២២. សនិទស្សនសប្បដិឃត្តិកំ

១. បដិច្ចវារោ

១. បច្ចយានុលោមំ

១. វិភង្គវារោ

ហេតុបច្ចយោ

១. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ. អនិទស្សនសប្បដិឃេ មហាភូតេ បដិច្ច អនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនំ បដិច្ច ចក្ខាយតនំ…បេ… រសាយតនំ…បេ…. (១)

អនិទស្សនសប្បដិឃំ ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនសប្បដិឃេ មហាភូតេ បដិច្ច សនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនំ បដិច្ច រូបាយតនំ. (២)

អនិទស្សនសប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនសប្បដិឃេ មហាភូតេ បដិច្ច អនិទស្សនអប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនំ បដិច្ច អាបោធាតុ, ឥត្ថិន្ទ្រិយំ…បេ… កពឡីការោ អាហារោ. (៣)

អនិទស្សនសប្បដិឃំ ធម្មំ បដិច្ច សនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនសប្បដិឃេ មហាភូតេ បដិច្ច សនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនំ បដិច្ច រូបាយតនំ, អាបោធាតុ, ឥន្ទ្រិយំ…បេ… កពឡីការោ អាហារោ. (៤)

អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា អាបោធាតុ ច, ទ្វេ មហាភូតេ បដិច្ច ឯកំ មហាភូតំ អាបោធាតុ ច. អនិទស្សនសប្បដិឃេ មហាភូតេ បដិច្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនំ បដិច្ច ចក្ខាយតនំ…បេ… រសាយតនំ, អាបោធាតុ, ឥត្ថិន្ទ្រិយំ…បេ… កពឡីការោ អាហារោ. (៥)

អនិទស្សនសប្បដិឃំ ធម្មំ បដិច្ច សនិទស្សនសប្បដិឃោ ច អនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនសប្បដិឃេ មហាភូតេ បដិច្ច សនិទស្សនសប្បដិឃញ្ច អនិទស្សនសប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនំ បដិច្ច រូបាយតនំ, ចក្ខាយតនំ…បេ… រសាយតនំ. (៦)

អនិទស្សនសប្បដិឃំ ធម្មំ បដិច្ច សនិទស្សនសប្បដិឃោ ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនសប្បដិឃេ មហាភូតេ បដិច្ច សនិទស្សនសប្បដិឃញ្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនំ បដិច្ច រូបាយតនំ, ចក្ខាយតនំ…បេ… រសាយតនំ, អាបោធាតុ, ឥត្ថិន្ទ្រិយំ…បេ… កពឡីការោ អាហារោ. (៧)

២. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនអប្បដិឃញ្ច ចិត្តសមុដ្ឋានំ រូបំ…បេ… ទ្វេ ខន្ធេ បដិច្ច ទ្វេ ខន្ធា អនិទស្សនអប្បដិឃញ្ច ចិត្តសមុដ្ឋានំ រូបំ. បដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនអប្បដិឃញ្ច កដត្តារូបំ…បេ… ទ្វេ ខន្ធេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា. អាបោធាតុំ បដិច្ច អនិទស្សនអប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. អាបោធាតុំ បដិច្ច ឥត្ថិន្ទ្រិយំ…បេ… កពឡីការោ អាហារោ. (១)

អនិទស្សនអប្បដិឃំ ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនអប្បដិឃេ ខន្ធេ បដិច្ច សនិទស្សនសប្បដិឃំ ចិត្តសមុដ្ឋានំ រូបំ. បដិសន្ធិក្ខណេ អនិទស្សនអប្បដិឃេ ខន្ធេ បដិច្ច សនិទស្សនសប្បដិឃំ កដត្តារូបំ. អាបោធាតុំ បដិច្ច សនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. អាបោធាតុំ បដិច្ច រូបាយតនំ. (២)

អនិទស្សនអប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនអប្បដិឃេ ខន្ធេ បដិច្ច អនិទស្សនសប្បដិឃំ ចិត្តសមុដ្ឋានំ រូបំ. បដិសន្ធិក្ខណេ អនិទស្សនអប្បដិឃេ ខន្ធេ បដិច្ច អនិទស្សនសប្បដិឃំ កដត្តារូបំ. អាបោធាតុំ បដិច្ច អនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. អាបោធាតុំ បដិច្ច ចក្ខាយតនំ…បេ… រសាយតនំ. (៣)

អនិទស្សនអប្បដិឃំ ធម្មំ បដិច្ច សនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា សនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ…បេ… ទ្វេ ខន្ធេ…បេ… បដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា. សនិទស្សនសប្បដិឃញ្ច អនិទស្សនអប្បដិឃញ្ច កដត្តារូបំ…បេ… ទ្វេ ខន្ធេ…បេ… អាបោធាតុំ បដិច្ច សនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ. អាបោធាតុំ បដិច្ច រូបាយតនំ, ឥត្ថិន្ទ្រិយំ…បេ… កពឡីការោ អាហារោ. (៤)

អនិទស្សនអប្បដិឃំ ធម្មំ បដិច្ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ…បេ… ទ្វេ ខន្ធេ…បេ… បដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនសប្បដិឃញ្ច អនិទស្សនអប្បដិឃញ្ច កដត្តារូបំ…បេ… ទ្វេ ខន្ធេ…បេ… អាបោធាតុំ បដិច្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ. អាបោធាតុំ បដិច្ច ចក្ខាយតនំ…បេ… រសាយតនំ, ឥត្ថិន្ទ្រិយំ…បេ… កពឡីការោ អាហារោ. (៥)

