១. វិភង្គវារោ

ហេតុបច្ចយោ

១៣៦. ហេតុ ចេវ សហេតុកោ ច ធម្មោ ហេតុស្ស ចេវ សហេតុកស្ស ច ធម្មស្ស ហេតុបច្ចយេន បច្ចយោ – អលោភោ អទោសស្ស អមោហស្ស ហេតុបច្ចយេន បច្ចយោ (យថា បដិច្ចវារសទិសំ). (១)

ហេតុ ចេវ សហេតុកោ ច ធម្មោ សហេតុកស្ស ចេវ ន ច ហេតុស្ស ធម្មស្ស ហេតុបច្ចយេន បច្ចយោ – ហេតូ សម្បយុត្តកានំ ខន្ធានំ ហេតុបច្ចយេន បច្ចយោ; បដិសន្ធិក្ខណេ…បេ…. (២)

ហេតុ ចេវ សហេតុកោ ច ធម្មោ ហេតុស្ស ចេវ សហេតុកស្ស ច សហេតុកស្ស ចេវ ន ច ហេតុស្ស ច ធម្មស្ស ហេតុបច្ចយេន បច្ចយោ – អលោភោ អទោសស្ស អមោហស្ស សម្បយុត្តកានញ្ច ខន្ធានំ ហេតុបច្ចយេន បច្ចយោ (វិត្ថារេតព្ពំ). (៣)

អារម្មណបច្ចយោ

១៣៧. ហេតុ ចេវ សហេតុកោ ច ធម្មោ ហេតុស្ស ចេវ សហេតុកស្ស ច ធម្មស្ស អារម្មណបច្ចយេន បច្ចយោ – ហេតុំ អារព្ភ ហេតូ ឧប្បជ្ជន្តិ. (១)

ហេតុ ចេវ សហេតុកោ ច ធម្មោ សហេតុកស្ស ចេវ ន ច ហេតុស្ស ធម្មស្ស អារម្មណបច្ចយេន បច្ចយោ – ហេតុំ អារព្ភ សហេតុកា ចេវ ន ច ហេតូ ខន្ធា ឧប្បជ្ជន្តិ. (២)

ហេតុ ចេវ សហេតុកោ ច ធម្មោ ហេតុស្ស ចេវ សហេតុកស្ស ច សហេតុកស្ស ចេវ ន ច ហេតុស្ស ច ធម្មស្ស អារម្មណបច្ចយេន បច្ចយោ – ហេតុំ អារព្ភ ហេតូ ច សម្បយុត្តកា ច ខន្ធា ឧប្បជ្ជន្តិ. (៣)

សហេតុកោ ចេវ ន ច ហេតុ ធម្មោ សហេតុកស្ស ចេវ ន ច ហេតុស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ… ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ បច្ចវេក្ខតិ. ឈានា វុដ្ឋហិត្វា…បេ… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ. បហីនេ កិលេសេ…បេ… វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ. សហេតុកេ ចេវ ន ច ហេតូ ខន្ធេ អនិច្ចតោ…បេ… ទោមនស្សំ ឧប្បជ្ជតិ. ចេតោបរិយញាណេន សហេតុកា ចេវ ន ច ហេតុចិត្តសមង្គិស្ស ចិត្តំ ជានាតិ; អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… សហេតុកា ចេវ ន ច ហេតូ ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស អារម្មណបច្ចយេន បច្ចយោ. (១)

សហេតុកោ ចេវ ន ច ហេតុ ធម្មោ ហេតុស្ស ចេវ សហេតុកស្ស ច ធម្មស្ស អារម្មណបច្ចយេន បច្ចយោ – ទានំ ទត្វា… (យថា បឋមគមនំ ឯវំ និន្នានំ). (២)

សហេតុកោ ចេវ ន ច ហេតុ ធម្មោ ហេតុស្ស ចេវ សហេតុកស្ស ច សហេតុកស្ស ចេវ ន ច ហេតុស្ស ច ធម្មស្ស អារម្មណបច្ចយេន បច្ចយោ – ទានំ ទត្វា… (យថា បឋមគមនំ ឯវំ និន្នានំ). (៣)

