១. វិភង្គវារោ

ហេតុបច្ចយោ

១. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា – ឧបាទិន្នុបាទានិយំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា; បដិសន្ធិក្ខណេ ឧបាទិន្នុបាទានិយំ ឯកំ ខន្ធំ បដិច្ច តយោ ខន្ធា កដត្តា ច រូបំ…បេ… ទ្វេ ខន្ធេ បដិច្ច ទ្វេ ខន្ធា កដត្តា ច រូបំ; ខន្ធេ បដិច្ច វត្ថុ, វត្ថុំ ខន្ធា; ឧបាទិន្នុបាទានិយំ ឯកំ មហាភូតំ បដិច្ច តយោ មហាភូតា…បេ… ទ្វេ មហាភូតេ បដិច្ច ទ្វេ មហាភូតា, មហាភូតេ បដិច្ច កដត្តារូបំ ឧបាទារូបំ. (១)

ឧបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា – ឧបាទិន្នុបាទានិយេ ខន្ធេ បដិច្ច ចិត្តសមុដ្ឋានំ រូបំ. (២)

ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ច អនុបាទិន្នុបាទានិយោ ច ធម្មា ឧប្បជ្ជន្តិ ហេតុបច្ចយា – ឧបាទិន្នុបាទានិយំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. (៣)

អនុបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា – អនុបាទិន្នុបាទានិយំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ; អនុបាទិន្នុបាទានិយំ ឯកំ មហាភូតំ បដិច្ច តយោ មហាភូតា…បេ… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ. (១)

អនុបាទិន្នអនុបាទានិយំ ធម្មំ បដិច្ច អនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា – អនុបាទិន្នអនុបាទានិយំ ឯកំ ខន្ធំ បដិច្ច តយោ ខន្ធា…បេ… ទ្វេ ខន្ធេ បដិច្ច ទ្វេ ខន្ធា. (១)

អនុបាទិន្នអនុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា – អនុបាទិន្នអនុបាទានិយេ ខន្ធេ បដិច្ច ចិត្តសមុដ្ឋានំ រូបំ. (២)

អនុបាទិន្នអនុបាទានិយំ ធម្មំ បដិច្ច អនុបាទិន្នុបាទានិយោ ច អនុបាទិន្នអនុបាទានិយោ ច ធម្មា ឧប្បជ្ជន្តិ ហេតុបច្ចយា – អនុបាទិន្នអនុបាទានិយំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បដិច្ច ទ្វេ ខន្ធា ចិត្តសមុដ្ឋានញ្ច រូបំ. (៣)

អនុបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា – អនុបាទិន្នអនុបាទានិយេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

ឧបាទិន្នុបាទានិយញ្ច អនុបាទិន្នុបាទានិយញ្ច ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា – ឧបាទិន្នុបាទានិយេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អារម្មណបច្ចយោ

២. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ អារម្មណបច្ចយា – ឧបាទិន្នុបាទានិយំ ឯកំ ខន្ធំ បដិច្ច…បេ… បដិសន្ធិក្ខណេ…បេ….

អនុបាទិន្នុបាទានិយំ ធម្មំ បដិច្ច…បេ….

អនុបាទិន្នអនុបាទានិយំ ធម្មំ បដិច្ច…បេ… អារម្មណបច្ចយា… តីណិ.

អធិបតិបច្ចយោ

៣. អនុបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ អធិបតិបច្ចយា – អនុបាទិន្នុបាទានិយំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ឯកំ មហាភូតំ បដិច្ច…បេ… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ. (១)

អនុបាទិន្នអនុបាទានិយំ ធម្មំ បដិច្ច… តីណិ.

អនុបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ អធិបតិបច្ចយា – អនុបាទិន្នអនុបាទានិយេ ខន្ធេ ច មហាភូតេ ច បដិច្ច ចិត្តសមុដ្ឋានំ រូបំ. (១)

អនន្តរបច្ចយាទិ

៤. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ អនន្តរបច្ចយា… សមនន្តរបច្ចយា… សហជាតបច្ចយា – ឧបាទិន្នុបាទានិយំ ឯកំ ខន្ធំ បដិច្ច…បេ… បដិសន្ធិក្ខណេ…បេ… ឯកំ មហាភូតំ បដិច្ច…បេ… មហាភូតេ បដិច្ច កដត្តារូបំ ឧបាទារូបំ; អសញ្ញសត្តានំ ឯកំ មហាភូតំ បដិច្ច…បេ… មហាភូតេ បដិច្ច កដត្តារូបំ ឧបាទារូបំ.

