១. វិភង្គវារោ

នហេតុបច្ចយោ

១៣. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ នហេតុបច្ចយា – អហេតុកំ ឧបាទិន្នុបាទានិយំ ឯកំ ខន្ធំ បដិច្ច តយោ ខន្ធា, ទ្វេ ខន្ធេ បដិច្ច ទ្វេ ខន្ធា, អហេតុកបដិសន្ធិក្ខណេ ឧបាទិន្នុបាទានិយំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ បដិច្ច ទ្វេ ខន្ធា កដត្តា ច រូបំ; ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច កដត្តារូបំ ឧបាទារូបំ; អសញ្ញសត្តានំ ឯកំ មហាភូតំ បដិច្ច…បេ… មហាភូតេ បដិច្ច កដត្តារូបំ ឧបាទារូបំ. (១)

ឧបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នហេតុបច្ចយា – អហេតុកេ ឧបាទិន្នុបាទានិយេ ខន្ធេ បដិច្ច ចិត្តសមុដ្ឋានំ រូបំ. (២)

ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ច អនុបាទិន្នុបាទានិយោ ច ធម្មា ឧប្បជ្ជន្តិ នហេតុបច្ចយា – អហេតុកំ ឧបាទិន្នុបាទានិយំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. (៣)

អនុបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នហេតុបច្ចយា – អហេតុកំ អនុបាទិន្នុបាទានិយំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. អនុបាទិន្នុបាទានិយំ ឯកំ មហាភូតំ…បេ… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ. ពាហិរំ… អាហារសមុដ្ឋានំ… ឧតុសមុដ្ឋានំ ឯកំ មហាភូតំ បដិច្ច…បេ… មហាភូតេ បដិច្ច ឧបាទារូបំ. វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច វិចិកិច្ឆាសហគតោ ឧទ្ធច្ចសហគតោ មោហោ. (១)

ឧបាទិន្នុបាទានិយញ្ច អនុបាទិន្នុបាទានិយញ្ច ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នហេតុបច្ចយា – អហេតុកេ ឧបាទិន្នុបាទានិយេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

នអារម្មណបច្ចយោ

១៤. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ នអារម្មណបច្ចយា – បដិសន្ធិក្ខណេ ឧបាទិន្នុបាទានិយេ ខន្ធេ បដិច្ច កដត្តារូបំ, ខន្ធេ បដិច្ច វត្ថុ, ឯកំ មហាភូតំ បដិច្ច…បេ… អសញ្ញសត្តានំ ឯកំ មហាភូតំ បដិច្ច…បេ…. (១)

ឧបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នអារម្មណបច្ចយា – ឧបាទិន្នុបាទានិយេ ខន្ធេ បដិច្ច ចិត្តសមុដ្ឋានំ រូបំ. (២)

អនុបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នអារម្មណបច្ចយា – អនុបាទិន្នុបាទានិយេ ខន្ធេ បដិច្ច ចិត្តសមុដ្ឋានំ រូបំ, ឯកំ មហាភូតំ បដិច្ច …បេ… ពាហិរំ… អាហារសមុដ្ឋានំ… ឧតុសមុដ្ឋានំ ឯកំ មហាភូតំ បដិច្ច…បេ…. (១)

អនុបាទិន្នអនុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នអារម្មណបច្ចយា – អនុបាទិន្នអនុបាទានិយេ ខន្ធេ បដិច្ច ចិត្តសមុដ្ឋានំ រូបំ. (១)

អនុបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នអារម្មណបច្ចយា – អនុបាទិន្នអនុបាទានិយេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

ឧបាទិន្នុបាទានិយញ្ច អនុបាទិន្នុបាទានិយញ្ច ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នអារម្មណបច្ចយា – ឧបាទិន្នុបាទានិយេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

នអធិបតិបច្ចយោ

១៥. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ នអធិបតិបច្ចយា (បដិសន្ធិ បរិបុណ្ណំ)… តីណិ.

អនុបាទិន្នុបាទានិយំ ធម្មំ បដិច្ច… ឯកា.

អនុបាទិន្នអនុបាទានិយំ ធម្មំ បដិច្ច អនុបាទិន្នអនុបាទានិយោ ធម្មោ ឧប្បជ្ជតិ នអធិបតិបច្ចយា – អនុបាទិន្នអនុបាទានិយេ ខន្ធេ បដិច្ច អនុបាទិន្នអនុបាទានិយា អធិបតិ. (១)

ឧបាទិន្នុបាទានិយញ្ច អនុបាទិន្នុបាទានិយញ្ច ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នអធិបតិបច្ចយា – ឧបាទិន្នុបាទានិយេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ.

នអនន្តរបច្ចយាទិ

១៦. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ នអនន្តរបច្ចយា…បេ… នសមនន្តរបច្ចយា…. នអញ្ញមញ្ញបច្ចយា… នឧបនិស្សយបច្ចយា… នបុរេជាតបច្ចយា… នបច្ឆាជាតបច្ចយា… នអាសេវនបច្ចយា…បេ….

