១. វិភង្គវារោ

ហេតុបច្ចយោ

៥១. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស ហេតុបច្ចយេន បច្ចយោ – ឧបាទិន្នុបាទានិយា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ; បដិសន្ធិក្ខណេ ឧបាទិន្នុបាទានិយា ហេតូ សម្បយុត្តកានំ ខន្ធានំ កដត្តា ច រូបានំ ហេតុបច្ចយេន បច្ចយោ. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស ហេតុបច្ចយេន បច្ចយោ – ឧបាទិន្នុបាទានិយា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ. (២)

ឧបាទិន្នុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស ហេតុបច្ចយេន បច្ចយោ – ឧបាទិន្នុបាទានិយា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស ហេតុបច្ចយេន បច្ចយោ – អនុបាទិន្នុបាទានិយា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នអនុបាទានិយស្ស ធម្មស្ស ហេតុបច្ចយេន បច្ចយោ – អនុបាទិន្នអនុបាទានិយា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ធម្មស្ស ហេតុបច្ចយេន បច្ចយោ – អនុបាទិន្នអនុបាទានិយា ហេតូ ចិត្តសមុដ្ឋានានំ រូបានំ ហេតុបច្ចយេន បច្ចយោ. (២)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ច អនុបាទិន្នអនុបាទានិយស្ស ច ធម្មស្ស ហេតុបច្ចយេន បច្ចយោ – អនុបាទិន្នអនុបាទានិយា ហេតូ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ហេតុបច្ចយេន បច្ចយោ. (៣)

អារម្មណបច្ចយោ

៥២. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស អារម្មណបច្ចយេន បច្ចយោ – សេក្ខា វា បុថុជ្ជនា វា ចក្ខុំ អនិច្ចតោ ទុក្ខតោ អនត្តតោ វិបស្សន្តិ, អស្សាទេន្តិ អភិនន្ទន្តិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ វិបាកោ តទារម្មណតា ឧប្បជ្ជតិ. សោតំ… ឃានំ… ជិវ្ហំ… កាយំ… ឧបាទិន្នុបាទានិយេ រូបេ… គន្ធេ… រសេ… ផោដ្ឋព្ពេ… វត្ថុំ… ឧបាទិន្នុបាទានិយេ ខន្ធេ អនិច្ចតោ ទុក្ខតោ អនត្តតោ វិប្បស្សន្តិ, អស្សាទេន្តិ អភិនន្ទតិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. កុសលាកុសលេ និរុទ្ធេ វិបាកោ តទារម្មណតា ឧប្បជ្ជតិ. ឧបាទិន្នុបាទានិយំ រូបាយតនំ ចក្ខុវិញ្ញាណស្ស…បេ… ឧបាទិន្នុបាទានិយំ គន្ធាយតនំ… រសាយតនំ… ផោដ្ឋព្ពាយតនំ កាយវិញ្ញាណស្ស អារម្មណបច្ចយេន បច្ចយោ. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ – ចក្ខុំ អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. សោតំ… ឃានំ… ជិវ្ហំ… កាយំ… ឧបាទិន្នុបាទានិយេ រូបេ… គន្ធេ… រសេ… ផោដ្ឋព្ពេ… វត្ថុំ… ឧបាទិន្នុបាទានិយេ ខន្ធេ អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. ទិព្ពេន ចក្ខុនា ឧបាទិន្នុបាទានិយំ រូបំ បស្សតិ, ចេតោបរិយញាណេន ឧបាទិន្នុបាទានិយចិត្តសមង្គិស្ស ចិត្តំ ជានាតិ. ឧបាទិន្នុបាទានិយា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (២)

៥៣. អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ – ទានំ ទត្វា, សីលំ សមាទិយិត្វា, ឧបោសថកម្មំ កត្វា តំ បច្ចវេក្ខតិ, បុព្ពេ សុចិណ្ណានិ បច្ចវេក្ខតិ, ឈានា វុដ្ឋហិត្វា ឈានំ បច្ចវេក្ខតិ, អរិយា គោត្រភុំ បច្ចវេក្ខន្តិ, វោទានំ បច្ចវេក្ខន្តិ, អរិយា បហីនេ កិលេសេ បច្ចវេក្ខន្តិ, វិក្ខម្ភិតេ កិលេសេ បច្ចវេក្ខន្តិ, បុព្ពេ សមុទាចិណ្ណេ កិលេសេ ជានន្តិ; អនុបាទិន្នុបាទានិយេ រូបេ… សទ្ទេ… គន្ធេ… រសេ… ផោដ្ឋព្ពេ… អនុបាទិន្នុបាទានិយេ ខន្ធេ អនិច្ចតោ ទុក្ខតោ អនត្តតោ វិបស្សន្តិ, អស្សាទេន្តិ អភិនន្ទន្តិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. ទិព្ពេន ចក្ខុនា អនុបាទិន្នុបាទានិយំ រូបំ បស្សន្តិ, ទិព្ពាយ សោតធាតុយា សទ្ទំ សុណន្តិ, ចេតោបរិយញាណេន អនុបាទិន្នុបាទានិយចិត្តសមង្គិស្ស ចិត្តំ ជានន្តិ. អាកាសានញ្ចាយតនំ វិញ្ញាណញ្ចាយតនស្ស អារម្មណបច្ចយេន បច្ចយោ. អាកិញ្ចញ្ញាយតនំ នេវសញ្ញានាសញ្ញាយតនស្ស អារម្មណបច្ចយេន បច្ចយោ. អនុបាទិន្នុបាទានិយា ខន្ធា ឥទ្ធិវិធញាណស្ស, ចេតោបរិយញាណស្ស, បុព្ពេនិវាសានុស្សតិញាណស្ស, យថាកម្មូបគញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (១)

អនុបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស អារម្មណបច្ចយេន បច្ចយោ – សេក្ខា វា បុថុជ្ជនា វា អនុបាទិន្នុបាទានិយេ រូបេ… សទ្ទេ… គន្ធេ… រសេ… ផោដ្ឋព្ពេ… អនុបាទិន្នុបាទានិយេ ខន្ធេ អនិច្ចតោ ទុក្ខតោ អនត្តតោ វិបស្សន្តិ, អស្សាទេន្តិ អភិនន្ទតិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. កុសលាកុសលេ និរុទ្ធេ វិបាកោ តទារម្មណតា ឧប្បជ្ជតិ. អាកាសានញ្ចាយតនកុសលំ វិញ្ញាណញ្ចាយតនវិបាកស្ស អារម្មណបច្ចយេន បច្ចយោ. អាកិញ្ចញ្ញាយតនកុសលំ នេវសញ្ញានាសញ្ញាយតនវិបាកស្ស អារម្មណបច្ចយេន បច្ចយោ. អនុបាទិន្នុបាទានិយំ រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស អារម្មណបច្ចយេន បច្ចយោ. (២)

៥៤. អនុបាទិន្នអនុបាទានិយោ ធម្មោ អនុបាទិន្នអនុបាទានិយស្ស ធម្មស្ស អារម្មណបច្ចយេន បច្ចយោ – និព្ពានំ មគ្គស្ស, ផលស្ស អារម្មណបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ផលំ បច្ចវេក្ខន្តិ, និព្ពានំ បច្ចវេក្ខន្តិ; និព្ពានំ គោត្រភុស្ស, វោទានស្ស, អាវជ្ជនាយ អារម្មណបច្ចយេន បច្ចយោ. អរិយា ចេតោបរិយញាណេន អនុបាទិន្នអនុបាទានិយចិត្តសមង្គិស្ស ចិត្តំ ជានន្តិ; អនុបាទិន្នអនុបាទានិយា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ. (២)

