១. វិភង្គវារោ

នហេតុបច្ចយោ

៣៦. ឧបាទិន្នុបាទានិយំ ធម្មំ បច្ចយា ឧបាទិន្នុបាទានិយោ ធម្មោ ឧប្បជ្ជតិ នហេតុបច្ចយា – អហេតុកំ ឧបាទិន្នុបាទានិយំ ឯកំ ខន្ធំ បច្ចយា…បេ… អហេតុកបដិសន្ធិក្ខណេ…បេ… អសញ្ញសត្តានំ ឯកំ មហាភូតំ…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ; វត្ថុំ បច្ចយា អហេតុកា ឧបាទិន្នុបាទានិយា ខន្ធា. (១)

ឧបាទិន្នុបាទានិយំ ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ នហេតុបច្ចយា – អហេតុកេ ឧបាទិន្នុបាទានិយេ ខន្ធេ បច្ចយា ចិត្តសមុដ្ឋានំ រូបំ; វត្ថុំ បច្ចយា អហេតុកា អនុបាទិន្នុបាទានិយា ខន្ធា; វត្ថុំ បច្ចយា វិចិកិច្ឆាសហគតោ ឧទ្ធច្ចសហគតោ មោហោ. (២)

ឧបាទិន្នុបាទានិយំ ធម្មំ បច្ចយា ឧបាទិន្នុបាទានិយោ ច អនុបាទិន្នុបាទានិយោ ច ធម្មា ឧប្បជ្ជន្តិ នហេតុបច្ចយា – អហេតុកំ ឧបាទិន្នុបាទានិយំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ…. (៣)

អនុបាទិន្នុបាទានិយំ ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ នហេតុបច្ចយា – អហេតុកំ អនុបាទិន្នុបាទានិយំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ពាហិរំ… អាហារសមុដ្ឋានំ… ឧតុសមុដ្ឋានំ ឯកំ មហាភូតំ…បេ… រូបំ; វិចិកិច្ឆាសហគតេ ឧទ្ធច្ចសហគតេ ខន្ធេ បច្ចយា វិចិកិច្ឆាសហគតោ ឧទ្ធច្ចសហគតោ មោហោ. (១)

ឧបាទិន្នុបាទានិយញ្ច អនុបាទិន្នុបាទានិយញ្ច ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ នហេតុបច្ចយា – អហេតុកេ ឧបាទិន្នុបាទានិយេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; អហេតុកំ អនុបាទិន្នុបាទានិយំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា; វិចិកិច្ឆាសហគតេ ឧទ្ធច្ចសហគតេ ខន្ធេ ច វត្ថុញ្ច បច្ចយា វិចិកិច្ឆាសហគតោ ឧទ្ធច្ចសហគតោ មោហោ. (១)

នអារម្មណបច្ចយោ

៣៧. ឧបាទិន្នុបាទានិយំ ធម្មំ បច្ចយា ឧបាទិន្នុបាទានិយោ ធម្មោ ឧប្បជ្ជតិ នអារម្មណបច្ចយា (សំខិត្តំ).

នអធិបតិបច្ចយោ

៣៨. ឧបាទិន្នុបាទានិយំ ធម្មំ បច្ចយា ឧបាទិន្នុបាទានិយោ ធម្មោ ឧប្បជ្ជតិ នអធិបតិបច្ចយា – ឧបាទិន្នុបាទានិយំ ឯកំ ខន្ធំ បច្ចយា…បេ…. (១)

ឧបាទិន្នុបាទានិយំ ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ នអធិបតិបច្ចយា – ឧបាទិន្នុបាទានិយេ ខន្ធេ បច្ចយា ចិត្តសមុដ្ឋានំ រូបំ; វត្ថុំ បច្ចយា អនុបាទិន្នុបាទានិយា ខន្ធា. (២)

ឧបាទិន្នុបាទានិយំ ធម្មំ បច្ចយា អនុបាទិន្នអនុបាទានិយោ ធម្មោ ឧប្បជ្ជតិ នអធិបតិបច្ចយា – វត្ថុំ បច្ចយា អនុបាទិន្នអនុបាទានិយា អធិបតិ. (៣)

ឧបាទិន្នុបាទានិយំ ធម្មំ បច្ចយា ឧបាទិន្នុបាទានិយោ ច អនុបាទិន្នុបាទានិយោ ច ធម្មា ឧប្បជ្ជន្តិ នអធិបតិបច្ចយា – ឧបាទិន្នុបាទានិយំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ…. (៤)

អនុបាទិន្នុបាទានិយំ ធម្មំ បច្ចយា. (ឯកា បញ្ហា.)