១៣៨. ហេតុ ចេវ សហេតុកោ ច សហេតុកោ ចេវ ន ច ហេតុ ច ធម្មា ហេតុស្ស ចេវ សហេតុកស្ស ច ធម្មស្ស អារម្មណបច្ចយេន បច្ចយោ – ហេតុញ្ច សម្បយុត្តកេ ច ខន្ធេ អារព្ភ ហេតូ ឧប្បជ្ជន្តិ. (១)

ហេតុ ចេវ សហេតុកោ ច សហេតុកោ ចេវ ន ច ហេតុ ច ធម្មា សហេតុកស្ស ចេវ ន ច ហេតុស្ស ធម្មស្ស អារម្មណបច្ចយេន បច្ចយោ – ហេតុញ្ច សម្បយុត្តកេ ច ខន្ធេ អារព្ភ សហេតុកា ចេវ ន ច ហេតូ ខន្ធា ឧប្បជ្ជន្តិ. (២)

ហេតុ ចេវ សហេតុកោ ច សហេតុកោ ចេវ ន ច ហេតុ ច ធម្មា ហេតុស្ស ចេវ សហេតុកស្ស ច សហេតុកស្ស ចេវ ន ច ហេតុស្ស ច ធម្មស្ស អារម្មណបច្ចយេន បច្ចយោ – ហេតុញ្ច សម្បយុត្តកេ ច ខន្ធេ អារព្ភ ហេតូ ច សម្បយុត្តកា ច ខន្ធា ឧប្បជ្ជន្តិ. (៣)

អធិបតិបច្ចយោ

១៣៩. ហេតុ ចេវ សហេតុកោ ច ធម្មោ ហេតុស្ស ចេវ សហេតុកស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ហេតុំ គរុំ កត្វា ហេតូ ឧប្បជ្ជន្តិ. សហជាតាធិបតិ – ហេតុ ចេវ សហេតុកាធិបតិ សម្បយុត្តកានំ ហេតូនំ អធិបតិបច្ចយេន បច្ចយោ. (១)

ហេតុ ចេវ សហេតុកោ ច ធម្មោ សហេតុកស្ស ចេវ ន ច ហេតុស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ហេតុំ គរុំ កត្វា សហេតុកា ចេវ ន ច ហេតូ ខន្ធា ឧប្បជ្ជន្តិ. សហជាតាធិបតិ – ហេតុ ចេវ សហេតុកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (២)

ហេតុ ចេវ សហេតុកោ ច ធម្មោ ហេតុស្ស ចេវ សហេតុកស្ស ច សហេតុកស្ស ចេវ ន ច ហេតុស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ហេតុំ គរុំ កត្វា ហេតូ ច សម្បយុត្តកា ច ខន្ធា ឧប្បជ្ជន្តិ. សហជាតាធិបតិ – ហេតុ ចេវ សហេតុកាធិបតិ សម្បយុត្តកានំ ខន្ធានំ ហេតូនញ្ច អធិបតិបច្ចយេន បច្ចយោ. (៣)

១៤០. សហេតុកោ ចេវ ន ច ហេតុ ធម្មោ សហេតុកស្ស ចេវ ន ច ហេតុស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា សីលំ…បេ… ឧបោសថកម្មំ កត្វា តំ គរុំ កត្វា បច្ចវេក្ខតិ, បុព្ពេ សុចិណ្ណានិ…បេ… ឈានា វុដ្ឋហិត្វា ឈានំ គរុំ កត្វា បច្ចវេក្ខតិ, អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ គរុំ កត្វា បច្ចវេក្ខន្តិ, សហេតុកេ ចេវ ន ច ហេតូ ខន្ធេ គរុំ កត្វា អស្សាទេតិ អភិនន្ទតិ; តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – សហេតុកោ ចេវ ន ច ហេតុ អធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

សហេតុកោ ចេវ ន ច ហេតុ ធម្មោ ហេតុស្ស ចេវ សហេតុកស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា… (បឋមគមនំយេវ). សហជាតាធិបតិ – សហេតុកោ ចេវ ន ច ហេតុ អធិបតិ សម្បយុត្តកានំ ហេតូនំ អធិបតិបច្ចយេន បច្ចយោ. (២)

សហេតុកោ ចេវ ន ច ហេតុ ធម្មោ ហេតុស្ស ចេវ សហេតុកស្ស ច សហេតុកស្ស ចេវ ន ច ហេតុស្ស ច ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា… (បឋមគមនំយេវ). សហជាតាធិបតិ – សហេតុកោ ចេវ ន ច ហេតុ អធិបតិ សម្បយុត្តកានំ ខន្ធានំ ហេតូនញ្ច អធិបតិបច្ចយេន បច្ចយោ. (៣)

