១៣. បរិត្តារម្មណត្តិកំ

១. បដិច្ចវារោ

១. បច្ចយានុលោមំ

១. វិភង្គវារោ

ហេតុបច្ចយោ

១. បរិត្តារម្មណំ ធម្មំ បដិច្ច បរិត្តារម្មណោ ធម្មោ ឧប្បជ្ជតិ ហេតុបច្ចយា – បរិត្តារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា. បដិសន្ធិក្ខណេ បរិត្តារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា. (១)

មហគ្គតារម្មណំ ធម្មំ បដិច្ច មហគ្គតារម្មណោ ធម្មោ ឧប្បជ្ជតិ ហេតុបច្ចយា – មហគ្គតារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា. បដិសន្ធិក្ខណេ មហគ្គតារម្មណំ…បេ…. (១)

អប្បមាណារម្មណំ ធម្មំ បដិច្ច អប្បមាណារម្មណោ ធម្មោ ឧប្បជ្ជតិ ហេតុបច្ចយា – អប្បមាណារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា. (១)

អារម្មណបច្ចយាទិ

២. បរិត្តារម្មណំ ធម្មំ បដិច្ច បរិត្តារម្មណោ ធម្មោ ឧប្បជ្ជតិ អារម្មណបច្ចយា… អធិបតិបច្ចយា (សំខិត្តំ)… អវិគតបច្ចយា.

១. បច្ចយានុលោមំ

២. សង្ខ្យាវារោ

៣. ហេតុយា តីណិ, អារម្មណេ តីណិ, អធិបតិយា តីណិ…បេ… អវិគតេ តីណិ (ឯវំ គណេតព្ពំ).

អនុលោមំ.

២. បច្ចយបច្ចនីយំ

១. វិភង្គវារោ

នហេតុបច្ចយោ

៤. បរិត្តារម្មណំ ធម្មំ បដិច្ច បរិត្តារម្មណោ ធម្មោ ឧប្បជ្ជតិ នហេតុបច្ចយា – អហេតុកំ បរិត្តារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា. អហេតុកបដិសន្ធិក្ខណេ បរិត្តារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា, វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

មហគ្គតារម្មណំ ធម្មំ បដិច្ច មហគ្គតារម្មណោ ធម្មោ ឧប្បជ្ជតិ នហេតុបច្ចយា – អហេតុកំ មហគ្គតារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា, វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

អប្បមាណារម្មណំ ធម្មំ បដិច្ច អប្បមាណារម្មណោ ធម្មោ ឧប្បជ្ជតិ នហេតុបច្ចយា – អហេតុកំ អប្បមាណារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា. (១)

នអធិបតិបច្ចយោ

៥. បរិត្តារម្មណំ ធម្មំ បដិច្ច បរិត្តារម្មណោ ធម្មោ ឧប្បជ្ជតិ នអធិបតិបច្ចយា – បរិត្តារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា. បដិសន្ធិក្ខណេ…បេ…. (១)

មហគ្គតារម្មណំ ធម្មំ បដិច្ច មហគ្គតារម្មណោ ធម្មោ ឧប្បជ្ជតិ នអធិបតិបច្ចយា – មហគ្គតារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា. បដិសន្ធិក្ខណេ…បេ…. (១)

អប្បមាណារម្មណំ ធម្មំ បដិច្ច អប្បមាណារម្មណោ ធម្មោ ឧប្បជ្ជតិ នអធិបតិបច្ចយា – អប្បមាណារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា. (១)

នបុរេជាតបច្ចយាទិ

៦. បរិត្តារម្មណំ ធម្មំ បដិច្ច បរិត្តារម្មណោ ធម្មោ ឧប្បជ្ជតិ នបុរេជាតបច្ចយា – អរូបេ បរិត្តារម្មណំ ឯកំ ខន្ធំ បដិច្ច តយោ ខន្ធា…បេ… បដិសន្ធិក្ខណេ…បេ…. (១)

មហគ្គតារម្មណំ ធម្មំ បដិច្ច មហគ្គតារម្មណោ ធម្មោ ឧប្បជ្ជតិ នបុរេជាតបច្ចយា – អរូបេ មហគ្គតារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា (មហគ្គតារម្មណេ បដិសន្ធិ នត្ថិ). (១)

អប្បមាណារម្មណំ ធម្មំ បដិច្ច អប្បមាណារម្មណោ ធម្មោ ឧប្បជ្ជតិ នបុរេជាតបច្ចយា – អរូបេ អប្បមាណារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា (នបច្ឆាជាតបច្ចយញ្ច នអាសេវនបច្ចយញ្ច នអធិបតិសទិសំ).

នកម្មបច្ចយោ

៧. បរិត្តារម្មណំ ធម្មំ បដិច្ច បរិត្តារម្មណោ ធម្មោ ឧប្បជ្ជតិ នកម្មបច្ចយា – បរិត្តារម្មណេ ខន្ធេ បដិច្ច បរិត្តារម្មណា ចេតនា. (១)

មហគ្គតារម្មណំ ធម្មំ បដិច្ច មហគ្គតារម្មណោ ធម្មោ ឧប្បជ្ជតិ នកម្មបច្ចយា – មហគ្គតារម្មណេ ខន្ធេ បដិច្ច មហគ្គតារម្មណា ចេតនា. (១)

អប្បមាណារម្មណំ ធម្មំ បដិច្ច អប្បមាណារម្មណោ ធម្មោ ឧប្បជ្ជតិ នកម្មបច្ចយា – អប្បមាណារម្មណេ ខន្ធេ បដិច្ច អប្បមាណារម្មណា ចេតនា. (១)

នវិបាកបច្ចយាទិ

៨. បរិត្តារម្មណំ ធម្មំ បដិច្ច បរិត្តារម្មណោ ធម្មោ ឧប្បជ្ជតិ នវិបាកបច្ចយា (បដិសន្ធិ នត្ថិ)… នឈានបច្ចយា – បញ្ចវិញ្ញាណសហគតំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា…នមគ្គបច្ចយា – អហេតុកំ បរិត្តារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា; អហេតុកបដិសន្ធិក្ខណេ…បេ… ទ្វេ ខន្ធា…បេ….

