(២) បច្ចនីយុទ្ធារោ

៥២៧. កុសលោ ធម្មោ កុសលស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ.

កុសលោ ធម្មោ អកុសលស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ.

កុសលោ ធម្មោ អព្យាកតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ.

កុសលោ ធម្មោ កុសលស្ស ច អព្យាកតស្ស ច ធម្មស្ស សហជាតបច្ចយេន បច្ចយោ. (៤)

៥២៨. អកុសលោ ធម្មោ អកុសលស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ.

អកុសលោ ធម្មោ កុសលស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ.

អកុសលោ ធម្មោ អព្យាកតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បច្ឆាជាតបច្ចយេន បច្ចយោ… កម្មបច្ចយេន បច្ចយោ.

អកុសលោ ធម្មោ អកុសលស្ស ច អព្យាកតស្ស ច ធម្មស្ស សហជាតបច្ចយេន បច្ចយោ. (៤)

៥២៩. អព្យាកតោ ធម្មោ អព្យាកតស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ… បច្ឆាជាតបច្ចយេន បច្ចយោ… អាហារបច្ចយេន បច្ចយោ… ឥន្ទ្រិយបច្ចយេន បច្ចយោ.

អព្យាកតោ ធម្មោ កុសលស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ.

អព្យាកតោ ធម្មោ អកុសលស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ… បុរេជាតបច្ចយេន បច្ចយោ. (៣)

៥៣០. កុសលោ ច អព្យាកតោ ច ធម្មា កុសលស្ស ធម្មស្ស សហជាតំ, បុរេជាតំ.

កុសលោ ច អព្យាកតោ ច ធម្មា អព្យាកតស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ. (២)

៥៣១. អកុសលោ ច អព្យាកតោ ច ធម្មា អកុសលស្ស ធម្មស្ស សហជាតំ, បុរេជាតំ.

អកុសលោ ច អព្យាកតោ ច ធម្មា អព្យាកតស្ស ធម្មស្ស សហជាតំ, បច្ឆាជាតំ, អាហារំ, ឥន្ទ្រិយំ. (២)

បញ្ហាវារស្ស បច្ចនីយុទ្ធារោ.