១. វិភង្គវារោ

ហេតុបច្ចយោ

៣០. ឧបាទិន្នុបាទានិយំ ធម្មំ បច្ចយា ឧបាទិន្នុបាទានិយោ ធម្មោ ឧប្បជ្ជតិ ហេតុបច្ចយា – ឧបាទិន្នុបាទានិយំ ឯកំ ខន្ធំ បច្ចយា តយោ ខន្ធា…បេ… បដិសន្ធិក្ខណេ…បេ… ខន្ធេ បច្ចយា វត្ថុ, វត្ថុំ បច្ចយា ខន្ធា; ឯកំ មហាភូតំ បច្ចយា តយោ មហាភូតា…បេ… មហាភូតេ បច្ចយា កដត្តារូបំ ឧបាទារូបំ; វត្ថុំ បច្ចយា ឧបាទិន្នុបាទានិយា ខន្ធា. (១)

ឧបាទិន្នុបាទានិយំ ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា – ឧបាទិន្នុបាទានិយេ ខន្ធេ បច្ចយា ចិត្តសមុដ្ឋានំ រូបំ; វត្ថុំ បច្ចយា អនុបាទិន្នុបាទានិយា ខន្ធា. (២)

ឧបាទិន្នុបាទានិយំ ធម្មំ បច្ចយា អនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា អនុបាទិន្នអនុបាទានិយា ខន្ធា. (៣)

ឧបាទិន្នុបាទានិយំ ធម្មំ បច្ចយា ឧបាទិន្នុបាទានិយោ ច អនុបាទិន្នុបាទានិយោ ច ធម្មា ឧប្បជ្ជន្តិ ហេតុបច្ចយា – ឧបាទិន្នុបាទានិយំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ…. (៤)

៣១. អនុបាទិន្នុបាទានិយំ ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា… ឯកា.

អនុបាទិន្នអនុបាទានិយំ ធម្មំ បច្ចយា អនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា… តីណិ.

ឧបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បច្ចយា អនុបាទិន្នអនុបាទានិយោ ធម្មោ ឧប្បជ្ជតិ ហេតុបច្ចយា – អនុបាទិន្នអនុបាទានិយំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

អនុបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា – អនុបាទិន្នអនុបាទានិយេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (១)

ឧបាទិន្នុបាទានិយញ្ច អនុបាទិន្នុបាទានិយញ្ច ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ ហេតុបច្ចយា – ឧបាទិន្នុបាទានិយេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ; អនុបាទិន្នុបាទានិយំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

អារម្មណបច្ចយោ

៣២. ឧបាទិន្នុបាទានិយំ ធម្មំ បច្ចយា ឧបាទិន្នុបាទានិយោ ធម្មោ ឧប្បជ្ជតិ អារម្មណបច្ចយា – ឧបាទិន្នុបាទានិយំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា; បដិសន្ធិក្ខណេ ឧបាទិន្នុបាទានិយំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា; វត្ថុំ បច្ចយា ខន្ធា; ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ; វត្ថុំ បច្ចយា ឧបាទិន្នុបាទានិយា ខន្ធា. (១)

ឧបាទិន្នុបាទានិយំ ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា អនុបាទិន្នុបាទានិយា ខន្ធា. (២)

ឧបាទិន្នុបាទានិយំ ធម្មំ បច្ចយា អនុបាទិន្នអនុបាទានិយោ ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា អនុបាទិន្នអនុបាទានិយា ខន្ធា. (៣)

អនុបាទិន្នុបាទានិយំ ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ អារម្មណបច្ចយា – អនុបាទិន្នុបាទានិយំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា. (១)

អនុបាទិន្នអនុបាទានិយំ ធម្មំ បច្ចយា អនុបាទិន្នអនុបាទានិយោ ធម្មោ ឧប្បជ្ជតិ អារម្មណបច្ចយា – អនុបាទិន្នអនុបាទានិយំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា. (១)

ឧបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បច្ចយា អនុបាទិន្នអនុបាទានិយោ ធម្មោ ឧប្បជ្ជតិ អារម្មណបច្ចយា – អនុបាទិន្នអនុបាទានិយំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

ឧបាទិន្នុបាទានិយញ្ច អនុបាទិន្នុបាទានិយញ្ច ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ អារម្មណបច្ចយា – អនុបាទិន្នុបាទានិយំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

អធិបតិបច្ចយោ

៣៣. ឧបាទិន្នុបាទានិយំ ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ អធិបតិបច្ចយា – វត្ថុំ បច្ចយា អនុបាទិន្នុបាទានិយា ខន្ធា. (១)

ឧបាទិន្នុបាទានិយំ ធម្មំ បច្ចយា អនុបាទិន្នអនុបាទានិយោ ធម្មោ ឧប្បជ្ជតិ អធិបតិបច្ចយា – វត្ថុំ បច្ចយា អនុបាទិន្នអនុបាទានិយា ខន្ធា. (២)

អនុបាទិន្នុបាទានិយំ ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ អធិបតិបច្ចយា… ឯកា.

អនុបាទិន្នអនុបាទានិយំ ធម្មំ បច្ចយា… តិស្សោ.

ឧបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បច្ចយា…បេ… អធិបតិបច្ចយា…បេ…. (១)

អនុបាទិន្នុបាទានិយញ្ច អនុបាទិន្នអនុបាទានិយញ្ច ធម្មំ បច្ចយា…បេ… អធិបតិបច្ចយា. (១)

ឧបាទិន្នុបាទានិយញ្ច អនុបាទិន្នុបាទានិយញ្ច ធម្មំ បច្ចយា អនុបាទិន្នុបាទានិយោ ធម្មោ ឧប្បជ្ជតិ អធិបតិបច្ចយា – អនុបាទិន្នុបាទានិយំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

អនន្តរបច្ចយោ

៣៤. ឧបាទិន្នុបាទានិយំ ធម្មំ បច្ចយា ឧបាទិន្នុបាទានិយោ ធម្មោ ឧប្បជ្ជតិ អនន្តរបច្ចយា.

(ចតុវីសតិបច្ចយា វិត្ថារេតព្ពា, អវិគតបច្ចយា.)