១. វិភង្គវារោ

អារម្មណបច្ចយោ

១៧៦. នហេតុ សហេតុកោ ធម្មោ នហេតុសហេតុកស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ…បេ… ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ បច្ចវេក្ខតិ; ឈានំ…បេ… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ; បហីនេ កិលេសេ…បេ… វិក្ខម្ភិតេ កិលេសេ…បេ… បុព្ពេ…បេ… នហេតូ សហេតុកេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ នហេតុ សហេតុកោ វិបាកោ តទារម្មណតា ឧប្បជ្ជតិ; ចេតោបរិយញាណេន នហេតុសហេតុកចិត្តសមង្គិស្ស ចិត្តំ ជានាតិ, អាកាសានញ្ចាយតនំ…បេ… អាកិញ្ចញ្ញាយតនំ…បេ… នហេតូ សហេតុកា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អារម្មណបច្ចយេន បច្ចយោ; នហេតូ សហេតុកេ ខន្ធេ អារព្ភ នហេតូ សហេតុកា ខន្ធា ឧប្បជ្ជន្តិ. (១)

នហេតុ សហេតុកោ ធម្មោ នហេតុអហេតុកស្ស ធម្មស្ស អារម្មណបច្ចយេន បច្ចយោ – នហេតូ សហេតុកេ ខន្ធេ អនិច្ចតោ…បេ… ទោមនស្សំ ឧប្បជ្ជតិ, កុសលាកុសលេ និរុទ្ធេ នហេតុ អហេតុកោ វិបាកោ តទារម្មណតា ឧប្បជ្ជតិ, នហេតូ សហេតុកេ ខន្ធេ អារព្ភ នហេតូ អហេតុកា ខន្ធា ឧប្បជ្ជន្តិ. (២)

១៧៧. នហេតុ អហេតុកោ ធម្មោ នហេតុអហេតុកស្ស ធម្មស្ស អារម្មណបច្ចយេន បច្ចយោ – និព្ពានំ អាវជ្ជនាយ អារម្មណបច្ចយេន បច្ចយោ; ចក្ខុំ…បេ… វត្ថុំ… នហេតូ អហេតុកេ ខន្ធេ អនិច្ចតោ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ នហេតុ អហេតុកោ វិបាកោ តទារម្មណតា ឧប្បជ្ជតិ. រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… នហេតូ អហេតុកេ ខន្ធេ អារព្ភ នហេតូ អហេតុកា ខន្ធា ឧប្បជ្ជន្តិ. (១)

នហេតុ អហេតុកោ ធម្មោ នហេតុសហេតុកស្ស ធម្មស្ស អារម្មណបច្ចយេន បច្ចយោ – អរិយា និព្ពានំ បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស អារម្មណបច្ចយេន បច្ចយោ; ចក្ខុំ…បេ… វត្ថុំ… នហេតូ អហេតុកេ ខន្ធេ អនិច្ចតោ …បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ នហេតុ សហេតុកោ វិបាកោ តទារម្មណតា ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. ចេតោបរិយញាណេន នហេតុអហេតុកចិត្តសមង្គិស្ស ចិត្តំ ជានាតិ. នហេតូ អហេតុកា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អារម្មណបច្ចយេន បច្ចយោ; នហេតូ អហេតុកេ ខន្ធេ អារព្ភ នហេតូ សហេតុកា ខន្ធា ឧប្បជ្ជន្តិ. (២)

អធិបតិបច្ចយោ

១៧៨. នហេតុ សហេតុកោ ធម្មោ នហេតុសហេតុកស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ គរុំ កត្វា បច្ចវេក្ខតិ, បុព្ពេ សុចិណ្ណានិ គរុំ កត្វា បច្ចវេក្ខតិ, ឈានំ…បេ… អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ គរុំ កត្វា បច្ចវេក្ខន្តិ. នហេតូ សហេតុកេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – នហេតុសហេតុកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

នហេតុ សហេតុកោ ធម្មោ នហេតុអហេតុកស្ស ធម្មស្ស អធិបតិបច្ចយេន បច្ចយោ. សហជាតាធិបតិ – នហេតុ សហេតុកាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (២)

នហេតុ សហេតុកោ ធម្មោ នហេតុសហេតុកស្ស ច នហេតុអហេតុកស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – នហេតុ សហេតុកាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