១៤១. ហេតុ ចេវ សហេតុកោ ច សហេតុកោ ចេវ ន ច ហេតុ ច ធម្មា ហេតុស្ស ចេវ សហេតុកស្ស ច ធម្មស្ស អធិបតិបច្ចយេន បច្ចយោ. អារម្មណាធិបតិ – ហេតូ ច សម្បយុត្តកេ ច ខន្ធេ គរុំ កត្វា ហេតូ ឧប្បជ្ជន្តិ. (១)

ហេតុ ចេវ សហេតុកោ ច សហេតុកោ ចេវ ន ច ហេតុ ច ធម្មា សហេតុកស្ស ចេវ ន ច ហេតុស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – ហេតុញ្ច សម្បយុត្តកេ ច ខន្ធេ គរុំ កត្វា សហេតុកា ចេវ ន ច ហេតូ ខន្ធា ឧប្បជ្ជន្តិ. (២)

ហេតុ ចេវ សហេតុកោ ច សហេតុកោ ចេវ ន ច ហេតុ ច ធម្មា ហេតុស្ស ចេវ សហេតុកស្ស ច សហេតុកស្ស ចេវ ន ច ហេតុស្ស ច ធម្មស្ស អធិបតិបច្ចយេន បច្ចយោ. អារម្មណាធិបតិ – ហេតុញ្ច សម្បយុត្តកេ ច ខន្ធេ គរុំ កត្វា ហេតូ ច សម្បយុត្តកា ច ខន្ធា ឧប្បជ្ជន្តិ. (៣)

អនន្តរបច្ចយោ

១៤២. ហេតុ ចេវ សហេតុកោ ច ធម្មោ ហេតុស្ស ចេវ សហេតុកស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា ហេតូ បច្ឆិមានំ បច្ឆិមានំ ហេតូនំ អនន្តរបច្ចយេន បច្ចយោ. (១)

ហេតុ ចេវ សហេតុកោ ច ធម្មោ សហេតុកស្ស ចេវ ន ច ហេតុស្ស ធម្មស្ស អនន្តរបច្ចយេន បច្ចយោ – បុរិមា បុរិមា ហេតូ បច្ឆិមានំ បច្ឆិមានំ សហេតុកានញ្ចេវ ន ច ហេតូនំ ខន្ធានំ អនន្តរបច្ចយេន បច្ចយោ. (២)

ហេតុ ចេវ សហេតុកោ ច ធម្មោ ហេតុស្ស ចេវ សហេតុកស្ស ច សហេតុកស្ស ចេវ ន ច ហេតុស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា ហេតូ បច្ឆិមានំ បច្ឆិមានំ ហេតូនំ សម្បយុត្តកានញ្ច ខន្ធានំ អនន្តរបច្ចយេន បច្ចយោ. (៣)

១៤៣. សហេតុកោ ចេវ ន ច ហេតុ ធម្មោ សហេតុកស្ស ចេវ ន ច ហេតុស្ស ធម្មស្ស អនន្តរបច្ចយេន បច្ចយោ – បុរិមា បុរិមា សហេតុកា ចេវ ន ច ហេតូ ខន្ធា បច្ឆិមានំ បច្ឆិមានំ សហេតុកានញ្ចេវ ន ច ហេតូនំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស… អនុលោមំ វោទានស្ស…បេ… និរោធា វុដ្ឋហន្តស្ស, នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. (១)

សហេតុកោ ចេវ ន ច ហេតុ ធម្មោ ហេតុស្ស ចេវ សហេតុកស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា សហេតុកា ចេវ ន ច ហេតូ ខន្ធា បច្ឆិមានំ បច្ឆិមានំ ហេតូនំ អនន្តរបច្ចយេន បច្ចយោ; អនុលោមំ គោត្រភុស្ស… (សំខិត្តំ). (២)

សហេតុកោ ចេវ ន ច ហេតុ ធម្មោ ហេតុស្ស ចេវ សហេតុកស្ស ច សហេតុកស្ស ចេវ ន ច ហេតុស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា សហេតុកា ចេវ ន ច ហេតូ ខន្ធា បច្ឆិមានំ បច្ឆិមានំ ហេតូនំ សម្បយុត្តកានញ្ច ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស…បេ…. (៣)

(សហេតុកោ ចេវ ន ច ហេតុមូលកំ តីណិបិ ឯកសទិសា.)

