១. វិភង្គវារោ

ហេតុបច្ចយោ

៩៦. សហេតុកោ ធម្មោ សហេតុកស្ស ធម្មស្ស ហេតុបច្ចយេន បច្ចយោ – សហេតុកា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ; បដិសន្ធិក្ខណេ…បេ…. (១)

សហេតុកោ ធម្មោ អហេតុកស្ស ធម្មស្ស ហេតុបច្ចយេន បច្ចយោ – សហេតុកា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (២)

សហេតុកោ ធម្មោ សហេតុកស្ស ច អហេតុកស្ស ច ធម្មស្ស ហេតុបច្ចយេន បច្ចយោ – សហេតុកា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ; បដិសន្ធិក្ខណេ…បេ…. (៣)

៩៧. អហេតុកោ ធម្មោ អហេតុកស្ស ធម្មស្ស ហេតុបច្ចយេន បច្ចយោ – វិចិកិច្ឆាសហគតោ ឧទ្ធច្ចសហគតោ មោហោ ចិត្តសមុដ្ឋានានំ រូបានំ ហេតុបច្ចយេន បច្ចយោ. (១)

អហេតុកោ ធម្មោ សហេតុកស្ស ធម្មស្ស ហេតុបច្ចយេន បច្ចយោ – វិចិកិច្ឆាសហគតោ ឧទ្ធច្ចសហគតោ មោហោ សម្បយុត្តកានំ ខន្ធានំ ហេតុបច្ចយេន បច្ចយោ. (២)

អហេតុកោ ធម្មោ សហេតុកស្ស ច អហេតុកស្ស ច ធម្មស្ស ហេតុបច្ចយេន បច្ចយោ – វិចិកិច្ឆាសហគតោ ឧទ្ធច្ចសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

អារម្មណបច្ចយោ

៩៨. សហេតុកោ ធម្មោ សហេតុកស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ… ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ បច្ចវេក្ខតិ, ឈានា វុដ្ឋហិត្វា ឈានំ បច្ចវេក្ខតិ. អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ. បហីនេ កិលេសេ…បេ… វិក្ខម្ភិតេ កិលេសេ…បេ… បុព្ពេ…បេ… សហេតុកេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ សហេតុកោ វិបាកោ តទារម្មណតា ឧប្បជ្ជតិ; ចេតោបរិយញាណេន សហេតុកចិត្តសមង្គិស្ស ចិត្តំ ជានន្តិ. អាកាសានញ្ចាយតនំ វិញ្ញាណញ្ចាយតនស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… សហេតុកា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស អារម្មណបច្ចយេន បច្ចយោ; សហេតុកេ ខន្ធេ អារព្ភ សហេតុកា ខន្ធា ឧប្បជ្ជន្តិ. (១)

សហេតុកោ ធម្មោ អហេតុកស្ស ធម្មស្ស អារម្មណបច្ចយេន បច្ចយោ – សហេតុកេ ខន្ធេ អនិច្ចតោ …បេ… ទោមនស្សំ ឧប្បជ្ជតិ, កុសលាកុសលេ និរុទ្ធេ អហេតុកោ វិបាកោ តទារម្មណតា ឧប្បជ្ជតិ, សហេតុកេ ខន្ធេ អារព្ភ អហេតុកា ខន្ធា ច មោហោ ច ឧប្បជ្ជន្តិ. (២)

សហេតុកោ ធម្មោ សហេតុកស្ស ច អហេតុកស្ស ច ធម្មស្ស អារម្មណបច្ចយេន បច្ចយោ – សហេតុកេ ខន្ធេ អារព្ភ វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ. (៣)

៩៩. អហេតុកោ ធម្មោ អហេតុកស្ស ធម្មស្ស អារម្មណបច្ចយេន បច្ចយោ – និព្ពានំ អាវជ្ជនាយ អារម្មណបច្ចយេន បច្ចយោ; ចក្ខុំ…បេ… វត្ថុំ… អហេតុកេ ខន្ធេ ច មោហញ្ច អនិច្ចតោ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ អហេតុកោ វិបាកោ តទារម្មណតា ឧប្បជ្ជតិ; រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… អហេតុកេ ខន្ធេ ច មោហញ្ច អារព្ភ អហេតុកា ខន្ធា ច មោហោ ច ឧប្បជ្ជន្តិ. (១)

