១. វិភង្គវារោ

ហេតុបច្ចយោ

៧២. សហេតុកំ ធម្មំ បច្ចយា សហេតុកោ ធម្មោ ឧប្បជ្ជតិ ហេតុបច្ចយា (សហេតុកមូលកំ បដិច្ចវារសទិសំ).

អហេតុកំ ធម្មំ បច្ចយា អហេតុកោ ធម្មោ…បេ… (បដិច្ចវារសទិសំយេវ). (១)

អហេតុកំ ធម្មំ បច្ចយា សហេតុកោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា សហេតុកា ខន្ធា, វិចិកិច្ឆាសហគតំ ឧទ្ធច្ចសហគតំ មោហំ បច្ចយា សម្បយុត្តកា ខន្ធា; បដិសន្ធិក្ខណេ វត្ថុំ បច្ចយា សហេតុកា ខន្ធា. (២)

អហេតុកំ ធម្មំ បច្ចយា សហេតុកោ ច អហេតុកោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា សហេតុកា ខន្ធា, មហាភូតេ បច្ចយា ចិត្តសមុដ្ឋានំ រូបំ, វិចិកិច្ឆាសហគតំ ឧទ្ធច្ចសហគតំ មោហំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ; បដិសន្ធិក្ខណេ វត្ថុំ…បេ…. (៣)

៧៣. សហេតុកញ្ច អហេតុកញ្ច ធម្មំ បច្ចយា សហេតុកោ ធម្មោ ឧប្បជ្ជតិ ហេតុបច្ចយា – សហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ… វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច មោហញ្ច បច្ចយា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

សហេតុកញ្ច អហេតុកញ្ច ធម្មំ បច្ចយា អហេតុកោ ធម្មោ ឧប្បជ្ជតិ ហេតុបច្ចយា – សហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ…. (២)

សហេតុកញ្ច អហេតុកញ្ច ធម្មំ បច្ចយា សហេតុកោ ច អហេតុកោ ច ធម្មា ឧប្បជ្ជន្តិ ហេតុបច្ចយា – សហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ… សហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច មោហញ្ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ សហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ… សហេតុកេ ខន្ធេ ច មហាភូតេ ច បច្ចយា កដត្តារូបំ. (៣)

អារម្មណបច្ចយោ

៧៤. សហេតុកំ ធម្មំ បច្ចយា សហេតុកោ ធម្មោ ឧប្បជ្ជតិ អារម្មណបច្ចយា – សហេតុកំ ឯកំ ខន្ធំ បច្ចយា តយោ ខន្ធា…បេ… បដិសន្ធិក្ខណេ…បេ…. (១)

សហេតុកំ ធម្មំ បច្ចយា អហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បច្ចយា វិចិកិច្ឆាសហគតោ ឧទ្ធច្ចសហគតោ មោហោ. (២)

សហេតុកំ ធម្មំ បច្ចយា សហេតុកោ ច អហេតុកោ ច ធម្មា ឧប្បជ្ជន្តិ អារម្មណបច្ចយា – វិចិកិច្ឆាសហគតំ ឧទ្ធច្ចសហគតំ ឯកំ ខន្ធំ បច្ចយា តយោ ខន្ធា មោហោ ច…បេ… ទ្វេ ខន្ធេ…បេ…. (៣)

៧៥. អហេតុកំ ធម្មំ បច្ចយា អហេតុកោ ធម្មោ ឧប្បជ្ជតិ អារម្មណបច្ចយា – អហេតុកំ ឯកំ ខន្ធំ…បេ… ទ្វេ ខន្ធេ…បេ… បដិសន្ធិក្ខណេ វត្ថុំ បច្ចយា ខន្ធា, ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា ខន្ធា. (១)

អហេតុកំ ធម្មំ បច្ចយា សហេតុកោ ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា សហេតុកា ខន្ធា, វិចិកិច្ឆាសហគតំ ឧទ្ធច្ចសហគតំ មោហំ បច្ចយា សម្បយុត្តកា ខន្ធា; បដិសន្ធិក្ខណេ…បេ…. (២)

អហេតុកំ ធម្មំ បច្ចយា សហេតុកោ ច អហេតុកោ ច ធម្មា ឧប្បជ្ជន្តិ អារម្មណបច្ចយា – វត្ថុំ បច្ចយា វិចិកិច្ឆាសហគតា ឧទ្ធច្ចសហគតា ខន្ធា មោហោ ច. (៣)

៧៦. សហេតុកញ្ច អហេតុកញ្ច ធម្មំ បច្ចយា សហេតុកោ ធម្មោ ឧប្បជ្ជតិ អារម្មណបច្ចយា – សហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច មោហញ្ច បច្ចយា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