អធិបតិបច្ចយោ

៥៥. ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស អធិបតិបច្ចយេន បច្ចយោ. អារម្មណាធិបតិ – ចក្ខុំ គរុំ កត្វា អស្សាទេតិ អភិនន្ទតិ; តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សោតំ… ឃានំ… ជិវ្ហំ… កាយំ… ឧបាទិន្នុបាទានិយេ រូបេ… គន្ធេ… រសេ… ផោដ្ឋព្ពេ… វត្ថុំ… ឧបាទិន្នុបាទានិយេ ខន្ធេ គរុំ កត្វា អស្សាទេតិ អភិនន្ទតិ; តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. (១)

អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – ទានំ ទត្វា, សីលំ សមាទិយិត្វា, ឧបោសថកម្មំ កត្វា តំ គរុំ កត្វា បច្ចវេក្ខតិ, បុព្ពេ សុចិណ្ណានិ គរុំ កត្វា បច្ចវេក្ខតិ; ឈានា វុដ្ឋហិត្វា ឈានំ គរុំ កត្វា បច្ចវេក្ខតិ; សេក្ខា គោត្រភុំ គរុំ កត្វា បច្ចវេក្ខន្តិ, វោទានំ គរុំ កត្វា បច្ចវេក្ខន្តិ. អនុបាទិន្នុបាទានិយេ រូបេ… សទ្ទេ… គន្ធេ… រសេ… ផោដ្ឋព្ពេ… អនុបាទិន្នុបាទានិយេ ខន្ធេ គរុំ កត្វា អស្សាទេន្តិ អភិនន្ទន្តិ; តំ គរុំ កត្វា រាគោ ឧប្បជ្ជតិ, ទិដ្ឋិ ឧប្បជ្ជតិ. សហជាតាធិបតិ – អនុបាទិន្នុបាទានិយាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នអនុបាទានិយស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – និព្ពានំ មគ្គស្ស ផលស្ស អធិបតិបច្ចយេន បច្ចយោ. សហជាតាធិបតិ – អនុបាទិន្នអនុបាទានិយាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ. អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ, ផលំ គរុំ កត្វា បច្ចវេក្ខន្តិ, និព្ពានំ គរុំ កត្វា បច្ចវេក្ខន្តិ. និព្ពានំ គោត្រភុស្ស, វោទានស្ស អធិបតិបច្ចយេន បច្ចយោ. សហជាតាធិបតិ – អនុបាទិន្នអនុបាទានិយាធិបតិ ចិត្តសមុដ្ឋានានំ រូបានំ អធិបតិបច្ចយេន បច្ចយោ. (២)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ច អនុបាទិន្នអនុបាទានិយស្ស ច ធម្មស្ស អធិបតិបច្ចយេន បច្ចយោ. សហជាតាធិបតិ – អនុបាទិន្នអនុបាទានិយាធិបតិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អធិបតិបច្ចយេន បច្ចយោ. (៣)

អនន្តរបច្ចយោ

៥៦. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស អនន្តរបច្ចយេន បច្ចយោ – បុរិមា បុរិមា ឧបាទិន្នុបាទានិយា ខន្ធា បច្ឆិមានំ បច្ឆិមានំ ឧបាទិន្នុបាទានិយានំ ខន្ធានំ អនន្តរបច្ចយេន បច្ចយោ; បញ្ចវិញ្ញាណំ វិបាកមនោធាតុយា អនន្តរបច្ចយេន បច្ចយោ; វិបាកមនោធាតុ វិបាកមនោវិញ្ញាណធាតុយា អនន្តរបច្ចយេន បច្ចយោ. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស អនន្តរបច្ចយេន បច្ចយោ – ភវង្គំ អាវជ្ជនាយ, វិបាកមនោវិញ្ញាណធាតុ កិរិយមនោវិញ្ញាណធាតុយា អនន្តរបច្ចយេន បច្ចយោ. (២)

អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស អនន្តរបច្ចយេន បច្ចយោ – បុរិមា បុរិមា អនុបាទិន្នុបាទានិយា ខន្ធា បច្ឆិមានំ បច្ឆិមានំ អនុបាទិន្នុបាទានិយានំ ខន្ធានំ អនន្តរបច្ចយេន បច្ចយោ; អនុលោមំ គោត្រភុស្ស… អនុលោមំ វោទានស្ស… អាវជ្ជនា អនុបាទិន្នុបាទានិយានំ ខន្ធានំ អនន្តរបច្ចយេន បច្ចយោ. (១)

អនុបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស អនន្តរបច្ចយេន បច្ចយោ – អាវជ្ជនា បញ្ចន្នំ វិញ្ញាណានំ អនន្តរបច្ចយេន បច្ចយោ; អនុបាទិន្នុបាទានិយា ខន្ធា វុដ្ឋានស្ស អនន្តរបច្ចយេន បច្ចយោ. (២)

អនុបាទិន្នុបាទានិយោ ធម្មោ អនុបាទិន្នអនុបាទានិយស្ស ធម្មស្ស អនន្តរបច្ចយេន បច្ចយោ – គោត្រភុ មគ្គស្ស… វោទានំ មគ្គស្ស… អនុលោមំ ផលសមាបត្តិយា… និរោធា វុដ្ឋហន្តស្ស… នេវសញ្ញានាសញ្ញាយតនំ ផលសមាបត្តិយា អនន្តរបច្ចយេន បច្ចយោ. (៣)

អនុបាទិន្នអនុបាទានិយោ ធម្មោ អនុបាទិន្នអនុបាទានិយស្ស ធម្មស្ស អនន្តរបច្ចយេន បច្ចយោ – បុរិមា បុរិមា អនុបាទិន្នអនុបាទានិយា ខន្ធា បច្ឆិមានំ បច្ឆិមានំ អនុបាទិន្នអនុបាទានិយានំ ខន្ធានំ អនន្តរបច្ចយេន បច្ចយោ. មគ្គោ ផលស្ស… ផលំ ផលស្ស អនន្តរបច្ចយេន បច្ចយោ. (១)

អនុបាទិន្នអនុបាទានិយោ ធម្មោ ឧបាទិន្នុបាទានិយស្ស ធម្មស្ស អនន្តរបច្ចយេន បច្ចយោ – ផលំ វុដ្ឋានស្ស អនន្តរបច្ចយេន បច្ចយោ. (២)

សមនន្តរបច្ចយោ

៥៧. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស សមនន្តរបច្ចយេន បច្ចយោ (អនន្តរបច្ចយសទិសំ).

សហជាតបច្ចយោ

៥៨. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស សហជាតបច្ចយេន បច្ចយោ – ឧបាទិន្នុបាទានិយោ ឯកោ ខន្ធោ តិណ្ណន្នំ ខន្ធានំ សហជាតបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ…បេ… បដិសន្ធិក្ខណេ ឧបាទិន្នុបាទានិយោ ឯកោ ខន្ធោ តិណ្ណន្នំ ខន្ធានំ កដត្តា ច រូបានំ សហជាតបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ កដត្តា ច រូបានំ…បេ… ខន្ធា វត្ថុស្ស…បេ… វត្ថុ ខន្ធានំ…បេ… ឯកំ មហាភូតំ តិណ្ណន្នំ មហាភូតានំ…បេ… តយោ មហាភូតា ឯកស្ស មហាភូតស្ស …បេ… ទ្វេ មហាភូតា ទ្វិន្នំ មហាភូតានំ…បេ… មហាភូតា កដត្តារូបានំ ឧបាទារូបានំ សហជាតបច្ចយេន បច្ចយោ. អសញ្ញសត្តានំ ឯកំ មហាភូតំ…បេ…. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស សហជាតបច្ចយេន បច្ចយោ – ឧបាទិន្នុបាទានិយា ខន្ធា ចិត្តសមុដ្ឋានានំ រូបានំ សហជាតបច្ចយេន បច្ចយោ. (២)

ឧបាទិន្នុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស សហជាតបច្ចយេន បច្ចយោ – ឧបាទិន្នុបាទានិយោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ. (៣)

អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស សហជាតបច្ចយេន បច្ចយោ – អនុបាទិន្នុបាទានិយោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ. អនុបាទិន្នុបាទានិយំ ឯកំ មហាភូតំ…បេ… មហាភូតា ចិត្តសមុដ្ឋានានំ រូបានំ …បេ… ពាហិរំ… អាហារសមុដ្ឋានំ… ឧតុសមុដ្ឋានំ ឯកំ មហាភូតំ…បេ… មហាភូតា ឧបាទារូបានំ សហជាតបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នអនុបាទានិយស្ស ធម្មស្ស សហជាតបច្ចយេន បច្ចយោ – អនុបាទិន្នអនុបាទានិយោ ឯកោ ខន្ធោ តិណ្ណន្នំ ខន្ធានំ…បេ… ទ្វេ ខន្ធា ទ្វិន្នំ ខន្ធានំ សហជាតបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ធម្មស្ស សហជាតបច្ចយេន បច្ចយោ – អនុបាទិន្នអនុបាទានិយា ខន្ធា ចិត្តសមុដ្ឋានានំ រូបានំ សហជាតបច្ចយេន បច្ចយោ. (២)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ច អនុបាទិន្នអនុបាទានិយស្ស ច ធម្មស្ស សហជាតបច្ចយេន បច្ចយោ; អនុបាទិន្នអនុបាទានិយោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ ចិត្តសមុដ្ឋានានញ្ច រូបានំ សហជាតបច្ចយេន បច្ចយោ. (៣)

អនុបាទិន្នុបាទានិយោ ច អនុបាទិន្នអនុបាទានិយោ ច ធម្មា អនុបាទិន្នុបាទានិយស្ស ធម្មស្ស សហជាតបច្ចយេន បច្ចយោ – អនុបាទិន្នអនុបាទានិយា ខន្ធា ច មហាភូតា ច ចិត្តសមុដ្ឋានានំ រូបានំ សហជាតបច្ចយេន បច្ចយោ. (១)

ឧបាទិន្នុបាទានិយោ ច អនុបាទិន្នុបាទានិយោ ច ធម្មា អនុបាទិន្នុបាទានិយស្ស ធម្មស្ស សហជាតបច្ចយេន បច្ចយោ – ឧបាទិន្នុបាទានិយា ខន្ធា ច មហាភូតា ច ចិត្តសមុដ្ឋានានំ រូបានំ សហជាតបច្ចយេន បច្ចយោ. (១)

អញ្ញមញ្ញបច្ចយោ

៥៩. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស អញ្ញមញ្ញបច្ចយេន បច្ចយោ – ឧបាទិន្នុបាទានិយោ ឯកោ ខន្ធោ តិណ្ណន្នំ ខន្ធានំ អញ្ញមញ្ញបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ…បេ… បដិសន្ធិក្ខណេ ឧបាទិន្នុបាទានិយោ ឯកោ ខន្ធោ តិណ្ណន្នំ ខន្ធានំ វត្ថុស្ស ច…បេ… ខន្ធា វត្ថុស្ស…បេ… វត្ថុ ខន្ធានំ…បេ… ឯកំ មហាភូតំ តិណ្ណន្នំ មហាភូតានំ…បេ… ទ្វេ មហាភូតា ទ្វិន្នំ មហាភូតានំ…បេ… អសញ្ញសត្តានំ ឯកំ មហាភូតំ…បេ…. (១)

អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស អញ្ញមញ្ញបច្ចយេន បច្ចយោ – អនុបាទិន្នុបាទានិយោ ឯកោ ខន្ធោ តិណ្ណន្នំ ខន្ធានំ…បេ… ទ្វេ ខន្ធា ទ្វិន្នំ ខន្ធានំ អញ្ញមញ្ញបច្ចយេន បច្ចយោ. ឯកំ មហាភូតំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ ឯកំ មហាភូតំ…បេ…. (១)

អនុបាទិន្នអនុបាទានិយោ ធម្មោ អនុបាទិន្នអនុបាទានិយស្ស ធម្មស្ស អញ្ញមញ្ញបច្ចយេន បច្ចយោ – អនុបាទិន្នអនុបាទានិយោ ឯកោ ខន្ធោ តិណ្ណន្នំ ខន្ធានំ…បេ… ទ្វេ ខន្ធា ទ្វិន្នំ ខន្ធានំ…បេ…. (១)

និស្សយបច្ចយោ

៦០. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស និស្សយបច្ចយេន បច្ចយោ – ឧបាទិន្នុបាទានិយោ ឯកោ ខន្ធោ តិណ្ណន្នំ ខន្ធានំ និស្សយបច្ចយេន បច្ចយោ…បេ… បដិសន្ធិក្ខណេ…បេ… ឯកំ មហាភូតំ…បេ… អសញ្ញសត្តានំ ឯកំ មហាភូតំ…បេ… ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ ឧបាទិន្នុបាទានិយានំ ខន្ធានំ និស្សយបច្ចយេន បច្ចយោ. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស និស្សយបច្ចយេន បច្ចយោ – ឧបាទិន្នុបាទានិយា ខន្ធា ចិត្តសមុដ្ឋានានំ រូបានំ និស្សយបច្ចយេន បច្ចយោ. វត្ថុ អនុបាទិន្នុបាទានិយានំ ខន្ធានំ និស្សយបច្ចយេន បច្ចយោ. (២)

ឧបាទិន្នុបាទានិយោ ធម្មោ អនុបាទិន្នអនុបាទានិយស្ស ធម្មស្ស និស្សយបច្ចយេន បច្ចយោ – វត្ថុ អនុបាទិន្នអនុបាទានិយានំ ខន្ធានំ និស្សយបច្ចយេន បច្ចយោ. (៣)

ឧបាទិន្នុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស និស្សយបច្ចយេន បច្ចយោ – ឧបាទិន្នុបាទានិយោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ និស្សយបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ ចិត្តសមុដ្ឋានានញ្ច រូបានំ និស្សយបច្ចយេន បច្ចយោ. (៤)

អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស… ឯកា.

អនុបាទិន្នអនុបាទានិយោ ធម្មោ… តីណិ.

ឧបាទិន្នុបាទានិយោ ច អនុបាទិន្នអនុបាទានិយោ ច ធម្មា អនុបាទិន្នអនុបាទានិយស្ស ធម្មស្ស និស្សយបច្ចយេន បច្ចយោ – អនុបាទិន្នអនុបាទានិយោ ឯកោ ខន្ធោ ច វត្ថុ ច តិណ្ណន្នំ ខន្ធានំ និស្សយបច្ចយេន បច្ចយោ…បេ… ទ្វេ ខន្ធា ច វត្ថុ ច ទ្វិន្នំ ខន្ធានំ និស្សយបច្ចយេន បច្ចយោ. (១)

អនុបាទិន្នុបាទានិយោ ច អនុបាទិន្នអនុបាទានិយោ ច ធម្មា អនុបាទិន្នុបាទានិយស្ស ធម្មស្ស និស្សយបច្ចយេន បច្ចយោ – អនុបាទិន្នអនុបាទានិយា ខន្ធា ច មហាភូតា ច ចិត្តសមុដ្ឋានានំ រូបានំ និស្សយបច្ចយេន បច្ចយោ. (១)

ឧបាទិន្នុបាទានិយោ ច អនុបាទិន្នុបាទានិយោ ច ធម្មា អនុបាទិន្នុបាទានិយស្ស ធម្មស្ស និស្សយបច្ចយេន បច្ចយោ – ឧបាទិន្នុបាទានិយា ខន្ធា ច មហាភូតា ច ចិត្តសមុដ្ឋានានំ រូបានំ និស្សយបច្ចយេន បច្ចយោ. អនុបាទិន្នុបាទានិយោ ឯកោ ខន្ធោ ច វត្ថុ ច តិណ្ណន្នំ ខន្ធានំ និស្សយបច្ចយេន បច្ចយោ…បេ… ទ្វេ ខន្ធា ច វត្ថុ ច ទ្វិន្នំ ខន្ធានំ និស្សយបច្ចយេន បច្ចយោ. (១)

