២. សង្ខ្យាវារោ

សុទ្ធំ

៨៨. ហេតុយា សត្ត, អារម្មណេ ឆ, អធិបតិយា បញ្ច, អនន្តរេ សត្ត, សមនន្តរេ សត្ត, សហជាតេ នវ, អញ្ញមញ្ញេ តីណិ, និស្សយេ ឯកាទស, ឧបនិស្សយេ នវ, បុរេជាតេ សត្ត, បច្ឆាជាតេ នវ, អាសេវនេ ទ្វេ, កម្មេ អដ្ឋ, វិបាកេ ឆ, អាហារេ ទ្វាទស, ឥន្ទ្រិយេ សត្ត, ឈានេ សត្ត, មគ្គេ សត្ត, សម្បយុត្តេ តីណិ, វិប្បយុត្តេ ទស, អត្ថិយា តេវីស, នត្ថិយា សត្ត, វិគតេ សត្ត, អវិគតេ តេវីស.

សភាគំ

ហេតុបច្ចយា អធិបតិយា ចត្តារិ, សហជាតេ សត្ត, អញ្ញមញ្ញេ តីណិ, និស្សយេ សត្ត, វិបាកេ ឆ, ឥន្ទ្រិយេ សត្ត, មគ្គេ សត្ត, សម្បយុត្តេ តីណិ, វិប្បយុត្តេ ចត្តារិ, អត្ថិយា សត្ត, អវិគតេ សត្ត (សំខិត្តំ).

(យថា កុសលត្តិកស្ស គណនា សជ្ឈាយមគ្គេន គណិតា, ឯវំ គណេតព្ពា. កុសលត្តិកស្ស គណនតោ ឧបាទិន្នត្តិកេ គណនា គម្ភីរា សុខុមតរា ច, ឯវំ កាតូន អសម្មោហន្តេន គណេតព្ពំ.)

អនុលោមំ.

បច្ចនីយុទ្ធារោ

៨៩. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ … បច្ឆាជាតបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… អាហារបច្ចយេន បច្ចយោ. (២)

ឧបាទិន្នុបាទានិយោ ធម្មោ អនុបាទិន្នអនុបាទានិយស្ស ធម្មស្ស ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៣)

ឧបាទិន្នុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស សហជាតបច្ចយេន បច្ចយោ… បច្ឆាជាតបច្ចយេន បច្ចយោ… អាហារបច្ចយេន បច្ចយោ. (៤)

អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… អាហារបច្ចយេន បច្ចយោ. (១)

អនុបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ… អាហារបច្ចយេន បច្ចយោ. (២)

អនុបាទិន្នុបាទានិយោ ធម្មោ អនុបាទិន្នអនុបាទានិយស្ស ធម្មស្ស ឧបនិស្សយបច្ចយេន បច្ចយោ. (៣)

អនុបាទិន្នុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស បច្ឆាជាតបច្ចយេន បច្ចយោ… អាហារបច្ចយេន បច្ចយោ. (៤)

៩០. អនុបាទិន្នអនុបាទានិយោ ធម្មោ អនុបាទិន្នអនុបាទានិយស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ. (១)

អនុបាទិន្នអនុបាទានិយោ ធម្មោ ឧបាទិន្នុបាទានិយស្ស ធម្មស្ស ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (២)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ. (៣)

អនុបាទិន្នអនុបាទានិយោ ធម្មោ ឧបាទិន្នុបាទានិយស្ស ច អនុបាទិន្នអនុបាទានិយស្ស ច ធម្មស្ស សហជាតំ, បច្ឆាជាតំ. (៤)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ច អនុបាទិន្នអនុបាទានិយស្ស ច ធម្មស្ស សហជាតំ, បច្ឆាជាតំ. (៥)

អនុបាទិន្នអនុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស បច្ឆាជាតបច្ចយេន បច្ចយោ. (៦)

អនុបាទិន្នអនុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច អនុបាទិន្នអនុបាទានិយស្ស ច ធម្មស្ស សហជាតំ, បច្ឆាជាតំ. (៧)

ឧបាទិន្នុបាទានិយោ ច អនុបាទិន្នអនុបាទានិយោ ច ធម្មា ឧបាទិន្នុបាទានិយស្ស ធម្មស្ស បច្ឆាជាតំ, ឥន្ទ្រិយំ. (១)

ឧបាទិន្នុបាទានិយោ ច អនុបាទិន្នអនុបាទានិយោ ច ធម្មា អនុបាទិន្នអនុបាទានិយស្ស ធម្មស្ស សហជាតំ, បុរេជាតំ. (២)

អនុបាទិន្នុបាទានិយោ ច អនុបាទិន្នអនុបាទានិយោ ច ធម្មា ឧបាទិន្នុបាទានិយស្ស ធម្មស្ស បច្ឆាជាតំ, អាហារំ. (១)

អនុបាទិន្នុបាទានិយោ ច អនុបាទិន្នអនុបាទានិយោ ច ធម្មា អនុបាទិន្នុបាទានិយស្ស ធម្មស្ស សហជាតំ, បច្ឆាជាតំ, អាហារំ. (២)

អនុបាទិន្នុបាទានិយោ ច អនុបាទិន្នអនុបាទានិយោ ច ធម្មា ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស បច្ឆាជាតំ, អាហារំ. (៣)

ឧបាទិន្នុបាទានិយោ ច អនុបាទិន្នុបាទានិយោ ច ធម្មា ឧបាទិន្នុបាទានិយស្ស ធម្មស្ស បុរេជាតំ, បច្ឆាជាតំ, អាហារំ, ឥន្ទ្រិយំ. (១)

ឧបាទិន្នុបាទានិយោ ច អនុបាទិន្នុបាទានិយោ ច ធម្មា អនុបាទិន្នុបាទានិយស្ស ធម្មស្ស សហជាតំ, បុរេជាតំ, បច្ឆាជាតំ, អាហារំ. (២)

ឧបាទិន្នុបាទានិយោ ច អនុបាទិន្នុបាទានិយោ ច ធម្មា ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស អាហារំ. (៣)

ឧបាទិន្នុបាទានិយោ ច អនុបាទិន្នុបាទានិយោ ច អនុបាទិន្នអនុបាទានិយោ ច ធម្មា ឧបាទិន្នុបាទានិយស្ស ធម្មស្ស បច្ឆាជាតំ, អាហារំ, ឥន្ទ្រិយំ. (១)