អនិទស្សនអប្បដិឃំ ធម្មំ បដិច្ច សនិទស្សនសប្បដិឃោ ច អនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃេ ខន្ធេ បដិច្ច សនិទស្សនសប្បដិឃញ្ច អនិទស្សនសប្បដិឃញ្ច ចិត្តសមុដ្ឋានំ រូបំ. បដិសន្ធិក្ខណេ អនិទស្សនអប្បដិឃេ ខន្ធេ បដិច្ច សនិទស្សនសប្បដិឃញ្ច អនិទស្សនសប្បដិឃញ្ច កដត្តារូបំ. អាបោធាតុំ បដិច្ច សនិទស្សនសប្បដិឃញ្ច អនិទស្សនសប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ. អាបោធាតុំ បដិច្ច រូបាយតនំ, ចក្ខាយតនំ…បេ… រសាយតនំ. (៦)

អនិទស្សនអប្បដិឃំ ធម្មំ បដិច្ច សនិទស្សនសប្បដិឃោ ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា សនិទស្សនសប្បដិឃញ្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ…បេ… ទ្វេ ខន្ធេ…បេ… បដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា សនិទស្សនសប្បដិឃញ្ច អនិទស្សនសប្បដិឃញ្ច អនិទស្សនអប្បដិឃញ្ច កដត្តារូបំ…បេ… ទ្វេ ខន្ធេ…បេ… អាបោធាតុំ បដិច្ច សនិទស្សនសប្បដិឃញ្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ. អាបោធាតុំ បដិច្ច រូបាយតនំ ចក្ខាយតនំ…បេ… រសាយតនំ, ឥត្ថិន្ទ្រិយំ…បេ… កពឡីការោ អាហារោ. (៧)

៣. អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ. បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ កដត្តារូបំ. អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនញ្ច អាបោធាតុញ្ច បដិច្ច រូបាយតនំ. (១)

អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច អនិទស្សនសប្បដិឃំ ចិត្តសមុដ្ឋានំ រូបំ. បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច អនិទស្សនសប្បដិឃំ កដត្តារូបំ. អនិទស្សនសប្បដិឃំ ឯកំ មហាភូតញ្ច អាបោធាតុញ្ច បដិច្ច ទ្វេ មហាភូតា, ទ្វេ មហាភូតេ ច អាបោធាតុញ្ច បដិច្ច ឯកំ មហាភូតំ. អនិទស្សនសប្បដិឃេ មហាភូតេ ច អាបោធាតុញ្ច បដិច្ច អនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនញ្ច អាបោធាតុញ្ច បដិច្ច ចក្ខាយតនំ…បេ… រសាយតនំ. (២)

អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច អនិទស្សនអប្បដិឃំ ចិត្តសមុដ្ឋានំ រូបំ. បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច អនិទស្សនអប្បដិឃំ កដត្តារូបំ. អនិទស្សនសប្បដិឃេ មហាភូតេ ច អាបោធាតុញ្ច បដិច្ច អនិទស្សនអប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនញ្ច អាបោធាតុញ្ច បដិច្ច ឥត្ថិន្ទ្រិយំ…បេ… កពឡីការោ អាហារោ. (៣)

អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ. បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃញ្ច អនិទស្សនអប្បដិឃញ្ច កដត្តារូបំ. អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនញ្ច អាបោធាតុញ្ច បដិច្ច រូបាយតនំ, ឥត្ថិន្ទ្រិយំ…បេ… កពឡីការោ អាហារោ. (៤)

អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ. បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច អនិទស្សនសប្បដិឃញ្ច អនិទស្សនអប្បដិឃញ្ច កដត្តារូបំ. អនិទស្សនសប្បដិឃេ មហាភូតេ ច អាបោធាតុញ្ច បដិច្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដតារូបំ ឧបាទារូបំ. ផោដ្ឋព្ពាយតនញ្ច អាបោធាតុញ្ច បដិច្ច ចក្ខាយតនំ…បេ… រសាយតនំ, ឥត្ថិន្ទ្រិយំ…បេ… កពឡីការោ អាហារោ. (៥)

អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ច អនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃញ្ច អនិទស្សនសប្បដិឃញ្ច ចិត្តសមុដ្ឋានំ រូបំ. បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃញ្ច អនិទស្សនសប្បដិឃញ្ច កដត្តារូបំ. អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃញ្ច អនិទស្សនសប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនញ្ច អាបោធាតុញ្ច បដិច្ច រូបាយតនំ, ចក្ខាយតនំ…បេ… រសាយតនំ. (៦)

អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ ហេតុបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃញ្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ. បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃញ្ច អនិទស្សនសប្បដិឃញ្ច អនិទស្សនអប្បដិឃញ្ច កដត្តារូបំ. អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃញ្ច អនិទស្សនសប្បដិឃញ្ច អនិទស្សនអប្បដិឃញ្ច ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនញ្ច អាបោធាតុញ្ច បដិច្ច រូបាយតនំ, ចក្ខាយតនំ…បេ… រសាយតនំ, ឥត្ថិន្ទ្រិយំ…បេ… កពឡីការោ អាហារោ. (៧)

អារម្មណបច្ចយោ

៤. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ អារម្មណបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ …បេ… បដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… វត្ថុំ បដិច្ច ខន្ធា. (១)

អធិបតិបច្ចយោ

៥. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ អធិបតិបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ. អនិទស្សនសប្បដិឃេ មហាភូតេ បដិច្ច ចិត្តសមុដ្ឋានំ រូបំ ឧបាទារូបំ. (១)

(អនិទស្សនសប្បដិឃមូលកេ ឥមិនា ការណេន សត្ត បញ្ហា វិភជិតព្ពា, បរិយោសានបទា នត្ថិ.)

