១. វិភង្គវារោ

ហេតុបច្ចយោ

១២៧. ហេតុញ្ចេវ សហេតុកញ្ច ធម្មំ បដិច្ច ហេតុ ចេវ សហេតុកោ ច ធម្មោ ឧប្បជ្ជតិ ហេតុបច្ចយា – អលោភំ បដិច្ច អទោសោ អមោហោ (ចក្កំ). លោភំ បដិច្ច មោហោ (ចក្កំ); បដិសន្ធិក្ខណេ អលោភំ បដិច្ច អទោសោ អមោហោ (ចក្កំ). (១)

ហេតុញ្ចេវ សហេតុកញ្ច ធម្មំ បដិច្ច សហេតុកោ ចេវ ន ច ហេតុ ធម្មោ ឧប្បជ្ជតិ ហេតុបច្ចយា – ហេតុំ បដិច្ច សម្បយុត្តកា ខន្ធា; បដិសន្ធិក្ខណេ…បេ…. (២)

ហេតុញ្ចេវ សហេតុកញ្ច ធម្មំ បដិច្ច ហេតុ ចេវ សហេតុកោ ច សហេតុកោ ចេវ ន ច ហេតុ ច ធម្មា ឧប្បជ្ជន្តិ ហេតុបច្ចយា – អលោភំ បដិច្ច អទោសោ អមោហោ សម្បយុត្តកា ច ខន្ធា (ចក្កំ). លោភំ បដិច្ច មោហោ សម្បយុត្តកា ច ខន្ធា (ចក្កំ); បដិសន្ធិក្ខណេ…បេ…. (៣)

១២៨. សហេតុកញ្ចេវ ន ច ហេតុំ ធម្មំ បដិច្ច សហេតុកោ ចេវ ន ច ហេតុ ធម្មោ ឧប្បជ្ជតិ ហេតុបច្ចយា – សហេតុកញ្ចេវ ន ច ហេតុំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ….(១)

សហេតុកញ្ចេវ ន ច ហេតុំ ធម្មំ បដិច្ច ហេតុ ចេវ សហេតុកោ ច ធម្មោ ឧប្បជ្ជតិ ហេតុបច្ចយា – សហេតុកេ ចេវ ន ច ហេតូ ខន្ធេ បដិច្ច ហេតូ; បដិសន្ធិក្ខណេ…បេ…. (២)

សហេតុកញ្ចេវ ន ច ហេតុំ ធម្មំ បដិច្ច ហេតុ ចេវ សហេតុកោ ច សហេតុកោ ចេវ ន ច ហេតុ ច ធម្មា ឧប្បជ្ជន្តិ ហេតុបច្ចយា – សហេតុកញ្ចេវ ន ច ហេតុំ ឯកំ ខន្ធំ បដិច្ច តយោ ខន្ធា ហេតុ ច…បេ… ទ្វេ ខន្ធេ…បេ… បដិសន្ធិក្ខណេ…បេ…. (៣)

១២៩. ហេតុញ្ចេវ សហេតុកញ្ច សហេតុកញ្ចេវ ន ច ហេតុញ្ច ធម្មំ បដិច្ច ហេតុ ចេវ សហេតុកោ ច ធម្មោ ឧប្បជ្ជតិ ហេតុបច្ចយា – អលោភញ្ច សម្បយុត្តកេ ច ខន្ធេ បដិច្ច អទោសោ អមោហោ (ចក្កំ). លោភញ្ច សម្បយុត្តកេ ច ខន្ធេ បដិច្ច មោហោ (ចក្កំ); បដិសន្ធិក្ខណេ…បេ…. (១)

ហេតុញ្ចេវ សហេតុកញ្ច សហេតុកញ្ចេវ ន ច ហេតុញ្ច ធម្មំ បដិច្ច សហេតុកោ ចេវ ន ច ហេតុ ធម្មោ ឧប្បជ្ជតិ ហេតុបច្ចយា – សហេតុកញ្ចេវ ន ច ហេតុំ ឯកំ ខន្ធញ្ច ហេតុញ្ច បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (២)

ហេតុញ្ចេវ សហេតុកញ្ច សហេតុកញ្ចេវ ន ច ហេតុញ្ច ធម្មំ បដិច្ច ហេតុ ចេវ សហេតុកោ ច សហេតុកោ ចេវ ន ច ហេតុ ច ធម្មា ឧប្បជ្ជន្តិ ហេតុបច្ចយា – សហេតុកញ្ចេវ ន ច ហេតុំ ឯកំ ខន្ធញ្ច អលោភញ្ច បដិច្ច តយោ ខន្ធា អទោសោ អមោហោ ច…បេ… ទ្វេ ខន្ធេ…បេ… បដិសន្ធិក្ខណេ…បេ…. (៣)

(សំខិត្តំ. ឯវំ វិត្ថារេតព្ពំ.)