មហគ្គតារម្មណំ ធម្មំ បដិច្ច មហគ្គតារម្មណោ ធម្មោ ឧប្បជ្ជតិ នមគ្គបច្ចយា – អហេតុកំ មហគ្គតារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា. (១)

អប្បមាណារម្មណំ ធម្មំ បដិច្ច អប្បមាណារម្មណោ ធម្មោ ឧប្បជ្ជតិ នមគ្គបច្ចយា – អហេតុកំ អប្បមាណារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា. (១)

នវិប្បយុត្តបច្ចយោ

៩. បរិត្តារម្មណំ ធម្មំ បដិច្ច បរិត្តារម្មណោ ធម្មោ ឧប្បជ្ជតិ នវិប្បយុត្តបច្ចយា – អរូបេ បរិត្តារម្មណំ ឯកំ ខន្ធំ បដិច្ច តយោ ខន្ធា…បេ…. (១)

មហគ្គតារម្មណំ ធម្មំ បដិច្ច មហគ្គតារម្មណោ ធម្មោ ឧប្បជ្ជតិ នវិប្បយុត្តបច្ចយា – អរូបេ មហគ្គតារម្មណំ ឯកំ ខន្ធំ បដិច្ច តយោ ខន្ធា…បេ…. (១)

អប្បមាណារម្មណំ ធម្មំ បដិច្ច អប្បមាណារម្មណោ ធម្មោ ឧប្បជ្ជតិ នវិប្បយុត្តបច្ចយា – អរូបេ អប្បមាណារម្មណំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធា. (១)

២. បច្ចយបច្ចនីយំ

២. សង្ខ្យាវារោ

១០. នហេតុយា តីណិ, នអធិបតិយា តីណិ…បេ… នបុរេជាតេ តីណិ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នឈានេ ឯកំ, នមគ្គេ តីណិ, នវិប្បយុត្តេ តីណិ (ឯវំ គណេតព្ពំ).

បច្ចនីយំ.

៣. បច្ចយានុលោមបច្ចនីយំ

១១. ហេតុបច្ចយា នអធិបតិយា តីណិ, នបុរេជាតេ តីណិ, នបច្ឆាជាតេ តីណិ, នអាសេវនេ តីណិ, នកម្មេ តីណិ, នវិបាកេ តីណិ, នវិប្បយុត្តេ តីណិ (ឯវំ គណេតព្ពំ).

អនុលោមបច្ចនីយំ.

៤. បច្ចយបច្ចនីយានុលោមំ

នហេតុទុកំ

១២. នហេតុបច្ចយា អារម្មណេ តីណិ, អនន្តរេ តីណិ, សមនន្តរេ តីណិ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ តីណិ, បុរេជាតេ តីណិ, អាសេវនេ ទ្វេ, កម្មេ តីណិ, វិបាកេ ឯកំ, អាហារេ តីណិ, ឥន្ទ្រិយេ តីណិ, ឈានេ តីណិ, មគ្គេ ទ្វេ, សម្បយុត្តេ តីណិ, វិប្បយុត្តេ តីណិ, អត្ថិយា តីណិ, នត្ថិយា តីណិ, វិគតេ តីណិ, អវិគតេ តីណិ (ឯវំ គណេតព្ពំ).

បច្ចនីយានុលោមំ.

បដិច្ចវារោ.

២-៦. សហជាត-បច្ចយ-និស្សយ-សំសដ្ឋ-សម្បយុត្តវារោ

(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសោ).

៧. បញ្ហាវារោ

១. បច្ចយានុលោមំ

១. វិភង្គវារោ

ហេតុបច្ចយោ

១៣. បរិត្តារម្មណោ ធម្មោ បរិត្តារម្មណស្ស ធម្មស្ស ហេតុបច្ចយេន បច្ចយោ – បរិត្តារម្មណា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. បដិសន្ធិក្ខណេ បរិត្តារម្មណា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (១)

មហគ្គតារម្មណោ ធម្មោ មហគ្គតារម្មណស្ស ធម្មស្ស ហេតុបច្ចយេន បច្ចយោ – មហគ្គតារម្មណា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. បដិសន្ធិក្ខណេ…បេ…. (១)

អប្បមាណារម្មណោ ធម្មោ អប្បមាណារម្មណស្ស ធម្មស្ស ហេតុបច្ចយេន បច្ចយោ – អប្បមាណារម្មណា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (១)

អារម្មណបច្ចយោ

១៤. បរិត្តារម្មណោ ធម្មោ បរិត្តារម្មណស្ស ធម្មស្ស អារម្មណបច្ចយេន បច្ចយោ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ បច្ចវេក្ខតិ, អរិយា បរិត្តារម្មណេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ. បរិត្តារម្មណេ បរិត្តេ ខន្ធេ អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ, តំ អារព្ភ បរិត្តារម្មណោ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. ចេតោបរិយញាណេន បរិត្តារម្មណបរិត្តចិត្តសមង្គិស្ស ចិត្តំ ជានាតិ. បរិត្តារម្មណា បរិត្តា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