ឧបនិស្សយបច្ចយោ

៦១. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – កាយិកំ សុខំ កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ. កាយិកំ ទុក្ខំ កាយិកស្ស សុខស្ស, កាយិកស្ស ទុក្ខស្ស…បេ… ឧតុ កាយិកស្ស សុខស្ស, កាយិកស្ស ទុក្ខស្ស…បេ… ភោជនំ កាយិកស្ស សុខស្ស, កាយិកស្ស ទុក្ខស្ស…បេ… កាយិកំ សុខំ… កាយិកំ ទុក្ខំ… ឧតុ… ភោជនំ កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – កាយិកំ សុខំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, ឈានំ ឧប្បាទេតិ, វិបស្សនំ ឧប្បាទេតិ, អភិញ្ញំ ឧប្បាទេតិ, សមាបត្តិំ ឧប្បាទេតិ, បាណំ ហនតិ…បេ… សង្ឃំ ភិន្ទតិ. កាយិកំ ទុក្ខំ… ឧតុំ… ភោជនំ ឧបនិស្សាយ ទានំ ទេតិ…បេ… សង្ឃំ ភិន្ទតិ. កាយិកំ សុខំ… កាយិកំ ទុក្ខំ… ឧតុ… ភោជនំ អនុបាទិន្នុបាទានិយាយ សទ្ធាយ… សីលស្ស… សុតស្ស… ចាគស្ស… បញ្ញាយ… រាគស្ស… ទោសស្ស… មោហស្ស… មានស្ស… ទិដ្ឋិយា… បត្ថនាយ ឧបនិស្សយបច្ចយេន បច្ចយោ. (២)

ឧបាទិន្នុបាទានិយោ ធម្មោ អនុបាទិន្នអនុបាទានិយស្ស ធម្មស្ស ឧបនិស្សយបច្ចយេន បច្ចយោ. បកតូបនិស្សយោ – កាយិកំ សុខំ ឧបនិស្សាយ មគ្គំ ឧប្បាទេតិ, ផលសមាបត្តិំ សមាបជ្ជតិ. កាយិកំ ទុក្ខំ… ឧតុំ… ភោជនំ ឧបនិស្សាយ មគ្គំ ឧប្បាទេតិ, ផលសមាបត្តិំ សមាបជ្ជតិ. កាយិកំ សុខំ… កាយិកំ ទុក្ខំ… ឧតុ… ភោជនំ មគ្គស្ស… ផលសមាបត្តិយា ឧបនិស្សយបច្ចយេន បច្ចយោ. (៣)

៦២. អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អនុបាទិន្នុបាទានិយំ សទ្ធំ ឧបនិស្សាយ ទានំ ទេតិ, សីលំ សមាទិយតិ, ឧបោសថកម្មំ ករោតិ, ឈានំ ឧប្បាទេតិ, វិបស្សនំ ឧប្បាទេតិ, អភិញ្ញំ ឧប្បាទេតិ, សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ. អនុបាទិន្នុបាទានិយំ សីលំ… សុតំ… ចាគំ… បញ្ញំ… រាគំ… ទោសំ… មោហំ… មានំ … ទិដ្ឋិំ… បត្ថនំ… ឧតុំ… ភោជនំ… សេនាសនំ ឧបនិស្សាយ ទានំ ទេតិ…បេ… សមាបត្តិំ ឧប្បាទេតិ, មានំ ជប្បេតិ, ទិដ្ឋិំ គណ្ហាតិ, បាណំ ហនតិ…បេ… សង្ឃំ ភិន្ទតិ. អនុបាទិន្នុបាទានិយា សទ្ធា… សីលំ… សុតំ… ចាគោ… បញ្ញា… រាគោ… ទោសោ… មោហោ… មានោ… ទិដ្ឋិ… បត្ថនា… ឧតុ… ភោជនំ… សេនាសនំ… អនុបាទិន្នុបាទានិយាយ សទ្ធាយ… សីលស្ស… សុតស្ស… ចាគស្ស… បញ្ញាយ… រាគស្ស… ទោសស្ស… មោហស្ស… មានស្ស… ទិដ្ឋិយា… បត្ថនាយ ឧបនិស្សយបច្ចយេន បច្ចយោ. បឋមស្ស ឈានស្ស បរិកម្មំ បឋមស្ស ឈានស្ស…បេ… នេវសញ្ញានាសញ្ញាយតនស្ស បរិកម្មំ នេវសញ្ញានាសញ្ញាយតនស្ស…បេ… បឋមំ ឈានំ ទុតិយស្ស…បេ… អាកិញ្ចញ្ញាយតនំ នេវសញ្ញានាសញ្ញាយតនស្ស…បេ… បាណាតិបាតោ បាណាតិបាតស្ស…បេ… និយតមិច្ឆាទិដ្ឋិ និយតមិច្ឆាទិដ្ឋិយា…បេ…. (១)

អនុបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – អនុបាទិន្នុបាទានិយំ សទ្ធំ ឧបនិស្សាយ អត្តានំ អាតាបេតិ បរិតាបេតិ, បរិយិដ្ឋិមូលកំ ទុក្ខំ បច្ចនុភោតិ. អនុបាទិន្នុបាទានិយំ សីលំ …បេ… សេនាសនំ ឧបនិស្សាយ អត្តានំ អាតាបេតិ បរិតាបេតិ, បរិយិដ្ឋិមូលកំ ទុក្ខំ បច្ចនុភោតិ. អនុបាទិន្នុបាទានិយា សទ្ធា…បេ… សេនាសនំ កាយិកស្ស សុខស្ស, កាយិកស្ស ទុក្ខស្ស ឧបនិស្សយបច្ចយេន បច្ចយោ. កុសលាកុសលំ កម្មំ វិបាកស្ស ឧបនិស្សយបច្ចយេន បច្ចយោ. (២)

អនុបាទិន្នុបាទានិយោ ធម្មោ អនុបាទិន្នអនុបាទានិយស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បឋមស្ស មគ្គស្ស បរិកម្មំ បឋមស្ស មគ្គស្ស ឧបនិស្សយបច្ចយេន បច្ចយោ. ទុតិយស្ស មគ្គស្ស…បេ… តតិយស្ស មគ្គស្ស…បេ… ចតុត្ថស្ស មគ្គស្ស បរិកម្មំ ចតុត្ថស្ស មគ្គស្ស ឧបនិស្សយបច្ចយេន បច្ចយោ. (៣)

៦៣. អនុបាទិន្នអនុបាទានិយោ ធម្មោ អនុបាទិន្នអនុបាទានិយស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – បឋមោ មគ្គោ ទុតិយស្ស មគ្គស្ស ឧបនិស្សយបច្ចយេន បច្ចយោ. ទុតិយោ មគ្គោ តតិយស្ស មគ្គស្ស…បេ… តតិយោ មគ្គោ ចតុត្ថស្ស មគ្គស្ស…បេ… មគ្គោ ផលសមាបត្តិយា ឧបនិស្សយបច្ចយេន បច្ចយោ. (១)

អនុបាទិន្នអនុបាទានិយោ ធម្មោ ឧបាទិន្នុបាទានិយស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ…. បកតូបនិស្សយោ – ផលសមាបត្តិ កាយិកស្ស សុខស្ស ឧបនិស្សយបច្ចយេន បច្ចយោ. (២)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូនិស្សយោ…បេ…. បកតូបនិស្សយោ – អរិយា មគ្គំ ឧបនិស្សាយ អនុប្បន្នំ សមាបត្តិំ ឧប្បាទេន្តិ, ឧប្បន្នំ សមាបត្តិំ សមាបជ្ជន្តិ, សង្ខារេ អនិច្ចតោ ទុក្ខតោ អនត្តតោ វិបស្សន្តិ. មគ្គោ អរិយានំ អត្ថប្បដិសម្ភិទាយ ធម្មប្បដិសម្ភិទាយ និរុត្តិប្បដិសម្ភិទាយ បដិភានប្បដិសម្ភិទាយ ឋានាឋានកោសល្លស្ស ឧបនិស្សយបច្ចយេន បច្ចយោ. (៣)