នហេតុ អហេតុកោ ធម្មោ នហេតុសហេតុកស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – អរិយា និព្ពានំ គរុំ កត្វា បច្ចវេក្ខន្តិ; និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ; ចក្ខុំ…បេ… វត្ថុំ… នហេតូ អហេតុកេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. (១)

អនន្តរបច្ចយោ

១៧៩. នហេតុ សហេតុកោ ធម្មោ នហេតុសហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា នហេតូ សហេតុកា ខន្ធា បច្ឆិមានំ បច្ឆិមានំ នហេតុសហេតុកានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស…បេ… នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. (១)

នហេតុ សហេតុកោ ធម្មោ នហេតុអហេតុកស្ស ធម្មស្ស អនន្តរបច្ចយេន បច្ចយោ – នហេតុ សហេតុកំ ចុតិចិត្តំ នហេតុអហេតុកស្ស ឧបបត្តិចិត្តស្ស អនន្តរបច្ចយេន បច្ចយោ; នហេតុ សហេតុកំ ភវង្គំ អាវជ្ជនាយ, នហេតុ សហេតុកំ ភវង្គំ នហេតុអហេតុកស្ស ភវង្គស្ស, នហេតូ សហេតុកា ខន្ធា នហេតុអហេតុកស្ស វុដ្ឋានស្ស អនន្តរបច្ចយេន បច្ចយោ. (២)

នហេតុ អហេតុកោ ធម្មោ នហេតុអហេតុកស្ស ធម្មស្ស អនន្តរបច្ចយេន បច្ចយោ – បុរិមា បុរិមា នហេតូ អហេតុកា ខន្ធា បច្ឆិមានំ បច្ឆិមានំ នហេតុអហេតុកានំ ខន្ធានំ អនន្តរបច្ចយេន បច្ចយោ; អាវជ្ជនា បញ្ចន្នំ វិញ្ញាណានំ អនន្តរបច្ចយេន បច្ចយោ. (១)

នហេតុ អហេតុកោ ធម្មោ នហេតុសហេតុកស្ស ធម្មស្ស អនន្តរបច្ចយេន បច្ចយោ – នហេតុ អហេតុកំ ចុតិចិត្តំ នហេតុសហេតុកស្ស ឧបបត្តិចិត្តស្ស អនន្តរបច្ចយេន បច្ចយោ; អាវជ្ជនា នហេតុសហេតុកានំ ខន្ធានំ អនន្តរបច្ចយេន បច្ចយោ; នហេតូ អហេតុកា ខន្ធា នហេតុសហេតុកស្ស វុដ្ឋានស្ស អនន្តរបច្ចយេន បច្ចយោ. (២)

សមនន្តរបច្ចយាទិ

១៨០. នហេតុ សហេតុកោ ធម្មោ នហេតុសហេតុកស្ស ធម្មស្ស សមនន្តរបច្ចយេន បច្ចយោ… សហជាតបច្ចយេន បច្ចយោ (ឥហ ឃដនា នត្ថិ, សត្ត បញ្ហា)… អញ្ញមញ្ញបច្ចយេន បច្ចយោ (ឆ បញ្ហា)… និស្សយបច្ចយេន បច្ចយោ (បវត្តិបដិសន្ធិ សត្ត បញ្ហា, ឥហ ឃដនា នត្ថិ).

ឧបនិស្សយបច្ចយោ

១៨១. នហេតុ សហេតុកោ ធម្មោ នហេតុសហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ…បេ… មានំ ជប្បេតិ, ទិដ្ឋិំ គណ្ហាតិ; សីលំ…បេ… បត្ថនំ ឧបនិស្សាយ ទានំ ទេតិ…បេ… សង្ឃំ ភិន្ទតិ; សទ្ធា…បេ… បត្ថនា សទ្ធាយ…បេ… បត្ថនាយ មគ្គស្ស ផលសមាបត្តិយា ឧបនិស្សយបច្ចយេន បច្ចយោ. (១)

នហេតុ សហេតុកោ ធម្មោ នហេតុអហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធា កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ; សីលំ…បេ… បត្ថនា កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ; សទ្ធា…បេ… បត្ថនា កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ. (២)

១៨២. នហេតុ អហេតុកោ ធម្មោ នហេតុអហេតុកស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – កាយិកំ សុខំ កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ; កាយិកំ ទុក្ខំ… ឧតុ… ភោជនំ… សេនាសនំ កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ; កាយិកំ សុខំ… កាយិកំ ទុក្ខំ… ឧតុ… ភោជនំ… សេនាសនំ កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ. (១)