៦. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ អធិបតិបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនអប្បដិឃញ្ច ចិត្តសមុដ្ឋានំ រូបំ…បេ… ទ្វេ ខន្ធេ…បេ… អាបោធាតុំ បដិច្ច អនិទស្សនអប្បដិឃំ ចិត្តសមុដ្ឋានំ រូបំ ឧបាទារូបំ.

(ឥមិនា ការណេន អនិទស្សនអប្បដិឃមូលកេ សត្ត បញ្ហា វិភជិតព្ពា, និដ្ឋានបទា នត្ថិ.)

៧. អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ អធិបតិបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ. អនិទស្សនអប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ ឧបាទារូបំ.

(ឥមិនា ការណេន សត្តបិ បញ្ហា វិភជិតព្ពា.)

អនន្តរ-សមនន្តរបច្ចយា

៨. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ អនន្តរបច្ចយា… សមនន្តរបច្ចយា (អារម្មណសទិសំ).

សហជាតបច្ចយោ

៩. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ សហជាតបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ. អនិទស្សនសប្បដិឃេ មហាភូតេ បដិច្ច អនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនំ បដិច្ច ចក្ខាយតនំ…បេ… រសាយតនំ. ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បដិច្ច ទ្វេ មហាភូតា…បេ….

(អនិទស្សនសប្បដិឃមូលកា សត្ត បញ្ហា ឥមិនា ការណេន វិភជិតព្ពា.)

១០. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ សហជាតបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនអប្បដិឃំ ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… បដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនអប្បដិឃំ កដត្តា ច រូបំ…បេ… ទ្វេ ខន្ធេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា. អាបោធាតុំ បដិច្ច អនិទស្សនអប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. អាបោធាតុំ បដិច្ច ឥត្ថិន្ទ្រិយំ…បេ… កពឡីការោ អាហារោ. ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អាបោធាតុំ បដិច្ច អនិទស្សនអប្បដិឃំ កដត្តារូបំ ឧបាទារូបំ.

(អនិទស្សនអប្បដិឃមូលកេ សត្ត បញ្ហា ឥមិនា ការណេន កាតព្ពា.)

១១. អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ សហជាតបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ. បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ កដត្តារូបំ. អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនញ្ច អាបោធាតុញ្ច បដិច្ច រូបាយតនំ. ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ កដត្តារូបំ ឧបាទារូបំ.

(ឥមិនា ការណេន សត្ត បញ្ហា វិភជិតព្ពា.)

អញ្ញមញ្ញបច្ចយោ

១២. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ អញ្ញមញ្ញបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ. (១)

អនិទស្សនសប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ អញ្ញមញ្ញបច្ចយា – អនិទស្សនសប្បដិឃេ មហាភូតេ បដិច្ច អាបោធាតុ. (២)

អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ច អនិទស្សនអប្បដិឃោ ច ធម្មា ឧប្បជ្ជន្តិ អញ្ញមញ្ញបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា អាបោធាតុ ច, ទ្វេ មហាភូតេ បដិច្ច ឯកំ មហាភូតំ អាបោធាតុ ច. ពាហិរំ…បេ…. (៣)

១៣. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ អញ្ញមញ្ញបច្ចយា – អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… បដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា វត្ថុ ច…បេ… ទ្វេ ខន្ធេ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា. (១)

អនិទស្សនអប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ អញ្ញមញ្ញបច្ចយា – អាបោធាតុំ បដិច្ច អនិទស្សនសប្បដិឃា មហាភូតា. ពាហិរំ…បេ…. (២)

១៤. អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ អញ្ញមញ្ញបច្ចយា – អនិទស្សនសប្បដិឃំ ឯកំ មហាភូតញ្ច អាបោធាតុញ្ច បដិច្ច ទ្វេ មហាភូតា, ទ្វេ មហាភូតេ ច អាបោធាតុញ្ច បដិច្ច ឯកំ មហាភូតំ. ពាហិរំ…បេ…. (១)

និស្សយបច្ចយាទិ

១៥. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ និស្សយបច្ចយា… ឧបនិស្សយបច្ចយា… បុរេជាតបច្ចយា… អាសេវនបច្ចយា… កម្មបច្ចយា… វិបាកបច្ចយា… អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា.

១. បច្ចយានុលោមំ

២. សង្ខ្យាវារោ

សុទ្ធំ

១៦. ហេតុយា ឯកវីស, អារម្មណេ ឯកំ, អធិបតិយា ឯកវីស, អនន្តរេ ឯកំ, សមនន្តរេ ឯកំ, សហជាតេ ឯកវីស, អញ្ញមញ្ញេ ឆ, និស្សយេ ឯកវីស, ឧបនិស្សយេ ឯកំ, បុរេជាតេ ឯកំ, អាសេវនេ ឯកំ, កម្មេ ឯកវីស, វិបាកេ អាហារេ ឯកវីស, ឥន្ទ្រិយេ ឯកវីស, ឈានេ មគ្គេ ឯកវីស, សម្បយុត្តេ ឯកំ, វិប្បយុត្តេ ឯកវីស, អត្ថិយា ឯកវីស, នត្ថិយា ឯកំ, វិគតេ ឯកំ, អវិគតេ ឯកវីស (ឯវំ គណេតព្ពំ).

អនុលោមំ.