បរិត្តារម្មណោ ធម្មោ មហគ្គតារម្មណស្ស ធម្មស្ស អារម្មណបច្ចយេន បច្ចយោ – ទិព្ពំ ចក្ខុំ បច្ចវេក្ខតិ, ទិព្ពំ សោតធាតុំ បច្ចវេក្ខតិ, បរិត្តារម្មណំ ឥទ្ធិវិធញាណំ បច្ចវេក្ខតិ, ចេតោបរិយញាណំ…បេ… បុព្ពេនិវាសានុស្សតិញាណំ…បេ… យថាកម្មូបគញាណំ…បេ… អនាគតំសញាណំ បច្ចវេក្ខតិ. បរិត្តារម្មណេ មហគ្គតេ ខន្ធេ អនិច្ចតោ…បេ… វិបស្សតិ, អស្សាទេតិ អភិនន្ទតិ, តំ អារព្ភ មហគ្គតារម្មណោ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. ចេតោបរិយញាណេន បរិត្តារម្មណមហគ្គតចិត្តសមង្គិស្ស ចិត្តំ ជានាតិ. បរិត្តារម្មណា មហគ្គតា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (២)

១៥. មហគ្គតារម្មណោ ធម្មោ មហគ្គតារម្មណស្ស ធម្មស្ស អារម្មណបច្ចយេន បច្ចយោ – វិញ្ញាណញ្ចាយតនំ បច្ចវេក្ខតិ, នេវសញ្ញានាសញ្ញាយតនំ បច្ចវេក្ខតិ, មហគ្គតារម្មណំ ឥទ្ធិវិធញាណំ បច្ចវេក្ខតិ, ចេតោបរិយញាណំ…បេ… បុព្ពេនិវាសានុស្សតិញាណំ…បេ… យថាកម្មូបគញាណំ…បេ… អនាគតំសញាណំ បច្ចវេក្ខតិ. មហគ្គតារម្មណេ មហគ្គតេ ខន្ធេ អនិច្ចតោ…បេ… វិបស្សតិ, អស្សាទេតិ អភិនន្ទតិ, តំ អារព្ភ មហគ្គតារម្មណោ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. ចេតោបរិយញាណេន មហគ្គតារម្មណមហគ្គតចិត្តសមង្គិស្ស ចិត្តំ ជានាតិ. មហគ្គតារម្មណា មហគ្គតា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

មហគ្គតារម្មណោ ធម្មោ បរិត្តារម្មណស្ស ធម្មស្ស អារម្មណបច្ចយេន បច្ចយោ – បឋមជ្ឈានបច្ចវេក្ខណំ បច្ចវេក្ខតិ…បេ… នេវសញ្ញានាសញ្ញាយតនបច្ចវេក្ខណំ បច្ចវេក្ខតិ, ទិព្ពចក្ខុបច្ចវេក្ខណំ បច្ចវេក្ខតិ, ទិព្ពសោតធាតុបច្ចវេក្ខណំ បច្ចវេក្ខតិ, ឥទ្ធិវិធញាណបច្ចវេក្ខណំ…បេ… ចេតោបរិយញាណបច្ចវេក្ខណំ…បេ… បុព្ពេនិវាសានុស្សតិញាណបច្ចវេក្ខណំ…បេ… យថាកម្មូបគញាណបច្ចវេក្ខណំ…បេ… អនាគតំសញាណបច្ចវេក្ខណំ បច្ចវេក្ខតិ, អរិយា មហគ្គតារម្មណេ បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ. មហគ្គតារម្មណេ បរិត្តេ ខន្ធេ អនិច្ចតោ…បេ… វិបស្សតិ, អស្សាទេតិ អភិនន្ទតិ, តំ អារព្ភ បរិត្តារម្មណោ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. ចេតោបរិយញាណេន មហគ្គតារម្មណបរិត្តចិត្តសមង្គិស្ស ចិត្តំ ជានាតិ. មហគ្គតារម្មណា បរិត្តា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (២)

១៦. អប្បមាណារម្មណោ ធម្មោ អប្បមាណារម្មណស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ. ចេតោបរិយញាណេន អប្បមាណារម្មណអប្បមាណចិត្តសមង្គិស្ស ចិត្តំ ជានាតិ. អប្បមាណារម្មណា អប្បមាណា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

អប្បមាណារម្មណោ ធម្មោ បរិត្តារម្មណស្ស ធម្មស្ស អារម្មណបច្ចយេន បច្ចយោ – អរិយា គោត្រភុំ បច្ចវេក្ខន្តិ, វោទានំ បច្ចវេក្ខន្តិ, មគ្គបច្ចវេក្ខណំ បច្ចវេក្ខន្តិ, ផលបច្ចវេក្ខណំ បច្ចវេក្ខន្តិ, និព្ពានបច្ចវេក្ខណំ បច្ចវេក្ខន្តិ. អប្បមាណារម្មណេ បរិត្តេ ខន្ធេ អនិច្ចតោ…បេ… វិបស្សតិ, ចេតោបរិយញាណេន អប្បមាណារម្មណបរិត្តចិត្តសមង្គិស្ស ចិត្តំ ជានាតិ. អប្បមាណារម្មណា បរិត្តា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស អាវជ្ជនាយ អារម្មណបច្ចយេន បច្ចយោ. (២)

អប្បមាណារម្មណោ ធម្មោ មហគ្គតារម្មណស្ស ធម្មស្ស អារម្មណបច្ចយេន បច្ចយោ – អរិយា អប្បមាណារម្មណំ ចេតោបរិយញាណំ បច្ចវេក្ខន្តិ, បុព្ពេនិវាសានុស្សតិញាណំ បច្ចវេក្ខន្តិ, អនាគតំសញាណំ បច្ចវេក្ខន្តិ. ចេតោបរិយញាណេន អប្បមាណារម្មណមហគ្គតចិត្តសមង្គិស្ស ចិត្តំ ជានន្តិ. អប្បមាណារម្មណំ មហគ្គតា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (៣)