បុរេជាតបច្ចយោ

៦៤. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – សេក្ខា វា បុថុជ្ជនា វា ចក្ខុំ អនិច្ចតោ ទុក្ខតោ អនត្តតោ វិបស្សន្តិ, អស្សាទេន្តិ អភិនន្ទន្តិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ; កុសលាកុសលេ និរុទ្ធេ វិបាកោ តទារម្មណតា ឧប្បជ្ជតិ. សោតំ… ឃានំ… ជិវ្ហំ… កាយំ… ឧបាទិន្នុបាទានិយេ រូបេ… គន្ធេ… រសេ… ផោដ្ឋព្ពេ… វត្ថុំ អនិច្ចតោ ទុក្ខតោ អនត្តតោ វិបស្សន្តិ, អស្សាទេន្តិ អភិនន្ទន្តិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. កុសលាកុសលេ និរុទ្ធេ វិបាកោ តទារម្មណតា ឧប្បជ្ជតិ. ឧបាទិន្នុបាទានិយំ រូបាយតនំ ចក្ខុវិញ្ញាណស្ស…បេ… ឧបាទិន្នុបាទានិយំ គន្ធាយតនំ… រសាយតនំ… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ. វត្ថុបុរេជាតំ – ចក្ខាយតនំ ចក្ខុវិញ្ញាណស្ស…បេ… កាយាយតនំ កាយវិញ្ញាណស្ស…បេ… វត្ថុ ឧបាទិន្នុបាទានិយានំ ខន្ធានំ បុរេជាតបច្ចយេន បច្ចយោ. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អារម្មណបុរេជាតំ – ចក្ខុំ អនិច្ចតោ ទុក្ខតោ អនត្តតោ វិបស្សន្តិ, អស្សាទេន្តិ អភិនន្ទន្តិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. សោតំ…បេ… វត្ថុំ អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. ទិព្ពេន ចក្ខុនា ឧបាទិន្នុបាទានិយំ រូបំ បស្សន្តិ. វត្ថុបុរេជាតំ – វត្ថុ អនុបាទិន្នុបាទានិយានំ ខន្ធានំ បុរេជាតបច្ចយេន បច្ចយោ. (២)

ឧបាទិន្នុបាទានិយោ ធម្មោ អនុបាទិន្នអនុបាទានិយស្ស ធម្មស្ស បុរេជាតបច្ចយេន បច្ចយោ. វត្ថុបុរេជាតំ – វត្ថុ អនុបាទិន្នអនុបាទានិយានំ ខន្ធានំ បុរេជាតបច្ចយេន បច្ចយោ. (៣)

៦៥. អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស បុរេជាតបច្ចយេន បច្ចយោ. អារម្មណបុរេជាតំ – អនុបាទិន្នុបាទានិយេ រូបេ… សទ្ទេ… គន្ធេ… រសេ… ផោដ្ឋព្ពេ អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ …បេ… ទោមនស្សំ ឧប្បជ្ជតិ. ទិព្ពេន ចក្ខុនា អនុបាទិន្នុបាទានិយំ រូបំ បស្សតិ, ទិព្ពាយ សោតធាតុយា សទ្ទំ សុណាតិ. (១)

អនុបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស បុរេជាតបច្ចយេន បច្ចយោ. អារម្មណបុរេជាតំ – អនុបាទិន្នុបាទានិយេ រូបេ… សទ្ទេ… គន្ធេ… រសេ… ផោដ្ឋព្ពេ អនិច្ចតោ ទុក្ខតោ អនត្តតោ វិបស្សតិ, អស្សាទេតិ អភិនន្ទតិ; តំ អារព្ភ រាគោ ឧប្បជ្ជតិ…បេ… ទោមនស្សំ ឧប្បជ្ជតិ. កុសលាកុសលេ និរុទ្ធេ វិបាកោ តទារម្មណតា ឧប្បជ្ជតិ. អនុបាទិន្នុបាទានិយំ រូបាយតនំ ចក្ខុវិញ្ញាណស្ស…បេ… ផោដ្ឋព្ពាយតនំ កាយវិញ្ញាណស្ស បុរេជាតបច្ចយេន បច្ចយោ. (២)

ឧបាទិន្នុបាទានិយោ ច អនុបាទិន្នុបាទានិយោ ច ធម្មា ឧបាទិន្នុបាទានិយស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អនុបាទិន្នុបាទានិយំ រូបាយតនញ្ច ចក្ខាយតនញ្ច ចក្ខុវិញ្ញាណស្ស បុរេជាតបច្ចយេន បច្ចយោ…បេ… អនុបាទិន្នុបាទានិយំ ផោដ្ឋព្ពាយតនញ្ច កាយាយតនញ្ច កាយវិញ្ញាណស្ស បុរេជាតបច្ចយេន បច្ចយោ. អនុបាទិន្នុបាទានិយំ រូបាយតនញ្ច វត្ថុ ច ឧបាទិន្នុបាទានិយានំ ខន្ធានំ បុរេជាតបច្ចយេន បច្ចយោ…បេ… អនុបាទិន្នុបាទានិយំ ផោដ្ឋព្ពាយតនញ្ច វត្ថុ ច ឧបាទិន្នុបាទានិយានំ ខន្ធានំ បុរេជាតបច្ចយេន បច្ចយោ. (១)

ឧបាទិន្នុបាទានិយោ ច អនុបាទិន្នុបាទានិយោ ច ធម្មា អនុបាទិន្នុបាទានិយស្ស ធម្មស្ស បុរេជាតបច្ចយេន បច្ចយោ – អារម្មណបុរេជាតំ, វត្ថុបុរេជាតំ. អនុបាទិន្នុបាទានិយំ រូបាយតនញ្ច វត្ថុ ច អនុបាទិន្នុបាទានិយានំ ខន្ធានំ បុរេជាតបច្ចយេន បច្ចយោ…បេ… អនុបាទិន្នុបាទានិយំ ផោដ្ឋព្ពាយតនញ្ច វត្ថុ ច អនុបាទិន្នុបាទានិយានំ ខន្ធានំ បុរេជាតបច្ចយេន បច្ចយោ. (២)

បច្ឆាជាតបច្ចយោ

៦៦. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ឧបាទិន្នុបាទានិយា ខន្ធា បុរេជាតស្ស ឥមស្ស ឧបាទិន្នុបាទានិយស្ស កាយស្ស បច្ឆាជាតបច្ចយេន បច្ចយោ. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា ឧបាទិន្នុបាទានិយា ខន្ធា បុរេជាតស្ស ឥមស្ស អនុបាទិន្នុបាទានិយស្ស កាយស្ស បច្ឆាជាតបច្ចយេន បច្ចយោ. (២)

ឧបាទិន្នុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស បច្ឆាជាតបច្ចយេន បច្ចយោ – បច្ឆាជាតា ឧបាទិន្នុបាទានិយា ខន្ធា បុរេជាតស្ស ឥមស្ស ឧបាទិន្នុបាទានិយស្ស ច អនុបាទិន្នុបាទានិយស្ស ច កាយស្ស បច្ឆាជាតបច្ចយេន បច្ចយោ. (៣)

អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អនុបាទិន្នុបាទានិយា ខន្ធា បុរេជាតស្ស ឥមស្ស អនុបាទិន្នុបាទានិយស្ស កាយស្ស បច្ឆាជាតបច្ចយេន បច្ចយោ. (១)

អនុបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អនុបាទិន្នុបាទានិយា ខន្ធា បុរេជាតស្ស ឥមស្ស ឧបាទិន្នុបាទានិយស្ស កាយស្ស បច្ឆាជាតបច្ចយេន បច្ចយោ. (២)

អនុបាទិន្នុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស បច្ឆាជាតបច្ចយេន បច្ចយោ – បច្ឆាជាតា អនុបាទិន្នុបាទានិយា ខន្ធា បុរេជាតស្ស ឥមស្ស ឧបាទិន្នុបាទានិយស្ស ច អនុបាទិន្នុបាទានិយស្ស ច កាយស្ស បច្ឆាជាតបច្ចយេន បច្ចយោ. (៣)