ឧបាទិន្នុបាទានិយំ ធម្មំ បដិច្ច… តីណិ.

អនុបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ សហជាតបច្ចយា – អនុបាទិន្នុបាទានិយំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ …បេ… ឯកំ មហាភូតំ បដិច្ច…បេ… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ. ពាហិរំ… អាហារសមុដ្ឋានំ… ឧតុសមុដ្ឋានំ ឯកំ មហាភូតំ បដិច្ច…បេ….

អនុបាទិន្នអនុបាទានិយំ ធម្មំ បដិច្ច… តីណិ.

អនុបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បដិច្ច…បេ… អនុបាទិន្នុបាទានិយោ…បេ…. (១)

ឧបាទិន្នុបាទានិយញ្ច អនុបាទិន្នុបាទានិយញ្ច ធម្មំ បដិច្ច អនុបាទិន្នុបាទានិយោ…បេ…. (១)

អញ្ញមញ្ញបច្ចយោ

៥. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ អញ្ញមញ្ញបច្ចយា – ឧបាទិន្នុបាទានិយំ ឯកំ ខន្ធំ បដិច្ច…បេ… បដិសន្ធិក្ខណេ ឧបាទិន្នុបាទានិយំ ឯកំ ខន្ធំ បដិច្ច តយោ ខន្ធា វត្ថុ ច…បេ… ខន្ធេ បដិច្ច វត្ថុ, វត្ថុំ បដិច្ច ខន្ធា; ឯកំ មហាភូតំ បដិច្ច…បេ… ទ្វេ មហាភូតេ បដិច្ច ទ្វេ មហាភូតា; អសញ្ញសត្តានំ ឯកំ មហាភូតំ…បេ…. (១)

អនុបាទិន្នុបាទានិយំ ធម្មំ បដិច្ច…បេ… ពាហិរំ… អាហារសមុដ្ឋានំ… ឧតុសមុដ្ឋានំ…បេ…. (១)

អនុបាទិន្នអនុបាទានិយំ ធម្មំ បដិច្ច…បេ…. (១)

និស្សយ-ឧបនិស្សយបច្ចយា

៦. ឧបាទិន្នុបាទានិយំ ធម្មំ បដិច្ច និស្សយបច្ចយា… នវ. ឧបនិស្សយបច្ចយា… តីណិ.

បុរេជាតបច្ចយោ

៧. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ បុរេជាតបច្ចយា… តីណិ.

អាសេវនបច្ចយោ

៨. អនុបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ អាសេវនបច្ចយា – អនុបាទិន្នុបាទានិយំ ឯកំ ខន្ធំ បដិច្ច…បេ…. (១)

អនុបាទិន្នអនុបាទានិយំ ធម្មំ បដិច្ច អនុបាទិន្នអនុបាទានិយោ ធម្មោ ឧប្បជ្ជតិ អាសេវនបច្ចយា – អនុបាទិន្នអនុបាទានិយំ ឯកំ ខន្ធំ បដិច្ច…បេ…. (១)

កម្មបច្ចយោ

៩. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ កម្មបច្ចយា (ហេតុបច្ចយសទិសា នវ).

វិបាកបច្ចយោ

១០. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ វិបាកបច្ចយា… តីណិ.

អនុបាទិន្នុបាទានិយំ ធម្មំ បដិច្ច អនុបាទិន្នុបាទានិយោ ធម្មោ ឧប្បជ្ជតិ វិបាកបច្ចយា – ឯកំ មហាភូតំ បដិច្ច…បេ… មហាភូតេ បដិច្ច ចិត្តសមុដ្ឋានំ រូបំ ឧបាទារូបំ.

អនុបាទិន្នអនុបាទានិយំ ធម្មំ បដិច្ច អនុបាទិន្នអនុបាទានិយោ ធម្មោ ឧប្បជ្ជតិ វិបាកបច្ចយា – វិបាកំ អនុបាទិន្នអនុបាទានិយំ ឯកំ ខន្ធំ បដិច្ច តយោ ខន្ធា…បេ… នវ.

អាហារបច្ចយាទិ

១១. ឧបាទិន្នុបាទានិយំ ធម្មំ បដិច្ច ឧបាទិន្នុបាទានិយោ ធម្មោ ឧប្បជ្ជតិ អាហារបច្ចយា…បេ… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា.

(យថា កុសលត្តិកស្ស បដិច្ចវារោ សជ្ឈាយមគ្គេន វិត្ថារិតោ, ឯវំ វិត្ថារេតព្ពំ.)