្ពានំ បច្ចវេក្ខន្តិ (បឋមគមនសទិសំ); ចក្ខុំ…បេ… វត្ថុំ អចេតសិកេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ចេតោបរិយញាណេន អចេតសិកចិត្តសមង្គិស្ស ចិត្តំ ជានាតិ, អាកាសានញ្ចាយតនំ…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… រូបាយតនំ ចក្ខុវិញ្ញាណសហគតានំ ខន្ធានំ…បេ… ផោដ្ឋព្ពាយតនំ កាយវិញ្ញាណសហគតានំ ខន្ធានំ…បេ… អចេតសិកា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (២)

អចេតសិកោ ធម្មោ ចេតសិកស្ស ច អចេតសិកស្ស ច ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា…បេ… និព្ពានំ បច្ចវេក្ខន្តិ (បឋមគមនសទិសំ); ចក្ខុំ…បេ… វត្ថុំ អចេតសិកេ ខន្ធេ អនិច្ចតោ…បេ… វិបស្សតិ អស្សាទេតិ អភិនន្ទតិ, តំ អារព្ភ ចិត្តញ្ច សម្បយុត្តកា ច ខន្ធា ឧប្បជ្ជន្តិ. ទិព្ពេន ចក្ខុនា រូបំ បស្សតិ…បេ… រូបាយតនំ ចក្ខុវិញ្ញាណស្ស សម្បយុត្តកានញ្ច ខន្ធានំ អារម្មណបច្ចយេន បច្ចយោ…បេ… ផោដ្ឋព្ពាយតនំ កាយវិញ្ញាណស្ស សម្បយុត្តកានញ្ច ខន្ធានំ…បេ… អចេតសិកា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (៣)

១២២. ចេតសិកោ ច អចេតសិកោ ច ធម្មា ចេតសិកស្ស ធម្មស្ស អារម្មណបច្ចយេន បច្ចយោ – ចេតសិកេ ខន្ធេ ច ចិត្តញ្ច អារព្ភ ចេតសិកា ខន្ធា ឧប្បជ្ជន្តិ. (មូលំ បុច្ឆិតព្ពំ) ចេតសិកេ ខន្ធេ ច ចិត្តញ្ច អារព្ភ ចិត្តំ ឧប្បជ្ជតិ. (មូលំ បុច្ឆិតព្ពំ) ចេតសិកេ ខន្ធេ ច ចិត្តញ្ច អារព្ភ ចេតសិកា ខន្ធា ច ចិត្តញ្ច ឧប្បជ្ជន្តិ. (៣)

អធិបតិបច្ចយោ

១២៣. ចេតសិកោ ធម្មោ ចេតសិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ចេតសិកេ ខន្ធេ គរុំ កត្វា ចេតសិកា ខន្ធា ឧប្បជ្ជន្តិ. សហជាតាធិបតិ – ចេតសិកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (មូលំ បុច្ឆិតព្ពំ) អារម្មណាធិបតិ – ចេតសិកេ ខន្ធេ គរុំ កត្វា ចិត្តំ ឧប្បជ្ជតិ. សហជាតាធិបតិ – ចេតសិកាធិបតិ ចិត្តស្ស ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (មូលំ បុច្ឆិតព្ពំ ) អារម្មណាធិបតិ – ចេតសិកេ ខន្ធេ គរុំ កត្វា ចេតសិកា ខន្ធា ច ចិត្តញ្ច ឧប្បជ្ជន្តិ. សហជាតាធិបតិ – ចេតសិកាធិបតិ សម្បយុត្តកានំ ខន្ធានំ ចិត្តស្ស ច ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

១២៤. អចេតសិកោ ធម្មោ អចេតសិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – អរិយា មគ្គា វុដ្ឋហិត្វា…បេ… និព្ពានំ គរុំ កត្វា បច្ចវេក្ខន្តិ, និព្ពានំ គោត្រភុស្ស, វោទានស្ស. មគ្គស្ស, ផលស្ស អធិបតិបច្ចយេន បច្ចយោ; ចក្ខុំ …បេ… វត្ថុំ អចេតសិកេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា ចិត្តំ ឧប្បជ្ជតិ. សហជាតាធិបតិ – អចេតសិកាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (១)