អហេតុកោ ធម្មោ សហេតុកស្ស ធម្មស្ស អារម្មណបច្ចយេន បច្ចយោ – អរិយា និព្ពានំ បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស អារម្មណបច្ចយេន បច្ចយោ. អរិយា អហេតុកេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ…បេ… បុព្ពេ…បេ… ចក្ខុំ…បេ… វត្ថុំ…បេ… អហេតុកេ ខន្ធេ ច មោហញ្ច អនិច្ចតោ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ សហេតុកោ វិបាកោ តទារម្មណតា ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, ចេតោបរិយញាណេន អហេតុកចិត្តសមង្គិស្ស ចិត្តំ ជានន្តិ; អហេតុកា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស អារម្មណបច្ចយេន បច្ចយោ; អហេតុកេ ខន្ធេ ច មោហញ្ច អារព្ភ សហេតុកា ខន្ធា ឧប្បជ្ជន្តិ. (២)

អហេតុកោ ធម្មោ សហេតុកស្ស ច អហេតុកស្ស ច ធម្មស្ស អារម្មណបច្ចយេន បច្ចយោ – ចក្ខុំ អារព្ភ វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ; សោតំ …បេ… វត្ថុំ… អហេតុកេ ខន្ធេ ច មោហញ្ច អារព្ភ វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ. (៣)

១០០. សហេតុកោ ច អហេតុកោ ច ធម្មា សហេតុកស្ស ធម្មស្ស អារម្មណបច្ចយេន បច្ចយោ – វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច អារព្ភ សហេតុកា ខន្ធា ឧប្បជ្ជន្តិ. (១)

សហេតុកោ ច អហេតុកោ ច ធម្មា អហេតុកស្ស ធម្មស្ស អារម្មណបច្ចយេន បច្ចយោ – វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច អារព្ភ អហេតុកា ខន្ធា ច មោហោ ច ឧប្បជ្ជន្តិ. (២)

សហេតុកោ ច អហេតុកោ ច ធម្មា សហេតុកស្ស ច អហេតុកស្ស ច ធម្មស្ស អារម្មណបច្ចយេន បច្ចយោ – វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច អារព្ភ វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ. (៣)

អធិបតិបច្ចយោ

១០១. សហេតុកោ ធម្មោ សហេតុកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា សីលំ…បេ… ឧបោសថកម្មំ កត្វា តំ គរុំ កត្វា បច្ចវេក្ខតិ, ឈានា…បេ… អរិយា មគ្គា វុដ្ឋហិត្វា មគ្គំ គរុំ កត្វា…បេ… ផលំ…បេ… សហេតុកេ ខន្ធេ គរុំ កត្វា អស្សាទេតិ អភិនន្ទតិ; តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – សហេតុកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

សហេតុកោ ធម្មោ អហេតុកស្ស ធម្មស្ស អធិបតិបច្ចយេន បច្ចយោ. សហជាតាធិបតិ – សហេតុកាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (២)

សហេតុកោ ធម្មោ សហេតុកស្ស ច អហេតុកស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – សហេតុកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

អហេតុកោ ធម្មោ សហេតុកស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – អរិយា និព្ពានំ គរុំ កត្វា បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ; ចក្ខុំ…បេ… វត្ថុំ… អហេតុកេ ខន្ធេ គរុំ កត្វា អស្សាទេតិ អភិនន្ទតិ; តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. (១)

អនន្តរបច្ចយោ

១០២. សហេតុកោ ធម្មោ សហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា សហេតុកា ខន្ធា បច្ឆិមានំ បច្ឆិមានំ សហេតុកានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស… អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស… មគ្គោ ផលស្ស… ផលំ ផលស្ស… អនុលោមំ ផលសមាបត្តិយា… និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. (១)

សហេតុកោ ធម្មោ អហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ឧទ្ធច្ចសហគតា ខន្ធា បច្ឆិមស្ស បច្ឆិមស្ស វិចិកិច្ឆាសហគតស្ស ឧទ្ធច្ចសហគតស្ស មោហស្ស អនន្តរបច្ចយេន បច្ចយោ; សហេតុកំ ចុតិចិត្តំ អហេតុកស្ស ឧបបត្តិចិត្តស្ស អនន្តរបច្ចយេន បច្ចយោ; សហេតុកំ ភវង្គំ អាវជ្ជនាយ អនន្តរបច្ចយេន បច្ចយោ; សហេតុកំ ភវង្គំ អហេតុកស្ស ភវង្គស្ស អនន្តរបច្ចយេន បច្ចយោ; សហេតុកា ខន្ធា អហេតុកស្ស វុដ្ឋានស្ស អនន្តរបច្ចយេន បច្ចយោ. (២)