អធិបតិបច្ចយោ

១៧. បរិត្តារម្មណោ ធម្មោ បរិត្តារម្មណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា សីលំ សមាទិយិត្វា ឧបោសថកម្មំ កត្វា តំ គរុំ កត្វា បច្ចវេក្ខតិ, បុព្ពេ សុចិណ្ណានិ គរុំ កត្វា បច្ចវេក្ខតិ, បរិត្តារម្មណេ បរិត្តេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា បរិត្តារម្មណោ រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – បរិត្តារម្មណាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

បរិត្តារម្មណោ ធម្មោ មហគ្គតារម្មណស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – ទិព្ពំ ចក្ខុំ គរុំ កត្វា បច្ចវេក្ខតិ, ទិព្ពំ សោតធាតុំ…បេ… បរិត្តារម្មណំ ឥទ្ធិវិធញាណំ…បេ… ចេតោបរិយញាណំ…បេ… បុព្ពេនិវាសានុស្សតិញាណំ…បេ… យថាកម្មូបគញាណំ…បេ… អនាគតំសញាណំ គរុំ កត្វា បច្ចវេក្ខតិ. បរិត្តារម្មណេ មហគ្គតេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា មហគ្គតារម្មណោ រាគោ ឧប្បជ្ជតិ, ទិដ្ឋិ ឧប្បជ្ជតិ. (២)

១៨. មហគ្គតារម្មណោ ធម្មោ មហគ្គតារម្មណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – វិញ្ញាណញ្ចាយតនំ គរុំ កត្វា បច្ចវេក្ខតិ, នេវសញ្ញានាសញ្ញាយតនំ…បេ… មហគ្គតារម្មណំ ឥទ្ធិវិធញាណំ…បេ… ចេតោបរិយញាណំ …បេ… បុព្ពេនិវាសានុស្សតិញាណំ…បេ… យថាកម្មូបគញាណំ…បេ… អនាគតំសញាណំ គរុំ កត្វា បច្ចវេក្ខតិ. មហគ្គតារម្មណេ មហគ្គតេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា មហគ្គតារម្មណោ រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – មហគ្គតារម្មណាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

មហគ្គតារម្មណោ ធម្មោ បរិត្តារម្មណស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – បឋមជ្ឈានបច្ចវេក្ខណំ គរុំ កត្វា បច្ចវេក្ខតិ…បេ… អនាគតំសញាណបច្ចវេក្ខណំ គរុំ កត្វា បច្ចវេក្ខតិ. មហគ្គតារម្មណេ បរិត្តេ ខន្ធេ គរុំ កត្វា អស្សាទេតិ អភិនន្ទតិ, តំ គរុំ កត្វា បរិត្តារម្មណោ រាគោ ឧប្បជ្ជតិ, ទិដ្ឋិ ឧប្បជ្ជតិ. (២)

១៩. អប្បមាណារម្មណោ ធម្មោ អប្បមាណារម្មណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ គរុំ កត្វា បច្ចវេក្ខន្តិ. សហជាតាធិបតិ – អប្បមាណារម្មណាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

អប្បមាណារម្មណោ ធម្មោ បរិត្តារម្មណស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – សេក្ខា គោត្រភុំ គរុំ កត្វា បច្ចវេក្ខន្តិ, វោទានំ គរុំ កត្វា បច្ចវេក្ខន្តិ, មគ្គបច្ចវេក្ខណំ គរុំ កត្វា បច្ចវេក្ខន្តិ, ផលបច្ចវេក្ខណំ គរុំ កត្វា បច្ចវេក្ខន្តិ, និព្ពានបច្ចវេក្ខណំ គរុំ កត្វា បច្ចវេក្ខន្តិ. (២)

អប្បមាណារម្មណោ ធម្មោ មហគ្គតារម្មណស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – សេក្ខា អប្បមាណារម្មណំ ចេតោបរិយញាណំ គរុំ កត្វា បច្ចវេក្ខន្តិ. បុព្ពេនិវាសានុស្សតិញាណំ…បេ… អនាគតំសញាណំ គរុំ កត្វា បច្ចវេក្ខន្តិ. (៣)

អនន្តរបច្ចយោ

២០. បរិត្តារម្មណោ ធម្មោ បរិត្តារម្មណស្ស ធម្មស្ស អនន្តរបច្ចយេន បច្ចយោ – បុរិមា បុរិមា បរិត្តារម្មណា ខន្ធា បច្ឆិមានំ បច្ឆិមានំ បរិត្តារម្មណានំ ខន្ធានំ អនន្តរបច្ចយេន បច្ចយោ. (១)

បរិត្តារម្មណោ ធម្មោ មហគ្គតារម្មណស្ស ធម្មស្ស អនន្តរបច្ចយេន បច្ចយោ – បរិត្តារម្មណំ ចុតិចិត្តំ មហគ្គតារម្មណស្ស ឧបបត្តិចិត្តស្ស អនន្តរបច្ចយេន បច្ចយោ. បរិត្តារម្មណំ ភវង្គំ មហគ្គតារម្មណាយ អាវជ្ជនាយ អនន្តរបច្ចយេន បច្ចយោ. បរិត្តារម្មណា ខន្ធា មហគ្គតារម្មណស្ស វុដ្ឋានស្ស អនន្តរបច្ចយេន បច្ចយោ. (២)