២. បច្ចយបច្ចនីយំ

១. វិភង្គវារោ

នហេតុបច្ចយោ

១៧. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ នហេតុបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ. អនិទស្សនសប្បដិឃេ មហាភូតេ បដិច្ច អនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនំ បដិច្ច ចក្ខាយតនំ…បេ… រសាយតនំ. ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ, មហាភូតេ បដិច្ច…បេ….

(អនិទស្សនសប្បដិឃមូលកេ ឥមិនា ការណេន សត្តបិ បញ្ហា វិភជិតព្ពា.)

១៨. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ នហេតុបច្ចយា – អហេតុកំ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនអប្បដិឃញ្ច ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… អហេតុកបដិសន្ធិក្ខណេ អនិទស្សនអប្បដិឃំ ឯកំ ខន្ធំ បដិច្ច តយោ ខន្ធា អនិទស្សនអប្បដិឃញ្ច កដត្តារូបំ…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា. អាបោធាតុំ បដិច្ច អនិទស្សនអប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. អាបោធាតុំ បដិច្ច ឥត្ថិន្ទ្រិយំ…បេ… កពឡីការោ អាហារោ. ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អាបោធាតុំ បដិច្ច អនិទស្សនអប្បដិឃំ កដត្តារូបំ ឧបាទារូបំ. វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ.

(អនិទស្សនអប្បដិឃមូលកា ឥមិនា ការណេន សត្ត បញ្ហា វិភជិតព្ពា.)

១៩. អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ នហេតុបច្ចយា – អហេតុកេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ. អហេតុកបដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ កដត្តារូបំ. អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនញ្ច អាបោធាតុញ្ច បដិច្ច រូបាយតនំ. ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ កដត្តារូបំ ឧបាទារូបំ.

(ឥមិនា ការណេន សត្ត បញ្ហា វិត្ថារេតព្ពា អសម្មោហន្តេន.)

នអារម្មណបច្ចយោ

២០. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ នអារម្មណបច្ចយា – អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ. អនិទស្សនសប្បដិឃេ មហាភូតេ បដិច្ច អនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនំ បដិច្ច ចក្ខាយតនំ…បេ… រសាយតនំ. ពាហិរំ… អាហារសមុដ្ឋានំ…, ឧតុសមុដ្ឋានំ… អសញ្ញសត្តានំ អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ…បេ….

(អនិទស្សនសប្បដិឃមូលកា ឥមិនា ការណេន សត្តបិ បញ្ហា វិត្ថារេតព្ពា.)

២១. អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ នអារម្មណបច្ចយា – អនិទស្សនអប្បដិឃេ ខន្ធេ បដិច្ច អនិទស្សនអប្បដិឃំ ចិត្តសមុដ្ឋានំ រូបំ. បដិសន្ធិក្ខណេ អនិទស្សនអប្បដិឃេ ខន្ធេ បដិច្ច អនិទស្សនអប្បដិឃំ កដត្តារូបំ. ខន្ធេ បដិច្ច វត្ថុ…បេ… អាបោធាតុំ បដិច្ច អនិទស្សនអប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. អាបោធាតុំ បដិច្ច ឥត្ថិន្ទ្រិយំ…បេ… កពឡីការោ អាហារោ. ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អាបោធាតុំ បដិច្ច អនិទស្សនអប្បដិឃំ កដត្តារូបំ ឧបាទារូបំ.

(អនិទស្សនអប្បដិឃមូលកេ ឥមិនា ការណេន សត្តបិ បញ្ហា វិត្ថារេតព្ពា.)

២២. អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ នអារម្មណបច្ចយា – អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ. បដិសន្ធិក្ខណេ អនិទស្សនអប្បដិឃេ ខន្ធេ ច មហាភូតេ ច បដិច្ច សនិទស្សនសប្បដិឃំ កដត្តារូបំ. អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនញ្ច អាបោធាតុញ្ច បដិច្ច រូបាយតនំ. ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ កដត្តារូបំ ឧបាទារូបំ.

(ឃដនេ ឥមិនា ការណេន សត្តបិ បញ្ហា វិភជិតព្ពា.)

នអធិបតិបច្ចយាទិ

២៣. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ នអធិបតិបច្ចយា (សហជាតសទិសំ)… នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា – អនិទស្សនសប្បដិឃេ មហាភូតេ បដិច្ច អនិទស្សនសប្បដិឃំ ចិត្តសមុដ្ឋានំ រូបំ កដត្តារូបំ ឧបាទារូបំ. ផោដ្ឋព្ពាយតនំ បដិច្ច ចក្ខាយតនំ…បេ… រសាយតនំ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ មហាភូតេ បដិច្ច អនិទស្សនសប្បដិឃំ កដត្តារូបំ ឧបាទារូបំ.

(ឥមិនា ការណេន ឯកវីស បញ្ហា វិភជិតព្ពា.)

នឧបនិស្សយបច្ចយា… នបុរេជាតបច្ចយា… នបច្ឆាជាតបច្ចយា… នអាសេវនបច្ចយា… នកម្មបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ… អនិទស្សនសប្បដិឃំ ឯកំ មហាភូតំ បដិច្ច ទ្វេ មហាភូតា, ទ្វេ មហាភូតេ បដិច្ច ឯកំ មហាភូតំ. អនិទស្សនសប្បដិឃេ មហាភូតេ បដិច្ច អនិទស្សនសប្បដិឃំ ឧបាទារូបំ (កម្មំ វិភជិត្វា នកម្មេនេវ ឯកវីស បញ្ហា កាតព្ពា), នវិបាកបច្ចយា (បដិសន្ធិបិ កដត្តាបិ នត្ថិ, បញ្ចវោការេយេវ កាតព្ពា), នអាហារបច្ចយា – ពាហិរំ… ឧតុសមុដ្ឋានំ… អសញ្ញសត្តានំ…បេ… (ឥមិនា ការណេន វិភជិតព្ពា ឯកវីសាបិ).