៦៧. អនុបាទិន្នអនុបាទានិយោ ធម្មោ ឧបាទិន្នុបាទានិយស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អនុបាទិន្នអនុបាទានិយា ខន្ធា បុរេជាតស្ស ឥមស្ស ឧបាទិន្នុបាទានិយស្ស កាយស្ស បច្ឆាជាតបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ធម្មស្ស បច្ឆាជាតបច្ចយេន បច្ចយោ – បច្ឆាជាតា អនុបាទិន្នអនុបាទានិយា ខន្ធា បុរេជាតស្ស ឥមស្ស អនុបាទិន្នុបាទានិយស្ស កាយស្ស បច្ឆាជាតបច្ចយេន បច្ចយោ. (២)

អនុបាទិន្នអនុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស បច្ឆាជាតបច្ចយេន បច្ចយោ – បច្ឆាជាតា អនុបាទិន្នអនុបាទានិយា ខន្ធា បុរេជាតស្ស ឥមស្ស ឧបាទិន្នុបាទានិយស្ស ច អនុបាទិន្នុបាទានិយស្ស ច កាយស្ស បច្ឆាជាតបច្ចយេន បច្ចយោ. (៣)

អាសេវនបច្ចយោ

៦៨. អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស អាសេវនបច្ចយេន បច្ចយោ – បុរិមា បុរិមា អនុបាទិន្នុបាទានិយា ខន្ធា បច្ឆិមានំ បច្ឆិមានំ អនុបាទិន្នុបាទានិយានំ ខន្ធានំ អាសេវនបច្ចយេន បច្ចយោ. អនុលោមំ គោត្រភុស្ស… អនុលោមំ វោទានស្ស អាសេវនបច្ចយេន បច្ចយោ. (១)

អនុបាទិន្នុបាទានិយោ ធម្មោ អនុបាទិន្នអនុបាទានិយស្ស ធម្មស្ស អាសេវនបច្ចយេន បច្ចយោ – គោត្រភុ មគ្គស្ស… វោទានំ មគ្គស្ស អាសេវនបច្ចយេន បច្ចយោ. (២)

កម្មបច្ចយោ

៦៩. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស កម្មបច្ចយេន បច្ចយោ – ឧបាទិន្នុបាទានិយា ចេតនា សម្បយុត្តកានំ ខន្ធានំ កម្មបច្ចយេន បច្ចយោ; បដិសន្ធិក្ខណេ ឧបាទិន្នុបាទានិយា ចេតនា សម្បយុត្តកានំ ខន្ធានំ កដត្តា ច រូបានំ កម្មបច្ចយេន បច្ចយោ. ចេតនា វត្ថុស្ស កម្មបច្ចយេន បច្ចយោ. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស កម្មបច្ចយេន បច្ចយោ – ឧបាទិន្នុបាទានិយា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ. (២)

ឧបាទិន្នុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស កម្មបច្ចយេន បច្ចយោ – ឧបាទិន្នុបាទានិយា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស កម្មបច្ចយេន បច្ចយោ – អនុបាទិន្នុបាទានិយា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (១)

អនុបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស កម្មបច្ចយេន បច្ចយោ – នានាក្ខណិកា អនុបាទិន្នុបាទានិយា ចេតនា វិបាកានំ ឧបាទិន្នុបាទានិយានំ ខន្ធានំ កដត្តា ច រូបានំ កម្មបច្ចយេន បច្ចយោ. (២)

៧០. អនុបាទិន្នអនុបាទានិយោ ធម្មោ អនុបាទិន្នអនុបាទានិយស្ស ធម្មស្ស កម្មបច្ចយេន បច្ចយោ – សហជាតា, នានាក្ខណិកា. សហជាតា – អនុបាទិន្នអនុបាទានិយា ចេតនា សម្បយុត្តកានំ ខន្ធានំ កម្មបច្ចយេន បច្ចយោ. នានាក្ខណិកា – អនុបាទិន្នអនុបាទានិយា កុសលា ចេតនា វិបាកានំ អនុបាទិន្នអនុបាទានិយានំ ខន្ធានំ កម្មបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ធម្មស្ស កម្មបច្ចយេន បច្ចយោ – អនុបាទិន្នអនុបាទានិយា ចេតនា ចិត្តសមុដ្ឋានានំ រូបានំ កម្មបច្ចយេន បច្ចយោ. (២)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ច អនុបាទិន្នអនុបាទានិយស្ស ច ធម្មស្ស កម្មបច្ចយេន បច្ចយោ – អនុបាទិន្នអនុបាទានិយា ចេតនា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ កម្មបច្ចយេន បច្ចយោ. (៣)

វិបាកបច្ចយោ

៧១. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស វិបាកបច្ចយេន បច្ចយោ – វិបាកោ ឧបាទិន្នុបាទានិយោ ឯកោ ខន្ធោ តិណ្ណន្នំ ខន្ធានំ វិបាកបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ វិបាកបច្ចយេន បច្ចយោ; បដិសន្ធិក្ខណេ វិបាកោ ឧបាទិន្នុបាទានិយោ ឯកោ ខន្ធោ តិណ្ណន្នំ ខន្ធានំ កដត្តា ច រូបានំ វិបាកបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ កដត្តា ច រូបានំ វិបាកបច្ចយេន បច្ចយោ. ខន្ធា វត្ថុស្ស វិបាកបច្ចយេន បច្ចយោ. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស វិបាកបច្ចយេន បច្ចយោ – វិបាកា ឧបាទិន្នុបាទានិយា ខន្ធា ចិត្តសមុដ្ឋានានំ រូបានំ វិបាកបច្ចយេន បច្ចយោ. (២)

ឧបាទិន្នុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស វិបាកបច្ចយេន បច្ចយោ – វិបាកោ ឧបាទិន្នុបាទានិយោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ …បេ… ទ្វេ ខន្ធា ទ្វិន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ. (៣)

អនុបាទិន្នអនុបាទានិយោ ធម្មោ អនុបាទិន្នអនុបាទានិយស្ស ធម្មស្ស វិបាកបច្ចយេន បច្ចយោ – វិបាកោ អនុបាទិន្នអនុបាទានិយោ ឯកោ ខន្ធោ តិណ្ណន្នំ ខន្ធានំ វិបាកបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ វិបាកបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ធម្មស្ស វិបាកបច្ចយេន បច្ចយោ – វិបាកា អនុបាទិន្នអនុបាទានិយា ខន្ធា ចិត្តសមុដ្ឋានានំ រូបានំ វិបាកបច្ចយេន បច្ចយោ. (២)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ច អនុបាទិន្នអនុបាទានិយស្ស ច ធម្មស្ស វិបាកបច្ចយេន បច្ចយោ – វិបាកោ អនុបាទិន្នអនុបាទានិយោ ឯកោ ខន្ធោ តិណ្ណន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ ចិត្តសមុដ្ឋានានញ្ច រូបានំ វិបាកបច្ចយេន បច្ចយោ. (៣)

អាហារបច្ចយោ

៧២. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស អាហារបច្ចយេន បច្ចយោ – ឧបាទិន្នុបាទានិយា អាហារា សម្បយុត្តកានំ ខន្ធានំ អាហារបច្ចយេន បច្ចយោ; បដិសន្ធិក្ខណេ ឧបាទិន្នុបាទានិយា អាហារា សម្បយុត្តកានំ ខន្ធានំ កដត្តា ច រូបានំ អាហារបច្ចយេន បច្ចយោ. ឧបាទិន្នុបាទានិយោ កពឡីការោ អាហារោ ឧបាទិន្នុបាទានិយស្ស កាយស្ស អាហារបច្ចយេន បច្ចយោ. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស អាហារបច្ចយេន បច្ចយោ – ឧបាទិន្នុបាទានិយា អាហារា ចិត្តសមុដ្ឋានានំ រូបានំ អាហារបច្ចយេន បច្ចយោ; ឧបាទិន្នុបាទានិយោ កពឡីការោ អាហារោ អនុបាទិន្នុបាទានិយស្ស កាយស្ស អាហារបច្ចយេន បច្ចយោ. (២)