សហេតុកោ ធម្មោ សហេតុកស្ស ច អហេតុកស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ឧទ្ធច្ចសហគតា ខន្ធា បច្ឆិមានំ បច្ឆិមានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ. (៣)

១០៣. អហេតុកោ ធម្មោ អហេតុកស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ វិចិកិច្ឆាសហគតោ ឧទ្ធច្ចសហគតោ មោហោ បច្ឆិមស្ស បច្ឆិមស្ស វិចិកិច្ឆាសហគតស្ស ឧទ្ធច្ចសហគតស្ស មោហស្ស អនន្តរបច្ចយេន បច្ចយោ; បុរិមា បុរិមា អហេតុកា ខន្ធា បច្ឆិមានំ បច្ឆិមានំ អហេតុកានំ ខន្ធានំ អនន្តរបច្ចយេន បច្ចយោ; អាវជ្ជនា បញ្ចន្នំ វិញ្ញាណានំ អនន្តរបច្ចយេន បច្ចយោ. (១)

អហេតុកោ ធម្មោ សហេតុកស្ស ធម្មស្ស អនន្តរបច្ចយេន បច្ចយោ – បុរិមោ បុរិមោ វិចិកិច្ឆាសហគតោ ឧទ្ធច្ចសហគតោ មោហោ បច្ឆិមានំ បច្ឆិមានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ អនន្តរបច្ចយេន បច្ចយោ; អហេតុកំ ចុតិចិត្តំ សហេតុកស្ស ឧបបត្តិចិត្តស្ស អនន្តរបច្ចយេន បច្ចយោ; អហេតុកំ ភវង្គំ សហេតុកស្ស ភវង្គស្ស អនន្តរបច្ចយេន បច្ចយោ; អាវជ្ជនា សហេតុកានំ ខន្ធានំ អនន្តរបច្ចយេន បច្ចយោ; អហេតុកា ខន្ធា សហេតុកស្ស វុដ្ឋានស្ស អនន្តរបច្ចយេន បច្ចយោ. (២)

អហេតុកោ ធម្មោ សហេតុកស្ស ច អហេតុកស្ស ច ធម្មស្ស អនន្តរបច្ចយេន បច្ចយោ – បុរិមោ បុរិមោ វិចិកិច្ឆាសហគតោ ឧទ្ធច្ចសហគតោ មោហោ បច្ឆិមានំ បច្ឆិមានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ; អាវជ្ជនា វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ. (៣)

១០៤. សហេតុកោ ច អហេតុកោ ច ធម្មា សហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បច្ឆិមានំ បច្ឆិមានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ អនន្តរបច្ចយេន បច្ចយោ. (១)

សហេតុកោ ច អហេតុកោ ច ធម្មា អហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បច្ឆិមស្ស បច្ឆិមស្ស វិចិកិច្ឆាសហគតស្ស ឧទ្ធច្ចសហគតស្ស មោហស្ស អនន្តរបច្ចយេន បច្ចយោ; វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច អហេតុកស្ស វុដ្ឋានស្ស អនន្តរបច្ចយេន បច្ចយោ. (២)

សហេតុកោ ច អហេតុកោ ច ធម្មា សហេតុកស្ស ច អហេតុកស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បច្ឆិមានំ បច្ឆិមានំ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច អនន្តរបច្ចយេន បច្ចយោ. (៣)

សហជាតបច្ចយាទិ

១០៥. សហេតុកោ ធម្មោ សហេតុកស្ស ធម្មស្ស សហជាតបច្ចយេន បច្ចយោ (បដិច្ចវារេ សហជាតសទិសំ, ឥហ ឃដនា នត្ថិ)… អញ្ញមញ្ញបច្ចយេន បច្ចយោ (បដិច្ចវារសទិសំ)… និស្សយបច្ចយេន បច្ចយោ (បដិច្ចវារេ និស្សយបច្ចយសទិសំ, ឥហ ឃដនា នត្ថិ).