នឥន្ទ្រិយបច្ចយាទិ

២៤. អនិទស្សនសប្បដិឃំ ធម្មំ បដិច្ច អនិទស្សនសប្បដិឃោ ធម្មោ ឧប្បជ្ជតិ នឥន្ទ្រិយបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ… អនិទស្សនសប្បដិឃំ ឯកំ មហាភូតំ…បេ… អសញ្ញសត្តានំ មហាភូតេ បដិច្ច រូបជីវិតិន្ទ្រិយំ (សំខិត្តំ, សព្ពេ បញ្ហា វិភជិតព្ពា)… នឈានបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ (សំខិត្តំ, សត្តបិ បញ្ហា វិភជិតព្ពា).

អនិទស្សនអប្បដិឃំ ធម្មំ បដិច្ច អនិទស្សនអប្បដិឃោ ធម្មោ ឧប្បជ្ជតិ នឈានបច្ចយា – បញ្ចវិញ្ញាណសហគតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ អាបោធាតុំ បដិច្ច អនិទស្សនអប្បដិឃំ កដត្តារូបំ ឧបាទារូបំ.

(ឯវំ សត្តបិ បញ្ហា វិភជិតព្ពា.)

២៥. អនិទស្សនសប្បដិឃញ្ច អនិទស្សនអប្បដិឃញ្ច ធម្មំ បដិច្ច សនិទស្សនសប្បដិឃោ ធម្មោ ឧប្បជ្ជតិ នឈានបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ…, អសញ្ញសត្តានំ…បេ… អនិទស្សនសប្បដិឃេ មហាភូតេ ច អាបោធាតុញ្ច បដិច្ច សនិទស្សនសប្បដិឃំ កដត្តារូបំ ឧបាទារូបំ.

(ឯវំ សត្តបិ បញ្ហា វិភជិតព្ពា), នមគ្គបច្ចយា… (នហេតុសទិសំ កាតព្ពំ. បរិបុណ្ណំ. មោហោ នត្ថិ). នសម្បយុត្តបច្ចយា… នវិប្បយុត្តបច្ចយា (បរិបុណ្ណំ)… នោនត្ថិបច្ចយា… នោវិគតបច្ចយា.

២. បច្ចយបច្ចនីយំ

២. សង្ខ្យាវារោ

សុទ្ធំ

២៦. នហេតុយា ឯកវីស, នអារម្មណេ ឯកវីស, នអធិបតិយា ឯកវីស (សំខិត្តំ, សព្ពត្ថ ឯកវីស), នោនត្ថិយា ឯកវីស, នោវិគតេ ឯកវីស (ឯវំ គណេតព្ពំ).

បច្ចនីយំ.

៣. បច្ចយានុលោមបច្ចនីយំ

ហេតុទុកំ

២៧. ហេតុបច្ចយា នអារម្មណេ ឯកវីស, នអធិបតិយា ឯកវីស…បេ… នកម្មេ ឯកំ, នវិបាកេ ឯកវីស, នសម្បយុត្តេ ឯកវីស, នវិប្បយុត្តេ ឯកំ, នោនត្ថិយា ឯកវីស, នោវិគតេ ឯកវីស (ឯវំ គណេតព្ពំ).

អនុលោមបច្ចនីយំ.

៤. បច្ចយបច្ចនីយានុលោមំ

នហេតុទុកំ

២៨. នហេតុបច្ចយា អារម្មណេ ឯកំ, អនន្តរេ ឯកំ, សមនន្តរេ ឯកំ, សហជាតេ ឯកវីស …បេ… ឈានេ ឯកវីស, មគ្គេ ឯកំ, សម្បយុត្តេ ឯកំ, វិប្បយុត្តេ ឯកវីស, អត្ថិយា ឯកវីស, នត្ថិយា ឯកំ, វិគតេ ឯកំ, អវិគតេ ឯកវីស (ឯវំ គណេតព្ពំ).

បច្ចនីយានុលោមំ.

បដិច្ចវារោ.

២-៦. សហជាត-បច្ចយ-និស្សយ-សំសដ្ឋ-សម្បយុត្តវារោ

(សហជាតវារោបិ បច្ចយវារោបិ និស្សយវារោបិ បដិច្ចវារសទិសា, សំសដ្ឋវារោបិ សម្បយុត្តវារោបិ អរូបេយេវ កាតព្ពា.)

៧. បញ្ហាវារោ

១. បច្ចយានុលោមំ

១. វិភង្គវារោ

ហេតុបច្ចយោ

២៩. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស ហេតុបច្ចយេន បច្ចយោ – អនិទស្សនអប្បដិឃា ហេតូ សម្បយុត្តកានំ ខន្ធានំ អនិទស្សនអប្បដិឃានញ្ច ចិត្តសមុដ្ឋានានំ រូបានំ ហេតុបច្ចយេន បច្ចយោ. បដិសន្ធិក្ខណេ អនិទស្សនអប្បដិឃា ហេតូ សម្បយុត្តកានំ ខន្ធានំ អនិទស្សនអប្បដិឃានញ្ច កដត្តារូបានំ ហេតុបច្ចយេន បច្ចយោ. (១)

អនិទស្សនអប្បដិឃោ ធម្មោ សនិទស្សនសប្បដិឃស្ស ធម្មស្ស ហេតុបច្ចយេន បច្ចយោ – អនិទស្សនអប្បដិឃា ហេតូ សនិទស្សនសប្បដិឃានំ ចិត្តសមុដ្ឋានានំ រូបានំ ហេតុបច្ចយេន បច្ចយោ. បដិសន្ធិក្ខណេ…បេ…. (២)

(អនិទស្សនអប្បដិឃមូលកេយេវ ឥមិនា ការណេន សត្ត បញ្ហា វិភជិតព្ពា.)