បរិត្តារម្មណោ ធម្មោ អប្បមាណារម្មណស្ស ធម្មស្ស អនន្តរបច្ចយេន បច្ចយោ – បរិត្តារម្មណំ ភវង្គំ អប្បមាណារម្មណាយ អាវជ្ជនាយ អនន្តរបច្ចយេន បច្ចយោ. បរិត្តារម្មណំ អនុលោមំ គោត្រភុស្ស… អនុលោមំ វោទានស្ស… អនុលោមំ ផលសមាបត្តិយា អនន្តរបច្ចយេន បច្ចយោ. (៣)

២១. មហគ្គតារម្មណោ ធម្មោ មហគ្គតារម្មណស្ស ធម្មស្ស អនន្តរបច្ចយេន បច្ចយោ – បុរិមា បុរិមា មហគ្គតារម្មណា ខន្ធា បច្ឆិមានំ បច្ឆិមានំ មហគ្គតារម្មណានំ ខន្ធានំ អនន្តរបច្ចយេន បច្ចយោ. (១)

មហគ្គតារម្មណោ ធម្មោ បរិត្តារម្មណស្ស ធម្មស្ស អនន្តរបច្ចយេន បច្ចយោ – មហគ្គតារម្មណំ ចុតិចិត្តំ បរិត្តារម្មណស្ស ឧបបត្តិចិត្តស្ស អនន្តរបច្ចយេន បច្ចយោ. មហគ្គតារម្មណំ ភវង្គំ បរិត្តារម្មណាយ អាវជ្ជនាយ អនន្តរបច្ចយេន បច្ចយោ. មហគ្គតារម្មណា ខន្ធា បរិត្តារម្មណស្ស វុដ្ឋានស្ស អនន្តរបច្ចយេន បច្ចយោ. (២)

មហគ្គតារម្មណោ ធម្មោ អប្បមាណារម្មណស្ស ធម្មស្ស អនន្តរបច្ចយេន បច្ចយោ – មហគ្គតារម្មណំ ភវង្គំ អប្បមាណារម្មណាយ អាវជ្ជនាយ អនន្តរបច្ចយេន បច្ចយោ. មហគ្គតារម្មណំ អនុលោមំ គោត្រភុស្ស… អនុលោមំ វោទានស្ស… អនុលោមំ ផលសមាបត្តិយា… និរោធា វុដ្ឋហន្តស្ស នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. (៣)

២២. អប្បមាណារម្មណោ ធម្មោ អប្បមាណារម្មណស្ស ធម្មស្ស អនន្តរបច្ចយេន បច្ចយោ – បុរិមា បុរិមា អប្បមាណារម្មណា ខន្ធា បច្ឆិមានំ បច្ឆិមានំ អប្បមាណារម្មណានំ ខន្ធានំ អនន្តរបច្ចយេន បច្ចយោ. គោត្រភុ មគ្គស្ស… វោទានំ មគ្គស្ស… មគ្គោ ផលស្ស… ផលំ ផលស្ស អនន្តរបច្ចយេន បច្ចយោ. (១)

អប្បមាណារម្មណោ ធម្មោ បរិត្តារម្មណស្ស ធម្មស្ស អនន្តរបច្ចយេន បច្ចយោ – មគ្គបច្ចវេក្ខណំ បរិត្តារម្មណស្ស វុដ្ឋានស្ស… ផលបច្ចវេក្ខណំ បរិត្តារម្មណស្ស វុដ្ឋានស្ស… និព្ពានបច្ចវេក្ខណំ បរិត្តារម្មណស្ស វុដ្ឋានស្ស… អប្បមាណារម្មណំ ចេតោបរិយញាណំ បរិត្តារម្មណស្ស វុដ្ឋានស្ស… បុព្ពេនិវាសានុស្សតិញាណំ បរិត្តារម្មណស្ស វុដ្ឋានស្ស… អនាគតំសញាណំ បរិត្តារម្មណស្ស វុដ្ឋានស្ស… ផលំ បរិត្តារម្មណស្ស វុដ្ឋានស្ស អនន្តរបច្ចយេន បច្ចយោ. (២)

អប្បមាណារម្មណោ ធម្មោ មហគ្គតារម្មណស្ស ធម្មស្ស អនន្តរបច្ចយេន បច្ចយោ – មគ្គបច្ចវេក្ខណំ មហគ្គតារម្មណស្ស វុដ្ឋានស្ស… ផលបច្ចវេក្ខណំ មហគ្គតារម្មណស្ស វុដ្ឋានស្ស… និព្ពានបច្ចវេក្ខណំ មហគ្គតារម្មណស្ស វុដ្ឋានស្ស… ផលំ មហគ្គតារម្មណស្ស វុដ្ឋានស្ស អនន្តរបច្ចយេន បច្ចយោ. (៣)

សមនន្តរបច្ចយោ

២៣. បរិត្តារម្មណោ ធម្មោ បរិត្តារម្មណស្ស ធម្មស្ស សមនន្តរបច្ចយេន បច្ចយោ (អនន្តរសទិសំ).

សហជាតបច្ចយាទិ

២៤. បរិត្តារម្មណោ ធម្មោ បរិត្តារម្មណស្ស ធម្មស្ស សហជាតបច្ចយេន បច្ចយោ… អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ… តីណិ (បដិច្ចវារសទិសា កាតព្ពា).