១៤៤. ហេតុ ចេវ សហេតុកោ ច សហេតុកោ ចេវ ន ច ហេតុ ច ធម្មា ហេតុស្ស ចេវ សហេតុកស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា ហេតូ ច សម្បយុត្តកា ច ខន្ធា បច្ឆិមានំ បច្ឆិមានំ ហេតូនំ អនន្តរបច្ចយេន បច្ចយោ. (១)

ហេតុ ចេវ សហេតុកោ ច សហេតុកោ ចេវ ន ច ហេតុ ច ធម្មា សហេតុកស្ស ចេវ ន ច ហេតុស្ស ធម្មស្ស អនន្តរបច្ចយេន បច្ចយោ – បុរិមា បុរិមា ហេតូ ច សម្បយុត្តកា ច ខន្ធា បច្ឆិមានំ បច្ឆិមានំ សហេតុកានញ្ចេវ ន ច ហេតូនំ ខន្ធានំ អនន្តរបច្ចយេន បច្ចយោ.(២)

ហេតុ ចេវ សហេតុកោ ច សហេតុកោ ចេវ ន ច ហេតុ ច ធម្មា ហេតុស្ស ចេវ សហេតុកស្ស ច សហេតុកស្ស ចេវ ន ច ហេតុស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា ហេតូ ច សម្បយុត្តកា ច ខន្ធា បច្ឆិមានំ បច្ឆិមានំ ហេតូនំ សម្បយុត្តកានញ្ច ខន្ធានំ អនន្តរបច្ចយេន បច្ចយោ. (៣)

សហជាតបច្ចយាទិ

១៤៥. ហេតុ ចេវ សហេតុកោ ច ធម្មោ ហេតុស្ស ចេវ សហេតុកស្ស ច ធម្មស្ស សហជាតបច្ចយេន បច្ចយោ… អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ (តីណិបិ បច្ចយា បដិច្ចវារេ ហេតុសទិសា).

ឧបនិស្សយបច្ចយោ

១៤៦. ហេតុ ចេវ សហេតុកោ ច ធម្មោ ហេតុស្ស ចេវ សហេតុកស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ហេតូ ហេតូនំ ឧបនិស្សយបច្ចយេន បច្ចយោ. (មូលំ កាតព្ពំ) ហេតូ សហេតុកានញ្ចេវ ន ច ហេតូនំ ខន្ធានំ ឧបនិស្សយបច្ចយេន បច្ចយោ. (មូលំ កាតព្ពំ) ហេតូ ហេតូនំ សម្បយុត្តកានញ្ច ខន្ធានំ ឧបនិស្សយបច្ចយេន បច្ចយោ (ឥមេសំ ទ្វិន្នម្បិ បញ្ហានំ មូលានិ បុច្ឆិតព្ពានិ).

សហេតុកោ ចេវ ន ច ហេតុ ធម្មោ សហេតុកស្ស ចេវ ន ច ហេតុស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ, សីលំ…បេ… បត្ថនំ ឧបនិស្សាយ ទានំ ទេតិ…បេ… សង្ឃំ ភិន្ទតិ; សទ្ធា…បេ… បត្ថនា សទ្ធាយ…បេ… បត្ថនាយ មគ្គស្ស ផលសមាបត្តិយា ឧបនិស្សយបច្ចយេន បច្ចយោ. (១)

(សហេតុកោ ចេវ ន ច ហេតុមូលកេ ឥមិនាការេន វិត្ថារេតព្ពា អវសេសា ទ្វេ បញ្ហា.)