អារម្មណបច្ចយោ

៣០. សនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស អារម្មណបច្ចយេន បច្ចយោ – រូបេ អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ ឧប្បជ្ជតិ, វិចិកិច្ឆា ឧប្បជ្ជតិ, ឧទ្ធច្ចំ ឧប្បជ្ជតិ, ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, រូបាយតនំ ចក្ខុវិញ្ញាណស្ស អារម្មណបច្ចយេន បច្ចយោ. សនិទស្សនសប្បដិឃា ខន្ធា ឥទ្ធិវិធញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

អនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស អារម្មណបច្ចយេន បច្ចយោ. ចក្ខុំ…បេ… កាយំ… សទ្ទេ… គន្ធេ… រសេ… ផោដ្ឋព្ពេ… អនិច្ចតោ…បេ… ទោមនស្សំ ឧប្បជ្ជតិ, ទិព្ពាយ សោតធាតុយា សទ្ទំ សុណាតិ, សទ្ទាយតនំ សោតវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស…បេ… អនិទស្សនសប្បដិឃា ខន្ធា ឥទ្ធិវិធញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

៣១. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ បច្ចវេក្ខតិ, ឈានា…បេ… អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ, និព្ពានំ បច្ចវេក្ខន្តិ, និព្ពានំ គោត្រភុស្ស, វោទានស្ស, មគ្គស្ស, ផលស្ស, អាវជ្ជនាយ អារម្មណបច្ចយេន បច្ចយោ. អរិយា បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ…បេ… វត្ថុំ… ឥត្ថិន្ទ្រិយំ… បុរិសិន្ទ្រិយំ… ជីវិតិន្ទ្រិយំ… អាបោធាតុំ… កពឡីការំ អាហារំ… អនិទស្សនអប្បដិឃេ ខន្ធេ អនិច្ចតោ…បេ… ទោមនស្សំ ឧប្បជ្ជតិ, ចេតោបរិយញាណេន អនិទស្សនអប្បដិឃចិត្តសមង្គិស្ស ចិត្តំ ជានាតិ, អាកាសានញ្ចាយតនំ វិញ្ញាណញ្ចាយតនស្ស អារម្មណបច្ចយេន បច្ចយោ. អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… អនិទស្សនអប្បដិឃា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

អធិបតិបច្ចយោ

៣២. សនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – រូបំ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. (១)

អនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – ចក្ខុំ…បេ… កាយំ… សទ្ទេ… គន្ធេ… រសេ… ផោដ្ឋព្ពេ… គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. (១)

៣៣. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ គរុំ កត្វា…បេ… ឈានា វុដ្ឋហិត្វា…បេ… អរិយា មគ្គា វុដ្ឋហិត្វា…បេ… ផលា វុដ្ឋហិត្វា…បេ… ផលំ គរុំ កត្វា…បេ… និព្ពានំ គរុំ កត្វា… និព្ពានំ គោត្រភុស្ស, វោទានស្ស, មគ្គស្ស, ផលស្ស អធិបតិបច្ចយេន បច្ចយោ. វត្ថុំ… ឥត្ថិន្ទ្រិយំ… បុរិសិន្ទ្រិយំ… ជីវិតិន្ទ្រិយំ… អាបោធាតុំ… កពឡីការំ អាហារំ… អនិទស្សនអប្បដិឃេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – អនិទស្សនអប្បដិឃាធិបតិ សម្បយុត្តកានំ ខន្ធានំ អនិទស្សនអប្បដិឃានញ្ច ចិត្តសមុដ្ឋានានំ រូបានំ អធិបតិបច្ចយេន បច្ចយោ. (១)

អនិទស្សនអប្បដិឃោ ធម្មោ សនិទស្សនសប្បដិឃស្ស ធម្មស្ស អធិបតិបច្ចយេន បច្ចយោ. សហជាតាធិបតិ – អនិទស្សនអប្បដិឃាធិបតិ សនិទស្សនសប្បដិឃានំ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (២)

(អនិទស្សនអប្បដិឃមូលកេ សត្តបិ បញ្ហា វិភជិតព្ពា, អធិបតិ តិវិធរូបសង្គហេន.)

អនន្តរបច្ចយោ

៣៤. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស អនន្តរបច្ចយេន បច្ចយោ – បុរិមា បុរិមា អនិទស្សនអប្បដិឃា ខន្ធា បច្ឆិមានំ បច្ឆិមានំ អនិទស្សនអប្បដិឃានំ ខន្ធានំ អនន្តរបច្ចយេន បច្ចយោ. អនុលោមំ គោត្រភុស្ស… អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស… មគ្គោ ផលស្ស… ផលំ ផលស្ស… អនុលោមំ ផលសមាបត្តិយា… និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. (១)

សមនន្តរបច្ចយោ

៣៥. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស សមនន្តរបច្ចយេន បច្ចយោ (អនន្តរសទិសំ).