អចេតសិកោ ធម្មោ ចេតសិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – អរិយា មគ្គា វុដ្ឋហិត្វា…បេ… និព្ពានំ គរុំ កត្វា…បេ… (បឋមគមនសទិសំ); ចក្ខុំ…បេ… វត្ថុំ អចេតសិកេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – អចេតសិកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (២)

អចេតសិកោ ធម្មោ ចេតសិកស្ស ច អចេតសិកស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – អរិយា មគ្គា វុដ្ឋហិត្វា…បេ… និព្ពានំ…បេ… (បឋមគមនំ) អចេតសិកេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា ចេតសិកា ខន្ធា ច ចិត្តញ្ច ឧប្បជ្ជន្តិ. សហជាតាធិបតិ – អចេតសិកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

ចេតសិកោ ច អចេតសិកោ ច ធម្មា ចេតសិកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ… តីណិ (អារម្មណាធិបតិយេវ).

អនន្តរបច្ចយាទិ

១២៥. ចេតសិកោ ធម្មោ ចេតសិកស្ស ធម្មស្ស អនន្តរបច្ចយេន បច្ចយោ – បុរិមា បុរិមា ចេតសិកា ខន្ធា បច្ឆិមានំ បច្ឆិមានំ ចេតសិកានំ ខន្ធានំ អនន្តរបច្ចយេន បច្ចយោ. (មូលំ បុច្ឆិតព្ពំ) បុរិមា បុរិមា ចេតសិកា ខន្ធា បច្ឆិមស្ស បច្ឆិមស្ស ចិត្តស្ស អនន្តរបច្ចយេន បច្ចយោ. (មូលំ បុច្ឆិតព្ពំ) បុរិមា បុរិមា ចេតសិកា ខន្ធា បច្ឆិមានំ បច្ឆិមានំ ចេតសិកានំ ខន្ធានំ ចិត្តស្ស ច អនន្តរបច្ចយេន បច្ចយោ. (៣)

១២៦. អចេតសិកោ ធម្មោ អចេតសិកស្ស ធម្មស្ស អនន្តរបច្ចយេន បច្ចយោ – បុរិមំ បុរិមំ ចិត្តំ បច្ឆិមស្ស បច្ឆិមស្ស ចិត្តស្ស អនន្តរបច្ចយេន បច្ចយោ; អនុលោមំ គោត្រភុស្ស…បេ… ផលសមាបត្តិយា អនន្តរបច្ចយេន បច្ចយោ. (១)

អចេតសិកោ ធម្មោ ចេតសិកស្ស ធម្មស្ស អនន្តរបច្ចយេន បច្ចយោ (ឯវំ តីណិ កាតព្ពានិ, បឋមគមនសទិសំ. បូរិត្វា កាតព្ពំ, និន្នានាករណំ).

ចេតសិកោ ច អចេតសិកោ ច ធម្មា ចេតសិកស្ស ធម្មស្ស អនន្តរបច្ចយេន បច្ចយោ… តីណិ (អាវជ្ជនាបិ វុដ្ឋានម្បិ នត្ថិ).

សមនន្តរបច្ចយេន បច្ចយោ… នវ, សហជាតបច្ចយេន បច្ចយោ… នវ (បដិច្ចវារសទិសំ), អញ្ញមញ្ញបច្ចយេន បច្ចយោ… នវ (បដិច្ចវារសទិសំ), និស្សយបច្ចយេន បច្ចយោ… នវ (បច្ចយវារសទិសំ).

ឧបនិស្សយបច្ចយោ

១២៧. ចេតសិកោ ធម្មោ ចេតសិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ចេតសិកា ខន្ធា ចេតសិកានំ ខន្ធានំ ឧបនិស្សយបច្ចយេន បច្ចយោ. (មូលំ បុច្ឆិតព្ពំ, តីណិ ឧបនិស្សយា) ចេតសិកា ខន្ធា ចិត្តស្ស ឧបនិស្សយបច្ចយេន បច្ចយោ. (មូលំ បុច្ឆិតព្ពំ, តីណិ ឧបនិស្សយា) ចេតសិកា ខន្ធា ចេតសិកានំ ខន្ធានំ ចិត្តស្ស ច ឧបនិស្សយបច្ចយេន បច្ចយោ. (៣)