ឧបនិស្សយបច្ចយោ

១០៦. សហេតុកោ ធម្មោ សហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សហេតុកា ខន្ធា សហេតុកានំ ខន្ធានំ ឧបនិស្សយបច្ចយេន បច្ចយោ. (១)

សហេតុកោ ធម្មោ អហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សហេតុកា ខន្ធា អហេតុកានំ ខន្ធានំ មោហស្ស ច ឧបនិស្សយបច្ចយេន បច្ចយោ. (២)

សហេតុកោ ធម្មោ សហេតុកស្ស ច អហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សហេតុកា ខន្ធា វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៣)

១០៧. អហេតុកោ ធម្មោ អហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – កាយិកំ សុខំ កាយិកស្ស សុខស្ស, កាយិកស្ស ទុក្ខស្ស, មោហស្ស ច ឧបនិស្សយបច្ចយេន បច្ចយោ; កាយិកំ ទុក្ខំ… ឧតុ… ភោជនំ… សេនាសនំ កាយិកស្ស សុខស្ស, កាយិកស្ស ទុក្ខស្ស, មោហស្ស ច ឧបនិស្សយបច្ចយេន បច្ចយោ; មោហោ កាយិកស្ស សុខស្ស, កាយិកស្ស ទុក្ខស្ស, មោហស្ស ច ឧបនិស្សយបច្ចយេន បច្ចយោ; កាយិកំ សុខំ… កាយិកំ ទុក្ខំ… ឧតុ… ភោជនំ, សេនាសនំ, មោហោ ច កាយិកស្ស សុខស្ស, កាយិកស្ស ទុក្ខស្ស, មោហស្ស ច ឧបនិស្សយបច្ចយេន បច្ចយោ. (១)

អហេតុកោ ធម្មោ សហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – កាយិកំ សុខំ ឧបនិស្សាយ ទានំ ទេតិ…បេ… សង្ឃំ ភិន្ទតិ; កាយិកំ ទុក្ខំ… ឧតុំ… ភោជនំ… សេនាសនំ… មោហំ ឧបនិស្សាយ ទានំ ទេតិ…បេ… សង្ឃំ ភិន្ទតិ; កាយិកំ សុខំ…បេ… មោហោ ច សទ្ធាយ…បេ… បញ្ញាយ រាគស្ស…បេ… បត្ថនាយ មគ្គស្ស ផលសមាបត្តិយា ឧបនិស្សយបច្ចយេន បច្ចយោ. (២)

អហេតុកោ ធម្មោ សហេតុកស្ស ច អហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – កាយិកំ សុខំ មោហោ ច វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៣)

១០៨. សហេតុកោ ច អហេតុកោ ច ធម្មា សហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច សហេតុកានំ ខន្ធានំ ឧបនិស្សយបច្ចយេន បច្ចយោ. (១)

សហេតុកោ ច អហេតុកោ ច ធម្មា អហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច អហេតុកានំ ខន្ធានំ មោហស្ស ច ឧបនិស្សយបច្ចយេន បច្ចយោ. (២)

សហេតុកោ ច អហេតុកោ ច ធម្មា សហេតុកស្ស ច អហេតុកស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច ឧបនិស្សយបច្ចយេន បច្ចយោ. (៣)

បុរេជាតបច្ចយោ

១០៩. អហេតុកោ ធម្មោ អហេតុកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ, កុសលាកុសលេ និរុទ្ធេ អហេតុកោ វិបាកោ តទារម្មណតា ឧប្បជ្ជតិ; រូបាយតនំ ចក្ខុវិញ្ញាណស្ស …បេ… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស… បុរេជាតំ វត្ថុ អហេតុកានំ ខន្ធានំ មោហស្ស ច បុរេជាតបច្ចយេន បច្ចយោ. (១)

អហេតុកោ ធម្មោ សហេតុកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ សហេតុកោ វិបាកោ តទារម្មណតា ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. វត្ថុបុរេជាតំ – វត្ថុ សហេតុកានំ ខន្ធានំ បុរេជាតបច្ចយេន បច្ចយោ. (២)

អហេតុកោ ធម្មោ សហេតុកស្ស ច អហេតុកស្ស ច ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អារព្ភ វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ. វត្ថុបុរេជាតំ – វត្ថុ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច បុរេជាតបច្ចយេន បច្ចយោ. (៣)

បច្ឆាជាតបច្ចយាទិ

១១០. សហេតុកោ ធម្មោ អហេតុកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា សហេតុកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អហេតុកោ ធម្មោ អហេតុកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អហេតុកា ខន្ធា ច មោហោ ច បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

សហេតុកោ ច អហេតុកោ ច ធម្មា អហេតុកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

សហេតុកោ ធម្មោ សហេតុកស្ស ធម្មស្ស អាសេវនបច្ចយេន បច្ចយោ (អនន្តរសទិសំ. អាវជ្ជនម្បិ ភវង្គម្បិ នត្ថិ, អាសេវនបច្ចយេ វជ្ជេតព្ពា នវបិ ).