ឧបាទិន្នុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស អាហារបច្ចយេន បច្ចយោ – ឧបាទិន្នុបាទានិយា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ. ឧបាទិន្នុបាទានិយោ កពឡីការោ អាហារោ ឧបាទិន្នុបាទានិយស្ស ច អនុបាទិន្នុបាទានិយស្ស ច កាយស្ស អាហារបច្ចយេន បច្ចយោ. (៣)

៧៣. អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស អាហារបច្ចយេន បច្ចយោ – អនុបាទិន្នុបាទានិយា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ. អនុបាទិន្នុបាទានិយោ កពឡីការោ អាហារោ អនុបាទិន្នុបាទានិយស្ស កាយស្ស អាហារបច្ចយេន បច្ចយោ. (១)

អនុបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស អាហារបច្ចយេន បច្ចយោ – អនុបាទិន្នុបាទានិយោ កពឡីការោ អាហារោ ឧបាទិន្នុបាទានិយស្ស កាយស្ស អាហារបច្ចយេន បច្ចយោ. (២)

អនុបាទិន្នុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស អាហារបច្ចយេន បច្ចយោ – អនុបាទិន្នុបាទានិយោ កពឡីការោ អាហារោ ឧបាទិន្នុបាទានិយស្ស ច អនុបាទិន្នុបាទានិយស្ស ច កាយស្ស អាហារបច្ចយេន បច្ចយោ. (៣)

អនុបាទិន្នអនុបាទានិយោ ធម្មោ អនុបាទិន្នអនុបាទានិយស្ស ធម្មស្ស អាហារបច្ចយេន បច្ចយោ – អនុបាទិន្នអនុបាទានិយា អាហារា សម្បយុត្តកានំ ខន្ធានំ អាហារបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ធម្មស្ស អាហារបច្ចយេន បច្ចយោ – អនុបាទិន្នអនុបាទានិយា អាហារា ចិត្តសមុដ្ឋានានំ រូបានំ អាហារបច្ចយេន បច្ចយោ. (២)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ច អនុបាទិន្នអនុបាទានិយស្ស ច ធម្មស្ស អាហារបច្ចយេន បច្ចយោ – អនុបាទិន្នអនុបាទានិយា អាហារា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ អាហារបច្ចយេន បច្ចយោ. (៣)

៧៤. ឧបាទិន្នុបាទានិយោ ច អនុបាទិន្នុបាទានិយោ ច ធម្មា ឧបាទិន្នុបាទានិយស្ស ធម្មស្ស អាហារបច្ចយេន បច្ចយោ – ឧបាទិន្នុបាទានិយោ ច អនុបាទិន្នុបាទានិយោ ច កពឡីការោ អាហារោ ឧបាទិន្នុបាទានិយស្ស កាយស្ស អាហារបច្ចយេន បច្ចយោ. (១)

ឧបាទិន្នុបាទានិយោ ច អនុបាទិន្នុបាទានិយោ ច ធម្មា អនុបាទិន្នុបាទានិយស្ស ធម្មស្ស អាហារបច្ចយេន បច្ចយោ – ឧបាទិន្នុបាទានិយោ ច អនុបាទិន្នុបាទានិយោ ច កពឡីការោ អាហារោ អនុបាទិន្នុបាទានិយស្ស កាយស្ស អាហារបច្ចយេន បច្ចយោ. (២)

ឧបាទិន្នុបាទានិយោ ច អនុបាទិន្នុបាទានិយោ ច ធម្មា ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស អាហារបច្ចយេន បច្ចយោ – ឧបាទិន្នុបាទានិយោ ច អនុបាទិន្នុបាទានិយោ ច កពឡីការោ អាហារោ ឧបាទិន្នុបាទានិយស្ស ច អនុបាទិន្នុបាទានិយស្ស ច កាយស្ស អាហារបច្ចយេន បច្ចយោ. (៣)

ឥន្ទ្រិយបច្ចយោ

៧៥. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស ឥន្ទ្រិយបច្ចយេន បច្ចយោ – ឧបាទិន្នុបាទានិយា ឥន្ទ្រិយា សម្បយុត្តកានំ ខន្ធានំ ឥន្ទ្រិយបច្ចយេន បច្ចយោ; បដិសន្ធិក្ខណេ ឧបាទិន្នុបាទានិយា ឥន្ទ្រិយា សម្បយុត្តកានំ ខន្ធានំ កដត្តា ច រូបានំ ឥន្ទ្រិយបច្ចយេន បច្ចយោ. ចក្ខុន្ទ្រិយំ ចក្ខុវិញ្ញាណស្ស…បេ… កាយិន្ទ្រិយំ កាយវិញ្ញាណស្ស…បេ… រូបជីវិតិន្ទ្រិយំ កដត្តារូបានំ ឥន្ទ្រិយបច្ចយេន បច្ចយោ. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស ឥន្ទ្រិយបច្ចយេន បច្ចយោ – ឧបាទិន្នុបាទានិយា ឥន្ទ្រិយា ចិត្តសមុដ្ឋានានំ រូបានំ ឥន្ទ្រិយបច្ចយេន បច្ចយោ. (២)

ឧបាទិន្នុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស ឥន្ទ្រិយបច្ចយេន បច្ចយោ – ឧបាទិន្នុបាទានិយា ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ. (៣)

អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស ឥន្ទ្រិយបច្ចយេន បច្ចយោ – អនុបាទិន្នុបាទានិយា ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នអនុបាទានិយស្ស ធម្មស្ស ឥន្ទ្រិយបច្ចយេន បច្ចយោ – អនុបាទិន្នអនុបាទានិយា ឥន្ទ្រិយា សម្បយុត្តកានំ ខន្ធានំ ឥន្ទ្រិយបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ធម្មស្ស ឥន្ទ្រិយបច្ចយេន បច្ចយោ – អនុបាទិន្នអនុបាទានិយា ឥន្ទ្រិយា ចិត្តសមុដ្ឋានានំ រូបានំ ឥន្ទ្រិយបច្ចយេន បច្ចយោ. (២)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ច អនុបាទិន្នអនុបាទានិយស្ស ច ធម្មស្ស ឥន្ទ្រិយបច្ចយេន បច្ចយោ – អនុបាទិន្នអនុបាទានិយា ឥន្ទ្រិយា សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឥន្ទ្រិយបច្ចយេន បច្ចយោ. (៣)

ឈានបច្ចយោ

៧៦. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស ឈានបច្ចយេន បច្ចយោ – ឧបាទិន្នុបាទានិយានិ ឈានង្គានិ សម្បយុត្តកានំ ខន្ធានំ ឈានបច្ចយេន បច្ចយោ; បដិសន្ធិក្ខណេ ឧបាទិន្នុបាទានិយានិ ឈានង្គានិ សម្បយុត្តកានំ ខន្ធានំ កដត្តា ច រូបានំ ឈានបច្ចយេន បច្ចយោ. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស ឈានបច្ចយេន បច្ចយោ – ឧបាទិន្នុបាទានិយានិ ឈានង្គានិ ចិត្តសមុដ្ឋានានំ រូបានំ ឈានបច្ចយេន បច្ចយោ. (២)

ឧបាទិន្នុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស ឈានបច្ចយេន បច្ចយោ – ឧបាទិន្នុបាទានិយានិ ឈានង្គានិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឈានបច្ចយេន បច្ចយោ. (៣)

អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស ឈានបច្ចយេន បច្ចយោ – អនុបាទិន្នុបាទានិយានិ ឈានង្គានិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឈានបច្ចយេន បច្ចយោ. (១)

