៣. បច្ចយានុលោមបច្ចនីយំ

ហេតុទុកំ

៦៤. ហេតុបច្ចយា នអារម្មណេ សត្ត, នអធិបតិយា សត្ត, នអនន្តរេ សត្ត, នសមនន្តរេ សត្ត, នអញ្ញមញ្ញេ សត្ត, នឧបនិស្សយេ សត្ត, នបុរេជាតេ សត្ត, នបច្ឆាជាតេ សត្ត…បេ… នសម្បយុត្តេ សត្ត, នវិប្បយុត្តេ ឯកំ, នោនត្ថិយា សត្ត, នោវិគតេ សត្ត.

ហេតុសាមញ្ញឃដនា

៦៥. ហេតុ-សហជាត-និស្សយ-អត្ថិ-អវិគតន្តិ នអារម្មណេ សត្ត…បេ… នអនន្តរេ សត្ត, នសមនន្តរេ សត្ត, នអញ្ញមញ្ញេ សត្ត (ឥធាបិ សំខិត្តំ), នសម្បយុត្តេ សត្ត, នវិប្បយុត្តេ ឯកំ, នោនត្ថិយា សត្ត, នោវិគតេ សត្ត.

ហេតុ -សហជាត-អញ្ញមញ្ញ-និស្សយ-អត្ថិ-អវិគតន្តិ នអារម្មណេ ឯកំ (សព្ពត្ថ ឯកំ), នោវិគតេ ឯកំ (ឯវំ គណេតព្ពំ).

អនុលោមបច្ចនីយំ.