កម្មបច្ចយោ

១១១. សហេតុកោ ធម្មោ សហេតុកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – សហេតុកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – សហេតុកា ចេតនា វិបាកានំ សហេតុកានំ ខន្ធានំ កម្មបច្ចយេន បច្ចយោ. (១)

សហេតុកោ ធម្មោ អហេតុកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – សហេតុកា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – សហេតុកា ចេតនា វិបាកានំ អហេតុកានំ ខន្ធានំ កដត្តា ច រូបានំ កម្មបច្ចយេន បច្ចយោ. (២)

សហេតុកោ ធម្មោ សហេតុកស្ស ច អហេតុកស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – សហេតុកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. នានាក្ខណិកា – សហេតុកា ចេតនា វិបាកានំ សហេតុកានំ ខន្ធានំ កដត្តា ច រូបានំ កម្មបច្ចយេន បច្ចយោ. (៣)

អហេតុកោ ធម្មោ អហេតុកស្ស ធម្មស្ស កម្មបច្ចយេន បច្ចយោ – អហេតុកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. (១)

វិបាកបច្ចយោ

១១២. សហេតុកោ ធម្មោ សហេតុកស្ស ធម្មស្ស វិបាកបច្ចយេន បច្ចយោ – វិបាកោ សហេតុកោ ឯកោ ខន្ធោ តិណ្ណន្នំ ខន្ធានំ…បេ… ទ្វេ ខន្ធា…បេ… បដិសន្ធិក្ខណេ…បេ…. (១)

សហេតុកោ ធម្មោ អហេតុកស្ស ធម្មស្ស វិបាកបច្ចយេន បច្ចយោ – វិបាកា សហេតុកា ខន្ធា ចិត្តសមុដ្ឋានានំ រូបានំ វិបាកបច្ចយេន បច្ចយោ; បដិសន្ធិក្ខណេ…បេ…. (២)

សហេតុកោ ធម្មោ សហេតុកស្ស ច អហេតុកស្ស ច ធម្មស្ស វិបាកបច្ចយេន បច្ចយោ – វិបាកោ សហេតុកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ…បេ… ទ្វេ ខន្ធា…បេ… បដិសន្ធិក្ខណេ…បេ…. (៣)

អហេតុកោ ធម្មោ អហេតុកស្ស ធម្មស្ស វិបាកបច្ចយេន បច្ចយោ – វិបាកោ អហេតុកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ…បេ… ទ្វេ ខន្ធា…បេ… បដិសន្ធិក្ខណេ…បេ… ខន្ធា វត្ថុស្ស វិបាកបច្ចយេន បច្ចយោ. (១)

អាហារបច្ចយោ

១១៣. សហេតុកោ ធម្មោ សហេតុកស្ស ធម្មស្ស អាហារបច្ចយេន បច្ចយោ… តីណិ.

អហេតុកោ ធម្មោ អហេតុកស្ស ធម្មស្ស អាហារបច្ចយេន បច្ចយោ – អហេតុកា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ…បេ… បដិសន្ធិក្ខណេ…បេ… កពឡីការោ អាហារោ ឥមស្ស កាយស្ស អាហារបច្ចយេន បច្ចយោ. (១)

ឥន្ទ្រិយបច្ចយាទិ

១១៤. សហេតុកោ ធម្មោ សហេតុកស្ស ធម្មស្ស ឥន្ទ្រិយបច្ចយេន បច្ចយោ… តីណិ.

អហេតុកោ ធម្មោ អហេតុកស្ស ធម្មស្ស ឥន្ទ្រិយបច្ចយេន បច្ចយោ – អហេតុកា ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ…បេ… បដិសន្ធិក្ខណេ…បេ… ចក្ខុន្ទ្រិយំ ចក្ខុវិញ្ញាណស្ស…បេ… កាយិន្ទ្រិយំ កាយវិញ្ញាណស្ស ឥន្ទ្រិយបច្ចយេន បច្ចយោ; រូបជីវិតិន្ទ្រិយំ កដត្តារូបានំ ឥន្ទ្រិយបច្ចយេន បច្ចយោ. (១)

សហេតុកោ ធម្មោ សហេតុកស្ស ធម្មស្ស ឈានបច្ចយេន បច្ចយោ… តីណិ.