១២៨. អចេតសិកោ ធម្មោ អចេតសិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ឧតុំ… ភោជនំ… សេនាសនំ ចិត្តំ ឧបនិស្សាយ ទានំ ទេតិ…បេ… សង្ឃំ ភិន្ទតិ; ឧតុំ… ភោជនំ… សេនាសនំ ចិត្តំ សទ្ធាយ…បេ… បញ្ញាយ… រាគស្ស…បេ… បត្ថនាយ កាយិកស្ស សុខស្ស, កាយិកស្ស ទុក្ខស្ស, មគ្គស្ស, ផលសមាបត្តិយា ឧបនិស្សយបច្ចយេន បច្ចយោ. (១)

អចេតសិកោ ធម្មោ ចេតសិកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ បកតូបនិស្សយោ…បេ…. បកតូបនិស្សយោ – ឧតុំ… ភោជនំ… សេនាសនំ ចិត្តំ ឧបនិស្សាយ ទានំ ទេតិ…បេ… (តីណិ, បឋមគមនសទិសំ និន្នានាករណំ).

ចេតសិកោ ច អចេតសិកោ ច ធម្មា ចេតសិកស្ស ធម្មស្ស ឧបនិស្សយបច្ចយេន បច្ចយោ… តីណិ.

បុរេជាតបច្ចយោ

១២៩. អចេតសិកោ ធម្មោ អចេតសិកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… វិបស្សតិ អស្សាទេតិ អភិនន្ទតិ, តំ អារព្ភ ចិត្តំ ឧប្បជ្ជតិ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ…. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ ចិត្តស្ស បុរេជាតបច្ចយេន បច្ចយោ. (១)

អចេតសិកោ ធម្មោ ចេតសិកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណសហគតានំ ខន្ធានំ…បេ… ផោដ្ឋព្ពាយតនំ កាយវិញ្ញាណសហគតានំ ខន្ធានំ…បេ…. វត្ថុបុរេជាតំ – ចក្ខាយតនំ ចក្ខុវិញ្ញាណសហគតានំ ខន្ធានំ…បេ… កាយាយតនំ…បេ… វត្ថុ ចេតសិកានំ ខន្ធានំ បុរេជាតបច្ចយេន បច្ចយោ. (២)

អចេតសិកោ ធម្មោ ចេតសិកស្ស ច អចេតសិកស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… វិបស្សតិ អស្សាទេតិ អភិនន្ទតិ, តំ អារព្ភ ចិត្តញ្ច សម្បយុត្តកា ច ខន្ធា ឧប្បជ្ជន្តិ. ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. រូបាយតនំ ចក្ខុវិញ្ញាណស្ស សម្បយុត្តកានញ្ច ខន្ធានំ…បេ… ផោដ្ឋព្ពាយតនំ…បេ…. វត្ថុបុរេជាតំ – ចក្ខាយតនំ ចក្ខុវិញ្ញាណស្ស សម្បយុត្តកានញ្ច ខន្ធានំ…បេ… កាយាយតនំ…បេ… វត្ថុ ចិត្តស្ស សម្បយុត្តកានញ្ច ខន្ធានំ បុរេជាតបច្ចយេន បច្ចយោ. (៣)

បច្ឆាជាតាសេវនបច្ចយា

១៣០. ចេតសិកោ ធម្មោ អចេតសិកស្ស ធម្មស្ស បច្ឆាជាតបច្ចយេន បច្ចយោ (សំខិត្តំ).

អចេតសិកោ ធម្មោ អចេតសិកស្ស ធម្មស្ស បច្ឆាជាតបច្ចយេន បច្ចយោ (សំខិត្តំ).

ចេតសិកោ ច អចេតសិកោ ច ធម្មា អចេតសិកស្ស ធម្មស្ស បច្ឆាជាតបច្ចយេន បច្ចយោ (សំខិត្តំ).

ចេតសិកោ ធម្មោ ចេតសិកស្ស ធម្មស្ស អាសេវនបច្ចយេន បច្ចយោ (សំខិត្តំ).