អនុបាទិន្នអនុបាទានិយំ ធម្មំ បច្ចយា អនុបាទិន្នអនុបាទានិយោ ធម្មោ ឧប្បជ្ជតិ នអធិបតិបច្ចយា – អនុបាទិន្នអនុបាទានិយេ ខន្ធេ បច្ចយា អនុបាទិន្នអនុបាទានិយា អធិបតិ. (១)

ឧបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បច្ចយា អនុបាទិន្នអនុបាទានិយោ ធម្មោ ឧប្បជ្ជតិ ន អធិបតិបច្ចយា – អនុបាទិន្នអនុបាទានិយេ ខន្ធេ ច វត្ថុញ្ច បច្ចយា អនុបាទិន្នអនុបាទានិយា អធិបតិ. (១)

ឧបាទិន្នុបាទានិយញ្ច អនុបាទិន្នុបាទានិយញ្ច ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ នអធិបតិបច្ចយា – ឧបាទិន្នុបាទានិយេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; អនុបាទិន្នុបាទានិយំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

នអនន្តរបច្ចយាទិ

៣៩. ឧបាទិន្នុបាទានិយំ ធម្មំ បច្ចយា ឧបាទិន្នុបាទានិយោ ធម្មោ ឧប្បជ្ជតិ នអនន្តរបច្ចយា… នសមនន្តរបច្ចយា… នអញ្ញមញ្ញបច្ចយា… នឧបនិស្សយបច្ចយា… នបុរេជាតបច្ចយា… នបច្ឆាជាតបច្ចយា… នអាសេវនបច្ចយា…បេ….

នកម្មបច្ចយោ

៤០. ឧបាទិន្នុបាទានិយំ ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ នកម្មបច្ចយា – វត្ថុំ បច្ចយា អនុបាទិន្នុបាទានិយា ចេតនា. (១)

ឧបាទិន្នុបាទានិយំ ធម្មំ បច្ចយា អនុបាទិន្នអនុបាទានិយោ ធម្មោ ឧប្បជ្ជតិ នកម្មបច្ចយា – វត្ថុំ បច្ចយា កុសលា អនុបាទិន្នអនុបាទានិយា ចេតនា. (២)

អនុបាទិន្នុបាទានិយំ ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ នកម្មបច្ចយា – អនុបាទិន្នុបាទានិយេ ខន្ធេ បច្ចយា អនុបាទិន្នុបាទានិយា ចេតនា. ពាហិរំ… អាហារសមុដ្ឋានំ… ឧតុសមុដ្ឋានំ ឯកំ មហាភូតំ បច្ចយា…បេ…. (១)

អនុបាទិន្នអនុបាទានិយំ ធម្មំ បច្ចយា អនុបាទិន្នអនុបាទានិយោ ធម្មោ ឧប្បជ្ជតិ នកម្មបច្ចយា – កុសលេ អនុបាទិន្នអនុបាទានិយេ ខន្ធេ បច្ចយា អនុបាទិន្នអនុបាទានិយា ចេតនា. (១)

ឧបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បច្ចយា អនុបាទិន្នអនុបាទានិយោ ធម្មោ ឧប្បជ្ជតិ នកម្មបច្ចយា – កុសលេ អនុបាទិន្នអនុបាទានិយេ ខន្ធេ ច វត្ថុញ្ច បច្ចយា អនុបាទិន្នអនុបាទានិយា កុសលា ចេតនា. (១)

ឧបាទិន្នុបាទានិយញ្ច អនុបាទិន្នុបាទានិយញ្ច ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ នកម្មបច្ចយា – អនុបាទិន្នុបាទានិយេ ខន្ធេ ច វត្ថុញ្ច បច្ចយា អនុបាទិន្នុបាទានិយា ចេតនា. (១)

នវិបាកបច្ចយោ

៤១. ឧបាទិន្នុបាទានិយំ ធម្មំ បច្ចយា ឧបាទិន្នុបាទានិយោ ធម្មោ ឧប្បជ្ជតិ នវិបាកបច្ចយា – អសញ្ញសត្តានំ ឯកំ មហាភូតំ បច្ចយា…បេ… (១).

ឧបាទិន្នុបាទានិយំ ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ នវិបាកបច្ចយា; វត្ថុំ បច្ចយា អនុបាទិន្នុបាទានិយា ខន្ធា. (២)

ឧបាទិន្នុបាទានិយំ ធម្មំ បច្ចយា អនុបាទិន្នអនុបាទានិយោ ធម្មោ ឧប្បជ្ជតិ នវិបាកបច្ចយា – វត្ថុំ បច្ចយា កុសលា អនុបាទិន្នអនុបាទានិយា ខន្ធា. (៣)

អនុបាទិន្នុបាទានិយំ ធម្មំ បច្ចយា… ឯកា.

អនុបាទិន្នអនុបាទានិយំ ធម្មំ បច្ចយា… តីណិ.

ឧបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បច្ចយា អនុបាទិន្នអនុបាទានិយោ ធម្មោ ឧប្បជ្ជតិ នវិបាកបច្ចយា. (សំខិត្តំ.)

អនុបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ នវិបាកបច្ចយា. (សំខិត្តំ.)

ឧបាទិន្នុបាទានិយញ្ច អនុបាទិន្នុបាទានិយញ្ច ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ នវិបាកបច្ចយា – អនុបាទិន្នុបាទានិយំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា.

នអាហារបច្ចយាទិ

៤២. ឧបាទិន្នុបាទានិយំ ធម្មំ បច្ចយា ឧបាទិន្នុបាទានិយោ ធម្មោ ឧប្បជ្ជតិ នអាហារបច្ចយា… នឥន្ទ្រិយបច្ចយា… នឈានបច្ចយា… នមគ្គបច្ចយា… នសម្បយុត្តបច្ចយា… នវិប្បយុត្តបច្ចយា… នោនត្ថិបច្ចយា… នោវិគតបច្ចយា (សំខិត្តំ).