១. វិភង្គវារោ

ហេតុបច្ចយោ

៣៩២. កុសលំ ធម្មំ សម្បយុត្តោ កុសលោ ធម្មោ ឧប្បជ្ជតិ ហេតុបច្ចយា – កុសលំ ឯកំ ខន្ធំ សម្បយុត្តា តយោ ខន្ធា, តយោ ខន្ធេ សម្បយុត្តោ ឯកោ ខន្ធោ, ទ្វេ ខន្ធេ សម្បយុត្តា ទ្វេ ខន្ធា. (១)

៣៩៣. អកុសលំ ធម្មំ សម្បយុត្តោ អកុសលោ ធម្មោ ឧប្បជ្ជតិ ហេតុបច្ចយា – អកុសលំ ឯកំ ខន្ធំ សម្បយុត្តា តយោ ខន្ធា, តយោ ខន្ធេ សម្បយុត្តោ ឯកោ ខន្ធោ, ទ្វេ ខន្ធេ សម្បយុត្តា ទ្វេ ខន្ធា. (១)

៣៩៤. អព្យាកតំ ធម្មំ សម្បយុត្តោ អព្យាកតោ ធម្មោ ឧប្បជ្ជតិ ហេតុបច្ចយា – វិបាកាព្យាកតំ កិរិយាព្យាកតំ ឯកំ ខន្ធំ សម្បយុត្តា តយោ ខន្ធា, តយោ ខន្ធេ សម្បយុត្តោ ឯកោ ខន្ធោ, ទ្វេ ខន្ធេ សម្បយុត្តា ទ្វេ ខន្ធា; បដិសន្ធិក្ខណេ វិបាកាព្យាកតំ ឯកំ ខន្ធំ សម្បយុត្តា តយោ ខន្ធា, តយោ ខន្ធេ សម្បយុត្តោ ឯកោ ខន្ធោ, ទ្វេ ខន្ធេ សម្បយុត្តា ទ្វេ ខន្ធា. (សំខិត្តំ.) (១)