អនុបាទិន្នអនុបាទានិយំ ធម្មំ បដិច្ច អនុបាទិន្នអនុបាទានិយោ ធម្មោ ឧប្បជ្ជតិ នអាសេវនបច្ចយា – វិបាកំ អនុបាទិន្នអនុបាទានិយំ ឯកំ ខន្ធំ បដិច្ច តយោ ខន្ធា (សំខិត្តំ).

នកម្មបច្ចយោ

១៧. អនុបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នកម្មបច្ចយា – អនុបាទិន្នុបាទានិយេ ខន្ធេ បដិច្ច អនុបាទិន្នុបាទានិយា ចេតនា. ពាហិរំ… អាហារសមុដ្ឋានំ… ឧតុសមុដ្ឋានំ ឯកំ មហាភូតំ បដិច្ច…បេ…. (១)

អនុបាទិន្នអនុបាទានិយំ ធម្មំ បដិច្ច អនុបាទិន្នអនុបាទានិយោ ធម្មោ ឧប្បជ្ជតិ នកម្មបច្ចយា – កុសលេ អនុបាទិន្នអនុបាទានិយេ ខន្ធេ បដិច្ច អនុបាទិន្នអនុបាទានិយា ចេតនា. (២)

នវិបាកបច្ចយោ

១៨. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ នវិបាកបច្ចយា – អសញ្ញសត្តានំ ឯកំ មហាភូតំ បដិច្ច…បេ… មហាភូតេ បដិច្ច កដត្តារូបំ ឧបាទារូបំ. (១)

អនុបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នវិបាកបច្ចយា… ឯកា.

អនុបាទិន្នអនុបាទានិយំ ធម្មំ បដិច្ច អនុបាទិន្នអនុបាទានិយោ ធម្មោ ឧប្បជ្ជតិ នវិបាកបច្ចយា – កុសលំ អនុបាទិន្នអនុបាទានិយំ ឯកំ ខន្ធំ បដិច្ច តយោ ខន្ធា… តីណិ.

អនុបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នវិបាកបច្ចយា – កុសលេ អនុបាទិន្នអនុបាទានិយេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

នអាហារបច្ចយោ

១៩. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ នអាហារបច្ចយា – អសញ្ញសត្តានំ ឯកំ មហាភូតំ បដិច្ច…បេ…. (១)

អនុបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នអាហារបច្ចយា – ពាហិរំ… ឧតុសមុដ្ឋានំ ឯកំ មហាភូតំ បដិច្ច…បេ…. (១)

នឥន្ទ្រិយបច្ចយោ

២០. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ នឥន្ទ្រិយបច្ចយា – អសញ្ញសត្តានំ មហាភូតេ បដិច្ច រូបជីវិតិន្ទ្រិយំ. (១)

អនុបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នឥន្ទ្រិយបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ ឯកំ មហាភូតំ បដិច្ច…បេ…. (១)

នឈានបច្ចយោ

២១. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ នឈានបច្ចយា – បញ្ចវិញ្ញាណសហគតំ ឯកំ ខន្ធំ បដិច្ច តយោ ខន្ធា…បេ… អសញ្ញសត្តានំ ឯកំ មហាភូតំ បដិច្ច …បេ…. (១)

អនុបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នឈានបច្ចយា – ពាហិរំ… អាហារសមុដ្ឋានំ… ឧតុសមុដ្ឋានំ ឯកំ មហាភូតំ បដិច្ច…បេ…. (១)

នមគ្គបច្ចយោ

២២. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ នមគ្គបច្ចយា – អហេតុកំ ឧបាទិន្នុបាទានិយំ ឯកំ ខន្ធំ បដិច្ច តយោ ខន្ធា… បញ្ច.

នសម្បយុត្តបច្ចយោ

២៣. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ នសម្បយុត្តបច្ចយា (នអារម្មណបច្ចយសទិសំ).

នវិប្បយុត្តបច្ចយោ

២៤. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ នវិប្បយុត្តបច្ចយា – អរូបេ ឧបាទិន្នុបាទានិយំ ឯកំ ខន្ធំ បដិច្ច តយោ ខន្ធា…បេ… អសញ្ញសត្តានំ ឯកំ មហាភូតំ បដិច្ច…បេ…. (១)

អនុបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ នវិប្បយុត្តបច្ចយា – អរូបេ អនុបាទិន្នុបាទានិយំ ឯកំ ខន្ធំ បដិច្ច តយោខន្ធា…បេ… ពាហិរំ… អាហារសមុដ្ឋានំ… ឧតុសមុដ្ឋានំ ឯកំ មហាភូតំ បដិច្ច…បេ…. (១)

អនុបាទិន្នអនុបាទានិយំ ធម្មំ បដិច្ច អនុបាទិន្នអនុបាទានិយោ ធម្មោ ឧប្បជ្ជតិ នវិប្បយុត្តបច្ចយា – អរូបេ អនុបាទិន្នអនុបាទានិយំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

នោនត្ថិ-នោវិគតបច្ចយា

២៥. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ នោនត្ថិបច្ចយា… នោវិគតបច្ចយា.

(យថា កុសលត្តិកេ បច្ចនីយវារោ វិត្ថារិតោ, ឯវំ វិត្ថារេតព្ពោ.)