១. វិភង្គវារោ

ហេតុបច្ចយោ

៨៦. សហេតុកំ ធម្មំ សំសដ្ឋោ សហេតុកោ ធម្មោ ឧប្បជ្ជតិ ហេតុបច្ចយា – សហេតុកំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

អហេតុកំ ធម្មំ សំសដ្ឋោ សហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ ឧទ្ធច្ចសហគតំ មោហំ សំសដ្ឋា វិចិកិច្ឆាសហគតា ឧទ្ធច្ចសហគតា ខន្ធា. (១)

សហេតុកញ្ច អហេតុកញ្ច ធម្មំ សំសដ្ឋោ សហេតុកោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច មោហញ្ច សំសដ្ឋា តយោ ខន្ធា…បេ… ទ្វេ ខន្ធេ…បេ…. (១)

អារម្មណបច្ចយោ

៨៧. សហេតុកំ ធម្មំ សំសដ្ឋោ សហេតុកោ ធម្មោ ឧប្បជ្ជតិ អារម្មណបច្ចយា – សហេតុកំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

សហេតុកំ ធម្មំ សំសដ្ឋោ អហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ សំសដ្ឋោ វិចិកិច្ឆាសហគតោ ឧទ្ធច្ចសហគតោ មោហោ. (២)

សហេតុកំ ធម្មំ សំសដ្ឋោ សហេតុកោ ច អហេតុកោ ច ធម្មា ឧប្បជ្ជន្តិ អារម្មណបច្ចយា – វិចិកិច្ឆាសហគតំ ឧទ្ធច្ចសហគតំ ឯកំ ខន្ធំ សំសដ្ឋា តយោ ខន្ធា មោហោ ច…បេ… ទ្វេ ខន្ធេ…បេ…. (៣)

៨៨. អហេតុកំ ធម្មំ សំសដ្ឋោ អហេតុកោ ធម្មោ ឧប្បជ្ជតិ អារម្មណបច្ចយា – អហេតុកំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

អហេតុកំ ធម្មំ សំសដ្ឋោ សហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតំ ឧទ្ធច្ចសហគតំ មោហំ សំសដ្ឋា វិចិកិច្ឆាសហគតា ឧទ្ធច្ចសហគតា ខន្ធា. (២)

សហេតុកញ្ច អហេតុកញ្ច ធម្មំ សំសដ្ឋោ សហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច មោហញ្ច សំសដ្ឋា តយោ ខន្ធា…បេ… ទ្វេ ខន្ធេ…បេ…. (១)

អធិបតិបច្ចយោ

៨៩. សហេតុកំ ធម្មំ សំសដ្ឋោ សហេតុកោ ធម្មោ ឧប្បជ្ជតិ អធិបតិបច្ចយា – សហេតុកំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ…. (១)

អនន្តរបច្ចយាទិ

៩០. សហេតុកំ ធម្មំ សំសដ្ឋោ សហេតុកោ ធម្មោ ឧប្បជ្ជតិ អនន្តរបច្ចយា… សមនន្តរបច្ចយា… សហជាតបច្ចយា…បេ… វិបាកបច្ចយា – វិបាកំ សហេតុកំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ….

អហេតុកំ ធម្មំ សំសដ្ឋោ អហេតុកោ ធម្មោ ឧប្បជ្ជតិ វិបាកបច្ចយា – វិបាកំ អហេតុកំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ… ឈានបច្ចយា…បេ… អវិគតបច្ចយា.