កម្មបច្ចយោ

១៣១. ចេតសិកោ ធម្មោ ចេតសិកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ចេតសិកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – ចេតសិកា ចេតនា វិបាកានំ ខន្ធានំ កម្មបច្ចយេន បច្ចយោ. (១)

ចេតសិកោ ធម្មោ អចេតសិកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ចេតសិកា ចេតនា ចិត្តស្ស ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – ចេតសិកា ចេតនា វិបាកស្ស ចិត្តស្ស កដត្តា ច រូបានំ កម្មបច្ចយេន បច្ចយោ. (២)

ចេតសិកោ ធម្មោ ចេតសិកស្ស ច អចេតសិកស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – ចេតសិកា ចេតនា សម្បយុត្តកានំ ខន្ធានំ ចិត្តស្ស ច ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – ចេតសិកា ចេតនា វិបាកានំ ខន្ធានំ ចិត្តស្ស កដត្តា ច រូបានំ កម្មបច្ចយេន បច្ចយោ. (៣)

វិបាកបច្ចយាទិ

១៣២. ចេតសិកោ ធម្មោ ចេតសិកស្ស ធម្មស្ស វិបាកបច្ចយេន បច្ចយោ… នវ… អាហារបច្ចយេន បច្ចយោ… នវ… ឥន្ទ្រិយបច្ចយេន បច្ចយោ… នវ… ឈានបច្ចយេន បច្ចយោ… តីណិ… មគ្គបច្ចយេន បច្ចយោ… តីណិ… សម្បយុត្តបច្ចយេន បច្ចយោ… បញ្ច.

វិប្បយុត្តបច្ចយោ

១៣៣. ចេតសិកោ ធម្មោ អចេតសិកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ). (១)

អចេតសិកោ ធម្មោ អចេតសិកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតំ – ចិត្តំ ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ ចិត្តំ កដត្តារូបានំ វិប្បយុត្តបច្ចយេន បច្ចយោ; ចិត្តំ វត្ថុស្ស វិប្បយុត្តបច្ចយេន បច្ចយោ; វត្ថុ ចិត្តស្ស វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណស្ស វិប្បយុត្តបច្ចយេន បច្ចយោ…បេ… កាយាយតនំ កាយវិញ្ញាណស្ស…បេ… វត្ថុ ចិត្តស្ស វិប្បយុត្តបច្ចយេន បច្ចយោ. បច្ឆាជាតំ – ចិត្តំ បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

អចេតសិកោ ធម្មោ ចេតសិកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ. សហជាតំ – បដិសន្ធិក្ខណេ វត្ថុ ចេតសិកានំ ខន្ធានំ វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណសហគតានំ ខន្ធានំ…បេ… កាយាយតនំ កាយវិញ្ញាណសហគតានំ ខន្ធានំ…បេ… វត្ថុ ចេតសិកានំ ខន្ធានំ វិប្បយុត្តបច្ចយេន បច្ចយោ. (២)

អចេតសិកោ ធម្មោ ចេតសិកស្ស ច អចេតសិកស្ស ច ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ. សហជាតំ – បដិសន្ធិក្ខណេ វត្ថុ ចេតសិកានំ ខន្ធានំ ចិត្តស្ស ច វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណស្ស សម្បយុត្តកានញ្ច ខន្ធានំ…បេ… កាយាយតនំ កាយវិញ្ញាណស្ស សម្បយុត្តកានញ្ច ខន្ធានំ…បេ… វត្ថុ ចិត្តស្ស សម្បយុត្តកានញ្ច ខន្ធានំ វិប្បយុត្តបច្ចយេន បច្ចយោ. (៣)

ចេតសិកោ ច អចេតសិកោ ច ធម្មា អចេតសិកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ (សំខិត្តំ).

អត្ថិបច្ចយោ

១៣៤. ចេតសិកោ ធម្មោ ចេតសិកស្ស ធម្មស្ស អត្ថិបច្ចយេន បច្ចយោ… ឯកំ (បដិច្ចវារសទិសំ).