សហជាតបច្ចយាទិ

៣៦. អនិទស្សនសប្បដិឃោ ធម្មោ អនិទស្សនសប្បដិឃស្ស ធម្មស្ស សហជាតបច្ចយេន បច្ចយោ (បដិច្ចវារសទិសំ សាធុកំ កាតព្ពំ. អញ្ញមញ្ញបច្ចយេ បដិច្ចវារេ អញ្ញមញ្ញសទិសំ, និស្សយបច្ចយេ បដិច្ចវារសទិសំ).

ឧបនិស្សយបច្ចយោ

៣៧. សនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ…. បកតូបនិស្សយោ – វណ្ណសម្បទំ បត្ថយមានោ ទានំ ទេតិ, សីលំ សមាទិយតិ, ឧបោសថកម្មំ…បេ… វណ្ណសម្បទា សទ្ធាយ…បេ… បញ្ញាយ, រាគស្ស…បេ… បត្ថនាយ, កាយិកស្ស សុខស្ស, កាយិកស្ស ទុក្ខស្ស, មគ្គស្ស, ផលសមាបត្តិយា ឧបនិស្សយបច្ចយេន បច្ចយោ. (១)

អនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ…. បកតូបនិស្សយោ – ចក្ខុសម្បទំ បត្ថយមានោ…បេ… កាយសម្បទំ… សទ្ទសម្បទំ…បេ… ផោដ្ឋព្ពសម្បទំ បត្ថយមានោ ទានំ ទេតិ, សីលំ សមាទិយតិ, ឧបោសថកម្មំ… ឧតុំ… សេនាសនំ ឧបនិស្សាយ ទានំ ទេតិ សីលំ សមាទិយតិ. ឧបោសថកម្មំ, ឈានំ… វិបស្សនំ… មគ្គំ… អភិញ្ញំ… សមាបត្តិំ ឧប្បាទេតិ បាណំ ហនតិ…បេ… សង្ឃំ ភិន្ទតិ. ចក្ខុសម្បទា…បេ… ផោដ្ឋព្ពសម្បទា, ឧតុ, សេនាសនំ សទ្ធាយ…បេ… បញ្ញាយ, រាគស្ស…បេ… បត្ថនាយ, កាយិកស្ស សុខស្ស, កាយិកស្ស ទុក្ខស្ស, មគ្គស្ស, ផលសមាបត្តិយា ឧបនិស្សយបច្ចយេន បច្ចយោ. (១)

៣៨. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – សទ្ធំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ… ឈានំ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ. សីលំ…បេ… បញ្ញំ… រាគំ…បេ… បត្ថនំ, កាយិកំ សុខំ… កាយិកំ ទុក្ខំ… ភោជនំ ឧបនិស្សាយ ទានំ ទេតិ…បេ… សង្ឃំ ភិន្ទតិ. សទ្ធា …បេ… បញ្ញា, រាគោ…បេ… បត្ថនា, កាយិកំ សុខំ… កាយិកំ ទុក្ខំ… ភោជនំ សទ្ធាយ…បេ… បញ្ញាយ, មគ្គស្ស, ផលសមាបត្តិយា ឧបនិស្សយបច្ចយេន បច្ចយោ. (១)

បុរេជាតបច្ចយោ

៣៩. សនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស បុរេជាតបច្ចយេន បច្ចយោ. អារម្មណបុរេជាតំ – រូបេ អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ, តំ អារព្ភ រាគោ ឧប្បជ្ជតិ, ទិដ្ឋិ…បេ… វិចិកិច្ឆា…បេ… ឧទ្ធច្ចំ…បេ… ទោមនស្សំ ឧប្បជ្ជតិ, ទិព្ពេន ចក្ខុនា រូបំ បស្សតិ, រូបាយតនំ ចក្ខុវិញ្ញាណស្ស បុរេជាតបច្ចយេន បច្ចយោ. (១)

អនិទស្សនសប្បដិឃោ ធម្មោ អនិទស្សនអប្បដិឃស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ…បេ… កាយំ… សទ្ទេ…បេ… ផោដ្ឋព្ពេ អនិច្ចតោ…បេ… ទោមនស្សំ ឧប្បជ្ជតិ, ទិព្ពាយ សោតធាតុយា សទ្ទំ សុណាតិ, សទ្ទាយតនំ សោតវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស បុរេជាតបច្ចយេន បច្ចយោ. (១)

អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – វត្ថុំ… ឥត្ថិន្ទ្រិយំ… បុរិសិន្ទ្រិយំ… ជីវិតិន្ទ្រិយំ… អាបោធាតុំ… កពឡីការំ អាហារំ… អនិច្ចតោ…បេ… ទោមនស្សំ ឧប្បជ្ជតិ. វត្ថុបុរេជាតំ – វត្ថុ អនិទស្សនអប្បដិឃានំ ខន្ធានំ បុរេជាតបច្ចយេន បច្ចយោ. (១)

៤០. សនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនអប្បដិឃស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. រូបាយតនញ្ច វត្ថុ ច អនិទស្សនអប្បដិឃានំ ខន្ធានំ បុរេជាតបច្ចយេន បច្ចយោ. (១)

អនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនអប្បដិឃស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. ចក្ខាយតនញ្ច វត្ថុ ច…បេ… ផោដ្ឋព្ពាយតនញ្ច វត្ថុ ច អនិទស្សនអប្បដិឃានំ ខន្ធានំ បុរេជាតបច្ចយេន បច្ចយោ. (១)