៧៧. អនុបាទិន្នអនុបាទានិយោ ធម្មោ អនុបាទិន្នអនុបាទានិយស្ស ធម្មស្ស ឈានបច្ចយេន បច្ចយោ – អនុបាទិន្នអនុបាទានិយានិ ឈានង្គានិ សម្បយុត្តកានំ ខន្ធានំ ឈានបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ធម្មស្ស ឈានបច្ចយេន បច្ចយោ – អនុបាទិន្នអនុបាទានិយានិ ឈានង្គានិ ចិត្តសមុដ្ឋានានំ រូបានំ ឈានបច្ចយេន បច្ចយោ. (២)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ច អនុបាទិន្នអនុបាទានិយស្ស ច ធម្មស្ស ឈានបច្ចយេន បច្ចយោ – អនុបាទិន្នអនុបាទានិយានិ ឈានង្គានិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ ឈានបច្ចយេន បច្ចយោ. (៣)

មគ្គបច្ចយោ

៧៨. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស មគ្គបច្ចយេន បច្ចយោ – ឧបាទិន្នុបាទានិយានិ មគ្គង្គានិ សម្បយុត្តកានំ ខន្ធានំ មគ្គបច្ចយេន បច្ចយោ. បដិសន្ធិក្ខណេ…បេ…. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស មគ្គបច្ចយេន បច្ចយោ – ឧបាទិន្នុបាទានិយានិ មគ្គង្គានិ ចិត្តសមុដ្ឋានានំ រូបានំ មគ្គបច្ចយេន បច្ចយោ. (២)

ឧបាទិន្នុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស មគ្គបច្ចយេន បច្ចយោ – ឧបាទិន្នុបាទានិយានិ មគ្គង្គានិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ មគ្គបច្ចយេន បច្ចយោ. (៣)

អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស មគ្គបច្ចយេន បច្ចយោ – អនុបាទិន្នុបាទានិយានិ មគ្គង្គានិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ មគ្គបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នអនុបាទានិយស្ស ធម្មស្ស មគ្គបច្ចយេន បច្ចយោ – អនុបាទិន្នអនុបាទានិយានិ មគ្គង្គានិ សម្បយុត្តកានំ ខន្ធានំ មគ្គបច្ចយេន បច្ចយោ. (១)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ធម្មស្ស មគ្គបច្ចយេន បច្ចយោ – អនុបាទិន្នអនុបាទានិយានិ មគ្គង្គានិ ចិត្តសមុដ្ឋានានំ រូបានំ មគ្គបច្ចយេន បច្ចយោ. (២)

អនុបាទិន្នអនុបាទានិយោ ធម្មោ អនុបាទិន្នុបាទានិយស្ស ច អនុបាទិន្នអនុបាទានិយស្ស ច ធម្មស្ស មគ្គបច្ចយេន បច្ចយោ – អនុបាទិន្នអនុបាទានិយានិ មគ្គង្គានិ សម្បយុត្តកានំ ខន្ធានំ ចិត្តសមុដ្ឋានានញ្ច រូបានំ មគ្គបច្ចយេន បច្ចយោ. (៣)

សម្បយុត្តបច្ចយោ

៧៩. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស សម្បយុត្តបច្ចយេន បច្ចយោ – ឧបាទិន្នុបាទានិយោ ឯកោ ខន្ធោ តិណ្ណន្នំ ខន្ធានំ សម្បយុត្តបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ…បេ… បដិសន្ធិក្ខណេ…បេ…. (១)

អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស សម្បយុត្តបច្ចយេន បច្ចយោ – អនុបាទិន្នុបាទានិយោ ឯកោ ខន្ធោ តិណ្ណន្នំ ខន្ធានំ សម្បយុត្តបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ…បេ…. (១)

អនុបាទិន្នអនុបាទានិយោ ធម្មោ អនុបាទិន្នអនុបាទានិយស្ស ធម្មស្ស សម្បយុត្តបច្ចយេន បច្ចយោ – អនុបាទិន្នអនុបាទានិយោ ឯកោ ខន្ធោ តិណ្ណន្នំ ខន្ធានំ សម្បយុត្តបច្ចយេន បច្ចយោ…បេ… ទ្វេ ខន្ធា ទ្វិន្នំ ខន្ធានំ…បេ…. (១)

វិប្បយុត្តបច្ចយោ

៨០. ឧបាទិន្នុបាទានិយោ ធម្មោ ឧបាទិន្នុបាទានិយស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតា – បដិសន្ធិក្ខណេ ឧបាទិន្នុបាទានិយា ខន្ធា កដត្តារូបានំ វិប្បយុត្តបច្ចយេន បច្ចយោ. ខន្ធា វត្ថុស្ស វិប្បយុត្តបច្ចយេន បច្ចយោ. វត្ថុ ខន្ធានំ វិប្បយុត្តបច្ចយេន បច្ចយោ. បុរេជាតំ – ចក្ខាយតនំ ចក្ខុវិញ្ញាណស្ស វិប្បយុត្តបច្ចយេន បច្ចយោ…បេ… កាយាយតនំ កាយវិញ្ញាណស្ស វិប្បយុត្តបច្ចយេន បច្ចយោ. វត្ថុ ឧបាទិន្នុបាទានិយានំ ខន្ធានំ វិប្បយុត្តបច្ចយេន បច្ចយោ. បច្ឆាជាតា – ឧបាទិន្នុបាទានិយា ខន្ធា បុរេជាតស្ស ឥមស្ស ឧបាទិន្នុបាទានិយស្ស កាយស្ស វិប្បយុត្តបច្ចយេន បច្ចយោ. (១)

ឧបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស វិប្បយុត្តបច្ចយេន បច្ចយោ – សហជាតំ, បុរេជាតំ, បច្ឆាជាតំ. សហជាតា – ឧបាទិន្នុបាទានិយា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បុរេជាតំ – វត្ថុ អនុបាទិន្នុបាទានិយានំ ខន្ធានំ វិប្បយុត្តបច្ចយេន បច្ចយោ. បច្ឆាជាតា – ឧបាទិន្នុបាទានិយា ខន្ធា បុរេជាតស្ស ឥមស្ស អនុបាទិន្នុបាទានិយស្ស កាយស្ស វិប្បយុត្តបច្ចយេន បច្ចយោ. (២)

ឧបាទិន្នុបាទានិយោ ធម្មោ អនុបាទិន្នអនុបាទានិយស្ស ធម្មស្ស វិប្បយុត្តបច្ចយេន បច្ចយោ. បុរេជាតំ – វត្ថុ អនុបាទិន្នអនុបាទានិយានំ ខន្ធានំ វិប្បយុត្តបច្ចយេន បច្ចយោ. (៣)

ឧបាទិន្នុបាទានិយោ ធម្មោ ឧបាទិន្នុបាទានិយស្ស ច អនុបាទិន្នុបាទានិយស្ស ច ធម្មស្ស វិប្បយុត្តបច្ចយេន បច្ចយោ. បច្ឆាជាតា – ឧបាទិន្នុបាទានិយា ខន្ធា បុរេជាតស្ស ឥមស្ស ឧបាទិន្នុបាទានិយស្ស ច អនុបាទិន្នុបាទានិយស្ស ច កាយស្ស វិប្បយុត្តបច្ចយេន បច្ចយោ. (៤)

៨១. អនុបាទិន្នុបាទានិយោ ធម្មោ អនុបាទិន្នុបាទានិយស្ស ធម្មស្ស វិប្បយុត្តបច្ចយេន បច្ចយោ – សហជាតំ, បច្ឆាជាតំ. សហជាតា – អនុបាទិន្នុបាទានិយា ខន្ធា ចិត្តសមុដ្ឋានានំ រូបានំ វិប្បយុត្តបច្ចយេន បច្ចយោ. បច្ឆាជាតា – អនុបាទិន្នុបាទានិយា ខន្ធា បុរេជាតស្ស ឥមស្ស អនុបាទិន្នុបាទានិយស្ស កាយស្ស វិប្បយុត្តបច្ចយេន បច្ចយោ. (១)