ចេតសិកោ ធម្មោ អចេតសិកស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ (សំខិត្តំ). (២)

ចេតសិកោ ធម្មោ ចេតសិកស្ស ច អចេតសិកស្ស ច ធម្មស្ស អត្ថិបច្ចយេន បច្ចយោ… ឯកំ (បដិច្ចវារសទិសំ). (៣)

១៣៥. អចេតសិកោ ធម្មោ អចេតសិកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ (សំខិត្តំ). (១)

អចេតសិកោ ធម្មោ ចេតសិកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតំ – ចិត្តំ ចេតសិកានំ ខន្ធានំ អត្ថិបច្ចយេន បច្ចយោ; បដិសន្ធិក្ខណេ ចិត្តំ…បេ… បដិសន្ធិក្ខណេ វត្ថុ ចេតសិកានំ ខន្ធានំ អត្ថិបច្ចយេន បច្ចយោ. បុរេជាតំ – ចក្ខុំ…បេ… វត្ថុំ អនិច្ចតោ…បេ… (បុរេជាតសទិសំ និន្នានាករណំ). (២)

អចេតសិកោ ធម្មោ ចេតសិកស្ស ច អចេតសិកស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតំ – ចិត្តំ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ; បដិសន្ធិក្ខណេ ចិត្តំ…បេ… បដិសន្ធិក្ខណេ វត្ថុ ចេតសិកានំ ខន្ធានំ ចិត្តស្ស ច អត្ថិបច្ចយេន បច្ចយោ. បុរេជាតំ – ចក្ខុំ…បេ… វត្ថុំ អនិច្ចតោ…បេ… (បុរេជាតសទិសំ និន្នានំ). (៣)

១៣៦. ចេតសិកោ ច អចេតសិកោ ច ធម្មា ចេតសិកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – ចក្ខុវិញ្ញាណសហគតោ ឯកោ ខន្ធោ ច ចក្ខាយតនញ្ច ទ្វិន្នំ ខន្ធានំ…បេ… កាយវិញ្ញាណសហគតោ…បេ… ចេតសិកោ ឯកោ ខន្ធោ ច វត្ថុ ច ទ្វិន្នំ ខន្ធានំ អត្ថិបច្ចយេន បច្ចយោ; ទ្វេ ខន្ធា ច…បេ…. សហជាតោ – ចេតសិកោ ឯកោ ខន្ធោ ច ចិត្តញ្ច ទ្វិន្នំ ខន្ធានំ អត្ថិបច្ចយេន បច្ចយោ; ទ្វេ ខន្ធា ច…បេ… (បដិសន្ធិក្ខណេ) ទ្វេបិ កាតព្ពា. (១)

ចេតសិកោ ច អចេតសិកោ ច ធម្មា អចេតសិកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតា – ចក្ខុវិញ្ញាណសហគតា ខន្ធា ច ចក្ខាយតនញ្ច ចក្ខុវិញ្ញាណស្ស…បេ… កាយវិញ្ញាណស្ស…បេ… ចេតសិកា ខន្ធា ច ចិត្តញ្ច ចិត្តសមុដ្ឋានានំ រូបានំ អត្ថិបច្ចយេន បច្ចយោ; ចេតសិកា ខន្ធា ច ចិត្តញ្ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ. សហជាតា – ចេតសិកា ខន្ធា ច វត្ថុ ច ចិត្តស្ស អត្ថិបច្ចយេន បច្ចយោ (បដិសន្ធិក្ខណេ តីណិបិ កាតព្ពា). បច្ឆាជាតា – ចេតសិកា ខន្ធា ច ចិត្តញ្ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – ចេតសិកា ខន្ធា ច ចិត្តញ្ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – ចេតសិកា ខន្ធា ច ចិត្តញ្ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (២)

ចេតសិកោ ច អចេតសិកោ ច ធម្មា ចេតសិកស្ស ច អចេតសិកស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – ចក្ខុវិញ្ញាណសហគតោ ឯកោ ខន្ធោ ច ចក្ខាយតនញ្ច ទ្វិន្នំ ខន្ធានំ ចក្ខុវិញ្ញាណស្ស ច អត្ថិបច្ចយេន បច្ចយោ…បេ… កាយវិញ្ញាណសហគតោ ឯកោ ខន្ធោ ច កាយាយតនញ្ច ទ្វិន្នំ ខន្ធានំ កាយវិញ្ញាណស្ស ច អត្ថិបច្ចយេន បច្ចយោ; ទ្វេ ខន្ធា ច…បេ…. សហជាតោ – ចេតសិកោ ឯកោ ខន្ធោ ច វត្ថុ ច ទ្វិន្នំ ខន្ធានំ ចិត្តស្ស ច អត្ថិបច្ចយេន បច្ចយោ; ទ្វេ ខន្ធា ច…បេ… (បដិសន្ធិយា ទ្វេ កាតព្ពា). (៣)