នហេតុ អហេតុកោ ធម្មោ នហេតុសហេតុកស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – កាយិកំ សុខំ ឧបនិស្សាយ ទានំ ទេតិ…បេ… សង្ឃំ ភិន្ទតិ; កាយិកំ ទុក្ខំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ… សង្ឃំ ភិន្ទតិ; កាយិកំ សុខំ …បេ… សេនាសនំ សទ្ធាយ…បេ… បត្ថនាយ មគ្គស្ស ផលសមាបត្តិយា ឧបនិស្សយបច្ចយេន បច្ចយោ. (២)

បុរេជាតបច្ចយោ

១៨៣. នហេតុ អហេតុកោ ធម្មោ នហេតុអហេតុកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ នហេតុ អហេតុកោ វិបាកោ តទារម្មណតា ឧប្បជ្ជតិ; រូបាយតនំ ចក្ខុវិញ្ញាណស្ស បុរេជាតបច្ចយេន បច្ចយោ…បេ… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស… វត្ថុ នហេតុអហេតុកានំ ខន្ធានំ បុរេជាតបច្ចយេន បច្ចយោ. (១)

នហេតុ អហេតុកោ ធម្មោ នហេតុសហេតុកស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ, កុសលាកុសលេ និរុទ្ធេ នហេតុ សហេតុកោ វិបាកោ តទារម្មណតា ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. វត្ថុបុរេជាតំ – វត្ថុ នហេតុសហេតុកានំ ខន្ធានំ បុរេជាតបច្ចយេន បច្ចយោ. (២)

បច្ឆាជាតបច្ចយោ

១៨៤. នហេតុ សហេតុកោ ធម្មោ នហេតុអហេតុកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា នហេតូ សហេតុកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

នហេតុ អហេតុកោ ធម្មោ នហេតុអហេតុកស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា នហេតូ អហេតុកា ខន្ធា បុរេជាតស្ស ឥមស្ស កាយស្ស បច្ឆាជាតបច្ចយេន បច្ចយោ. (១)

អាសេវនបច្ចយោ

១៨៥. នហេតុ សហេតុកោ ធម្មោ នហេតុសហេតុកស្ស ធម្មស្ស អាសេវនបច្ចយេន បច្ចយោ – បុរិមា បុរិមា នហេតូ សហេតុកា ខន្ធា បច្ឆិមានំ បច្ឆិមានំ នហេតុសហេតុកានំ ខន្ធានំ អាសេវនបច្ចយេន បច្ចយោ… អនុលោមំ គោត្រភុស្ស… អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ. (១)

នហេតុ អហេតុកោ ធម្មោ នហេតុអហេតុកស្ស ធម្មស្ស អាសេវនបច្ចយេន បច្ចយោ – បុរិមា បុរិមា នហេតូ អហេតុកា ខន្ធា បច្ឆិមានំ បច្ឆិមានំ នហេតុអហេតុកានំ ខន្ធានំ អាសេវនបច្ចយេន បច្ចយោ. (១)

កម្មបច្ចយោ

១៨៦. នហេតុ សហេតុកោ ធម្មោ នហេតុសហេតុកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – នហេតុ សហេតុកា ចេតនា សម្បយុត្តកានំ ខន្ធានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – នហេតុ សហេតុកា ចេតនា វិបាកានំ នហេតុសហេតុកានំ ខន្ធានំ កម្មបច្ចយេន បច្ចយោ. (១)

នហេតុ សហេតុកោ ធម្មោ នហេតុអហេតុកស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – នហេតុ សហេតុកា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – នហេតុ សហេតុកា ចេតនា វិបាកានំ នហេតុអហេតុកានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

នហេតុ សហេតុកោ ធម្មោ នហេតុសហេតុកស្ស ច នហេតុអហេតុកស្ស ច ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – នហេតុ សហេតុកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ…បេ…. នានាក្ខណិកា – នហេតុ សហេតុកា ចេតនា វិបាកានំ នហេតុសហេតុកានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

នហេតុ អហេតុកោ ធម្មោ នហេតុអហេតុកស្ស ធម្មស្ស កម្មបច្ចយេន បច្ចយោ. សហជាតា – នហេតុ អហេតុកា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ; បដិសន្ធិក្ខណេ នហេតុ អហេតុកា ចេតនា សម្បយុត្តកានំ ខន្ធានំ កដត្តា ច រូបានំ កម្មបច្ចយេន បច្ចយោ. (១)

វិបាកបច្ចយោ

១៨៧. នហេតុ សហេតុកោ ធម្មោ នហេតុសហេតុកស្ស ធម្មស្ស វិបាកបច្ចយេន បច្ចយោ… តីណិ.