ឧបនិស្សយបច្ចយោ

២៥. បរិត្តារម្មណោ ធម្មោ បរិត្តារម្មណស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បរិត្តារម្មណំ សទ្ធំ ឧបនិស្សាយ ទានំ ទេតិ, សីលំ…បេ… ឧបោសថកម្មំ…បេ… បរិត្តារម្មណំ ឈានំ ឧប្បាទេតិ, វិបស្សនំ…បេ… អភិញ្ញំ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ. បរិត្តារម្មណំ សីលំ…បេ… បញ្ញំ… រាគំ ទោសំ… មោហំ… មានំ… ទិដ្ឋិំ… បត្ថនំ… កាយិកំ សុខំ… កាយិកំ ទុក្ខំ ឧបនិស្សាយ ទានំ ទេតិ, សីលំ…បេ… ឧបោសថកម្មំ…បេ… បរិត្តារម្មណំ ឈានំ ឧប្បាទេតិ, វិបស្សនំ…បេ… អភិញ្ញំ…បេ… សមាបត្តិំ ឧប្បាទេតិ, បាណំ ហនតិ…បេ… សង្ឃំ ភិន្ទតិ. បរិត្តារម្មណា សទ្ធា…បេ… បញ្ញា, រាគោ…បេ… បត្ថនា, កាយិកំ សុខំ… កាយិកំ ទុក្ខំ… បរិត្តារម្មណាយ សទ្ធាយ…បេ… បញ្ញាយ រាគស្ស…បេ… បត្ថនាយ, កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ. (១)

បរិត្តារម្មណោ ធម្មោ មហគ្គតារម្មណស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បរិត្តារម្មណំ សទ្ធំ ឧបនិស្សាយ មហគ្គតារម្មណំ ឈានំ ឧប្បាទេតិ, វិបស្សនំ…បេ… អភិញ្ញំ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ. បរិត្តារម្មណំ សីលំ…បេ… បញ្ញំ… រាគំ…បេ… បត្ថនំ… កាយិកំ សុខំ, កាយិកំ ទុក្ខំ ឧបនិស្សាយ មហគ្គតារម្មណំ ឈានំ ឧប្បាទេតិ, វិបស្សនំ…បេ… អភិញ្ញំ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ. បរិត្តារម្មណា សទ្ធា…បេ… កាយិកំ សុខំ, កាយិកំ ទុក្ខំ, មហគ្គតារម្មណាយ សទ្ធាយ…បេ… បញ្ញាយ រាគស្ស…បេ… បត្ថនាយ ឧបនិស្សយបច្ចយេន បច្ចយោ. (២)

បរិត្តារម្មណោ ធម្មោ អប្បមាណារម្មណស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បរិត្តារម្មណំ សទ្ធំ ឧបនិស្សាយ អប្បមាណារម្មណំ ឈានំ ឧប្បាទេតិ, មគ្គំ…បេ… អភិញ្ញំ…បេ… សមាបត្តិំ ឧប្បាទេតិ. បរិត្តារម្មណំ សីលំ…បេ… បញ្ញំ, រាគំ…បេ… កាយិកំ សុខំ, កាយិកំ ទុក្ខំ ឧបនិស្សាយ អប្បមាណារម្មណំ ឈានំ ឧប្បាទេតិ, មគ្គំ… អភិញ្ញំ… សមាបត្តិំ ឧប្បាទេតិ. បរិត្តារម្មណា សទ្ធា…បេ… កាយិកំ សុខំ, កាយិកំ ទុក្ខំ អប្បមាណារម្មណាយ សទ្ធាយ…បេ… បញ្ញាយ ឧបនិស្សយបច្ចយេន បច្ចយោ. (៣)

២៦. មហគ្គតារម្មណោ ធម្មោ មហគ្គតារម្មណស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – មហគ្គតារម្មណំ សទ្ធំ ឧបនិស្សាយ មហគ្គតារម្មណំ ឈានំ ឧប្បាទេតិ, វិបស្សនំ… អភិញ្ញំ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ. មហគ្គតារម្មណំ សីលំ…បេ… បញ្ញំ, រាគំ…បេ… បត្ថនំ ឧបនិស្សាយ មហគ្គតារម្មណំ ឈានំ ឧប្បាទេតិ…បេ… ទិដ្ឋិំ គណ្ហាតិ. មហគ្គតារម្មណា សទ្ធា…បេ… បញ្ញា, រាគោ…បេ… បត្ថនា មហគ្គតារម្មណាយ សទ្ធាយ…បេ… បត្ថនាយ ឧបនិស្សយបច្ចយេន បច្ចយោ. (១)

មហគ្គតារម្មណោ ធម្មោ បរិត្តារម្មណស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – មហគ្គតារម្មណំ សទ្ធំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, បរិត្តារម្មណំ ឈានំ ឧប្បាទេតិ, វិបស្សនំ… អភិញ្ញំ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ. មហគ្គតារម្មណំ សីលំ…បេ… បត្ថនំ ឧបនិស្សាយ ទានំ ទេតិ…បេ… ទិដ្ឋិំ គណ្ហាតិ. មហគ្គតារម្មណា សទ្ធា…បេ… បត្ថនា បរិត្តារម្មណាយ សទ្ធាយ…បេ… បត្ថនាយ កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ. (២)

មហគ្គតារម្មណោ ធម្មោ អប្បមាណារម្មណស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – មហគ្គតារម្មណំ សទ្ធំ ឧបនិស្សាយ អប្បមាណារម្មណំ ឈានំ ឧប្បាទេតិ, មគ្គំ… អភិញ្ញំ… សមាបត្តិំ ឧប្បាទេតិ. មហគ្គតារម្មណំ សីលំ…បេ… បត្ថនំ ឧបនិស្សាយ អប្បមាណារម្មណំ ឈានំ ឧប្បាទេតិ…បេ… សមាបត្តិំ ឧប្បាទេតិ. មហគ្គតារម្មណា សទ្ធា…បេ… បត្ថនា អប្បមាណារម្មណាយ សទ្ធាយ…បេ… បញ្ញាយ ឧបនិស្សយបច្ចយេន បច្ចយោ (៣)