សហេតុកញ្ច អហេតុកញ្ច ធម្មំ បច្ចយា អហេតុកោ ធម្មោ ឧប្បជ្ជតិ អារម្មណបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ. (២)

សហេតុកញ្ច អហេតុកញ្ច ធម្មំ បច្ចយា សហេតុកោ ច អហេតុកោ ច ធម្មា ឧប្បជ្ជន្តិ អារម្មណបច្ចយា – វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច វត្ថុញ្ច បច្ចយា តយោ ខន្ធា មោហោ ច…បេ… ទ្វេ ខន្ធេ…បេ…. (៣)

អធិបតិបច្ចយោ

៧៧. សហេតុកំ ធម្មំ បច្ចយា សហេតុកោ ធម្មោ ឧប្បជ្ជតិ អធិបតិបច្ចយា (អធិបតិយា នវ បញ្ហា បវត្តេយេវ).

អនន្តរបច្ចយាទិ

៧៨. សហេតុកំ ធម្មំ បច្ចយា សហេតុកោ ធម្មោ ឧប្បជ្ជតិ អនន្តរបច្ចយា… សមនន្តរបច្ចយា… សហជាតបច្ចយា… តីណិ (បដិច្ចវារសទិសា).

អហេតុកំ ធម្មំ បច្ចយា អហេតុកោ ធម្មោ ឧប្បជ្ជតិ សហជាតបច្ចយា – អហេតុកំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ…បេ… (យាវ អសញ្ញសត្តា), ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា អហេតុកា ខន្ធា. (១)

អហេតុកំ ធម្មំ បច្ចយា សហេតុកោ ធម្មោ ឧប្បជ្ជតិ សហជាតបច្ចយា – វត្ថុំ បច្ចយា សហេតុកា ខន្ធា, វិចិកិច្ឆាសហគតំ ឧទ្ធច្ចសហគតំ មោហំ បច្ចយា សម្បយុត្តកា ខន្ធា; បដិសន្ធិក្ខណេ…បេ…. (២)

អហេតុកំ ធម្មំ បច្ចយា សហេតុកោ ច អហេតុកោ ច ធម្មា ឧប្បជ្ជន្តិ សហជាតបច្ចយា – វត្ថុំ បច្ចយា សហេតុកា ខន្ធា, មហាភូតេ បច្ចយា ចិត្តសមុដ្ឋានំ រូបំ, វិចិកិច្ឆាសហគតំ ឧទ្ធច្ចសហគតំ មោហំ បច្ចយា សម្បយុត្តកា ខន្ធា ចិត្តសមុដ្ឋានញ្ច រូបំ; បដិសន្ធិក្ខណេ វត្ថុំ…បេ…. (៣)

៧៩. សហេតុកញ្ច អហេតុកញ្ច ធម្មំ បច្ចយា សហេតុកោ ធម្មោ ឧប្បជ្ជតិ សហជាតបច្ចយា – សហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ… វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច មោហញ្ច បច្ចយា តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ…បេ…. (១)

សហេតុកញ្ច អហេតុកញ្ច ធម្មំ បច្ចយា អហេតុកោ ធម្មោ ឧប្បជ្ជតិ សហជាតបច្ចយា – សហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, វិចិកិច្ឆាសហគតេ ឧទ្ធច្ចសហគតេ ខន្ធេ ច មោហញ្ច បច្ចយា ចិត្តសមុដ្ឋានំ រូបំ; បដិសន្ធិក្ខណេ…បេ… វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ. (២)

សហេតុកញ្ច អហេតុកញ្ច ធម្មំ បច្ចយា សហេតុកោ ច អហេតុកោ ច ធម្មា ឧប្បជ្ជន្តិ សហជាតបច្ចយា – សហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ… សហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ… សហេតុកេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច មោហញ្ច បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… វិចិកិច្ឆាសហគតំ ឧទ្ធច្ចសហគតំ ឯកំ ខន្ធញ្ច វត្ថុញ្ច បច្ចយា តយោ ខន្ធា មោហោ ច…បេ… បដិសន្ធិក្ខណេ សហេតុកំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ…បេ… សហេតុកេ ខន្ធេ ច មហាភូតេ ច បច្ចយា កដត្តារូបំ. (៣)

អញ្ញមញ្ញបច្ចយាទិ

៨០. សហេតុកំ ធម្មំ បច្ចយា សហេតុកោ ធម្មោ ឧប្បជ្ជតិ អញ្ញមញ្ញបច្ចយា…បេ… អវិគតបច្ចយា.