អហេតុកោ ធម្មោ អហេតុកស្ស ធម្មស្ស ឈានបច្ចយេន បច្ចយោ – អហេតុកានិ ឈានង្គានិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ…បេ… បដិសន្ធិក្ខណេ…បេ…. (១)

សហេតុកោ ធម្មោ សហេតុកស្ស ធម្មស្ស មគ្គបច្ចយេន បច្ចយោ… តីណិ.

សហេតុកោ ធម្មោ សហេតុកស្ស ធម្មស្ស សម្បយុត្តបច្ចយេន បច្ចយោ (បដិច្ចវារេ សម្បយុត្តសទិសា ឆ បញ្ហា).

វិប្បយុត្តបច្ចយោ

១១៥. សហេតុកោ ធម្មោ អហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – សហេតុកា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ សហេតុកា ខន្ធា កដត្តារូបានំ វិប្បយុត្តបច្ចយេន បច្ចយោ. បច្ឆាជាតា – សហេតុកា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

អហេតុកោ ធម្មោ អហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតា – អហេតុកា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ អហេតុកា ខន្ធា កដត្តារូបានំ វិប្បយុត្តបច្ចយេន បច្ចយោ; ខន្ធា វត្ថុស្ស វិប្បយុត្តបច្ចយេន បច្ចយោ; វត្ថុ ខន្ធានំ វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស… វត្ថុ អហេតុកានំ ខន្ធានំ មោហស្ស ច វិប្បយុត្តបច្ចយេន បច្ចយោ. បច្ឆាជាតា – អហេតុកា ខន្ធា ច មោហោ ច បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

អហេតុកោ ធម្មោ សហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ. សហជាតំ – បដិសន្ធិក្ខណេ វត្ថុ សហេតុកានំ ខន្ធានំ វិប្បយុត្តបច្ចយេន បច្ចយោ. បុរេជាតំ – វត្ថុ សហេតុកានំ ខន្ធានំ វិប្បយុត្តបច្ចយេន បច្ចយោ. (២)

អហេតុកោ ធម្មោ សហេតុកស្ស ច អហេតុកស្ស ច ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច វិប្បយុត្តបច្ចយេន បច្ចយោ. (៣)

សហេតុកោ ច អហេតុកោ ច ធម្មា អហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បច្ឆាជាតា – វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

អត្ថិបច្ចយោ

១១៦. សហេតុកោ ធម្មោ សហេតុកស្ស ធម្មស្ស អត្ថិបច្ចយេន បច្ចយោ – សហេតុកោ ឯកោ ខន្ធោ តិណ្ណន្នំ ខន្ធានំ…បេ… ទ្វេ ខន្ធា…បេ… បដិសន្ធិក្ខណេ…បេ…. (១)

សហេតុកោ ធម្មោ អហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ. សហជាតា – សហេតុកា ខន្ធា ចិត្តសមុដ្ឋានានំ រូបានំ អត្ថិបច្ចយេន បច្ចយោ; វិចិកិច្ឆាសហគតា ឧទ្ធច្ចសហគតា ខន្ធា មោហស្ស ច ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ; បដិសន្ធិក្ខណេ…បេ…. បច្ឆាជាតា – សហេតុកា ខន្ធា បុរេជាតស្ស ឥមស្ស កាយស្ស អត្ថិបច្ចយេន បច្ចយោ. (២)

សហេតុកោ ធម្មោ សហេតុកស្ស ច អហេតុកស្ស ច ធម្មស្ស អត្ថិបច្ចយេន បច្ចយោ – សហេតុកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ; វិចិកិច្ឆាសហគតោ ឧទ្ធច្ចសហគតោ ឯកោ ខន្ធោ តិណ្ណន្នំ ខន្ធានំ មោហស្ស ច ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… ទ្វេ ខន្ធា…បេ… បដិសន្ធិក្ខណេ សហេតុកោ…បេ…. (៣)