នហេតុ អហេតុកោ ធម្មោ នហេតុអហេតុកស្ស ធម្មស្ស វិបាកបច្ចយេន បច្ចយោ… ឯកំ.

អាហារបច្ចយោ

១៨៨. នហេតុ សហេតុកោ ធម្មោ នហេតុសហេតុកស្ស ធម្មស្ស អាហារបច្ចយេន បច្ចយោ… តីណិ.

នហេតុ អហេតុកោ ធម្មោ នហេតុអហេតុកស្ស ធម្មស្ស អាហារបច្ចយេន បច្ចយោ – នហេតុ អហេតុកា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ; បដិសន្ធិក្ខណេ…បេ… កពឡីការោ អាហារោ ឥមស្ស កាយស្ស អាហារបច្ចយេន បច្ចយោ. (១)

ឥន្ទ្រិយបច្ចយោ

១៨៩. នហេតុ សហេតុកោ ធម្មោ នហេតុសហេតុកស្ស ធម្មស្ស ឥន្ទ្រិយបច្ចយេន បច្ចយោ… តីណិ.

នហេតុ អហេតុកោ ធម្មោ នហេតុអហេតុកស្ស ធម្មស្ស ឥន្ទ្រិយបច្ចយេន បច្ចយោ – នហេតុ អហេតុកា ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ; បដិសន្ធិក្ខណេ…បេ… រូបជីវិតិន្ទ្រិយំ កដត្តារូបានំ ឥន្ទ្រិយបច្ចយេន បច្ចយោ.

ឈានបច្ចយាទិ

១៩០. នហេតុ សហេតុកោ ធម្មោ នហេតុសហេតុកស្ស ធម្មស្ស ឈានបច្ចយេន បច្ចយោ…បេ… (ចត្តារិបិ កាតព្ពានិ), មគ្គបច្ចយេន បច្ចយោ… តីណិ.

សម្បយុត្តបច្ចយោ

១៩១. នហេតុ សហេតុកោ ធម្មោ នហេតុសហេតុកស្ស ធម្មស្ស សម្បយុត្តបច្ចយេន បច្ចយោ – នហេតុ សហេតុកោ ឯកោ ខន្ធោ តិណ្ណន្នំ ខន្ធានំ…បេ… បដិសន្ធិក្ខណេ…បេ…. (១)

នហេតុ អហេតុកោ ធម្មោ នហេតុអហេតុកស្ស ធម្មស្ស សម្បយុត្តបច្ចយេន បច្ចយោ – នហេតុ អហេតុកោ ឯកោ ខន្ធោ តិណ្ណន្នំ ខន្ធានំ…បេ… បដិសន្ធិក្ខណេ…បេ…. (២)

វិប្បយុត្តបច្ចយោ

១៩២. នហេតុ សហេតុកោ ធម្មោ នហេតុអហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – នហេតូ សហេតុកា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ…បេ…. បច្ឆាជាតា – នហេតូ សហេតុកា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

នហេតុ អហេតុកោ ធម្មោ នហេតុអហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតា – នហេតូ អហេតុកា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ; បដិសន្ធិក្ខណេ…បេ… ខន្ធា វត្ថុស្ស វិប្បយុត្តបច្ចយេន បច្ចយោ; វត្ថុ ខន្ធានំ វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ នហេតុសហេតុកានំ ខន្ធានំ វិប្បយុត្តបច្ចយេន បច្ចយោ. បច្ឆាជាតា – នហេតូ អហេតុកា ខន្ធា បុរេជាតស្ស ឥមស្ស កាយស្ស វិប្បយុត្តបច្ចយេន បច្ចយោ. (១)

នហេតុ អហេតុកោ ធម្មោ នហេតុសហេតុកស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ. សហជាតំ – បដិសន្ធិក្ខណេ វត្ថុ នហេតុសហេតុកានំ ខន្ធានំ វិប្បយុត្តបច្ចយេន បច្ចយោ. បុរេជាតំ – វត្ថុ នហេតុសហេតុកានំ ខន្ធានំ វិប្បយុត្តបច្ចយេន បច្ចយោ. (២)