២៧. អប្បមាណារម្មណោ ធម្មោ អប្បមាណារម្មណស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អប្បមាណារម្មណំ សទ្ធំ ឧបនិស្សាយ អប្បមាណារម្មណំ ឈានំ ឧប្បាទេតិ, មគ្គំ… អភិញ្ញំ… សមាបត្តិំ ឧប្បាទេតិ. អប្បមាណារម្មណំ សីលំ…បេ… បញ្ញំ ឧបនិស្សាយ អប្បមាណារម្មណំ ឈានំ ឧប្បាទេតិ. មគ្គំ…បេ… អភិញ្ញំ…បេ… សមាបត្តិំ ឧប្បាទេតិ អប្បមាណារម្មណា សទ្ធា…បេ… បញ្ញា អប្បមាណារម្មណាយ សទ្ធាយ…បេ… បញ្ញាយ មគ្គស្ស ផលសមាបត្តិយា ឧបនិស្សយបច្ចយេន បច្ចយោ. (១)

អប្បមាណារម្មណោ ធម្មោ បរិត្តារម្មណស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អប្បមាណារម្មណំ សទ្ធំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, បរិត្តារម្មណំ ឈានំ ឧប្បាទេតិ, វិបស្សនំ… អភិញ្ញំ… សមាបត្តិំ ឧប្បាទេតិ. អប្បមាណារម្មណំ សីលំ…បេ… បញ្ញំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ. អប្បមាណារម្មណា សទ្ធា…បេ… បញ្ញា បរិត្តារម្មណាយ សទ្ធាយ…បេ… បញ្ញាយ កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ. (២)

អប្បមាណារម្មណោ ធម្មោ មហគ្គតារម្មណស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អប្បមាណារម្មណំ សទ្ធំ ឧបនិស្សាយ មហគ្គតារម្មណំ ឈានំ ឧប្បាទេតិ, វិបស្សនំ… អភិញ្ញំ… សមាបត្តិំ ឧប្បាទេតិ. អប្បមាណារម្មណំ សីលំ…បេ… បញ្ញំ ឧបនិស្សាយ មហគ្គតារម្មណំ ឈានំ ឧប្បាទេតិ, វិបស្សនំ… អភិញ្ញំ… សមាបត្តិំ ឧប្បាទេតិ. អប្បមាណារម្មណា សទ្ធា…បេ… បញ្ញា មហគ្គតារម្មណាយ សទ្ធាយ…បេ… បញ្ញាយ ឧបនិស្សយបច្ចយេន បច្ចយោ. (៣)

អាសេវនបច្ចយោ

២៨. បរិត្តារម្មណោ ធម្មោ បរិត្តារម្មណស្ស ធម្មស្ស អាសេវនបច្ចយេន បច្ចយោ – បុរិមា បុរិមា បរិត្តារម្មណា ខន្ធា បច្ឆិមានំ បច្ឆិមានំ បរិត្តារម្មណានំ ខន្ធានំ អាសេវនបច្ចយេន បច្ចយោ. (១)

បរិត្តារម្មណោ ធម្មោ អប្បមាណារម្មណស្ស ធម្មស្ស អាសេវនបច្ចយេន បច្ចយោ – បរិត្តារម្មណំ អនុលោមំ គោត្រភុស្ស… អនុលោមំ វោទានស្ស អាសេវនបច្ចយេន បច្ចយោ. (២)

២៩. មហគ្គតារម្មណោ ធម្មោ មហគ្គតារម្មណស្ស ធម្មស្ស អាសេវនបច្ចយេន បច្ចយោ – បុរិមា បុរិមា មហគ្គតារម្មណា ខន្ធា បច្ឆិមានំ បច្ឆិមានំ មហគ្គតារម្មណានំ ខន្ធានំ អាសេវនបច្ចយេន បច្ចយោ. (១)

មហគ្គតារម្មណោ ធម្មោ អប្បមាណារម្មណស្ស ធម្មស្ស អាសេវនបច្ចយេន បច្ចយោ – មហគ្គតារម្មណំ អនុលោមំ គោត្រភុស្ស… អនុលោមំ វោទានស្ស អាសេវនបច្ចយេន បច្ចយោ. (២)

៣០. អប្បមាណារម្មណោ ធម្មោ អប្បមាណារម្មណស្ស ធម្មស្ស អាសេវនបច្ចយេន បច្ចយោ – បុរិមា បុរិមា អប្បមាណារម្មណា ខន្ធា បច្ឆិមានំ បច្ឆិមានំ អប្បមាណារម្មណានំ ខន្ធានំ អាសេវនបច្ចយេន បច្ចយោ. គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ. (១)

កម្មបច្ចយោ

៣១. បរិត្តារម្មណោ ធម្មោ បរិត្តារម្មណស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – បរិត្តារម្មណា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. បដិសន្ធិក្ខណេ…បេ…. នានាក្ខណិកា – បរិត្តារម្មណា ចេតនា វិបាកានំ បរិត្តារម្មណានំ ខន្ធានំ កម្មបច្ចយេន បច្ចយោ. (១)

មហគ្គតារម្មណោ ធម្មោ មហគ្គតារម្មណស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – មហគ្គតារម្មណា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. បដិសន្ធិក្ខណេ…បេ…. នានាក្ខណិកា – មហគ្គតារម្មណា ចេតនា វិបាកានំ មហគ្គតារម្មណានំ ខន្ធានំ កម្មបច្ចយេន បច្ចយោ. (១)