១១៧. អហេតុកោ ធម្មោ អហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតោ – អហេតុកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… ទ្វេ ខន្ធា…បេ… វិចិកិច្ឆាសហគតោ ឧទ្ធច្ចសហគតោ មោហោ ចិត្តសមុដ្ឋានានំ រូបានំ អត្ថិបច្ចយេន បច្ចយោ; បដិសន្ធិក្ខណេ…បេ… (យាវ អសញ្ញសត្តា កាតព្ពំ). បុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ, កុសលាកុសលេ និរុទ្ធេ អហេតុកោ វិបាកោ តទារម្មណតា ឧប្បជ្ជតិ; រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស អត្ថិបច្ចយេន បច្ចយោ; វត្ថុ អហេតុកានំ ខន្ធានំ មោហស្ស ច អត្ថិបច្ចយេន បច្ចយោ. បច្ឆាជាតា – អហេតុកា ខន្ធា ច មោហោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ; កពឡីការោ អាហារោ ឥមស្ស កាយស្ស អត្ថិបច្ចយេន បច្ចយោ; រូបជីវិតិន្ទ្រិយំ កដត្តារូបានំ អត្ថិបច្ចយេន បច្ចយោ. (១)

អហេតុកោ ធម្មោ សហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – វិចិកិច្ឆាសហគតោ ឧទ្ធច្ចសហគតោ មោហោ សម្បយុត្តកានំ ខន្ធានំ អត្ថិបច្ចយេន បច្ចយោ; បដិសន្ធិក្ខណេ វត្ថុ សហេតុកានំ ខន្ធានំ អត្ថិបច្ចយេន បច្ចយោ. បុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ សហេតុកោ វិបាកោ តទារម្មណតា ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ, វត្ថុ សហេតុកានំ ខន្ធានំ អត្ថិបច្ចយេន បច្ចយោ. (២)

អហេតុកោ ធម្មោ សហេតុកស្ស ច អហេតុកស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – វិចិកិច្ឆាសហគតោ ឧទ្ធច្ចសហគតោ មោហោ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ. បុរេជាតំ – ចក្ខុំ…បេ… វត្ថុំ អារព្ភ វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ឧប្បជ្ជន្តិ, វត្ថុ វិចិកិច្ឆាសហគតានំ ឧទ្ធច្ចសហគតានំ ខន្ធានំ មោហស្ស ច អត្ថិបច្ចយេន បច្ចយោ. (៣)

១១៨. សហេតុកោ ច អហេតុកោ ច ធម្មា សហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – វិចិកិច្ឆាសហគតោ ឧទ្ធច្ចសហគតោ ឯកោ ខន្ធោ ច មោហោ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ… បដិសន្ធិក្ខណេ សហេតុកោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ…. សហជាតោ – សហេតុកោ ឯកោ ខន្ធោ ច វត្ថុ ច តិណ្ណន្នំ ខន្ធានំ អត្ថិបច្ចយេន បច្ចយោ…បេ… ទ្វេ ខន្ធា ច…បេ…. (១)

សហេតុកោ ច អហេតុកោ ច ធម្មា អហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតា – សហេតុកា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ; វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច ចិត្តសមុដ្ឋានានំ រូបានំ អត្ថិបច្ចយេន បច្ចយោ; បដិសន្ធិក្ខណេ សហេតុកា ខន្ធា ច មហាភូតា ច កដត្តារូបានំ អត្ថិបច្ចយេន បច្ចយោ. សហជាតា – វិចិកិច្ឆាសហគតា ឧទ្ធច្ចសហគតា ខន្ធា ច វត្ថុ ច មោហស្ស អត្ថិបច្ចយេន បច្ចយោ. បច្ឆាជាតា – វិចិកិច្ឆាសហគតា ឧទ្ធច្ចសហគតា ខន្ធា ច មោហោ ច បុរេជាតស្ស ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – សហេតុកា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – សហេតុកា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ. (២)

សហេតុកោ ច អហេតុកោ ច ធម្មា សហេតុកស្ស ច អហេតុកស្ស ច ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – វិចិកិច្ឆាសហគតោ ឧទ្ធច្ចសហគតោ ឯកោ ខន្ធោ ច មោហោ ច តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ…. សហជាតោ – វិចិកិច្ឆាសហគតោ ឧទ្ធច្ចសហគតោ ឯកោ ខន្ធោ ច វត្ថុ ច តិណ្ណន្នំ ខន្ធានំ មោហស្ស ច អត្ថិបច្ចយេន បច្ចយោ…បេ… ទ្វេ ខន្ធា ច…បេ…. (៣)