១. បដិច្ចវារោ

ហេតុបច្ចយោ

១២៦. ហេតុសម្បយុត្តំ ធម្មំ បដិច្ច ហេតុសម្បយុត្តោ ធម្មោ ឧប្បជ្ជតិ ហេតុបច្ចយា – ហេតុសម្បយុត្តំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

ហេតុសម្បយុត្តំ ធម្មំ បដិច្ច ហេតុវិប្បយុត្តោ ធម្មោ ឧប្បជ្ជតិ ហេតុបច្ចយា – ហេតុសម្បយុត្តេ ខន្ធេ បដិច្ច ចិត្តសមុដ្ឋានំ រូបំ; បដិសន្ធិក្ខណេ…បេ…. (២)

(ឥមិនា ការណេន វិត្ថារេតព្ពំ យថា សហេតុកទុកំ និន្នានាករណំ.)

ហេតុសម្បយុត្តទុកំ និដ្ឋិតំ.