មហគ្គតារម្មណោ ធម្មោ បរិត្តារម្មណស្ស ធម្មស្ស កម្មបច្ចយេន បច្ចយោ. នានាក្ខណិកា – មហគ្គតារម្មណា ចេតនា វិបាកានំ បរិត្តារម្មណានំ ខន្ធានំ កម្មបច្ចយេន បច្ចយោ. (២)

៣២. អប្បមាណារម្មណោ ធម្មោ អប្បមាណារម្មណស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – អប្បមាណារម្មណា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. នានាក្ខណិកា – អប្បមាណារម្មណា ចេតនា វិបាកានំ អប្បមាណារម្មណានំ ខន្ធានំ កម្មបច្ចយេន បច្ចយោ. (១)

អប្បមាណារម្មណោ ធម្មោ បរិត្តារម្មណស្ស ធម្មស្ស កម្មបច្ចយេន បច្ចយោ. នានាក្ខណិកា – អប្បមាណារម្មណា ចេតនា វិបាកានំ បរិត្តារម្មណានំ ខន្ធានំ កម្មបច្ចយេន បច្ចយោ. (២)

វិបាកបច្ចយាទិ

៣៣. បរិត្តារម្មណោ ធម្មោ បរិត្តារម្មណស្ស ធម្មស្ស វិបាកបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយ… អត្ថិបច្ចយេន បច្ចយោ… នត្ថិបច្ចយេន បច្ចយោ… វិគតបច្ចយេន បច្ចយ… អវិគតបច្ចយេន បច្ចយោ.

១. បច្ចយានុលោមំ

២. សង្ខ្យាវារោ

៣៤. ហេតុយា តីណិ, អារម្មណេ សត្ត, អធិបតិយា សត្ត, អនន្តរេ នវ, សមនន្តរេ នវ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ នវ, អាសេវនេ បញ្ច, កម្មេ បញ្ច, វិបាកេ តីណិ, អាហារេ តីណិ, ឥន្ទ្រិយេ ឈានេ មគ្គេ សម្បយុត្តេ អត្ថិយា តីណិ, នត្ថិយា នវ, វិគតេ នវ, អវិគតេ តីណិ (ឯវំ គណេតព្ពំ).

អនុលោមំ.

បច្ចនីយុទ្ធារោ

៣៥. បរិត្តារម្មណោ ធម្មោ បរិត្តារម្មណស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (១)

បរិត្តារម្មណោ ធម្មោ មហគ្គតារម្មណស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (២)

បរិត្តារម្មណោ ធម្មោ អប្បមាណារម្មណស្ស ធម្មស្ស ឧបនិស្សយបច្ចយេន បច្ចយោ. (៣)

៣៦. មហគ្គតារម្មណោ ធម្មោ មហគ្គតារម្មណស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

មហគ្គតារម្មណោ ធម្មោ បរិត្តារម្មណស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (២)

មហគ្គតារម្មណោ ធម្មោ អប្បមាណារម្មណស្ស ធម្មស្ស ឧបនិស្សយបច្ចយេន បច្ចយោ. (៣)

៣៧. អប្បមាណារម្មណោ ធម្មោ អប្បមាណារម្មណស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

អប្បមាណារម្មណោ ធម្មោ បរិត្តារម្មណស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… កម្មបច្ចយេន បច្ចយោ. (២)

អប្បមាណារម្មណោ ធម្មោ មហគ្គតារម្មណស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ. (៣)

២. បច្ចយបច្ចនីយំ

២. សង្ខ្យាវារោ

៣៨. នហេតុយា នវ, នអារម្មណេ នវ, នអធិបតិយា នវ, នអនន្តរេ នវ, នសមនន្តរេ នវ, នសហជាតេ នវ, នអញ្ញមញ្ញេ នវ, ននិស្សយេ នវ, នឧបនិស្សយេ សត្ត, នបុរេជាតេ នវ, នបច្ឆាជាតេ នវ, នអាសេវនេ នវ…បេ… នមគ្គេ នវ, នសម្បយុត្តេ នវ, នវិប្បយុត្តេ នវ, នោអត្ថិយា នវ, នោនត្ថិយា នវ, នោវិគតេ នវ, នោអវិគតេ នវ (ឯវំ គណេតព្ពំ).

បច្ចនីយំ.

៣. បច្ចយានុលោមបច្ចនីយំ

នហេតុទុកំ

៣៩. ហេតុបច្ចយា នអារម្មណេ តីណិ, នអធិបតិយា នអនន្តរេ នសមនន្តរេ នឧបនិស្សយេ នបុរេជាតេ នបច្ឆាជាតេ នអាសេវនេ តីណិ…បេ… នមគ្គេ នវិប្បយុត្តេ នោនត្ថិយា នោវិគតេ តីណិ (ឯវំ គណេតព្ពំ).

អនុលោមបច្ចនីយំ.

៤. បច្ចយបច្ចនីយានុលោមំ

ហេតុទុកំ

៤០. នហេតុបច្ចយា អារម្មណេ សត្ត, អធិបតិយា សត្ត, អនន្តរេ នវ, សមនន្តរេ នវ, សហជាតេ តីណិ, អញ្ញមញ្ញេ តីណិ, និស្សយេ តីណិ, ឧបនិស្សយេ នវ, អាសេវនេ បញ្ច, កម្មេ បញ្ច, វិបាកេ តីណិ…បេ… សម្បយុត្តេ តីណិ, អត្ថិយា តីណិ, នត្ថិយា នវ, វិគតេ នវ, អវិគតេ តីណិ (ឯវំ គណេតព្ពំ).

បច្ចនីយានុលោមំ.

បញ្ហាវារោ.

បរិត្តារម្មណត្តិកំ និដ្ឋិតំ.