ហេតុ ចេវ សហេតុកោ ច សហេតុកោ ចេវ ន ច ហេតុ ច ធម្មា ហេតុស្ស ចេវ សហេតុកស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ហេតូ ច សម្បយុត្តកា ច ខន្ធា ហេតូនំ ឧបនិស្សយបច្ចយេន បច្ចយោ. (ទ្វេ មូលានិ បុច្ឆិតព្ពានិ) ហេតូ ច សម្បយុត្តកា ច ខន្ធា សហេតុកានញ្ចេវ ន ច ហេតូនំ ខន្ធានំ ឧបនិស្សយបច្ចយេន បច្ចយោ. (មូលំ បុច្ឆិតព្ពំ) ហេតូ ច សម្បយុត្តកា ច ខន្ធា ហេតូនំ សម្បយុត្តកានញ្ច ខន្ធានំ ឧបនិស្សយបច្ចយេន បច្ចយោ. (១)

អាសេវនបច្ចយោ

១៤៧. ហេតុ ចេវ សហេតុកោ ច ធម្មោ ហេតុស្ស ចេវ សហេតុកស្ស ច ធម្មស្ស អាសេវនបច្ចយេន បច្ចយោ (អនន្តរសទិសំ).

កម្មបច្ចយោ

១៤៨. សហេតុកោ ចេវ ន ច ហេតុ ធម្មោ សហេតុកស្ស ចេវ ន ច ហេតុស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – សហេតុកា ចេវ ន ច ហេតូ ចេតនា សម្បយុត្តកានំ ខន្ធានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – សហេតុកា ចេវ ន ច ហេតូ ចេតនា វិបាកានំ សហេតុកានញ្ចេវ ន ច ហេតូនំ ខន្ធានំ កម្មបច្ចយេន បច្ចយោ. (១)

សហេតុកោ ចេវ ន ច ហេតុ ធម្មោ ហេតុស្ស ចេវ សហេតុកស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – សហេតុកា ចេវ ន ច ហេតូ ចេតនា សម្បយុត្តកានំ ហេតូនំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – សហេតុកា ចេវ ន ច ហេតូ ចេតនា វិបាកានំ ហេតូនំ កម្មបច្ចយេន បច្ចយោ. (២)

សហេតុកោ ចេវ ន ច ហេតុ ធម្មោ ហេតុស្ស ចេវ សហេតុកស្ស ច សហេតុកស្ស ចេវ ន ច ហេតុស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – សហេតុកា ចេវ ន ច ហេតូ ចេតនា សម្បយុត្តកានំ ខន្ធានំ ហេតូនញ្ច កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – សហេតុកា ចេវ ន ច ហេតូ ចេតនា វិបាកានំ ខន្ធានំ ហេតូនញ្ច កម្មបច្ចយេន បច្ចយោ. (៣)

វិបាកបច្ចយោ

១៤៩. ហេតុ ចេវ សហេតុកោ ច ធម្មោ ហេតុស្ស ចេវ សហេតុកស្ស ច ធម្មស្ស វិបាកបច្ចយេន បច្ចយោ – វិបាកោ អលោភោ អទោសស្ស អមោហស្ស ច វិបាកបច្ចយេន បច្ចយោ (ចក្កំ); បដិសន្ធិក្ខណេ អលោភោ (យថា ហេតុបច្ចយា ឯវំ វិត្ថារេតព្ពំ, នវបិ វិបាកន្តិ និយាមេតព្ពំ).

អាហារបច្ចយាទិ

១៥០. សហេតុកោ ចេវ ន ច ហេតុ ធម្មោ សហេតុកស្ស ចេវ ន ច ហេតុស្ស ធម្មស្ស អាហារបច្ចយេន បច្ចយោ… តីណិ.

ហេតុ ចេវ សហេតុកោ ច ធម្មោ ហេតុស្ស ចេវ សហេតុកស្ស ច ធម្មស្ស ឥន្ទ្រិយបច្ចយេន បច្ចយោ (ឥន្ទ្រិយន្តិ និយាមេតព្ពំ, នវបិ បរិបុណ្ណំ).

សហេតុកោ ចេវ ន ច ហេតុ ធម្មោ សហេតុកស្ស ចេវ ន ច ហេតុស្ស ធម្មស្ស ឈានបច្ចយេន បច្ចយោ… តីណិ.

ហេតុ ចេវ សហេតុកោ ច ធម្មោ ហេតុស្ស ចេវ សហេតុកស្ស ច ធម្មស្ស មគ្គបច្ចយេន បច្ចយោ … សម្បយុត្តបច្ចយេន បច្ចយោ… អត្ថិបច្ចយេន បច្ចយោ… នត្ថិបច្ចយេន បច្ចយោ… វិគតបច្ចយេន បច្ចយោ… អវិគតបច្ចយេន បច្ចយោ.