អត្ថិបច្ចយោ

១៩៣. នហេតុ សហេតុកោ ធម្មោ នហេតុសហេតុកស្ស ធម្មស្ស អត្ថិបច្ចយេន បច្ចយោ – នហេតុ សហេតុកោ ឯកោ ខន្ធោ តិណ្ណន្នំ ខន្ធានំ…បេ… បដិសន្ធិក្ខណេ…បេ…. (១)

នហេតុ សហេតុកោ ធម្មោ នហេតុអហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ…បេ…. (២)

នហេតុ សហេតុកោ ធម្មោ នហេតុសហេតុកស្ស ច នហេតុអហេតុកស្ស ច ធម្មស្ស អត្ថិបច្ចយេន បច្ចយោ – នហេតុ សហេតុកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… បដិសន្ធិក្ខណេ…បេ…. (៣)

នហេតុ អហេតុកោ ធម្មោ នហេតុអហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ, បច្ឆាជាតំ, អាហារំ, ឥន្ទ្រិយំ. សហជាតោ – នហេតុ អហេតុកោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ អត្ថិបច្ចយេន បច្ចយោ…បេ… (យាវ អសញ្ញសត្តា). បុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ នហេតុ អហេតុកោ វិបាកោ តទារម្មណតា ឧប្បជ្ជតិ; រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… ចក្ខាយតនំ…បេ… កាយាយតនំ…បេ… វត្ថុ នហេតុអហេតុកានំ ខន្ធានំ អត្ថិបច្ចយេន បច្ចយោ. បច្ឆាជាតា – នហេតូ អហេតុកា ខន្ធា បុរេជាតស្ស…បេ… កពឡីការោ អាហារោ ឥមស្ស កាយស្ស…បេ… រូបជីវិតិន្ទ្រិយំ កដត្តារូបានំ អត្ថិបច្ចយេន បច្ចយោ. (១)

នហេតុ អហេតុកោ ធម្មោ នហេតុសហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតំ – បដិសន្ធិក្ខណេ វត្ថុ នហេតុសហេតុកានំ ខន្ធានំ អត្ថិបច្ចយេន បច្ចយោ. បុរេជាតំ – ចក្ខុំ…បេ… វត្ថុំ អនិច្ចតោ…បេ… ទោមនស្សំ ឧប្បជ្ជតិ, កុសលាកុសលេ និរុទ្ធេ នហេតុ សហេតុកោ វិបាកោ តទារម្មណតា ឧប្បជ្ជតិ; ទិព្ពេន ចក្ខុនា រូបំ បស្សតិ, ទិព្ពាយ សោតធាតុយា សទ្ទំ សុណាតិ. វត្ថុបុរេជាតំ – វត្ថុ នហេតុសហេតុកានំ ខន្ធានំ អត្ថិបច្ចយេន បច្ចយោ. (២)

១៩៤. នហេតុ សហេតុកោ ច នហេតុ អហេតុកោ ច ធម្មា នហេតុសហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បុរេជាតំ. សហជាតោ – នហេតុ សហេតុកោ ឯកោ ខន្ធោ ច វត្ថុ ច តិណ្ណន្នំ ខន្ធានំ…បេ… បដិសន្ធិក្ខណេ…បេ… នហេតុ សហេតុកោ ឯកោ ខន្ធោ ច វត្ថុ ច តិណ្ណន្នំ ខន្ធានំ…បេ…. (១)

នហេតុ សហេតុកោ ច នហេតុ អហេតុកោ ច ធម្មា នហេតុអហេតុកស្ស ធម្មស្ស អត្ថិបច្ចយេន បច្ចយោ – សហជាតំ, បច្ឆាជាតំ, អាហារំ, ឥន្ទ្រិយំ. សហជាតា – នហេតូ សហេតុកា ខន្ធា ច មហាភូតា ច ចិត្តសមុដ្ឋានានំ រូបានំ អត្ថិបច្ចយេន បច្ចយោ; បដិសន្ធិក្ខណេ…បេ…. បច្ឆាជាតា – នហេតូ សហេតុកា ខន្ធា ច កពឡីការោ អាហារោ ច ឥមស្ស កាយស្ស អត្ថិបច្ចយេន បច្ចយោ. បច្ឆាជាតា – នហេតូ សហេតុកា ខន្ធា ច រូបជីវិតិន្ទ្រិយញ្ច កដត្តារូបានំ អត្ថិបច្ចយេន បច្ចយោ…បេ…. (២)