សនិទស្សនសប្បដិឃោ ច អនិទស្សនអប្បដិឃោ ច ធម្មា អនិទស្សនអប្បដិឃស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. រូបាយតនញ្ច ចក្ខាយតនញ្ច ចក្ខុវិញ្ញាណស្ស បុរេជាតបច្ចយេន បច្ចយោ. (១)

បច្ឆាជាតបច្ចយោ

៤១. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អនិទស្សនអប្បដិឃា ខន្ធា បុរេជាតស្ស ឥមស្ស អនិទស្សនអប្បដិឃស្ស កាយស្ស បច្ឆាជាតបច្ចយេន បច្ចយោ. (១)

អនិទស្សនអប្បដិឃោ ធម្មោ សនិទស្សនសប្បដិឃស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អនិទស្សនអប្បដិឃា ខន្ធា បុរេជាតស្ស ឥមស្ស សនិទស្សនសប្បដិឃស្ស កាយស្ស បច្ឆាជាតបច្ចយេន បច្ចយោ. (២)

(ឯវំ សត្ត បញ្ហា វិភជិតព្ពា, តិវិធរូបសង្គហោ.) (៧)

អាសេវនបច្ចយោ

៤២. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស អាសេវនបច្ចយេន បច្ចយោ – បុរិមា បុរិមា អនិទស្សនអប្បដិឃា ខន្ធា បច្ឆិមានំ បច្ឆិមានំ អនិទស្សនអប្បដិឃានំ ខន្ធានំ អាសេវនបច្ចយេន បច្ចយោ. អនុលោមំ គោត្រភុស្ស… អនុលោមំ វោទានស្ស… គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ. (១)

កម្មបច្ចយោ

៤៣. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – អនិទស្សនអប្បដិឃា ចេតនា សម្បយុត្តកានំ ខន្ធានំ អនិទស្សនអប្បដិឃានញ្ច ចិត្តសមុដ្ឋានានំ រូបានំ កម្មបច្ចយេន បច្ចយោ. បដិសន្ធិក្ខណេ…បេ…. នានាក្ខណិកា – អនិទស្សនអប្បដិឃា ចេតនា វិបាកានំ ខន្ធានំ អនិទស្សនអប្បដិឃានញ្ច កដត្តារូបានំ កម្មបច្ចយេន បច្ចយោ. (១)

អនិទស្សនអប្បដិឃោ ធម្មោ សនិទស្សនសប្បដិឃស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – អនិទស្សនអប្បដិឃា ចេតនា សនិទស្សនសប្បដិឃានំ ចិត្តសមុដ្ឋានានំ រូបានំ កម្មបច្ចយេន បច្ចយោ. បដិសន្ធិក្ខណេ…បេ…. នានាក្ខណិកា – អនិទស្សនអប្បដិឃា ចេតនា សនិទស្សនសប្បដិឃានំ កដត្តារូបានំ កម្មបច្ចយេន បច្ចយោ. (២)

(ឯវំ សត្ត បញ្ហា សហជាតា នានាក្ខណិកា ឥមិនា ការណេន វិភជិតព្ពា, តិវិធរូបសង្គហោ.) (៧)

វិបាកបច្ចយោ

៤៤. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស វិបាកបច្ចយេន បច្ចយោ – វិបាកោ អនិទស្សនអប្បដិឃោ ឯកោ ខន្ធោ តិណ្ណន្នំ ខន្ធានំ អនិទស្សនអប្បដិឃានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ…បេ… ទ្វេ ខន្ធា…បេ… បដិសន្ធិក្ខណេ អនិទស្សនអប្បដិឃោ ឯកោ ខន្ធោ តិណ្ណន្នំ ខន្ធានំ អនិទស្សនអប្បដិឃានញ្ច កដត្តារូបានំ វិបាកបច្ចយេន បច្ចយោ…បេ… ខន្ធា វត្ថុស្ស វិបាកបច្ចយេន បច្ចយោ. (១)

អនិទស្សនអប្បដិឃោ ធម្មោ សនិទស្សនសប្បដិឃស្ស ធម្មស្ស វិបាកបច្ចយេន បច្ចយោ – វិបាកា អនិទស្សនអប្បដិឃា ខន្ធា សនិទស្សនសប្បដិឃានំ ចិត្តសមុដ្ឋានានំ រូបានំ វិបាកបច្ចយេន បច្ចយោ. បដិសន្ធិក្ខណេ អនិទស្សនអប្បដិឃា ខន្ធា សនិទស្សនសប្បដិឃានំ កដត្តារូបានំ វិបាកបច្ចយេន បច្ចយោ. (២)

(ឯវំ សត្ត បញ្ហា វិត្ថារេតព្ពា, បវត្តិបដិសន្ធិ.) (៧)

អាហារបច្ចយោ

៤៥. អនិទស្សនអប្បដិឃោ ធម្មោ អនិទស្សនអប្បដិឃស្ស ធម្មស្ស អាហារបច្ចយេន បច្ចយោ – អនិទស្សនអប្បដិឃា អាហារា សម្បយុត្តកានំ ខន្ធានំ អនិទស្សនអប្បដិឃានញ្ច ចិត្តសមុដ្ឋានានំ រូបានំ អាហារបច្ចយេន បច្ចយោ. បដិសន្ធិក្ខណេ អនិទស្សនអប្បដិឃា អាហារា សម្បយុត្តកានំ ខន្ធានំ អនិទស្សនអប្បដិឃានញ្ច កដត្តារូបានំ អាហារបច្ចយេន បច្ចយោ. កពឡីការោ អាហារោ ឥមស្ស អនិទស្សនអប្បដិឃស្ស កាយស្ស អាហារបច្ចយេន បច្ចយោ. (១)